得利尚點

營業中

休息中

今（6-7-2024 Sat）朝同老公送完回收物資後食個早餐，我記得呢個商場重有啲食肆我哋未嚟過，老公就記得呢間食點心嘅，咁就嚟呢間啦。嚟到時都唔係多人，亦剩返一張三人卡位，的哋就坐呢一張 ，坐低後睇menu ，見到佢點心唔係多，都有茶餐廳嘅港式早餐，我哋就要兩點心套餐。6. 香片茶未見過會用冷飲咁大個杯嚟裝 ，呢個茶味唔係好濃。3. 加$3.00嘅凍檸茶試吓先，呢隻唔係澀嗰隻，但又唔太甜，唔錯。5分等咗一段時間，嘢食至開始到嚟，1. $40.00餐中蘿蔔糕見到有煎過，食落唔脆但熱，有啲啲臘味，口感啱啱好，唔會太鬆散，但我食到有啲怪味。2.5分2. 餐中叉燒腸店員拎嚟時，見我哋張枱冇豉油就主動拎嚟。呢嚟嘅豉油係鹹豉油，講返叉燒腸，睇見份量唔多，叉燒瘦但唔係蜜汁叉燒，腸粉唔算太腍。3分之後等好耐好耐，店員拎住蒸好嘅牛肉球同魚肚棉花雞嚟，睇吓我哋張單有啲疑惑，我話只係棉花雞係我哋嘅，佢就放低。4. $50.00餐中魚肚棉花雞3件雞大大件，味道唔太鹹但唔多夠味，口感正常；魚肚同樣有3件，口感同樣正常。2.5分5. 餐中奶黃包呢個係店員走嚟同我講，廚房蒸錯牛肉球，依家蒸返俾我哋，咁又等咗好耐至

行過幾次，每次都見到好多人幫襯，好似好受歡迎，但每次望完餐牌，又唔知揀乜好，唔多提得起勁入去食，所以每次都冇入到去。這次思考很久，終於決定試一試（因為真係諗唔到食乜）。睇餐牌，主要都係蒸餸蒸飯，感覺好家常。我揀咗咸魚肉餅飯。個飯有跟湯，我估係菜乾豬骨湯，味道偏淡口，但有種屋企飲湯嘅感覺。而個飯份量唔算大，勉強夠飽。有兩條菜，咸魚細件，肉餅也有點薄。至於味道，唔可以話唔好食，不過調味比較清淡，似住家飯，應該適合追求健康人仕選擇。

上個星期嘅一個下午，朋友拉我去咗間得利，話係佢嘅口袋名單。一入到去，睇個菜單真係五花八門，決定咗幾樣嘢黎試吓。頭先，我哋點咗一籠蝦餃，送上嚟嘅時候熱氣騰騰，啖啖肉嘅蝦餃，鮮甜得滯，皮薄餡足，真係讚呱呱！再嚟我哋試咗個牛肉飯，軟嫩嘅牛肉配上得嚟又香又滑嘅豉油調味，真係滲透到每塊肉纖維入面。🌟同桌嘅朋友試咗嘅咸魚肉餅飯，肉餅香口得嚟唔膩，同咸魚嘅鹹香調和得剛剛好，佢一路夾飯一路讚嘆，話呢個味絕對係回憶裡嘅家嘅味道。😋當然少唔得黎碗湯喉潤喉，原盅老火湯嘅選擇也好豐富，每一啖湯都飲到食材嘅精華，舒服暖胃。整體來講，得利嘅食物質素好正，令人食咗又想再食。我下次一定要再嚟，頂住個肚腩試埋其他嘢！🍽

2人餐可以揀兩款小菜, 我地諗住揀佐一款豉汁釀豆腐, 一款薑蔥皖魚煲, 兩碗老火例湯, 兩碗飯, 睇餐牌以為包埋飲品, 點知職員話有湯就冇飲品老火湯都幾大碗, 味道亦都唔錯時菜都正正常常可以接受薑蔥皖魚煲, 正啊, 上菜時都滾緊, 都好够味, 幾好食, 不過食魚要小心啲, 真係好多骨, 食到好辛苦.豉汁釀豆腐都有啲魚應該係鯪魚包係豆腐度, 味道都唔錯, 比較清淡.見到日頭有得食點心, 雖然款唔多, 不過都想下次黎試下

