很得輝 (金滿閣)

營業中

休息中

大隻仔今次覓食嘅店舖就係💥 很德輝（屯門金滿閣）💥 大隻仔之前經過屯門，專登去食屯門好出名嘅生炸雞髀🍗「很德輝」，「很德輝」遠離市中心，大隻仔好少入屯門，唔太熟路，所以都要搵咗一陣間先搵到店舖，去到「很德輝」見到門面拉低1/4鐵閘，以為店舖未開，後尾問老闆幾時開舖，老闆先解釋原來鐵閘壞咗。😂😂「很德輝」岩岩裝修完，大家快啲試吓裝修後既新舖，味道有冇分別。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 皇牌生炸雞髀 $33「很德輝」皇牌生炸雞髀即叫即炸，落單之後需要等15分鐘以上，炸雞髀岩岩炸起，熱辣辣，大隻仔打開紙袋已經有一陣香味飄出嚟，炸雞髀係用吉列方法去炸，外皮比一般炸雞脾更加香脆，雞髀肉質仍然十分juicy，食落外皮香脆，肉質嫩滑。門口放滿不同種類嘅味粉，可以按個人喜好，落不同嘅味道，六種味道粉由不辣到死神級辣。不辣 - 椒鹽海苔微辣 - 椒鹽麻辣一星辣 - 純辣三星辣 - 香草辣四星辣 - 魔羯辣五星辣 - 死神辣🔥 沙薑雞髀 $33肉質嫩

都應該有一兩年前喺東張西望有介紹過屯門嘅生炸雞髀，今日突然心血來潮特登走去試，如果就咁睇餐廳個名同埋個餐牌有少少似肯德基嘅二次創作，當然除咗雞髀同埋蘑菇飯之外亦都有好多港式小食，今次就冇試到咁多舖頭細細喺小巷附近，見到入邊有三位員工，雞髀都係現場即叫即炸喺收銀位置隔離擺咗唔同嘅味粉，客人可以按自己喜好選擇, 不過唔食得辣嘅朋友可以問吓店員，例如香草同魔羯其實都係辣嘅：因為雞髀先至係重點，就咁嗌咗一隻$33嘅生炸雞髀，一般嚟講要等10分鐘，見到有其他客人喺門口就即刻開始食，聞到都覺得香，而我就選擇返屋企先慢慢嘆，就咁睇個賣相已經非常吸引由買到食大概1小時左右，隻雞髀依然係暖嘅，而且外邊依然係好香脆，最重要就係唔會食到成口油，但係食得出雞肉非常之多汁Juicy，其實就咁食已經好正，另外酌量試咗紫菜粉，牛油蜜糖，香草（小辣），個人覺得原味最好

入咗屯門搵吓朋友吹水，傾到夜夜地，肚餓要搵野食，朋友介紹有間世一雞髀店，我就真係想試吓有幾世一。於是大家就揸車入去搵嘢食啦叫咗好多嘢直接講結論王牌炸雞髀，辣雞翼尖，益力多沙冰，真心世一呢隻炸髀外皮用咗應該係麵包糠，所以做到外脆內軟，最緊要係佢中間爆汁超Juice，我估佢應該又落咗玫瑰露酒有少少酒香味，好正香港地我諗搵唔到幾多間可以做到咁嘅樣，佢一定係top three之內辣雞翼尖，自從黃大仙小販檔冇咗已經唔知度邊度好食，但今次竟然發現到佢依個雞翼尖，正可以慢慢選又入味，真心個隱依個益力多沙冰太好飲開咗，都唔記得影相我諗師父應該隊左兩至三樽益力多落去，超濃味

🐻又消失左一陣子，要大家久等了 🥹 今次去到🐻既地頭屯門，其實都真係收埋唔少正野啊！尤其係一d小店更加要支持啦 💛 尼間小店最出名就一定係佢地既皇牌生炸雞髀🍗 就等🐻試下佢先 😜⁡🐻の試食‼️⁡✨ 皇牌生炸雞髀 $33⁡今次唔落調味粉，直接試佢原汁原味先 😋 買外賣番屋企食都仲keep到熱辣辣，仲大大隻！最欣賞佢既炸粉好細緻，咬落去脆到一個點，唔會覺得食緊炸粉，而係脆薄皮肉又juicy，$33一隻係值得啊😍‼️

