彩福皇宴 (京瑞廣場1期)

營業中

休息中

今日朋友約咗團年， 晚飯好難訂位 ，於是就決定來個團年點心餐。🎊🎊午餐一樣人多， 全場滿座 ，非常熱鬧， 三年冇見嘅朋友， 大家都興奮無比， 一見面就滔滔不絕咁講中招經歷 。😛😛當然 少不了叫到一枱都係點心 ，大家都肚餓， 所以乜都叫，蝦餃兩籠， 燒賣， 山竹牛肉， 腸粉 ，馬拉糕， 海鮮薄撐， 蒸排骨 ， 蘿蔔糕同芋頭糕， 呢度點心實惠， 炒粉麵夠大碟 ，於是又炒咗福建炒飯， 同埋肉絲炒麵 。呢度啲點心都唔錯， 蝦餃大大隻爽口鮮甜 ，蒸排骨有芋頭墊底， 肥瘦均勻， 海鮮薄撐煎得外脆內軟， 山竹牛肉大大嚿， 點喼汁好好味 ，馬拉糕就差啲 ，因為好似發得唔夠 ，死實實的 。幸好大家心情靚， 一枱嘅食物 ，全部掃曬， 仲要坐到兩點幾 ，先至依依不捨散去。 希望疫情過咗 ，有多啲聚餐嘅機會 ，食嘢事少 ，相聚事大 ，珍惜 每一次相聚嘅機會。👍🤗

女老闆約所有同事喺16-12-2022 (Fri)食冬至午飯,秘書訂咗呢喥,因為有房訂,我哋去到等齊人就開始上菜.1. 燒腩仔暖暖地,皮脆,唔太鹹,唔錯.味道:5分2. 蜜汁叉燒同樣暖暖地,甜度啱啱好,肉質又鬆軟,好味.味道:5分3. 日式芥末雲耳爽口,wasabi份量啱啱好,唔會太哽.味道:5分4. 蝦餃大大隻,啱啱蒸起好熱,正常冇問題.味道:5分5. 麻辣牛肚?喺唔情嘅情況下食咗,好彩唔係好辣,牛肚爽口.味道:4分6. 春卷好飽滿,外脆,內裡嘅餡都唔少.味道:5分7. 潮州粉粿個皮都都幾黐,餡料充足,亦有沙葛,味道正常.味道:3分8. 燒賣都係啱啱蒸起,大大粒, 口感同味道都正常.味道:4分9. 桂花蚌西蘭花爽口唔太鹹,而原來有牛柳粒,都唔錯嘅.味道:4分10. 蒸海斑大條厚身,但上面嘅魚肚熟唔透卻嚡.味道:3分11. 番茄湯浸白菜味道亦唔太鹹,正常冇問題.味道:3分12. 炸雞做冬一定要有,皮脆肉嫩,亦唔太鹹,好味.味道:5分13. 楊州炒飯叉燒粒同樣咁甜,炒飯唔太油膩但乾身,幾好食嘅.味道:4分14. 炆米粉?同樣唔太鹹,口感都正常冇問題.味道:3分15. 薑汁紅棗糕唔太辣亦唔

就算平日都係多人排隊我哋有訂枱都要等次次公司要需要3-4 圍枱必點《蝦多士》都真係好好食，多士上有沙律醬但係得5 件，我哋多數都要2 碟「蝦餅釀茄子🍆」都係得5 件到，幾滋味👍都成$3x 「蝦餃」蝦餃比較大隻的有原隻蝦🥰

媽媽突然好想食片皮鴨，於是吹雞家人，一行7人去石門的彩福皇宴食晚飯。 當然點了媽媽至愛的片皮鴨， 跟住叫了一個六人套餐。片皮鴨 皮脆肉滑的片皮鴨裹在熱辣辣的餅皮內， 再加上香甜的醬汁， 爽脆的青瓜， 很好味呢!帶子小炒王皇味道不過不失。蜜梅柚子京燒骨肉質鬆化，酸酸甜甜的京燒骨， 味道不錯。清蒸龍躉斑頭腩龍躉斑頭腩鮮甜嫩滑，好味。薑蔥焗肉蟹蟹肉又多又新鮮， 不過畧嫌粉漿太多。馬拉盞芥蘭炒鮮魷比較差的一道菜， 芥蘭老有渣，鲜魷硬又韌。

