彩福皇宴 (京瑞廣場1期)

營業中

休息中

飲下午茶~點心還可以，只是選擇不多(如有牛柏葉, 節瓜甫, 黃金糕更好). 芝麻卷及椒鹽白飯魚值得點贊👍🏻. 價錢中上，不算平. 問題都是人手不足,根本沒有太多服務~難怪食物比附近酒樓好,但生意比其他差~都是性價比原因.🤔

價錢貴但點心味道一般，只有個炸魷魚鬚好少少，其他真係一般唔值呢個價錢下午茶都30幾蚊個普通鳳爪。下午茶，我係2點半入坐，第2轉點心3點先叫，3:15分伙記就催埋單催人走，但我地點心都未到點埋單點走呀😩老婆去厕所，一入去又係催你快話要清潔，個亞姐索性將厕所大門鎖左唔准出入，要等全部厕格所有人出晒嚟，全部人一次過走，咩服務態度呀又係個清潔姐話要快，我地快去完厕所但要等唔准走，仲態度超惡即係我幫襯係錯，幫襯仲要去厕所就更錯嗎😡總括而言，應該可見將來都唔會再幫襯。

10點53分入座，但唔比QR CODE 你落單，11點後轉午巿立刻比Code，有心搶錢，問職員就話係電腦問題，怪不得看着彩福為什麼會越來越少人幫襯，原來是貪心的後果，各位飲早茶的朋友要小心喇，我以後不會再去了

話說同行有小朋友，所以比較早食飯，我哋5:45左右到達，場內亦都有幾台食客，成間酒樓竟然可以燈都未開曬，有幾個阿姐行行企企，要我哋行到去前面講幾多位，先帶我哋坐。小朋友需要BB凳，呀姐拎咗黎擺響一邊就行開咗其實唔想做可以唔好做，無謂要啲客人受氣。

作為香港嘅消費者，應該係去支持本地經濟， 搞好香港夜繽紛 。但好不幸，今次消費就有不愉快嘅經驗。 星期六飲早茶 ，我並不知道石門彩福皇宴喺繁忙時間係限時 進食，但都唔緊要，好好解釋就ok的。但係喺同佢哋部長 溝談過程中，感覺到佢哋態度非常之差。賴去解釋，淨係用一啲 ：你唔鍾意就唔好嚟幫襯嘅態度去回應。fine， 我對石門彩福皇宴 的服務無話可說，就由 消費者自己去評論好了。

一個月冇去，加哂價，大約增加一要50蚊一個點心，天價！overprice!手機點餐，冇服務可言，想幫2歲小朋友拎一張bb chair，職員就話，佢咁大唔洗bb chair，疊椅就可以。跟本唔想去拎，問左3個職員先拎比你，有2個都完全唔理你...咁既價咁既服務冇下次。blacklist!

今朝一早起身突然茶癮起，就去左石門彩福飲茶星期六朝早10點半到，等左5分鐘就有位，算不錯。我地叫左陳皮普洱飲呢個茶要加$5除左飲到普洱既濃同時亦有淡淡既陳皮香味飲落幾舒服野食方便鮮蝦腸粉：粉皮幼滑，蝦大隻鮮甜👍🏻蝦餃皇：鮮甜既，足料，而且外皮不厚不簿，剛剛好，幾好食👍🏻黑糖合桃馬拉糕：一籠3件，成個賣相真係麻麻，味道方便不過不失，合桃亦令馬拉糕多一種咬口。🆗😥蟹籽燒賣皇：隻蝦好大隻，蟹籽亦夠多，十分爽脆👍🏻鳳爪：份量較少同較細，上枱感覺好似已經被夾過咁，有啲失望。😥千島沙律蝦多士：係香口既，蝦肉比例亦算多，但係食落有少少油味同唔夠熱，唔知係佢擺耐左先拎出嚟定咩原因，有啲失望。😥鮮蟹肉炆稻庭烏冬：蟹肉份量尚算ok，而汁既份量還不錯，只係個汁稍為咸左少少。🆗整體來講都不錯既。

場地7成入座，落單後15分鐘，未有任何菜式奉上，向侍應查詢，侍應表示正常等候時間。20分鐘仍然未有任何食物，向眼鏡女部長查詢，其表示正常等候時間和場地大做唔切，未有跟進就行開，眼見其他枱一直都有上食物。直至25分鐘仍沒有食物，要求void單離開，該眼鏡女部長才如夢初醒叫咪通知經理跟進，即時叫眼鏡女部長不用跟進，我們不會再給機會並離去。過往和家人在此用餐亦未試過受到如此對待過，經過此次，不會再光顧。

