得龍粉麵茶水檔

營業中

休息中

small local resto u wont find it unless u work or live nearby. vietnam food main, today we eated pork rice with double eggs.1)portion big to feed adult man.2)pork meat tinder juicy with good herb smell, yummy. 3)sun eggs are optimum, york melting on rice, bottom egg white are cripsy. super yum.4)extra veggie good for go poopoo in the next day morning.love it. 51$ is good. better than a lot places.#food #likes #delicious #sweet #bhfyp #vegan #dinner #breakfast #cake #homemade #healthyfood #lunch

星期六晚，大角咀活動前先喺附近搵食😋 平時都係跟大隊食茶記 今次因為晏咗D茶記差不多收市，於是行過對面街睇吓有咩好食 行過門口見到一枱食客食緊「蔥油豬扒飯」、「海南雞撈檬」被吸引了😍 一於試試呢間越式小店啦小店店舖不大，落單，傳菜，製作都係幾位店員負責。店員態度不錯😉 我哋2人點了： 蔥油豬扒雙旦飯👍🏻 蔥油夠香，香茅豬扒比較薄身，但好入味，煎旦係太陽旦，正！ 海南雞撈檬🆗 正常質素芒果沙冰🆗 應該有加糖水打成，個人覺得甜咗少少熱情果汁❤️ 呢杯推介，酸酸甜甜，好清新嘅感覺仲後加咗一個蕃薯餅😋 煎炸到脆卜卜，蕃薯軟軟地甜甜地，原來咁好食！ 下次再去大角咀活動，都會再幫襯呢間小店 💯

今日揸車行過，見到都有幾多人排隊等外賣，就試吓佢，叫咗個佢哋最出名嘅香茅豬扒蛋飯，啲香茅豬扒幾入味，果兩隻雞蛋先係重點，溝埋落啲飯度，再撈少少蔥油，好似薯片咁食唔停。我會再嚟食

座落五金工廠地區的茶水檔，由越南人主理，招牌香茅豬扒雙蛋飯，香茅豬扒入味香脆，兩隻太陽蛋生熟程度剛剛好，混入熱飯加上豬扒的油，再加埋個豉油汁，真係美味只應天上有。作為真正美食，就係當你已經好飽，但唔想辜負左呢隻蛋撈飯，寧願犧牲個肚腩。。。都要清哂碟。因為係路邊車來車往，所以要呢個天氣秋風清爽先可以堂食。地道街坊都為之津津樂道的小店呢度仲有其他一般茶餐廳食物，但最受歡迎都各樣抵食大碟飯，啱哂勞動佬。

未到炎夏，拿拿聲過嚟食晏，因為要坐街邊食，太熱的話自己都驚頂唔順。鍾意食雜錦湯檬，一碗有齊雞扒、扎肉同魚餅。薄身魚餅混有香草，少少脆口，份外惹味。湯底，冇勁口渴副作用，鹹度剛好。香菜、芽菜同金不換等配料都多，用湯匙隔開的青檸同紅椒粒，先係極品。青檸向來係至愛，見到佢喺度已經開心；紅椒粒夠辣，即時令個湯醒神晒。碗麵份量唔大，如果好肚餓，叫個香茅豬扒雙蛋飯就穩陣d。篤爛蛋黃，蛋液拌勻白飯，由於豬扒係碎上，好輕易就可以將豬扒同飯二合一入口。鍾意食飯要多汁的朋友要留意，呢碟飯係堅冇汁，豉油都係得好少。自己唔好多汁，所以接受到，反而享受到豬扒同蛋的味道。香茅豬肉撈檬的豬肉非常入味，肉汁豐富，香茅味濃，大喜。撈檬汁，西貢越南真味的出品更佳。

今日走到大角咀搵食，這條街周圍都係工廠區選擇嘅餐廳唔多，已經冇時間再去周圍搵食啦，再轉角位就見到一間越南餐廳，座位都是半坐街的，10分街坊感覺。想你寫食評發現他們的相片都係舊的，我估應該他們可能轉過手或者做個招牌！整間店舖都貼滿了食物圖片，的確好吸引樣樣都想食，價錢亦都係10分平，除咗越南美食之外港式食品亦都有，10分多選擇，閑談之下發現原來他們都是越南人主理知道是越南人處理我就立即叫個越式生牛肉河，試一試，40幾蚊相比出邊真係平兩成有多，分量正常，不過牛肉就冇牛味，而湯底都不夠入味，香料味不足，河粉都算彈牙忍唔住見到圖片叫多個越南春卷，出來都是熱辣辣，餡料口感都算不錯，價錢同食物質素成正比，在這個工業區有這個選擇已經好好

第一次幫襯左佢地嘅蔥油豬扒之後，依間越南小店已經成為我最愛嘅飯堂。唔駛飛已紅經食到地度越南野。佢地除左豬手扒飯好食，檬粉都一流，特別係春卷檬，新鮮即炸，好脆好足料。 越南牛粉味道係越南食嗰種味，香料味重，而且湯熱辣辣，冬天食特別正！

洋松街既越南小店，越色香茅豬肉飽⋯ 好得！個越識奶茶沖得好有越南風味，用上越南茶包，茶味香濃味夠越式包用上傳統越南扎肉，香茅豬肉用上越南香料，咬落鹹鹹地豬肉味龍濃。麵包軟綿綿的，還有肉鬆在包包中。

好耐冇黎依頭。佢好似轉左手唔知定裝左修。一間其貌不揚的餐廳。不過食物質素又幾好喎。賣相又唔係差。食左個越南錦雜湯河。啲湯幾鮮甜。啲餸有雞，有蛋，有紮肉。好多洋蔥。啲料都幾足。又大碗。雞都有啲雞味喎。三十幾蚊個面，質素算好好。之前食個間越南人煮既，依到同果間唔係差好遠，好接近。河粉同人地差啲啲。但平一倍。不過就冇冷氣供應，對於我唔怕熱，只為好食黎講就冇所謂。