去荃灣行街，行到有點攰就搵間餐廳仔抖一抖食個下午茶～好 local 的一間點心茶餐廳😌約20張枱，半滿，見坐底都係街坊，悠閑嘆茶～下午茶款式普通不過多選擇，嗌咗份鮮牛肉公仔麵配午餐肉煎蛋+熱檸水，價錢包熱飲OK、食物質素不過不失～簡單又一餐 😋

平時好少行嚟荃灣呢頭，除咗過嚟食芋圓，就係要上樓上：換智能身份證﹗原來地下都有好多餐廳噃，影完證又未食飯，就近近地喺度覓食好了﹗小菜餐唔貴都係五十幾起，蒸魚都係82蚊咋不過見到有椒鹽豬扒喎﹗﹗即叫真係即叫即炸聽到廚房聲，不過等待是值得架﹗一上檯香氣撲鼻真係不得了﹗咬落鬆脆勁香口，醃得非常入口唔會炸得太柴仲有少少肉汁仲要好大碟勁多件，面頭d脆脆炸蒜食到停唔到白飯好新鮮白淨唔似擺成日，軟硬適中好味道呀真係﹗呢餐埋單先75蚊，抵﹗

啲粥好似水咁，冇味道。啲嘢飲又甜仲要話因為過咗時間加我嘢飲錢唔會再嘗試劣！！服務態度又差冇人係應該的 因為係可以選擇更好我就是給他的門面吸引大家可以在旁邊選擇，如果想吃的話

昨晚經過荃薈中心，晚飯時間，咁岩見到得利有多款菜式選擇就入去試下啦。真係好多野食，有蒸魚套餐，有粥，有點心，有燉湯…細細間店都咁多選擇，唔錯唔錯。大部分都係家常便飯的套餐，如果唔想煮飯真係好方便既選擇。我試左原盅老火燉湯，非常之好飲，湯料足味道濃。連燉湯都有好多款選擇😋自家製虾餃好好味，虾粒夠爽味道岩岩好，拍得上酒樓品質，值得一試。另外醬油豬扒都係特色之一，濃濃香茅味道😋。侍應服務態度好，食物Size大份，價錢合理。如下次有機會經過這里我會再選擇食得利。👍👍

每朝早經過都見到呢間都見有唔少人食，所以今日就試下新野啦！一直以為呢間都係食點心，點知入到去大部分人都係食茶餐廳早餐呀，好似公仔麵、多士嗰啲咁。不過既然佢分類係點心就梗係要試點心啦，我就叫咗一個金銀蛋瘦肉粥同埋煎蘿蔔糕，仲有一杯嘢飲添，盛惠$34。蘿蔔糕嚟先，唔錯呀新鮮熱辣脆卜卜，啲醬仲係俾我自己加任加至於個粥，一嚟就見到大大碗，仲有啲咸蛋碎添，不過就超級淡，冇皮蛋味，加埋胡椒粉都搞唔掂！！食咗一半就唔想食。

一早要到教會參加送別會，約了3個友人在附近食早餐先，正正在教堂⛪️對面，呢間點心茶餐廳有點心及西式早餐，地方不大，茶餐廳格局，入內先探熱，餐牌選擇幾多，店員只有一位女店員，落單上菜一腳踢H點心早餐（$34）叉燒腸：唔算熱，可能蒸好一批放熱櫃，腸粉皮較厚，不算嫩滑，叉燒足料落得多，配腸粉好吃（豉油放枱上，客人自助落）蘿蔔榚：都係唔熱，煎嘅唔熱有點扣分，因會油膩膩，蘿蔔榚是一般水準嗰種，唔算足料，蘿蔔絲都無，臘味少，醬料要出去櫃檯取，我就淨食，一般熱檸茶（跟餐）夠熱唔澀，茶底濃，茶餐廳水準友人食：F餐雞扒炒蛋腸仔多士（$36）凍奶茶（跟餐+$3）熱檸水（跟餐點心ok，店員好忙，接觸不多，有一個友人已吃早餐，店員都主動比杯水佢，但上蘿蔔榚又唔比埋醬料就要改善，廚房出菜較慢，尤其西式早餐，要耐心等待點心早餐