難得真正入到屯門，絕對唔會錯過機會，點會唔試吓呢個早已非常馳名，極度高人氣嘅名物「生炸雞髀🍗」。去到見到先知原來除咗屯門之外，大角咀都有店，果然真係一試難忘😋.一隻生炸雞髀超大隻，的而且確係將外皮炸到非常之香脆，超級勁香口，絕對唔油膩、雞髀肉仍然嫩滑，簡直係人間極品，非常之滿足，賣到$33 一隻都物有所值，要嚟做下午茶抑或宵夜都係好一流，唔夠喉嘅話仲可以跟餐叫，保證食到停唔到口，招牌貨無得輸😋

大暑個日 發神經去左屯門很得輝度買名物-招牌生炸雞髀 因為實在太熱啦 等雞髀都要等20 分鐘 所以就冇叫其他野食 係隔離7仔涼到差唔多時間 就去拎我隻雞髀啦🫶🏻 一拎上手 真係有手掌咁大 睇落啲炸粉好似平時去日本餐廳食炸豬排個種 咁調味料有6種揀 我自己就貪心揀左椒鹽海苔 椒鹽麻辣 同埋 1星辣（其實想揀辣啲 但天氣實在太熱 再食咁辣 驚會食到噴火）唔知係唔係溝得太多粉既關係 淨係食完鹹味🤣雞髀即叫即炸 麵包糠幼 雞肉厚肉又有肉汁 外皮酥脆得嚟 又唔油膩 自己唔經唔覺都食曬一隻🫠 下次試埋沙薑雞髀 聽聞都好好食的很得輝開到好夜 如果宵夜食到隻大雞髀 都應該會幾滿足🥹

屯門炸髀皇.其實已經流傳咗好耐.今日見有時間.所以遠道前來.盼望已久屯門炸雞髀🍗.可惜天公不做美.入到屯門適逢滂沱大雨.未見炸鷄髀已經變咗落湯雞.由頭濕到落腳.有雨傘都無用.好不容易來到（很得輝）原來（很得輝）是一間沒有堂食小店.門前有個帳篷.因滂沱大雨.帳篷都不能檔雨.狼狽不堪.原本到來會試招牌炸雞髀🍗及沙薑雞髀🍗。最後好狼狽地落單買咗一隻招牌炸雞髀🍗.其他美食都無緣品嚐.等待期間.雨勢加大.要咗閃右避.炸雞髀🍗炸好.所有調味架及摺檯.已經被店家因下雨收藏好.所以炸雞髀🍗.沒有落調味粉.趕著囉走.爲有下次再度光臨！

<<皇牌生炸髀>> 同 <<沙薑髀>> 大大隻都只係 $33@因為即叫即炸，製作需時，請耐心等候⚠️不過啲沙薑味超濃烈，真係等到我好急躁😩果然冇令我失望! 沙薑髀絕對唔比炸髀遜色👏🏻入味!! 咸香味濃!! 而且充分鎖住肉汁!!兩個人share 絕對唔夠喉🤤唔怪得朋友話佢之前同朋友嚟食，係一人一隻啦!!!因為連炸髀呢啲咁熱氣嘅食物，我都好欣賞佢炸得外皮酥脆得嚟唔覺好油膩👍🏻雞肉keep 到嫩滑多汁，好juicy😀.佢仲有海苔椒鹽同1-5種辣度嘅辣粉俾你自由添加!我落咗好多3號粉! 辣得過癮! 咀唇都熱燙燙的🤭下次我都要一個人食一隻🤟🏻🤟🏻🤟🏻

.📍很得輝雞髀專門店📍#饅頭去屯門 #饅頭的港味道 #饅頭的掃街系列------------------------------1️⃣ 皇牌生炸雞髀 ($32)呢度嘅雞髀真係好好食🥺❤️，因為即叫即炸嘅關係，雞髀攞上手熱辣辣唔會有油膉味，而且炸衣係用咗麵包糠，所以炸完之後金黃色咁，似日式吉列皮，薄薄一層咬落去脆卜卜咁😍；雞肉厚肉鮮嫩又多汁，排雪水同醃肉都做得唔錯，冇雪藏腥味，蒜味同雞油香混合🙈，就咁食已經好正。而佢哋嘅調味粉係可以自己任加，令雞髀更加惹味🙆🏻‍♀️。小編就揀咗地獄級麻辣粉，自以為食到譚仔中辣嘅我可戰征天下，喪落佢哋嘅麻辣粉。 一啖過後，才驟覺自己年少無知、涉世未深，下一秒就跑咗去隔離嘅7仔買咗三支十字牌鮮奶。可惡嘅係佢哋嘅辣會愈食愈上癮🤧，嗰日晏晝我採取咗自虐模式，一邊同味蕾搏鬥，一邊又覺得咁食真係好爽。 原來變態竟是我自己... 🥴------------------------------🔸整體評分：9.0/10🔸小編回頭率：8.5/10

