彬記粥麵美食

營業中

休息中

去完西貢出返黎彩虹, 就諗住搵間就腳ge茶餐廳見到隔離枱個鼓油皇炒麵好香好正, 所以點左個黎食另外仲叫左個雞粥同蒸排骨飯鼓油皇炒麵($25):除左真係油左少少之外, 個麵炒得真係好香!!最緊要係夠晒鑊氣, D麵又炒得有少少煸, 岩晒我!!由於我地坐得比較近廚房, 完全可以欣賞炒麵成個過程我同男友都好鍾意個炒麵!! 下次一定會再叫北茹滑雞粥($26):諗住呢個價錢碗粥會大D, 點知又唔係碗粥同出面ge粥鋪一樣size, 料一樣多, 但就貴好多我無試味, 但男友話OK鳳爪蒸排骨飯($20):午市蒸飯$20跟埋個例湯, 個湯就麻麻地但個飯都蒸得唔錯, 係一粒粒ge飯排骨個味道唔錯, D肉都夠滑相比之外, 個鳳爪就唔太得鳳爪太淋, 又無咩味服務方面, 個老闆都幾好人同好體貼佢會自動拎D碗住俾我地share, 真係好識做!可惜ge係我地今次因為太肚餓而忘記影相

今晚叫了小菜兩款加撈麵一款,豬手撈麵- 附送的清湯夠清淡,豬手亦夠淋身,OK金銀蛋波菜- 波菜剛好口感,上湯亦不濃,合格薑蔥田雞煲- 田雞走油至剛剛熟,肉質嫩滑不過可能醃田雞的時間短,田雞肉味道淡白,反而蔥就很入味, 份量對兩個人來說也足夠飽了整晚人流暢旺, 亦有很多年青人來吃晚餐,証明這裡真的是大眾化消費,

來這裡是一位行山的腳友介紹的,某日回程經過彩虹站想找點吃的醫肚,如果不是朋友帶上來很少機會走上屋村平台找吃的, 吃過一次覺得味道不錯,今次是同太座來一起品嘗, 這裏的粥底不錯杰度剛好,所以一般都會叫一個粥, 鼓油皇炒麵雖然比粥檔的貴但用料算是足, 鼓油味道也調得很適當沒有過咸或過甜,芽菜也爽口,最好吃的還要算是即炸鯪魚球了,這裡的鯪魚球內加了髮菜和一些豆類的粒粒, 髮菜其實是沒有味道的只是增加外觀,豆類的粒粒亦增加了口感,這裡的鯪魚球膠本身就很彈牙,炸起來每個都漲卜卜的,賣相很吸引,一碟8個,賣28個大洋,魚蛋河同奶茶就一般啦,印象不深刻這裡還有很多小菜/碟頭飯供應,如有機會會再來試試其他菜式,至於待應師奶的懶散態度不願致評,因為價錢都是算係平易,要服務的話我會去大集團的食店,只要抱着平常心進來,享受食物帶來的喜悅遠比抱怨離去賺多很多,

我們在星期日晚20:00入去，唔算得話好多食客，但係D職員都咁慢手慢腳，我講既係樓面d阿姐，我們想要公筷、加水都好慢lor，如果正值繁忙時間，真是不敢想像........但說話分開o黎講，d食物水準真係好高lor。而且廚房好快手，以致上菜好快。

黃昏5:50pm 進入彬記, 一坐下3分鐘之後立即舉手叫侍應落單, 舉... 手... 舉足10分鐘都無人理, 很明顯看得出四五個女侍應都見到我們舉手叫寫單, 因我們都見到她們的"眼尾"望一望, 隔離枱班哥哥都看不過眼幫手叫終於有一位"有帶個心"返工的女侍應理下我地, 寫單一刻是6:10pm, 先落一個咖喱牛腩飯, 如六時前叫, 便可以只加$5有一杯凍飲, 但現在侍應說過了六時要另外單叫凍飲 有無搞錯? 我叫落單時是六時前的... ... 係你地唔理啲客!! 最後, 當我表明我係六時前已叫寫單, 這位女侍應都給我只加$5有一杯凍飲來平息事件, 咁就算啦! 都真係唔明, 其他侍應係咪唔想做?不過, 值得一讚是彬記的食物質素, 極之好味!咖喱牛腩飯, 濃郁的咖喱汁配上軟腍的牛腩, 爽口的青椒, 曾煎過的薯仔, 很香口呢!最吸引是豉椒炒蜆, 好入味 而且很新鮮, 比起之前在長洲食的更fresh, 隻隻蜆縠都有肉, 肉質厚厚, 沒有離縠!正!大豆芽菜豆腐卜, 大豆芽菜爽口, 大大碟 $28, 不錯!最後叫了椰汁紫米露作為今晚的甜品, 這個甜品$10, 夠凍好味, 非常足料, 包括有紅豆蓉,

近排較空閒, 有時間出外食下午飯, 今天吃了紫菜魚札米, $18 + $5, 魚札有西芹, 一般, 其他同事叫了叉鴨飯, 滑蛋叉燒飯....樣唔錯, 味道都係一般! 下次叫番蒸鯇魚!

中午有個空檔就跟同事出黎食飯! 五人叫了五!一. 梅菜蒸鯇魚腩, $26, 梅菜鹹少少, 魚腩位較滑, 其他地方少"鞋", 舊魚都幾大件!二. 薑蔥牛肉煲, $4x, 好油, 無食!三. 金銀蛋菠菜, $32, 一般!四. 叉雞例牌, $55, 叉燒唔夠腍, 雞連骴位都唔夠滑!五. 蒜蓉炒西蘭花, $3x, 夠鑊氣, 但我都係怕油, 灼菜岩我多!連五個例湯, 白飯, 服務殷勤!

