得閒飲茶

營業中

休息中

呢一間得閒飲茶已經食咗有四五年嘅時間佢嘅點心都係保持一貫嘅出色個人認為佢嘅棉花雞 好好食 雞件夠滑 花膠亦都夠大塊另外佢嘅蝦餃同燒賣亦都都係皮薄餡靚另外佢蘿蔔糕 蘿蔔有咬口唔粉呢一間平時星期六係一定要排隊嘅不過我自己就習慣，平日飲夜茶超級舒服，抵食好食

用八達通收咗客人錢，跟住話你有問題收唔到錢，叫你去八達通嗰度攞番錢，但係八達通話已經過咗數，咁即係呢間嘢好大程度上對客人不友善，好可能係個別員工嘅問題，但做老闆嘅都有責任檢討一吓，因為聽佢哋嘅員工講情況唔係第一次

平日星期一中午12點前嚟到，等左大概十分鐘就入得。店內一半係本地人，一半係遊客。可能由於時間尚早，未算好多人，所以唔駛同其他食客搭枱。首先打頭陣嘅係得獎蝦餃之王$36/4隻餐廳講明蝦餃得過獎，所以嚟得呢度十枱有十枱都會點佢😏。蝦餃飽滿大隻，餃皮唔算好厚，依然透到入面嘅橙色蝦仁；內餡有兩隻大蝦，食落唔會過份地爽，有番少少蝦肉彈牙口感；由於無筍同豬肉嘅關係，食落味道有少少單調、同埋對我嚟講有少許鹹。沙嗲金錢肚$31我自己好中意食金錢肚，但可惜而家部份酒樓嫌製作麻煩而取消呢款點心😫。金錢肚切到大件，炆到好軟淋，沙嗲醬亦無過份杰。千島醬脆皮蘿蔔糕$33餐牌其中一款圖片放大又有手指公嘅點心，炸衣唔厚，可惜蘿蔔糕太軟、無口感，加上千島醬味太濃，完全食唔到蘿蔔糕嘅味。一款主要食千島醬、又油膩嘅軟淋淋炸物，我地兩個都唔中意😥。蒜香蝦春卷$28呢款春卷色彩繽紛，雖然內餡有甘筍同紫椰菜，但唔食呢D菜嘅朋友都表示無問題😏。春卷香脆，蒜香唔會太濃，但略嫌唔係每件都有蝦仁。原籠牛仔骨蒸飯$46呢個蒸飯好大盤!! 夠哂兩個人食。😯牛仔骨用鬆肉粉拿過，所以預左唔會有牛味，但勝在多肉唔會得D骨，又夠淋；至於個醬汁，我

平時都係一朝早去飲茶，呢間小店位於太子地鐵站旁邊，開到成夜晚11點，主打傳統同特色創意點心，全部即叫即蒸且價錢親民，平日晚上到訪都Full House，經開附近嘅可以一試。點心分為蒸、煎、炸、灼，仲有蒸飯、燉湯、甜品同飲品。必點之選有鵪鶉蛋燒賣，皮夠薄，肉質彈牙，層次分明，口感豐富。醬皇蒸鳳爪幾入味，骨肉分離，淡淡香氣，油光色澤。潮州粉粿有三大粒，外皮煙韌，餡料飽滿。家鄉鹹水角外層酥脆，食落唔油膩。蜜汁叉燒包鮮嫩多汁，黑金流心包唔會好甜，而且兩款嘅皮都唔厚。最後以椰香黃金糕作結，口感煙韌且有彈性，大大塊性價比高。

本來想食點心放題，奈何好多都係要兩位，由於我邀請唔到朋友同我去，今日落完大角咀蒸腳，我周圍search搵一間好食嘅點心舖，自私食😂 search到太子有間叫得閒飲茶嘅點心專門店，係即叫即蒸，望吓啲相片都好吸引，有個叫做春風得意腸，我之前喺第二間酒樓食過，見其他點心賣相都唔錯，咁就去嗰度試吓先。我叫醬皇蒸鳳爪，香西牛肉腸，春風得意腸，千島醬蘿蔔糕，蟲草花魚翅餃，黑椒牛仔骨蒸籠仔飯，沙爹金錢肚，紫薯流心煎堆仔，陳村粉蒸排骨，3.6太陽布甸，總括嚟講我全部都鍾意食，唯一係個千島醬蘿蔔糕比較漏，春風得意腸，得豉油點如果可以加多一兩款醬汁點會更加吸引，牛仔骨蒸飯，牛仔骨好腍，啲汁撈埋啲飯好好食，而最驚喜係個紫薯流心煎堆仔，嚟到熱辣辣，咬落去外脆內軟，咸蛋王心流晒出嚟，小心辣嘴，之後我忍唔住叫多一份，即係一次過食咗六個😂有有時間一定會再嚟😌

