彩福皇宴 (京瑞廣場1期)

營業中

休息中

記得第一次嚟石門彩福飲茶超鍾意❤️因為地方闊落乾淨樓底又高環境又光猛食得好舒服😌而且點心都係超美味連老爸都話飲茶首選所以順路我又帶倆老再嚟光顧今次仍然保持到食物水準，食完素鵝併火腩仔，尾聲耆英再追加全份例牌火腩仔外賣做晚餐，可想而知幾like它其他點心都超班水準除咗旋風流沙包今次就真係失手咗啲啦一咬落去巳經開水喉咁漏哂d汁出嚟有啲浪費囉！

叫了一圍晚飯，埋單時發現加多了150元。追問後個話因為個龍蝦尹麵隻龍蝦冇晒，所以要加150蚊轉第二隻龍蝦。我哋問點解你唔先前講，佢就話有講，但明明我哋成枱8個人都冇一個聽到佢有人講過。見到傾唔掂要求經理來。經理邊行來邊話，”寫咗响度，到佢哋唔認(串到爆)”。係咪即埋單時，係寫加多幾多錢，無論一百二百定一千都好，食客都要硬食硬俾？試問佢唔講，我點知佢原來賣晒尹麵嘅龍蝦，而又點知原來佢轉咗其牠龍蝦俾我？一百幾十，唔係唔想俾，而係點解唔到我check單時自己發現之後問都唔會主動話我知要收多我150蚊？總之，記得去依間嘢食飯，埋單一定要check單，因為埋單有可能加多你一百或幾百蚊，話寫咗响張卡度，到你唔認？除咗black店，我唔知仲可以點來稱呼依間嘢。

今日係星期日，我同屋企人去咗石門嗰邊行吓街，到13:30個肚好肚餓，但石門站太多選擇了，我哋去咗京瑞廣場嘅3樓，去開彩福嗰度飲茶，彩福都係有信心嘅保證，13:30鐘未到下午茶所以唔需要等，因為我哋太肚餓，5等下午茶了，我哋入到去係坐VIP房，叫咗個攞獎旋風奶皇包，同埋攞獎嘅潮州粉果，仲有叫咗一個XO醬炒炒腸粉聽海蜇加黑木耳，呢個孖寶$98，仲有叫咗個紅棗糕，小籠包，青椒釀魚肉，最後我哋叫咗個桂花紅豆糕，先講講佢個攞獎旋風奶皇包，同出邊食嗰啲有啲唔同，佢咬落去爆汁同埋好香鹹蛋黃味仲有佢攞獎嘅潮州粉果同出邊有啲唔同色咬落去入邊有好多餡料，有沙角啦花生啦肉啦韭菜啦好好味不愧為係攞獎食品，下次再嚟都會再嗌

好耐都冇飲過早茶啦，今次同屋企人第一次嚟石門呢一間嘅彩福酒樓飲茶呢度環境舒適、空間都算大坐得幾舒服，光線都好充足。我哋叫咗啲點心質素都唔錯，味道正正常常，最印象深刻係旋風流沙包。佢個奶皇包係超級流心嘅，邊食邊流出來。係幾好架個喎不愧為得獎作品外型又特別值得一試！

與長者出外用膳， 選擇酒家最穩陣 ，因為 一盅兩件 、小炒、 中國茶均是他們既熟悉又不會抗拒的事物 ， 而且大多數新式酒樓 ， 裝修設計美輪美奐， 空間寬敞 ，就像這間酒家 ，更有大玻璃窗引入自然光 ， 樓底高 ，環境特別舒適自在，我自然樂於再次光顧。上次主要來食點心，今次轉轉口味，試試其他中式小食。潮州鹹菜胡椒豬肚$48超正 ! 夠辣， 胡椒味十足 ， 飲胡椒豬肚湯就是喜歡那份 刺激 辛辣味豬肚爽口 ，鹹酸菜提鮮， 咸鮮辛辣共冶一鍋 ，正 !龍王野菌腸 ＄30滑嘟嘟 的腸粉外皮， 包裹著 脆口 油炸鬼 ，油炸鬼內鑲滿 切條 野菌絲，味道清香，口感豐富。而油炸鬼那份 鬆脆口感， 酥香的氣味 確是這款點心的靈魂所在【 午市小食孖寶 ＄93 】鹵水鵝掌 雖然不是滷水專門店，但是味道、色水也不錯， 滷得入味爽嫩，全家也吃得津津有味 ，喜歡噒骨的朋友不要錯過。xo醬石磨炒腸粉  腸粉質感幼滑 ，有淡淡米香 ， 配 XO醬在熱石鍋內略炒 ，咸香 、惹味蝦多士 ＄47乾身，外層色澤金黃，多少已反映了鬆脆程度。蝦肉彈牙 ，鮮甜 ， 多士鬆脆不油膩， 配以微酸又富濃厚芝士味的沙律醬 ， 簡直令人欲罷不

