從心素食 (Mikiki)

營業中

休息中

大年初二一般人都愛大魚大肉，但我卻想食素。本想食素食自助餐但原來初二很多素食店都休息。很開心得知Mikiki從心有開門就和老公來食飯😄。雖然是假期仍有下午茶時段真難得。我們5點左右入座，客人較少坐得舒服。從心餐牌有圖有真相，影得漂亮又清楚。新春有套餐但我們卻散叫了招牌椰香咖喱魚配酥餅、田園石板鴨及招牌胡椒勝瓜猴頭菇煲。有菜有湯有主食，好滿足呀😘。咖喱有椰香味，喜歡咖喱口味但又不嗜辣的我很適合。酥餅沾汁食超正。石板鴨上枱時還熱呼呼，芋頭炸得外脆內軟。三個餸中最喜歡招牌胡椒勝瓜猴頭菇煲。胡椒湯底味道恰到好處，食完咖喱飲兩口胡椒湯。原來新鮮猴頭菇做餸是這樣出色，爽口之餘texture 很好，驟眼有食肉的感覺，好想買回家自己試煮。其實從心我一年多前來過，今次再來，品質味道保持水準，讚。

美味素菜款式多服務好少食素菜所以都唔知甚麼好食餐牌相片都吸引下午茶又平最重要連假日都有下午茶不會因平而份量少見到鄰桌的食物好吸引下次都要試下今次兩個人食，就食套餐啦！

朋友介紹【從心素食】，菜色入型入格，仲好好味。今晚就一行三人搭地鐵到啟德站，從B出口出，行15分鍾左右，到Mikiki商埸，1樓07號鋪便是。到那，見鋪面裝潢簡約，玻璃膜牆，從外望進去，燈光明亮柔和。己訂晚上8點，服務員領我們從大堂轉過另一個大堂坐最後一張窗邊的卡位，窗外燈光閃閃，夜景盡收眼底，感覺很好。座位啡灰色軟皮，坐落舒服，米黃色枱布襯着雪白的餐具，潔淨清新，令人放心食用。翻翻餐牌，圖文幷茂。我們選了【 招牌蜜汁叉燒幷片皮鴨跟掛包6件】$118將叉燒、片皮鴨擺在掛包里，黃瓜絲蘸上有果味的醬合上掛包，味道好夾有嚼頭，似吃片皮鴨的感覺，唔錯。【南瓜栗子炆鷄煲】$88南瓜味相當濃，栗子够霖又甜，有咬口，鷄似模似樣，味道唔錯。【竹筍黃耳鷄絲翅】$48翅及鷄絲有咬口，湯濃稠，味道清甜，不錯。【蘆筍金湯蟹皇翅】$48金湯系南瓜蓉，味道尚可以，幾嫩滑。但夲人不太喜歡太濃稠的南瓜味。一贈送【番薯糖水】够火喉好香，甜度剛剛好結後語：後加掛包6件，服務員速落單，一會熱腃腃的掛包送上。服務到位

跟傳統的齊鋪唔同，我差不多和家人吃了有8間以上的齊譜，這間我覺得比大自然好😃👍食物正又好吃，最正係有下午餐，半價喎，超扺。至於價格，食齊當然比餐廳、茶樓貴些少，味道(素）絕對不比肉差❗😝

下午茶時段餐牌上所有菜式都係半價！真係好抵食！今日早少少到坐到窗邊位，加上室內環境光猛舒適，難得可以hea住食素食下午茶。燕麥金沙脆鱔鍋巴：脆鱔被咸蛋黃醬包住，配埋鍋巴，香口惹味食到停唔到口壽桃包：唔係生日，純粹想食蓮蓉包叉燒酥：千層酥包住叉燒粒，味道唔算特別但一口一啖幾適合下午茶吹下水

朋友生日，搵間素食店來慶祝啦，嘩，味道俾預期好，好似做果樣似果樣，完全不像吃素食給人感覺：有不同款式，追求時尚，有食材品味，可以千變萬化做出美好食物，希望一直堅持到底，做好美味出色的食物有中式，西式，日式的菜式，值得一提，壽司做得好正，南瓜粥又夠糊，意粉和飯都有黑松露味道，超香啊炸物非常酥脆，完全沒有油憶味色彩繽紛，食慾大增朋友選出以上她最喜歡的食物，太美味啦～完全食得滿足下次會再來的，下午茶半價添

今日同同事帶我去素食餐廳買lunch,望入去餐廳環境唔錯staff 都nice除左初一，十五，呢間餐廳都有提供lunch menu,選擇好多，有sushi,面，飯等等價錢合理，而且仲有跟湯／飲品，如果外賣仲有8折，我諗我每星期都會食一餐

午餐。端午，不太想吃糉，母親說去吃素，就到附近的從心素食。都來過好幾次，叫來叫去都那幾種。素雞絲粉皮，有點甜，老人家吃不慣，我剛好。芋頭魚，很滑，外皮很酥，醬汁可以不用。炸菜肉雲吞，正常。田園蒸餃，這個下次別叫。薑蓉蒸鮮竹，咸味過重。作為一家素店，這裡很合格，雖然今餐有bug，但依然可以打分中上，不錯吃。

正值十齊日又去食齋嘅時候…我喺新蒲崗返工..其實都唔係有太多嘅選擇…所以如果要食齋嗰日…通常我都會嚟呢間就齊舖…呢度坐得幾舒服…而且平日下晝都會有啲平嘅午餐我最鍾意飲呢度嘅老火湯日日唔同味今次我叫咗個四川麻婆豆腐飯淨係睇落去都唔覺得似係齊呢度個份量好足夠…而且用料十足…佢哋用咗依家時興嘅新豬肉的確可以以假亂真尤其是我啲朋友鍾意食有質感嘅齋…帶佢地嚟呢度就最適合不過有時呢度仲會有午餐壽司食添……..🤭🤭🤭

