得鐵板燒

營業中

休息中

我哋一家去了這裏好多次，之前食物質素不錯，雖然服務態度一般，今次老公生日飯，用佐差唔多二千幾，食物質素麻麻，最慘係我哋叫咗刺身、懐疑唔新鮮，食完後我們一家相繼又嘔又屙,攪咗成個週末，雖然我哋冇100%証據,但最大可能係佢哋，因為果晚食的刺身特別係海草似乎不太新鮮，真係另人好氣憤。

同朋友閒閒哋，嗌咗間鐵板燒放題搏一搏。一入去，就聞到陣陣炭香，有種好有feel嘅感覺。哥個鐵板燒真係有料到爆！蟹籽沙律既口感彈牙，每啖都爽口得嚟，啲三文魚同帆立貝，新鮮得滑咁過喉，平平地一個開始都滿足到我。這裡嘅活鮑魚同大虎蝦，真係夠晒霸氣，口感夠晒Q彈，海鮮sweet到令人懷念！跟住落戰嘅係法國鵝肝，滑溜溜嘅質感，入口即溶，太正喇！至於安格斯肉眼，燒得剛剛好，外層微微焦香，肉汁滿溢，嗜肉一族必選。佢地嘅日式炒飯同炒野菜都做得夠味，炒飯粒粒分明，野菜仲保持到清脆。最後嘅雪糕，簡直係一個perfect ending！整體來講，這個鐵板燒體驗真係物超所值，離開時已經計劃緊下次幾時再嚟！🍜🍢🍧

拉開這家鐵板燒的門，就仿佛入咗一個味覺嘅樂園🎉。首先打前陣嘅係明太子龍蝦沙律，個明太子實在係正到不得了，同埋沙律菜爽口得嚟唔油膩，鋪底真係一流。跟住上場嘅雜錦拼盤，每樣海鮮既新鮮又去腥，吞拿魚嫩滑啖啖肉，帆立貝鮮甜得滯，一齊食落去真係夾硬添。煎得啱啱好嘅大虎蝦，蝦肉彈牙得嚟仲唔失水份，口感一流；蝦膏滋味足夠，豬油撈飯嘅好物🍤。講到法國鵝肝，簡直係滑唔溜手！煎到外皮微微焦香，入口即化，真係食到停唔到口👍。最後嗰碟日式炒飯，香蔥、雞蛋同米粒完美結合，香味撲鼻，炒到啱啱好，絕對係收尾大團圓嘅最佳代表。整體嚟講，呢家鐵板燒的確令人驚喜連連，每一樣食物都費盡心思，令人由頭嗌到尾，味蕾都滿足得一籮筐。附帶一提，店員服務態度又好，令呢場「美食秀」更添幾分光彩👏。如果想食返普普通通、有家鄉味嘅鐵板燒，嚟呢度應該唔會失望！

突然想食鐵板燒，之前嚟過食ok，所以再訪。選這的原因是價錢合理，食材不錯，份量很足料，訂位不難。今次點了個刺身鮑魚鐵板（二人）套餐，包括：蟹籽沙律雜錦刺身拼盤（3款）（三文魚x2/帆 立貝x2/牡丹蝦×2)原隻活鮑魚大虎蝦法國鵝肝美國頂級安格斯肉眼（薄燒）日式炒飯/雜菌炒野菜/麵豉湯雪糕鮑魚及虎蝦也大大隻，再加埋大大件的鵝肝，很滿足！薄燒安格斯肉眼也不錯。晚飯每位約七百元，總括而言以這些食材及質素來說，抵食之選。

九龍城發現新大陸🐒之前經過的鐵板燒餐廳週一沒有想法吃什麼就想到它了 近近地唔洗得好入2人ᴡᴀʟᴋ ɪɴ不用等位店員會問我哋係食定食/鐵板燒 繼而安排不同的座位 每個定食都好豐富 我哋點咗2款都係要燒的主食所以都等咗好一陣子 ~15ᴍɪɴs 點餐後 店員會先獨立端上沙律🥗飲品可以+$10有檸檬茶/菊花茶我哋無加 只飲本身提供的熱茶· ┈┈┈┈┈┈ · ꕥ · ┈┈┈┈┈┈ ✨沙律✨麵豉湯✨茶碗蒸✨醃紅菜頭✨網燒牛扒定食 $108：一上枱 最先吸引到我嘅係飯香😂真係好香 軟綿綿的 份量好ᴘʀᴏᴘᴇʀ 同肉食的比例均勻 牛扒大大份🤤切條 燒到8成熟也不會好韌 肉質肉香保留得到 個汁其實可以少啲更加突顯到肉味 有椰菜.炒菇.蕃茄伴碟 ✨蒲燒鰻魚飯 $88：平時出去食多數半條/原條鰻食鋪係飯上面 不過呢到就分開上 各有各好 我哋sʜᴀʀᴇ食就好方便👐🏻個汁有點薑味 個人鍾意牛扒多啲🥩 ✨甜品(紅豆雪糕)：粒粒紅豆 出奇地雪糕不會很甜喔 好吃😋 · ┈┈┈┈┈┈ · ꕥ · ┈┈┈┈┈┈餐廳主打鐵板燒 大部分位置都係圍住主廚下廚的 所以如果人多就要訂枱了 食完無周身味 唔知 圍爐坐的客人有無呢🤭