終於捱到星期五...聽日放假..今日下午跟同事出街食飯! 八人叫了六個餸, 梅菜蒸魚腩, 梅菜鹹咗少少...不過, 魚腩好滑! 叉燒併白切雞, 叉燒合格, 但雞好"鞋", 魚湯浸菜心, 夠腍, 唔錯! 蔥爆牛肉, 無食牛肉, 不過蔥白唔錯, 魚香茄子, 好油, 好熱, 好香! 椒鹽鮮魷...夠新鮮, 有湯同加咗五個白飯! 亞姐有禮貌, 好好口! 作為一星期既完結餐...唔錯, 可以休息充電再黎過!

朋友做替工, 同佢出黎食飯, 今日叫紫菜水餃米, $23, 水餃大大隻, 蝦夠爽, 美中不足係佢唔知係咪唔夠水餃, 搭多粒牛丸...最後我都係食剩粒牛丸!

今日陪上司食飯...為方便就係附近啦...! 呢間既前身專賣燒味出名, 換咗手後就乾淨咗同多咗小菜!我今日只叫了菜肉雲吞米, $16, 灼菜心, $11! 菜肉雲吞有五隻, 都幾大粒, 以附近既食肆比較已經可以話好好食! 菜心夠腍, 不過蠔油太多! 如果可以就腳啲, 我會日日黎食lunch! 因為連蒸魚飯($25), 煲仔小菜...選擇好多!

近排有鋪食下午茶既習慣，唔多唔少都要食番D野先安樂，認真大鑊！是日要到彩虹工作，完事後時間尚早，於是單拖走去坪石村嘆個下午茶。還記得幾年前既坪石，沒有一間似樣的茶記，全是看見也不想入的，所以那時坪石的大快活生意好得不得了。事隔幾年，本有機會踏足坪石，發現已有一間裝修似樣的茶餐廳，下午茶時段還有不少人，於是毫不猶豫走進去。睇勻全部餐牌，竟然搵唔到D特餐常餐之類既麵餐，有點失望。後來，選擇了炸醬拉麵配凍檸茶。炸醬辣味不足，好在肉都夠淋，不會大硬柴柴的。炸醬配拉麵其實都係第一次試，想不到也配合得可以，下次又可多一個選擇。最後一杯凍檸茶，略甜，但就絕對配合我的口味。廿零蚊個下午茶餐，坐得也算舒舒服服，難怪對面的大快活少了很多客人。

佢d早餐ok抵死不過最衰就係糖水差，夜晚去食個時見8蚊一碗紅豆沙就試下一試就一w一""差so中立

朋友話佢重新裝修過, 唔怪得之咁光鮮整齊啦。茶餐廳格局, 晚市都幾full喎, 有人叫碟頭飯也有有人小菜；今晚我地叫左小菜, 3"食送"1粥, 估唔到咁大碟:鹵水拼盤- 好大碟好入味又好足料(唔似出面用豆腐放底): 有鵝腸, 豬腸, 紅腸, 油魚, 豬耳, 燒肉等, 最好味係鵝腸&豬腸好爽口咕嚕蝦球- 用大隻係中蝦, 酸酸甜甜好惹味茄子魚腩- 用煲上, 熱騰騰煮得好淋但唔夠入味無乜汁蠔仔粥- 普通, 由於係潮州粥, 好烋, 有d冬菜& 燒肉皮都幾特別由於得3-4個伙記, 如果多人既話, 你想叫佢地都幾難

講真呢個地王位置, 呢個價錢算唔平, 但收得咁多錢, 佢d 料都好足下, 尤其d 雲吞夠晒大粒, 水準之高在呢區實屬罕見.另外鯊魚骨湯底自選兩餸粉麵, 仲有芽菜同咸酸菜做佐料, 無論係泰式或桂林, 賣相豐富, 都係足料之作, 每次都忍唔住飲埋佢d湯, 另外可辣可不辣, 而辣度評級為第3級. 好辣者至愛.惟可惜少少係有時叫人幾困難下, 伙計姐姐會卦住傾計, 投入到即使寫單都可以寫錯.

環境：一般屋村既茶餐\廳，不過係坪石村黎講已經算新淨。食物：呢度最好食既就係佢\既小菜、水餃同米王粥。我最愛咕嚕蝦球，$50，唔好以為佢\比其他貴，其實佢\俾你既料基本上出面可以收$100！d 蝦大大隻，仲要起埋雙飛，新鮮炸起，再加上一個好味既甜酸汁，對於我呢d 愛蝦之人黎講，呢碟真係食極都唔厭！另外佢\既海鮮豆腐煲都唔錯，$40，其他地方都只會俾埋哂d 蟹柳呀、尤魚呀平價野，但係呢度真係俾大大隻蝦、魚、青口等既野！蜜糖豆炒駝鳥肉，$35，駝鳥肉好嫩口，個味好香，同埋有好多駝鳥肉！水餃都好正，入面大大隻蝦，$17/碗水餃麵，有4隻水餃。好爽，好香口。至於米王白粥，我一向都唔會係街食粥，因為通常都係味精多多，越食越口喝。但係呢度既米王就好唔同，唔多覺有味精，仲要食到佢\有用白果去煲！$5就食到大大碗總括黎講，只要唔介意佢\既環境比較平民化，絕對係推介！