晚市套餐奉送例湯，加8元凍飲，大家留意係無個轉字，但係最終waiter姐姐同我講要左嘢飲就無湯，真係好鬼老土！邊有人會咁樣set個套餐架，中環d做遊客生意嘅茶餐廳都唔會咁啦！總之我唔會再去，唔想俾錢d咁老土嘅老闆賺！

夜晚同屋企人食嘢諗住求其揀間鋪食就算其實三個人諗食咩都需要時間架但果位服務員好似趕住去投胎係甘黎問我地食咩 我地只可以應佢等多陣未諗好到嗌完之後 發現唔夠想再order多次果陣佢當正我地透明人甘 竟然扮見唔到聽唔度態度差到當正自己係老闆娘而且間鋪啲食物嘅味道同性價比根本都唔值份量少又貴又食唔飽 食左等於冇食再加埋甘嘅服務態度想簡簡單單食餐晚飯都唔得勸大家都係揀其他鋪其他鋪啲服務態度仲好過呢間都係食完呢次就算架啦。。當次教訓

整完身份證 行下行下就嚟咗呢間餐廳俾餐牌的燉湯吸咗我入去食中午 而我個人比較鐘意飲湯點了一人餐 (湯+飯+菜) 因為我點了別的湯 不是中午餐牌指定的湯 補番差價$11(好似咁上下) 點咗我想飲嘅 猴頭菇湯 一邊睇電視一邊等 約15分鐘便送上熱辣辣嘅湯 好正! 好有味! 老火湯嘅感覺 飲完又唔會口渴 我仲點咗個鳳爪排骨飯 一個好飽的中午店內環境都可以 坐得都舒服 最正係有部大電視 唔使驚悶親下次去攞身份證時 會返嚟試一試 一餸白飯的餐 或點心

有電視看，真好！燒賣是恐怖的來了，看一粒燒賣裏面藏有一條長長的黑髮！還好這是第一粒！但咬到別人的頭髮感覺真的很差！衛生整潔清潔乾淨是做餐廳的最基本！然後我告訴waiter ，她卻一句也沒說的收走了這籠燒賣，然後叫我轉其他食物。普通十分普通不軟，過鹹，皮太硬不好吃！不好吃！服務態度又差環境又惡劣！食物又不乾淨！原本我叫了一個下午茶套餐配凍檸茶，可是因為沒有餃子所以下午茶套餐不能供應， 卻送上了凍檸茶，然後收了我單點的價錢，說不能退！請問有這樣的道理嗎？真討厭！如果你不能供應下午茶套餐，就可以跟我說明啊，我可以考慮點不點凍檸茶！這真的太過份了！所以我真的非常佩服在用餐的顧客！可以接受這種服務態度和食物質素！希望各位打食評的人都可以對得住自己良心哦！

2人飲茶真係冇咩選擇，去普通茶樓又多人又難搵位！黎到「得利尚點」就解決晒！去到唔使等位，價錢相當公道，叫左3樣野食，分別係「豉椒排骨煲仔飯」$58，「得利哈哈笑」$22，「山竹牛肉」$19！抵食！煲仔飯份量多，2人share剛好！另外個點心其實係雙併黎：蝦餃燒賣，岩晒我地每款都試到！唔使叫2籠點心甘多！最後一個山竹牛肉，冇咩特別，大大粒，都算足料既！茶位好似係一個人$3，沒有加一的！現場所見都好多街坊來食！