影片
以上資料只供參考, 請與餐廳確認詳情
老表結婚，揀了在呢度擺，知道係新開的，但原來真係好新！正正在永安對面。上到來^裝修好靚，全白色，及好多水晶燈中間仲有個行catwalk的天橋，型呀當然對新人要行個catwalk 先算影埋相，終有飯開乳豬有水準，皮脆，不太多肥的，讚！珊瑚蚌炒得夠鑊氣，也好爽口, 不過略嫌細粒。同埋冇蝦醬，只有蠔油?或可以更好.蟹鉗好食！夠熱，唔油，足料，點d甜酸醬，很香口。釀節瓜，係成隻中蝦在內，比較少見，蝦爽，也算ok吧。翅多蝦及帶子，湯也好飲，翅非特別多，尚算可以吧。鮑魚係中等大小也不過不失, 不韌, 入味.蒸魚好食, 鮮甜, 剛離骨, 滑.炸雞正常, 唔油, 皮脆, 肉多汁, 很好了.不過, 又係冇鹽點...炒飯麵也很不錯, 炒飯好多蝦, 麵唔油, 我食晒成碗.服務好主動, 不停加飲品, 收碗筷, 阿姐也好友善.食物, 地方, 服務都OK, 如果要挑剔, 就話樓底唔夠高O羅哈哈, 百子千孫呀~~
繼續閱讀