想試試宋皇臺站附近的食肆，這店門面不太吸引，但見有800幾元鐵板燒二人套餐就試試，有驚喜。明太子沙律，爽脆。刺身，棉花糖般軟滑，新鮮。蝦，彈牙。鵝肝，外脆內軟甘香。薄燒肉眼五成熟，不錯，炸蒜片也脆口，蒜味不太搶。炒飯，香口乾爽，不過沒有特別材料。炒野菜，正常。麵豉湯，正常，夠熱。綠茶雪糕(非旦糕) ，正常。綠茶味和奶味不足，但餐牌列明是韓式，算是合格。茶，很淡的茶，僅僅未能被定義為開水。與其他鐵板燒比較，勝價比算是合理。口味較淡，啱我，沒有強烈黑椒及口渴味精。用料和烹調認真，整體滿意，有印象。

為朋友慶祝生日，本來我想去同一條街另一間，可能朋友唔想我破費，所以提議呢間食鐵板燒午餐。我們各選了美國牛柳、美國安格斯(薄燒)一人套餐。普通胡麻醬蕃茄沙律菜同朋友share大虎蝦、鮮墨魚虎蝦燒得過火，有少少乾，墨魚還可以，但沒有鮮味。當日沒有三文魚，改為鮮帶子。唔覺得佢好新鮮，要靠湯汁先有味。唔特別，魚肉本身已經好滑，只是燒到金黃色，同朋友share，所以得一半😅好淋，比我想像中好。有啲嚡，冇葱香味。雖然冇乜蛋/葱香，但飯炒得粒粒分明，有口感。一般的麵豉湯和紅豆雪糕。當日兩張鐵板燒枱約有20個座位都全部坐滿，1點半後走了大半，我和朋友可以靜靜地慢慢食、慢慢傾🙂。食材和師傅的手藝可算是普通，但以$200以下的價錢食個午餐，又唔使限時，都幾滿意。試過呢間晚餐鐵板燒，價錢一樣大衆化呢！

其實我係「得」嘅常客，近一年最少隔兩個禮拜去一次，今日照book講明唔要坐近廁所，結果我係第一個客去到，佢要我哋坐張雙人枱嘅側位，話其他所有枱都有Booking！嗰張枱我哋坐過幾次，側位係坐得完全唔舒服，迫夾到飛起，又完全冇地方擺嘢，仲要係近廁所；係所有位中最差嘅一張！其實我哋兩個人最低消費每次$1000左右，我唔覺得我需要咁受氣在再次光臨貴店！仲有我哋打電話去book嘅時候，嗰個服務員應該講清楚！唔好等個客去到咁失望而回！我喺係香港特登過去食的，每次山長水遠咁樣過去捧場的！講真，啲食物可以嘅，個係服務就一向唔到位。早啲話冇位，我哋可以喺銅鑼灣飲茶。其實食嘢除咗食物質素，環境、服務態度係先係最緊要！失望！冇下次！

很少寫食評 但今次實在忍唔住 話說 父親節一家四口諗住開心慶祝, 揀選鐵板燒係諗住小朋友睇得精彩,食得美味, 可惜四眼廚師, 冇廚藝! 完全冇功駕! 好似新手咁! 冇鑊氣! 味道又差! 全晚一個字(悶), 睇到我兩個女兒都恰眼瞓, 佢仲話小朋友細個唔識欣賞, 其實都唔知有咩好欣賞。 最好笑係 鮑魚 煮到一半 先話攞去清洗 , 回頭洗完又上返鐵板再煮過, 最後個炒飯炒到乾爭爭, 我食唔飽都唔想食, 埋單28XX, 貴夾唔飽又悶, 拿拿聲去搵糖水食