石門酒樓特式，地方大….極大，座位寬敞，不過職員係小到幾乎見唔到😿炒米粉最差😞墨魚餅好好味，唔太燶😚料多雞滑魚肚冧燒賣熱辣辣平日早茶有孖寶，好抵食空間寬敞、座位舒適

黎過呢度飲茶3次，前兩次都唔使等位，點知呢個星期日1130到達時，超。級。多。人！酒樓有訂枱服務，但只接收前兩天嘅預訂，現場攞飛嘅都可以，接待人員聲稱會梅花間竹咁嗌入座。我哋等左45分鐘之後，開始有人枯燥，話接待員只嗌訂枱，兩位嘅飛一直無嗌過，仲同經理展開駡戰。。。剝花生嘅我哋4人足足等左1.5小時先入到坐一入座立即點4個椰皇先，好快買曬，果然不負眾望，蛋白好滑，夠熱，椰香足，唔太甜，燕窩唔理佢堅定流呀，份量都多。價錢都係$48，加埋一都平過出面啲甜品鋪丫。其餘要點名嘅點心／小食有1）差燒，味道好平均，有肉香，燒得夠燶邊2）蜆芥鯪魚球，大大粒，好好肉地，凍左都唔腥，但蜆芥就麻麻，唔夠酒香。3）櫻花薄餅值得一提係姐姐嘅服務同專業，有好笑容，無乜笑容嘅姐姐雖然忙，但忙完又總會真係記得你提過要咩調味料啦同埋會加水之類呀，有（合理）求必應，贊！奉勸大家唔好黎飲下午茶，因為佢收4點，坐得唔耐之餘，好多點心都會賣曬，特別係個椰皇，同埋真係會熄燈收茶具架！

彩福皇宴飲下午茶有特價點心同小菜一碟燒肉 加煎糕 小籠湯包加蝦餃 仲有牛柏葉休息假日下午茶 人多就預左排隊 約等位20分鐘燒肉例牌份量多 十幾件腩 燒肉個皮夠曬爆又脆口 肥瘦層層入口夠香夠肥小籠湯包咬穿好多肉湯汁,皮身幾薄蝦餃皮夠薄爽甜 鮮柏葉簡單上湯煮過加醬汁食味道食爽脆口感沙田石門安群街3號京瑞廣場一期3樓評分7/10消費$200

同同事lunch選了這間酒樓。裝飾不錯、空間大、乾淨而且舒服。上菜都上得快，服務也不錯。到食物，點心，選擇多，有些更是取QTSA的得獎點心，一吃便知道是新鮮製作，素質高，蝦餃、鳳眼餃，啲蝦大大粒和新鮮。叫埋銀芽肉絲煎雙黃麵，好味，食到好飽，繼續工作💪

餐牌寫鹵水拼盤， 心想鹵水拼盤會有少量豆腐，鵝片一兩片， 但上到枱原來係 散修修的 豬耳豬肚拼鴨腎， 賣相差，食品差。下次唔好叫。雞扎亦是，無魚肚， 芋頭及火腿，又細件，味道無層次，不會再試。

紅日午市，唔太需要等位，因為地理位置不及沙田/馬鞍山方便🙈提提大家2點半後入單的便算下午茶，然而只係平2蚊，所以唔洗太介懷😜Weekend 點心要額外收費🤐...叫咗個2人餐，168$，有個主菜、點心拼盤同小食拼盤。野菌炆伊麵：例牌size，可以裝到5-6碗，鑊氣充足，伊麵幾入味點心拼盤：每款2舊，蝦餃d蝦夠大隻，粉粿足料，雞包仔正常小食拼盤：叉燒、燒肉各4件，再加雲耳冷盤1小碟... 肉質都肥美，食落脆口👍茶錢$13一位，裝修光猛企理，不枉我再次encore！

