得鐵板燒

營業中

休息中

唔打唔撞入咗嚟試呢間鐵板燒 佢個Lunch Set好Resonable呀！不過鐵板位已經reserve曬所以我地下次再試啦！我就叫左網燒牛扒定食🐮老公就要左汁燒豚肉飯🐷跟左沙律/漬物/蒸蛋/味䁬湯/紅豆雪糕🍦(雪糕無得揀味🤢我唔食豆俾老公食晒我對於個網燒牛扒都有8分呀 唔會overcook做到小小焦感覺 另外個汁燒豚肉就感覺太碎 洋蔥都大塊過豚肉😅😂不過下次我地都仲系想嘗試鐵板因爲佢價錢同現象觀察完都好吸引呀重點要讚店員細心見到我地有小朋友 馬上比餐具同吸管水比我地😗

今晚兩個契姐請十一月之星食生日飯。我地一行7人預先訂座吧枱，可以一路食一路欣賞"沙哥"師傅厨藝。叫左三個套餐加其他食物(有龍蝦 ，银鱈魚，帶子，大蝦，廣島蠔，鵝肝， 炒飯，炒雜菜，安格斯牛，牡丹蝦，三文魚腩刺身，燒三文魚腩，支豆，雞泡魚肝，雞軟骨， 龍蝦頭豆腐湯，沙律， 紅豆雪糕，抹茶雪糕)。另外仲有叫左支Saka，喊青檸梳打，汽水。今晚用左差吾多三个小時享受呢個晚餐。師父好好人，大家有傾有講，氣氛好好， 師父每一刀都好用心， 絕對不會馬虎。而且啲員工服務態度亦都好好 ， 好有禮貌 。今晚真係好多謝兩位😘令我地可以品嚐咁超級豐富美味的一餐， 超級大滿足。  其實我再翻睇呢度嘅menu，午餐都有定食，而且價錢都係百零蚊一位， 可以考慮去幫襯。

呢間野D蝦吾新鮮，d飯又硬，牛肉份量少又吾好食，面屎湯又咸...但又貴...真係咁既價錢食d咁既野..我去韓燒好過...本身睇佢地d相都好剛ok ，但真無諗過會咁...

星期三晚試吓依間鐵板燒，唔糸朋友推介，就一定唔會試，7点入座，無人，估一定唔好食，叫咗2份二人套餐，每套$800蚊到仲有大蝦，鮑魚，魚生，沙律，帶子………………全部都好味，不得不讚糸最後甜品雪糕，太好味，依個價錢糸尖沙咀，cwb, 一定食唔到，下次一定再來

一年總會幫襯午市鐵板燒幾次，因為價錢抵，食物有質素，二人餐有帶子、牛柳粒、大蝦、沙律、菜、飯、甜品，$368+10%。但很多時都會俾服務員攪得不愉快，自問不是愛無理取鬧的怪獸顧客。事緣今日walk in 坐鐵板燒枱前，入座時服務員沒有說明還枱時間，我扒淨最後一啖飯，其實只係坐左40分鐘，服務員甲問我地介唔介意轉枱，我地話咁即刻上雪糕同埋單，那就不用轉枱，甲仍然繼續問咁要唔要甜品，我話要，接著服務員乙問介唔介意轉枱食甜品，但仍然未埋單，甜品上左，我地就話咁麻煩你即刻埋單，甜品都冇食就走左，雖然服務員口說不好意思，但其實我地係第三次遇到呢種不禮貌對待，希望店主會知道呢種情況，而服務員可以處理得好一些，俾錢消費最後要受氣，食物幾好味都冇用。

今次係第二次去食啦， 兩次都係食lunch 鐵板燒。 價錢合理 ， 帶子同蝦都新鮮 ， 安格斯牛medium 很好。建議如果 四人或以上 食鐵板燒， 可以預早定位， 咁就唔使排隊啦。會再去。