點心控嘅我今日夜晚突然點心隱發作，於是去左《得閒飲茶》度飲茶，皆因呢度由早至晚都有點心供應。✨️《得獎蝦餃之王》$36蝦餃就食得多，但好味嘅蝦餃就5係度度都可以食到。呢度蝦餃拎過獎，皮薄餡薄，蝦肉Q彈，名不虚傳。✨️《懷舊香菇燒賣》$32有蝦、有豬肉又有蟹子，餡料十足。再加上有香菇香噴噴，超級好味。✨️《藥膳雞腳》$36大大碗，藥材味香濃。雞腳皮都㷛到好軟腍，容易食用。✨️《白灼菜心》$25我落order時同店員講呢樣菜要少油，店員答道菜係冇落油嘅。正呀！我最怕食到 d 菜油淋琳、很咸。呢度菜用熱湯煮熟，不太油膩。✨️《3.6牛乳太陽蛋》$26燉蛋白上有隻整到啫喱狀嘅蛋黃，非常滑溜，真係好好味。✨️《姬松茸燉排骨》$36很多姬松茸，真係好足料。味道香濃，熱辣辣上枱，飲完覺得好舒服、好緩胃。茶($6) 免加一📍太仔 運動塲道7B地下

1. 得獎蝦餃之王（4隻） $36蝦餃，份量十足，好多粒大隻嘅蝦仁，又嫩又彈牙好好味。蝦餃皮厚度適中，晶凝通透，煙煙韌韌，蒸完之後好有蝦味。2. 蟲草花棉花雞 $33一上枱就覺得好靚，好啱打卡。雞球好大嚿好滑，配埋蟲草花好好味。晶凝通透嘅魚肚好滑好靚，魚肚好厚身好入味（充滿蟲草花同雞嘅香味）。3. 香茜牛肉腸 $27牛肉腸腸身好滑，厚薄啱啱好滑得嚟有咬口。爆餡嘅牛肉好滑好入味，配埋芫荽好香。4. 3.6牛乳太陽蛋 $26個人極度推介呢個菜式，超鍾意食呢個。賣相好得意，好似隻蛋咁，好啱打卡，我就係俾佢個賣相吸引，所以先點。燉蛋好滑好重牛乳味，好似食緊北海道牛乳布甸咁5. 原籠牛仔骨蒸飯 $46牛仔骨有一定嘅厚度，咬落去好滑好彈牙好入味。呢款牛仔骨同平時喺茶樓食嘅唔同，唔會太鹹唔會太辣，微甜，配埋個荷葉蒸飯好香，散發出陣陣嘅荷葉味。6. 荼位 6/位總價$180

That arrogant young waitress told me that it’s closed at 11 when I entered around 10. She kept asking me what to order and what to drink. Also, she kept saying the chef is leaving very soon with a very bad attitude. I mean she is really terrible. It feels like she is my boss ordering me to be hurry. When I tried to ask her what drinks do they have. She was really annoyed. Crazy af. Never gonna come here again. Thanks

一人初試（得閒飲茶），點了「鳳爪排骨飯」「春卷」「山竹牛肉」。後兩者新鮮優質好食，但前者雖標明用「金鳳米」，食用時感到飯質太濕了，而排骨亦未夠入味，失色了。但整體食物尚算合格。此文重點令人最感失望及討厭的，就是場內的兩名員工（一黑色眼鏡女，一男生女聲的），任何時間都係「超級大聲」的對話，更甚差是句句夾有粗口。正當現場約20位食客安靜地進食的時候，被迫的只聽到呢兩名員工不停講廢話，天南地北，遊山玩水的非工作有關的對話。忍受了約30分鐘多，發現他們全程冇停口的。最差的是兩人連上菜給客人時，在沒有口罩的情況下，仍然不停的大聲隔山叫話，令口沬橫飛，影響客人食物的衛生。總結，太子區黃金地段，本地及遊客人流多，優質服務的餐廳已失蹤了，剩下的只有此類沒有服務專業的服務員做時代的代表，香港餐廳可悲的由因。本人永不回顧。

得閒飲茶餐廳既有傳統點心，又有特色創意點心，所有點心即叫即蒸，價錢亦比較平民化！🔥春風得意腸 $42⭐️9.5/10⭐️餐廳王牌之一，腸粉包住豬網油和蒜蓉炸春卷，上面仲有蟹籽粒，口感層次豐富又好味！🔥XO醬菜苗餃 $32⭐️9/10⭐️XO醬將菜苗餃鮮味提升，皮薄餡靚，都係小編每次必點！🔥蟲草花灌湯魚翅餃 $38⭐️9.5/10⭐️湯底好鮮甜，餡料亦好足料，正！🔥得獎蝦餃之王 $36⭐️9.5/10⭐️餐廳得獎蝦餃，蝦餃望落脹卜卜，蝦餃皮薄，蝦肉爽口彈牙。🔥潮州粉果 $20⭐️9/10⭐️ 餡料十足，芫荽冬菜韭菜味濃郁。⭐️總結：得閒飲茶是小編最愛三大點心店之一，每樣點心都用料十足，而且有好幾道創意點心都別出心裁！難怪多年生意常常這麼好呢～

