得得好店茶餐廳

營業中

休息中

十年前開始週圍郊遊，遊長洲時，偶然嘅情況下去咗“得得好”茶餐廳食嘢，發覺佢水準很是不錯。佢嘅午市套餐天天略有不同：除咗有一般茶餐廳都有嘅嘢之外，還有土魷蒸肉餅、豉汁蒸鯇魚、南瓜蒸排骨、麻婆豆腐、豬潤湯米……等健康食品。雖然菜式看似平平無奇，但全部都是用心製作。特別佢杯奶茶茶味，好香濃。仲有薄荷奶茶和很多其他的特色飲品。秋冬季節還有時間限定菜式：例如梅菜扣肉、砂鍋雲吞雞、酒井豬潤……等都非常滋味。秋冬季節還有時間限定菜式：例如梅菜扣肉、砂鍋雲吞雞、酒井豬潤……等都非常好味。不過認清楚，因佢附近有另一間叫“得得店”的茶餐廳，是完全不同的舖頭！勿入錯

假期去長洲行吓，正直下午茶時段。下午茶至愛當然係炸脾，正因為成日食，食得多，自然有所要求。今次嚟呢間茶餐廳， 純粹因為佢喺大街，經過，入到去，見到有啲基督教物品，唔知喺呢度長洲教會送畀去，定係你老細信教自己買，講完環境，講返食物。炸脾Order完炸脾，話要等15分鐘，可能因為生炸，我冇同老細確認係咪。總之肚餓重要等。皮脆。 傳統做法，傳統味道。可惜只能配沙律。沙律就唔係好掂，我情願配薯條，正好多。奶茶正常茶餐廳味道。

長洲兩日遊，難得要於長洲搵早餐食，選上了得得好店茶餐廳。早餐有多項選擇，花多眼亂。其中發現粉麵類當中有一樣 "節瓜蝦米菇絲"，於茶餐廳當中屬少見，有興趣的朋友不妨一試。茶餐廳早餐其實都係個幾樣，要分出高下就要從細節看。多士的牛油是我看茶餐廳的一個指標，我實在經歷過太多的多士牛油只佔多士三分之一，甚至更小。而得得好店的牛油佔80%，已經好有心了，雖然都係好薄的一層。其他的煎蛋、火腿、麵、飲品其實都屬一般，不過茶餐廳就是如此嘛！順帶一提，侍應態度都好好，不會一眼看出我們不是長洲人就態度變差，還好好的指示我們餐牌位置，收錢位置等。長洲，就是有人情味。

星期二長洲不少店休息，包括最愛嘅正生，燉奶佬同埋泰昌魚蛋(只識去，有冇記錯名呢？)。唯有試新野 ～得得好店。基本上，蒸魚只要新鮮，火路啱就冇衰。但，order都錯，實在匪夷所思。要鱸魚，店內不同職員已與吩咐厨房幾次蒸鱸魚。等了十多分鐘，最終換來一句: “蒸佐紅衫，要唔要？唔要的話，要再等。” 要！(趕船啊) 服務方面，落單時想點菜。伙記表示只有椰菜和生菜。因為不能吃西生菜，便問清楚唐生菜定西生菜，她居然失笑道： “我唔知你哋嗰啲係咩生菜。” 又望向同枱撘枱食客想找support。當然，他們沒有理會。總括，光顧只此一次！

開始入秋，見天氣涼咗，兩公婆一時興起走咗入長洲行吓，因為完全即興，無任何計劃、行程，隨意行，咩都隨遇而安，反正，一心只喺想輕鬆渡過個周末，無謂傷自己腦筋，嘥時間度行程！結果，晌長洲嘅西南面兜咗個大圈，由碼頭行經長洲西堤路，再去張保仔洞，上山搵五行石，行過埋長洲火葬場、墳場，仲有長洲居屋雅寧苑，然後落返大街，依條誤打誤撞嘅路線認真好嘢睇，哈哈。雖然咁，去到傍晚肚餓都要搵食架，路經碼頭附近內街嘅「得得好店」， 心血來潮，又好想試依間嘢，睇佢喺咪真喺「得得好掂」。內籠茶記一間，裝修街坊，但絕對企理整潔，一個阿姐睇晒樓面，而客人（應喺街坊）竟然絡繹不絕，睇落幾得街坊支持。雖時近傍晚，都仲有下午茶供應，當然慳番少少點兩個下午茶餐好啦！餐牌上有好幾個系列下午茶，另外門口黑板上又有其他炒粉麵下午茶餐，最後，我哋點一客麵食，一客炒飯，就順便當埋今日晚餐。長洲魚蛋河 $29（下午茶餐價）魚蛋外貌好唔同，有啲似無炸過嘅「炸魚蛋」，又有少少似鯪魚球咁樣，食落好濃魚味，外皮少少煙韌，不過內裡又唔算好彈牙，口感好特別。而湯頭幾香幾鮮，我嘅味精檢測專員，即喺我老婆，話應該無下味精，配合滑溜嘅河粉，實在不俗。艇家炒

同男友紀念日入去長洲行下但由於唔識路的關係,入左去一陣就出反黎行到熱就搵野食e....e間有冷氣開放wo一於決定食e間既下午茶先要左個牛腩米 : 好林不痴牙沙爹牛肉米 : 牛肉都算多，不過沙爹味淡左少少2杯凍奶茶 : 重奶茶，但茶不香一路食果陣好驚,因為店裹有隻蜜蜂