3人來吃午餐，明明有3至4張2人枱，又不懂將D枱整合，等了很久問有無位就唔想理你，服務員態度惡劣！唔想做生意等了很久坐下，叫了一個天婦羅烏冬及一個刺身定食，午餐個刺身成160蚊，但只得簿簿幾片，味道一般，烏冬普通，天婦羅還可以可能服務態度差，吃時D食物又不是特別好吃，食嘢心情也很重要，午餐每位百幾蚊但食物又一般仲一肚氣，本來下次想再來吃鐵板燒，也決定不會再來

經過入去食過午餐，3位(話未有位)望入去有3張吉檯(1張2人，1張4人只坐2個，隔離另1張4人只坐2個)。等左10分鐘有多都無人走，問左2次侍應都無反應。唯有行入去問下可唔可以調埋2 人，2人坐埋一齊讓1張4人檯。(過程侍應全程黑面，無禮貌。讓位既客人都黑我地面)一肚氣坐低。明明寫住除了烏冬及飯外。其餘定食會有沙律，白飯，蒸蛋及雪糕叫左個160元既刺身定食。落單等左成半粒鐘。話無蒸蛋轉杯檸茶(就算)。點知落錯我單來左碗刺身飯。因有小朋友想食碗烏冬所以叫佢整返岩俾我，又等左成20分鐘，刺身定食只跟碗細烏冬，幾片刺身(唔新鮮，無味)。真係呆左問過黑面侍應。佢竟然答我話寫明有烏冬就無白飯。我同佢理論我呢個係定食喎。無蒸蛋俾杯檸茶我都算，白飯又話唔包我真係火都黎。食左10分鐘都唔知食左d乜，仲要160蚊。2個黑面侍應服務態度真係無得頂。無禮貌到不得了。今時今日咁既服務態度，加上唔好食。真係要share一下

弟弟說請我吃生日飯，在幾間日本食肆中挑選了「得鐵板燒」，只是因為這店就近弟弟的住處，估不到原來是鐵板燒。食店面積不大，我們進門便坐到鐡板燒檯旁邊，可以看著師傅烹調美食。我們選擇了較為經濟的二人套餐 ($698) ，包括:刺身: 份量多，帶子及三文魚最為新鮮，帶子十分鮮甜。蟹籽沙律: 材料新鮮。鵝肝: 鵝肝入口溶化，如果配脆身多士就更好。安格斯牛肉: 肉質鬆軟，肉中心呈嫩紅色，火喉剛好。大蝦: 蝦有點不新鮮，肉質有點霉。炒飯: 炒飯配料用上安格斯牛肉比較肥膩的部分，炒起來牛肉的油滲透入飯裡面，香味樸鼻。麵豉湯及雪糕

猶記起某趟與小友路過這店，看到門外餐牌羅列出的午市套餐甚是吸引。最吸引小弟的當然就是寫於黑板上的那個鮑魚海膽飯....真是未吃已流口水了，而且只是索價百二大洋，算是相當抵食了....卒之再隔一個星期後，可以找到機會入來一試....小友當然不太能吃鮑魚及海膽，故只能點如燒雞扒一類較普通大路的東西....無論是uni飯抑或是雞扒，套餐內必定有的一定是茶碗蒸及麵豉湯。前者蒸得有點過老未夠滑，蛋的表面有不少的小孔是蒸得未夠完善。蛋內只有一小片日式魚蛋、冬菇及蟹柳絲。欠了平常常見的銀杏及吞拿魚粒的它令我有些吃不慣；後者味有些偏鹹而少了鮮味。看來自己確是被那些加了蜆、魚及蝦肉的高級版麵豉湯寵壞了....沙律內的蔬菜尚算鮮綠頗新鮮。灑些沙律醋汁下去是絕不會太難吃的....讓人望穿秋水引頸以待的鮑魚海膽飯食來卻令人失望 --- 鮑魚片薄薄的經過汁煑後上桌。入口軟淰而存少許咬勁，本不是太差，但失敗的關鍵卻在於因它不是厚切的關係所以食起來就少了煙韌的咬頭及口感。滷鮑魚的醬汁稍嫌調得偏鹹少了甜及酒香，只屬普通；海膽更是入口只剩下苦味而全欠了應具的鮮甜。質感亦未見十分creamy；飯下了少許醋去調味，酸酸哋倒