《#太子 性價比之今晚得閒賞面飲個茶🫖嗎？》去太子有時諗唔到食咩野🥹但之後發現左間性價比既飲茶🫖餐廳🍴咁就試試佢啦🤣🤣.🦐得獎蝦餃之王 $36 - 果然係得獎🏅入面隻蝦唔係蝦仔，係蝦王🤣都幾juicy🫶🏻.🥗XO醬菜苗餃 $32 - 平時食既菜苗就真係得菜苗，有埋XO醬就錦上添花左🫢.🤪春風得意腸 $42 - 軟糯皮包住炸油炸鬼，食落去唔會淋左😗仲有蝦滑餡係入面，口感度上升😗😗.🥔紫薯流沙煎堆仔 $32 - 呢個流沙都唔錯喔😌味道不太甜，很可以的😉.🐠鹹魚肉餅飯 $42 - 份量唔錯，都足夠兩個人食，味道就不過不失🥹.🫖茶位 每位 $6..✩•‿• ♡ 〝＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊〞

收工夜麻麻想食點心，朋友介紹呢間位於太子既小店，主打燉湯同點心，即刻去試下先 😎😎😎 我哋當既去到都成10點，但係入面仍然有唔小客人食緊野，係我哋入座之後仍然有唔少客人入座，認真好生意！！叫左一d招牌點心，真係幾好食❣️ 我鍾意飲湯，所以叫左個燉湯，好足料，啖湯好夠味！！當然唔少得叫蝦餃王，一籠有4隻，皮薄而且粒粒都有好大舊蝦🤤🤤 腸粉既皮又薄又滑，黃金糕口感勁煙靭，仲有好香嘅椰汁味！！！夜晚想食點心既朋友可以去呢間試吓😉 羊肚菌燉水鴨 $36 得獎蝦餃之王 $36沙嗲金錢肚 $31蜜汁叉燒腸 $29千島醬脆皮蘿蔔糕 $33椰香黃金糕 $20📍太子運動場道7B號地鋪☎️ 23983183

〈五指毛桃燉豬骨> $36每次來此店，我必嗌老火湯，因呢度d燉湯好夠火喉。今次點這湯仲係非常有益~可排濕毒、補脾胃〈韭黃鮮蝦腸> $32鮮蝦口感Q彈，加了韭黄倍添香味〈家鄉蒸蘿蔔糕> $19家鄉傳統風味，籮蔔糕晶瑩剔透、無苦澀味。〈麻辣抄手>$26Wa! 真係好好味，食到上癮。共有5隻抄手，隻隻都大大粒。〈原籠鳳爪排骨飯>$42呢度嘅蒸飯所有嘅米係金鳳米，所以一定好食，冇得輸。其實可以同你一起嘆餐咁嘅靚茶，已經覺很chill！#得閒飲茶

依加飲茶唔再局限去酒樓,近年開咗唔少點心店,呢間點心店所有點心都係即叫即蒸,全日免加一👍🏻春風得意腸 $42外層係腸粉,裏面係油炸鬼.入面餡料包括有:蝦.椰菜同粟米,外脆內軟😍蝦爽口彈牙,面頭灑上少少蟹籽,令口感提升了層次😋得獎蝦餃之王(4隻) $36蝦餃皮整到好薄👍🏻入邊嘅餡料飽滿,蝦爽口彈牙😋XO醬菜苗餃 $32菜苗餃皮整到好薄👍🏻入邊嘅餡料飽滿,😋菜苗加入XO醬好入味😋灌湯京滬小籠包 $29小籠包皮薄餡多😍一咬開有好多湯汁,帶有鮮味,入邊嘅肉肥瘦適中😋醬皇蒸鳳爪 $25鳳爪都算幾大隻,炆得好腍,醬汁好入味,帶有辣味😋

收工同同事去太子飲夜茶,環境簡約光猛,有傳統點心亦有特色創意點心,全部即叫即蒸,仲免加一👍◆得獎蝦餃之王鍾意食蝦餃嘅一定要試下鎮店之寶-蝦餃王,晶瑩剔透,大大粒蝦肉夠晒爽口彈牙,有咬口,就算凍咗啲皮都唔會硬😋◆春風得意腸腸粉皮薄嫩滑,入面春捲脆トト,仲有蝦,同埋蟹籽鋪面,入口層次豐富,確係正🤤◆沙嗲金錢肚沙嗲味濃,金錢肚非常軟淋,醬汁惹味！◆原籠鳳爪排骨飯熱辣辣上枱,飯嘅軟硬度啱啱好,鳳爪排骨大大舊,又好入味,而且份量好足!◆鍋巴雜果沙律賣相非常吸引,用鍋巴做底,好脆口,再放上雜果沙律,mix埋好夾,唔會油膩,口感好清新😋整體嚟講,食物味道唔錯!