影片
港鐵大窩口站 B 出口, 步行約7分鐘
繼續閱讀
電話號碼
27880326
27880026
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
食家推介
小籠包咬下去時湯汁多到流出黎，😋皮薄而韌，能夠完美包裹住內餡和湯汁，吃起來既有嚼勁又不會過於厚重！！！醬油炸雞翼外酥內嫩，鹹香味濃，帶有甜味和蒜薑的香氣。每一口都充滿層次感，口感對比鮮明。必點炸雞翼，真係超好食！！！👍🏻👍🏻紅棗糕口感柔軟，甜而不膩，散發著濃郁的紅棗香氣，帶有淡淡的嚼勁。一黎到已經聞到好香濃的紅棗味，食得出非常足料，食完忍唔住外賣左一盒返屋企同家人分享！拎返去翻熱都仲係咁好味！！！🤤
繼續閱讀
買外賣最怕係咩？你叫A，返到屋企發現佢俾B你！今次係第一次幫襯已經賴嘢！外賣叫咗是日快餐中嘅豉椒雞球，知佢唔係即叫即炒，但都等咗好耐先有，當時夜晚未夠7點，本身堂食都冇咩人，外賣又得我一個，唔知點解要咁耐！結果搭車返咗屋企打開發現佢俾咗冬菇肉餅！打去同佢講，叫我下次再幫襯就送個油菜！仲要我再幫襯？佢就想！😤😡個肉餅難食到死，係午餐肉嘅質地，仲要霉霉地🤮🤮，啲點心外賣店賣廿零蚊個肉餅飯仲好食過佢！！😤😤俾錯order正常都叫個客下次去攞返啱，但佢居然要我再去買飯先送個油菜當補償，我一口拒絕咗，啲嘢咁難食，以後唔會再幫襯囉！
繼續閱讀
行過幾次，每次都見到好多人幫襯，好似好受歡迎，但每次望完餐牌，又唔知揀乜好，唔多提得起勁入去食，所以每次都冇入到去。這次思考很久，終於決定試一試（因為真係諗唔到食乜）。睇餐牌，主要都係蒸餸蒸飯，感覺好家常。我揀咗咸魚肉餅飯。個飯有跟湯，我估係菜乾豬骨湯，味道偏淡口，但有種屋企飲湯嘅感覺。而個飯份量唔算大，勉強夠飽。有兩條菜，咸魚細件，肉餅也有點薄。至於味道，唔可以話唔好食，不過調味比較清淡，似住家飯，應該適合追求健康人仕選擇。
繼續閱讀
今（6-7-2024 Sat）朝同老公送完回收物資後食個早餐，我記得呢個商場重有啲食肆我哋未嚟過，老公就記得呢間食點心嘅，咁就嚟呢間啦。嚟到時都唔係多人，亦剩返一張三人卡位，的哋就坐呢一張 ，坐低後睇menu ，見到佢點心唔係多，都有茶餐廳嘅港式早餐，我哋就要兩點心套餐。6. 香片茶未見過會用冷飲咁大個杯嚟裝 ，呢個茶味唔係好濃。3. 加$3.00嘅凍檸茶試吓先，呢隻唔係澀嗰隻，但又唔太甜，唔錯。5分等咗一段時間，嘢食至開始到嚟，1. $40.00餐中蘿蔔糕見到有煎過，食落唔脆但熱，有啲啲臘味，口感啱啱好，唔會太鬆散，但我食到有啲怪味。2.5分2. 餐中叉燒腸店員拎嚟時，見我哋張枱冇豉油就主動拎嚟。呢嚟嘅豉油係鹹豉油，講返叉燒腸，睇見份量唔多，叉燒瘦但唔係蜜汁叉燒，腸粉唔算太腍。3分之後等好耐好耐，店員拎住蒸好嘅牛肉球同魚肚棉花雞嚟，睇吓我哋張單有啲疑惑，我話只係棉花雞係我哋嘅，佢就放低。4. $50.00餐中魚肚棉花雞3件雞大大件，味道唔太鹹但唔多夠味，口感正常；魚肚同樣有3件，口感同樣正常。2.5分5. 餐中奶黃包呢個係店員走嚟同我講，廚房蒸錯牛肉球，依家蒸返俾我哋，咁又等咗好耐至到。睇到顏色幾黃吓，食落，我竟然食到蒜味冇奶黃香甜，好唔掂。0.5分環境：冷氣唔多夠。3.5分抵食：份量唔夠，老公直情即刻要去AEON買壽司食。
繼續閱讀
上個星期嘅一個下午，朋友拉我去咗間得利，話係佢嘅口袋名單。一入到去，睇個菜單真係五花八門，決定咗幾樣嘢黎試吓。頭先，我哋點咗一籠蝦餃，送上嚟嘅時候熱氣騰騰，啖啖肉嘅蝦餃，鮮甜得滯，皮薄餡足，真係讚呱呱！再嚟我哋試咗個牛肉飯，軟嫩嘅牛肉配上得嚟又香又滑嘅豉油調味，真係滲透到每塊肉纖維入面。🌟同桌嘅朋友試咗嘅咸魚肉餅飯，肉餅香口得嚟唔膩，同咸魚嘅鹹香調和得剛剛好，佢一路夾飯一路讚嘆，話呢個味絕對係回憶裡嘅家嘅味道。😋當然少唔得黎碗湯喉潤喉，原盅老火湯嘅選擇也好豐富，每一啖湯都飲到食材嘅精華，舒服暖胃。整體來講，得利嘅食物質素好正，令人食咗又想再食。我下次一定要再嚟，頂住個肚腩試埋其他嘢！🍽
繼續閱讀