今日既然早左起身就決定做吓孝順仔同媽咪去飲茶。因為唔想等咁耐所以就揀咗搭台，失望既係餐廳無間板。未食早餐情況之下，快快手落單先，雖然人多估唔到野食都好快到。叉燒腸D皮又滑又軟D义燒又多，仲要辣咀，值得加分😋。之後到黑糖馬拉糕就比較失望，雖然有合桃，而且分量都大，但係好似蒸耐左甘，又硬又鞋口。然後再到鳳爪，雖然好林，但係越食越咸，飲多幾啖茶先得。以前都唔係咁樣既, 不過可能人太多，所有稍有失準卦。好彩山竹牛肉唔錯，有好多馬蹄好爽口，襯埋喼汁，簡直絕配。而燒賣都好好味，蝦肉多又彈牙，唔多肥豬肉，正！都算係數一數二好味既酒樓燒賣。不過如果趕時間走就記得早少少叫埋單，可能人多，都要等一段時間。小插曲，好多師奶埋完單都無戴口罩走，場面都幾好笑，唔知佢地去到邊先記得自己無戴口罩呢? 

對於片皮鴨，比較情有獨鍾。所以會周圍去唔同地方試估唔到石門呢間彩福嘅片皮鴨一流係皮又簿又軟 ，連隻片皮鴨都即刻幫你現場片。 雖然個地方係一間酒樓另外龍蝦都好味😋其他小菜就比較普通不過如果有片皮鴨我覺得已經夠晒啦

去到石門的彩褔，因為限聚令，所以中午非常小人飲茶，目測大約20枱，究竟無咩人係咪代表食物準備速度可以有所提升呢？答案係 NO🤣 我唯有當佢係即叫即整啦，不過落左單都有幾款食物已經無晒，可能係因為已經係下午茶時段同埋呢排食肆準備嘅食材預小唔預多有關😫😢以下係1 d聲稱得到旅發局點心獎的點心，有造型的點心，味道大約值7/10分，不過不失啦👌好彩炸的夠熱，凍盤的夠冷，流沙包真係會流沙（有飲開茶的都知道要做到以上3點實在不容易😅）。大家去到石門，想飲茶的時候，可以考慮去呢間金碧輝煌的彩褔皇宴啦😉

上星期,約咗女同事ES,男同事RL同FCP今日(1-6-2020 Mon)食晏,ES book咗呢喥,我哋去到,啲枱係擺疏咗.睇完menu,要咗$290.00嘅四人餐,亦另要兩個點心.3. 套餐中嘅香煎花姿餅一客3件,爽口彈牙,ok.味道:3分2. 套餐中嘅銀牙肉絲炒麵味道清淡,ok可接受.味道:3分1. 套餐中嘅金牌燒味拼盆燒腩仔皮脆又唔太鹹.味道:5分蜜汁叉燒夠味又唔乾,好食.味道:5分海蜇正常爽口冇問題.味道:4分來貨煙鴨胸冇想像中咁鹹.味道:3分白切雞肉嫩,都ok.味道:4分4. 套餐中嘅蟲草花素粉果一客3件,澄麵皮已經腍晒,冇口感;蟲草花份量唔多,而味道都係菇菌類嘅味道.味道:2.7分6. $48.00嘅石鍋XO醬煎腸粉好熱,有啲熱到腍晒,由於係辣,所以我只食兩件算.味道:3分7. 大點$27.00嘅竹笙高湯鮮竹卷一客3件唔大件,餡料多數係豬肉,ok啦.味道:3分5. 套餐中嘅蟹籽燒賣皇又係熱騰騰,但唔知係咪蒸耐咗,豬肉口感竟然腍晒.味道:2.7分價錢:原來叫陳皮普洱茶,要另加$5.00.其他:其實4人餐,有套餐裡面嘅點心係咪應該係4件?上次食評: https://www.o