刺身安格斯鐡板二人套餐 $838 龍蝦明太子沙律、雜錦刺身拼盤（吞拿魚、三文魚、帆立貝、牡丹蝦等）大虎蝦、法國鵝肝、美國頂級安格斯肉眼、日式炒飯、雜菌炒野菜、麵豉湯、雪糕一行幾人揀左鐵板燒座位，可以一邊食一邊欣賞師傅手藝。龍蝦明太子沙律絕不欺場，大大件明太子配埋新鮮沙律菜待別開胃。雜錦刺身拼盤豐富，吞拿魚口感柔軟，帆立貝大粒鮮甜，仲有款味道較淡口的白魚幾特別。虎蝦Size有成個手掌咁長，蝦頭蝦身分開煎，蝦肉質感爽口，蝦膏甘香。鵝肝滑腴肥嫩，入口溶化，不過配麵包有點失色，有多士就更好。鵝肝口感細緻綿密，滑膩即化，忍唔住要食多件~炒飯過程更係一門表演，將炒香牛肉的脂肪用作油，見到每粒米飯粒粒分明，加埋香蔥、雞蛋炒至金黃色，香味樸鼻，口感彈牙，幾飽都可以再食多碗。

試咗呢間嘅午市鐵板燒好有feel， 二人餐有沙律，大蝦，帶子，安格斯牛扒，炒飯，菜，雪糕。大蝦同牛扒都好味，帶子就沒有鮮味好馬馬，炒飯就好淡，不夠鑊氣。都係一餐不過不失的鐵板燒，可試，午市係抵

餐廳主打鐵板燒但午餐定食估唔到咁好食主食+茶碗蒸+沙律+麵豉湯+醃瓜好飽好滿足🍱天婦羅湯烏冬天婦羅要等耐啲份量好多三隻蝦+茄子+冬菇炸粉唔算薄身 不過不失烏冬都彈牙但下次我會揀其他定食🍱牛肉火鍋定食份量多到嘩一聲加埋其他配料一定食唔曬甜甜嘅牛肉汁配上滑蛋 一流！牛肉唔算靚牛但已經好對得住呢個價錢🍱 雪糕...........free每次都好期待佢地嘅飯後甜品有時綠茶 有時紅豆特別鍾意佢哋既紅豆雪糕唔太甜 食完飽飽既定食再食一口雪糕真係份外滿足

7/4，下午14:00，老虎尋日行過話想試呢間午餐，咁今日咪試吓囉，一入去坐低就聽到指甲聲，咁老虎就問樓面係咪有人係廚房剪指甲啦，個樓面就敲一敲傳菜位，個師傅攞住指甲鉗望出嚟，又望下我哋，繼續剪，各位要食飯真係要諗吓去唔去

九龍城“得”Toku有鐵板燒套餐，也有魚生飯套餐。地方不算大，鐵板燒約有十個座位，當然預約較好。近來久不外午膳，難得一天，吃得舒豪一點。叫了美國安格斯薄燒鐵板燒套餐，食料包括蕃茄野菜沙律、鮮墨魚、銀雪魚、美國安格斯肉眼薄燒、日式炒飯、雜菌炒野菜、漬物、麵豉湯，以及日式甜品，價錢連加一為二百二十塊。鮮墨魚有嚼勁，銀雪魚燒得也剛好，滑溜溜，等不切日式炒飯，改叫了一碗白飯，可跟墨魚及銀雪魚作伴。至於安格斯牛肉，脂肪與肉分佈也均衡，四件薄切片燒，固然不是入口即融那種優質食材，但柔靭度也適中，送到口裡，嚼幾口已落肚。之後的炒野菜漬物甜品雪糕，是想像的一般貨式。鄰枱一家三口叫了海鮮鐵板燒套餐，主菜有很大隻大虎蝦，帶子及銀雪魚，賣相也很吸引。

我係星期六去食個午餐，因為見到附近嘅餐廳都排晒長龍，得佢有位，就是但沖左入去，點知就中伏啦。。。。諗住嗱嗱聲叫過雞扒定食，好易整姐，起碼快啲，簡單啲，點知我等左半個鐘。。。。搵個侍應追又話得得得🙄等左半個鐘，以為佢會整得好好食，睇吓係咪挑花，點知都係求其一塊好薄，整焦咗嘅雞扒，冧啲燒汁，一碗白飯，個蒸蛋又無味岀曬水。。。其他配菜都係求求其其咁，無乜特別。沿途見到廚房狂岀曬外面坐鐵板既客人，我入面食午市套餐果幾個人就遲遲未上菜，等足半個鐘，仲要唔係特別好食！加杯無檸檬既檸檬茶，都要$10！份量又細。。。。。。。