之前數晚剛看完電視節目介紹九龍城鐵板燒，令我想起它的美味，於是上openrice找找，看見這一間新的鐵板燒店，決定試一試。我們12時15分到達，看見分開鐵板燒桌區和普通座位區大慨3成滿，如果吃定食便坐普通座位，我們表示是吃鐵板燒，於是坐鐵板燒桌。我們本是鐵板燒桌區第一桌，結果短短15分鐘左右。整個鐵板燒桌區和普通座位便全滿了。坐下打開餐牌，看見分2版，一邊是定食，一邊是鐵板燒餐。我們點了牛肉厚切和簿燒兩個餐，有2款海鮮包含在內，平均$128-138左右，也有2人餐$588, 不過種類太多了怕吃不下所以沒有試。師傅很快出場，手勢俐落。因為兩個餐的內容不同，2個人可以分享，吃到更多不同首先是墨魚，剛剛好熟，原汁原味，有嚼頭，不沾汁也很好吃。三文魚是外面熟，內裡保留粉紅未熟，也是不俗。接著是銀雪魚和蝦，都能吃出材料的鮮味，証明用料不錯。重頭餐便是牛肉簿燒，味道比較淡，同時也吃出牛肉本身的味道，沾上肉醬，味道便剛剛好，不會太鹹。之後便是炒飯、炒菜、麵鼓湯，全部都達到水準，令人很滿意。唯一美中不足是當吃到炒菜時，有其它客人進來吃鐵板燒，因為鐵板燒桌區已滿，我們唯一兩個人的食物已完成，所以被移到普

在九龍城云云食肆中找好吃的可以有好多的選擇。這是一間開業不久的食店，但我已是第二次光顧。它沒有豪裝，在門外路過也不知這是一間食店。內部裝修也十分簡約，進門右邊已是只可坐約十人的鐡板燒桌，左邊約有三至四桌四人坐，食店其實不大。第一次去是因路過看見它放在門外的餐牌，有下午套餐優惠，三百多元起兩位用，又想吃個悠閒午餐，所以進去一試。那次吃完已很滿意，覺得他們在食材用料方面沒有因價錢而吝嗇。今晚四人去，晩市2人套餐由$698-$1300, 最後選擇了一個最經濟之二人套餐 $698 ,有刺身，蟹籽沙律，美國安格斯牛肉280g,大蝦2隻，鵝肝，炒飯，炒什菜，麵豉湯和甜品。再另外散點了廣島生蠔，羊扒，黑豚肉薄燒，三文魚，什菜炒烏冬，炸蝦天婦羅等。是晚食材很新鮮，份量亦滿意。旁邊有另外4客人點了千多元的鮑魚龍蝦餐，看見用料亦很新鮮。欣賞那為我們烹調的㕑師，沒有白眼因我們點的是2人餐，還很耐心及專業的將我們的每種食物都平均地分成4份給我們，餐湯和甜品亦多送來2份其他服務員亦很勤快的幫我們換碟和沖茶。希望他們能保持這份對顧客的誠意！

新開張~所以冇人等位~~就連open rice都仲未有呢間鋪頭~但都入去試下啦~見個裝修都好靚下~Menu有好多款Set揀~又可以散叫~前菜有Salad~加Sashimi~隻蝦超甜~但我就分開叫~叫左隻新鮮鮑魚...隻鮑魚仲會郁下郁下~真係好新鮮~一隻鮑魚可以分到幾個人食既~$450一隻再叫左D大蝦~正!再叫左Angus Beef + 日本A4和牛~入面會夾住蔥黎燒~師傅會問你燒幾成熟~我就食開五成~岩岩好!! A4和牛好味過Angus~~建議叫A4和牛~~再叫多隻燒蠔!~ 正到爆燈!!!~最尾會炒飯加有炒蔬菜~再黎個紅豆抹茶雪糕!~都幾飽呀!!~雖然係九龍城會有好多食野既Choice~但呢間好新~可以黎試下!!(其實好想試埋隻龍蝦,因為見到好新鮮~但又想試鮑魚多D~所以龍蝦可以下次再試~)