因為太肚餓，一坐低就嗌咗少少小食，不過呢個海蜇青瓜賣相OK但係麻麻哋，醬汁撈得唔好食，海蜇口感亦都一般般。佢嘅口感係爽，但係好油，有少少似我哋買返嚟$10一包嗰啲即食海蜇 $65可以不嗌同樣係$65嘅牛旁路金錢肚獅鷲出色好多，麻辣嘅味道調得唔錯，牛蒡亦都非常新鮮好味同日式餐廳食到嘅差唔多！不過唔會好似佢哋咁加甜俾個侍應sell左最後一半隻嘅$250燒鵝一開始上枱都幾靚，但係其實都已經唔係太立體！冇影到入面啲肉，不過就肥膏好多！大家都覺得呢隻鵝，係偏肥嘅！因為成層油喺皮下面， 我諗呢個只係彩數問題，因為佢個味道係好味嘅不過如果知道係呢個質素就唔叫，試吓其他超級抵食嘅帶子海鮮集材煲！入面有蝦肉，象拔蚌，帶子，同埋麵粉做嘅蟹柳！非常豐富有誠意！我記得好似只係$118！下面嘅集材亦都非常新鮮，個煲亦唔會油或者好鹹好甜早知想家多啲菜嘅時候揀佢啦！因為最後加多碟金銀蛋莧菜非常細碟有啲失望同埋好鹹！有機會係廚師趕住收工我哋成餐飯嘅主角同埋嚟食嘅目的出場！每年彩福都會有$98一斤嘅龍蝦節！計返一隻就係$120左右，如果加粉絲就加$20 ，伊麵就30～所以呢碟嘢就係$260 ！超級抵食你睇吓呢個波士頓龍

8月係揾食肥華及肥華大仔仔生日嘅月份，8月4日靚媽話請我哋呢兩位8月壽星飲茶慶祝平時唔會出主意去邊間食肆用餐的大仔仔，竟然推薦到此間酒楼飲茶，難得有佢出聲一於聽晒佢話，一家三口就在此店嘆茶，大大果然好介紹此酒楼在早茶時段供應的點心食品都係質素甚佳之作，而其吸引我大仔仔要到此店光顧在11：OO才有供應的懷舊食品炸蝦多士，更是驕人之作，完全值得因為等呢款食品而所花去的時間，整體而言肥華和大仔仔對呢餐壽星茶都非常滿意，在此多謝靚媽對我哋兩位8月壽星的心意👍😘👍😘👍😘

曾經到這兒喝下午茶，覺得點心不錯，這晚第一次來吃晚飯。點了超值澳洲龍蝦宴（四人）上湯焗澳洲龍蝦（配伊麵）首先上桌的就是這套餐的主角。先說份量，在不少酒樓吃龍蝦，總覺得份量比標示的重量少，這晚的龍蝦，感覺上和菜單標示的一斤四相去不遠。再說質素，這龍蝦味道鮮甜，肉質算是爽口彈牙，好吃。至於伊麵，也味道好，份量足。鴻運燒味拼盤包括了燒腩、油雞、叉燒、鴨胸和海蜇。燒腩皮脆，味道好，可是脂肪的比例太高。油雞味道也好，可惜肉少骨多。叉燒是半肥瘦的，好吃。鴨胸一向不是我的最愛，就只吃了一片，一般水準。海蜇爽口，味道不錯，辣一點更佳。宮保珊瑚翠海螺片除了珊瑚蚌和螺片，還有很多西芹和玉豆，味道不錯，珊瑚蚌爽口，螺片彈牙，玉豆翠綠，可惜西芹不夠清翠。清蒸生猛龍躉斑這龍躉斑份量足四人享用，蒸得鮮嫩，味道好。瑤柱鮮茄浸菜苗有點瑤柱，味道好，浸菜的湯頭不太鹹，我還喝了兩口呢！香滑黑糖紅棗糕紅棗味香，不太甜，有彈性，好吃。總體來說，這套餐中以龍蝦和龍躉最好吃，甜品也出色，算是不錯。

日日返工沒時間去嘆一盅兩件，但一放假就想瞓到自然醒，然後去飲茶。上星期同屋企人去咗碩門彩福酒樓飲茶，一坐低即刻叫咗生滾鯛魚粥同蝦餃，鯛魚粥唔腥好鮮甜，蝦餃皮薄蝦多👍🏻除了點心外，十一點後廚房會有很多小吃，例如滷水鵝掌翼、蜆介鯪魚球、蝦多士同豉椒炒蜆等。滷水鵝掌翼好入味。蜆介鯪魚球夠彈牙，味道ok不過不失。蝦多士細細粒幾精緻，一口一件，味道不錯。今次還叫了碟豉椒炒蜆，蜆幾大隻，有驚喜，炒得好香口，真的好吃，可惜分量太少，洋蔥青椒好多。整體來講食物都幾滿意，不過客人多，侍應分身不下，個個都忙到冇乜表情，說話冷淡。幸好我們一家不太在意零service，無水自己去加都無所謂，所以應該下次都會再同家人一齊來吃。

父親節諗住同屋企人去飲餐茶😎1點左右入到去等位等左20分鐘就有位坐。酒樓樓頂好高, 但人好多所以感覺好嘈🥴, 當日佢俾大枱我地, 但因為係中間, 所以果日完全傾唔到計😵‍💫。 野食方面, 煎點好快就上咗, 但唔夠熱😿, 可能當日係節日所以廚房都整定😿。蒸點之後就跟住上, 蒸點好味, 有水準👍👍 炒麵份量夠5個人食, 一人一碗都得, 賣相就一般👌之後試咗一隻甜品, 出奇地好食🤩甜品唔會好甜, 仲夠凍🥶總括嚟講，呢間酒樓算係石門最好食😹👍