屯門都幾人氣嘅炸雞髀，曾經睇過有YouTuber介紹，今次難得去到屯門就去試試。但食完有少少失望，冇人地講到咁正。皇牌生炸雞髀炸雞髀等幾分鐘就有，拎上手熱辣辣。唔算好大隻肉薄身，吉列炸皮幾薄香脆，雞髀夠入味調味適中，肉質算嫩滑仲有少少肉汁。另外店家有提供幾款調味粉，可以自己再作調味。味道可以但冇驚喜，亦冇人地講得咁大隻，價錢稍貴以呢個價錢唔太抵食，環境普通服務一般，如果去開附近都可以一試，特登去就唔值得。

很得輝身邊嘅人成日推介呢間嘅炸雞髀聽咗咁耐最近終於有機會試到佢嘅炸雞髀啦炸雞髀嘅外皮炸到好香脆 而且炸粉又唔會好多咬落去啖啖肉汁好juicy 如果想再好食啲可以自己再加啲椒鹽炸雞髀有手掌咁大隻 本身以為兩個人share一隻就啱啱好點知一人一隻咁食先係最滋味~

🐈✨✨✨✨✨✨✨✨🍽 很 得 輝 炸 雞 髀 專 門 店📍 屯門仁愛堂街50號金滿閣地下C2號舖招牌生炸雞髀 $32 ❤️‍🔥佢係即叫即炸 因為粉漿夠薄同埋用幼身麵包糠 所以炸出嚟嘅雞髀皮夠薄脆 肉又嫩又多汁 🥹 呢啲炸雞髀做到有汁嫩口已經贏好多舖頭… 仲要大過一隻男仔手先$32 🫱🏻門口枱面有幾種調味粉 咩魔羯辣又死神辣😵‍💫唔敢試😵‍💫😵‍💫 我地落咗麻辣 海苔 香草辣 3個粉味道分明😋大角咀都有分店嚕佢屯門開到凌晨 覺得下午茶可以試下 之餘仲係屯門人宵夜邪惡美味之選😈😈😈

終於有機會到長假期入嚟試下啲屯門名物🤤招牌生炸雞髀 $32 ❤️‍🔥佢係即叫即炸 因為粉漿夠薄同埋用幼身麵包糠 所以炸出嚟嘅雞髀皮夠薄脆 肉又嫩又多汁 🥹 呢啲炸雞髀做到有汁嫩口已經贏好多舖頭… 仲要大過一隻男仔手先$32 🫱🏻門口枱面有幾種調味粉 咩魔羯辣又死神辣😵‍💫唔敢試😵‍💫😵‍💫 我地落咗麻辣 海苔 香草辣 3個粉味道分明😋大角咀都有分店嚕佢開到凌晨 覺得下午茶可以試下 仲係宵夜邪惡之選😈😈😈

🤤 很得輝 🐥皇牌生炸雞髀 $32自從自細食到大嗰間茶記執咗笠好耐冇食過咁好食嘅炸雞脾啦唔單止雞有雞味(๑˃̵ᴗ˂̵）仲要即叫即炸 一拎上手熱到食唔到新鮮滾熱辣真係好正咬開入邊嘅時候仲有啲煙飄出黎啲雞肉滑得黎仲要好Juicy而且真係超大隻 食極有咁樣很德輝仲有個自助調味區可以落唔同嘅粉調味不過我哋都係決定追求維持穩定同安心食雞冇挑戰到四星同五星嘅辣粉（唔好意思大家因為太熱同埋街邊食）（完全影唔到成隻雞髀嘅大細呀> ~ <）企喺街邊同我老細你一啖我一啖真係勁浪漫 超溫馨呀銀行存款等於零 窮鬼點談情就係喺街邊食隱世平靚正小食可能你會話$32食炸雞脾都唔係好平啫但自己買返屋企都整唔到咁好食嘅時候我就一定會諗起很得輝又真係炸得幾好食而且下次想試吓沙薑同滷水味(*´꒳`*)

呢間野就係我有日係YOUTUBE見到好多人介紹所以就去食生炸雞脾即叫即炸，外皮非常脆口而且唔會厚粉再者就係個外皮佢炸到包住左個雞脾入面的肉汁而且$32有咁大隻，真係一隻就夠晒皮~ 勁滿足!!!同埋~基本上，味粉都唔洗再加，因為本身個雞脾已經好夠晒味而且都唔需要有額外既ADD-ON味道!!!真係好正~某某品牌的炸脾都真係唔夠很得輝黎~真心係屯門名物太好食啦...之後我唔小心咁連續食左3日XD 因為去足3日XD