之前舊同事DN約食晏,我哋約咗6-7-2023(Thur)食,佢揀呢喥. 我哋要咗:1. 唔知咩蝦乾炒飯DN話未食過,所以叫,嚟到,係用砂鍋上,蝦乾唔係大大隻嗰種,食落,飯粒分明好乾身,蝦味濃郁,唔算太鹹.味道:4分2. 蝦餃正常好味.味道:5分5. 雞包仔呢個好熱,薑嘅辣度重手咗,我食第二個時,更加係鹹到癲.味道:2.8分4. 蘿蔔糕Ok冇問題.味道:3分3. 芋頭糕都粉嘅,味道正常. 味道:3分   其他N開普洱茶,但開得太濃了.價錢N請,所以我唔知幾錢.上次食評係2022年12月20日刊登嘅呢篇:https://www.openrice.com/zh/hongkong/review/%E5%A5%BD%E5%91%B3%E5%86%AC%E8%87%B3%E5%8D%88%E9%A3%AF-e4654738

彩福皇宴（馬鞍山）是一家以其精緻的菜品和優質的食材。彩福皇宴的菜品種類豐富且口味獨特。無論是粵菜、川菜還是湘菜，這裡都能找到您喜愛的菜式。他們的招牌菜有脆皮叉燒和乳豬，這些菜品烹調精湛，口感鮮美，讓人回味無窮。此外，他們還提供了多種海鮮菜品，如鮑魚、龍蝦和魚翅，保證食材的新鮮和品質。無論是家庭聚餐還是商務宴會，這裡都能滿足您的需求。其次，餐廳的用餐環境舒適且雅緻。裝潢典雅，氛圍溫馨，讓人能夠享受到愉悅的用餐體驗。另外，餐廳注重食材的品質和衛生。他們選用新鮮的食材，確保每道菜品的口感和風味。同時，餐廳的廚師團隊對於衛生和食品安全非常重視，確保每道菜品的衛生標準達到最高水準。

6月10日揾食肥華，約咗一家大細到呢間酒楼，食端午節飯，但因臨近父親及端午，中西兩大節日嘅日子，此酒楼嘅小菜及特價孖寶餐，收費都提高咗，若計埋加一茶介，都咪話唔融，所以肥華寧願選擇食一個六人全包餐，再加一個小菜及细仔仔女友，心儀的甜品比較實際，今晚此席六人全包餐牌面，菜色不俗，有龍蝦，燒雞，蒸魚，鮑魚，鳳梨骨呢幾款做節，指定菜色外，另有兩款送酒食品，而味道方面，以套餐唻講已算有水準之作，整體都有B+評分，所以食呢個套餐係一個不錯嘅，選擇👍👍👍😁😁😁

鴨肉又鞋，皮又韌，無乜味，真係好差，完全係普通水平都冇。職員阿叔話把刀唔夠利，啲肉似撕落尼多過片出尼，好多肉片唔到出尼，留左喺鴨身度比佢送走咗，只見好多不規則的皮上碟。同埋佢戴返手套好啲，途手揸住隻鴨髀反轉隻鴨，唔係咁衛生。小炒皇鹹到飛天，食到喉嚨都嗱住嗱住，食完飲兩壺茶都唔掂。咕嚕肉外皮淋滋滋，兩三粒痴埋一團，份量又少，十分求其。茶芥$17/位 回頭？不了。見間酒樓好多職員咩都叫職員阿叔做，包括落單，片鴨，鋪枱，埋單，自己又唔做，就算揮手叫其他職員，其他職員都係叫返阿叔做，阿叔做到踢哂腳，其他人行行企企都唔知做乜。

早兩天到這間食肆吃午飯，每枱顧客均須要用二維碼落單，當時鄰座長者不懂如何掃描和落單，請侍應幫忙給紙本，侍應稱要額外收費，長者們唯有離座已去，整個過程令人十分不舒服和難過，請店家體諒和明白長者需要，不要為難他們。

茶介$16/位，加一，全程手機落單，冇service可言，仲要搵個人都冇，唔怪之得有客唔想坐房，仲要90分鐘離座，食物質素一般，老人家都唔想去，唔識字更加唔駛去，感覺中伏

📍石門京端廣場 彩福酒樓📍突然好想食片皮鴨，咁啱屋企附近有彩福酒樓，有埋片皮鴨，所以就嚟食。🎈片皮鴨 一食$268二食+$70 涼瓜炆鴨 / 炒鴨絲原隻鴨咁上，會喺你面前片啲肉出嚟，仲有好靚嘅擺盤。配料有麵皮、京蔥條、青瓜條、同埋海鮮醬。麵皮嘅份量好足夠，不過青瓜條就唔係太足夠，前面夾多幾條嘅話，後面就會唔夠用。如果要額外加，就要成$20一碟，有啲唔抵。不過鴨肉好好食，皮脆肉嫩，而且份量都好足夠。呢次冇叫二食，就咁一食，有啲漏。下次可以考慮二食。🎈另外就叫咗雜菌上湯煮豆苗$108，有啲菜落肚，去一去油膩感。