等位walkin唔好去呀永遠等唔到㗎,打個電話去四張枱五張枱入哂先,等位walkin半個鐘頭冇喐過一個number,同門口帶位嗰個講睬你都傻下次一定唔會去下次一定下次一定唔會去

石門有幾間酒樓, 試過哂其他酒樓, 始終都喺覺得福彩啲點心喺最好食, 而且定必會食佢嘅得獎點心, 今次叫左👇🥢原隻鮑魚燒賣皇($35/3件)👍鮑魚大概2.5cm左右, 彈牙有趙頭; 燒賣大大粒有肉味夠juicy🥢龍皇野菌腸($30/6件)腸粉皮包住什菌龍躉春卷, 雜菌香龍躉有鮮味, 可惜個春卷皮比較淋身唔脆口, 亦完全冇熱辣辣嘅感覺🥢迷你蝦頭油海皇炒鴛鴦米($70)👍海皇有珊瑚蚌, 蝦及帶子, 三款海鮮都新鮮好食, 米粉及粉絲混合炒, 炒得非常爽口, 非常惹味但唔油膩, 仲有好香嘅乾蒜味午市茶錢$14酒樓環境非常闊落開揚, 枱與枱之間距離唔算太密, 坐得舒服; 仲有送茶機械人為您服務, 非常得意, 不過侍應非常之少。魚堅總評性價比 4👍以5👍為滿分

朋友生日就揀間酒樓好好慶祝下 普遍去過好多間酒樓食 都無咩特別 但呢間真係印象難忘野食好食 服務又好 烤雞香烤得好惹味 份量都好多岩晒一班人一齊share 好食既烤雞呢家真係好多間都買小見小了 另外呢個椒鹽魷魚豆腐粒 估唔到咁好食 外層香脆 咸咸香香咁 Size剛好 一口一舊 食唔停口 呢兩款最印象深刻其他既小菜 海蜇叉燒 炸蝦 同埋 西蘭花炒魚塊都唔差整體食物水平都中上 店員都好有禮貌 因為友人生日 佢都會幫手拎蛋糕出黎 仲幫我地影左好多張相 成個生日飯都食得好滿足好開心🥳

午飯時間過來屋企人一早已經搵好晒位置VIP房一但係入到去，周圍搵職員都忙到講唔到俾我聽1號房喺邊度員工人數少，承受唔住咁多客人完全零招呼之餘，成間酒樓周圍搵都搵唔到見到客人多，一坐低即刻叫餸但起碼等咗20分鐘先有第一碟炒米粉炒米粉係凍嘅而且份量都細等第二碟等多10分鐘感覺自己好似食緊法國餐三色拼盤份量細而且滿滿倒汗水燒腩仔個皮濕粒粒我諗係因為放咗好耐唔夠人手傳菜我嘅忠告係如果去呢間茶樓唔係大把時間嘅話千祈唔好去食物不錯，但到我手已涼🥲🥲🥲性價比唔算高，價錢貴

記得第一次嚟石門彩福飲茶超鍾意❤️因為地方闊落乾淨樓底又高環境又光猛食得好舒服😌而且點心都係超美味連老爸都話飲茶首選所以順路我又帶倆老再嚟光顧今次仍然保持到食物水準，食完素鵝併火腩仔，尾聲耆英再追加全份例牌火腩仔外賣做晚餐，可想而知幾like它其他點心都超班水準除咗旋風流沙包今次就真係失手咗啲啦一咬落去巳經開水喉咁漏哂d汁出嚟有啲浪費囉！

叫了一圍晚飯，埋單時發現加多了150元。追問後個話因為個龍蝦尹麵隻龍蝦冇晒，所以要加150蚊轉第二隻龍蝦。我哋問點解你唔先前講，佢就話有講，但明明我哋成枱8個人都冇一個聽到佢有人講過。見到傾唔掂要求經理來。經理邊行來邊話，”寫咗响度，到佢哋唔認(串到爆)”。係咪即埋單時，係寫加多幾多錢，無論一百二百定一千都好，食客都要硬食硬俾？試問佢唔講，我點知佢原來賣晒尹麵嘅龍蝦，而又點知原來佢轉咗其牠龍蝦俾我？一百幾十，唔係唔想俾，而係點解唔到我check單時自己發現之後問都唔會主動話我知要收多我150蚊？總之，記得去依間嘢食飯，埋單一定要check單，因為埋單有可能加多你一百或幾百蚊，話寫咗响張卡度，到你唔認？除咗black店，我唔知仲可以點來稱呼依間嘢。