係素食group 有人介紹 今日我就去新蒲崗店試下原來午餐只左平日供應，今日星期六無就叫左呢個豬扒蛋包飯$8X我點幾鐘入坐，個場唔多客都等左一陣個飯先到，一到就令我震驚⋯⋯咁大份嘅？我諗應該for兩個人，如果女仔唔太食，3個人再點個小食都夠！食物真係👍🏻👍🏻👍🏻👍🏻不過服務就⋯⋯明明無乜客，突然有7-8個客要入，但又未齊人係梳化位2張2人枱再加枱變6人其實一係叫人地人齊先入，一係安排坐係旁邊嘅我或另一枱轉枱囉，好似趕客咁，因為佢地係需要埋我地張枱先夠位！依家仲係4人限聚，個場其實得5個客食緊嘢點解要攪到咁逼？我都急急忙忙打包走算喇！亦唔會有下次👋

在Mikiki揾食，選擇不多，巡了幾圏都沒有心水，又不想等位，見這間有位，就試試啦。午餐大概五十多元一份，算抵！~~~~~~~~~~~~~~~~~~~~~~~~~~~~~~座位有點逼。午餐繁忙時間，姐姐非常忙碌，明顯不夠人工作。🍲野菜三絲炒菠菜麵🍲 （附例湯） $56⭐️⭐️⭐️例湯是素湯，喝不出是什麼湯，清清哋、冇油，感覺很健康👍🏻至於炒麵，味道偏淡，材料不算少，麵軟硬適中，但比想像中油膩。想要辣醬提味，請姐姐幫忙拿，但她太忙，等了一段時間；再請另一位姐姐幫忙，到吃到尾聲才拿來。也明白的，人手不夠，互相體諒吧。加了辣醬好吃得多😁份量算多，$56一份餐，算抵食。

最近朋友要齋戒唔食得肉，蛋同五辛，誤打誤撞搵到呢間素食館。坐低打開餐牌，超多選擇，中日意菜式都有，由壽司到薄餅任君選擇。餐廳亦好細心，喺所有有蛋嘅菜式隔離都有清楚標示，啱晒唔同程度嘅食素人士。睇睇下先知朋友連味精都唔食得，問一問樓面，原來餐廳全部菜或都不含五辛同味精!!😲😲我地四個人叫左10個菜，全部都出乎意料地好味!! 特別係佢嘅山竹係列，超級juicy入味又爽口，啲炸野都樣樣都炸得好香口!! 原來唔用味精都可以做到咁入味同埋味道豐富!! 菜嘅做法同味道都好多好唔同，食食下都唔記得自己食緊素🤣 樓面姐姐都好有人情味，不斷搵佢地點菜都好好態度，最尾仲送咗我地糖水!!😋😋😋

從心素食都唔係第一次食，特別鍾情佢嘅午餐，師傅好有心機定期更新午市菜單，其實呢度本身已經得夠創新，夠驚喜，午市菜單中定期更換，簡直係驚喜唔會悶。午市套餐會跟飲品或者齋湯，梗係要齋湯。叫咗一個壽司，沙律菜，粉絲套餐👍🏻，食落健康，食得開心。跟住叫咗一個豉汁炒河粉👍🏻，好大份，食落唔算油，有鑊氣，冇諗過全部係素，都可以做得咁出色。有陣時想食得健康少少，可以嚟呢度，選擇好多，味道唔錯。****************👍🏻好食 | 👌🏻可以 | 😔 難食評分 : 6.5/10簡評 : 成日都有驚喜嘅素食餐廳

冇錯😂中秋系列又點會咁易完呢😂有親戚食開齋所以呢個做節大餐係齋坦白講呢有時食得多肉食吓齋都唔錯因為有啲齋都確係幾好食嘅😂🥬🥦🥬🥦🥬🥦🥬🥦🥬🥦🥬🥦🥬🥦🥬🥦🥬🥦🥬🥬🥦🥬🥦🥬🥦🥬🥦🥬🥦♤♡◇♧🐒圖中素食涉及大量黃豆及大量澱粉質 敬請家長陪同收看🐒♧◇♡♤圖☝🏻嗰個係椰菜+紫椰菜餅ie.低配版大阪燒🦧🦧🦧🦧🦧啲粉多到食一舊都飽飽哋圖✌🏻係腐皮卷記憶中佢雖然好上色但係唔會好咸餡係一堆脆脆哋嘅東西😂啲粒粒係三色椒❤💛💚壽司就壽司味啦吓😂第4個係冬陰功嚟嘅其實啲齋鋪好鍾意祭兩大法寶出嚟分別係葡汁同冬蔭功😂有食開就知😂不過呢度幾好辣辣酸酸又開胃又唔heavy跟住個蛋🦧🦧🦧哇犀利囉佢中間我冇記錯係夾芝士嘅個蛋冇味醂之類嘅花神野所以芝士味都ok出好食跟住係我本人好欣賞嘅炸芋頭🤩🤩呀話說題外話其實芋頭魚點泰式辣醬係一樣好好食嘅野嚟😎😎😎🤓🤓🤓有緣大家自己試吓呢個都好食，外脆內軟嘅，happy🤓卷嚟講😂佢係叫香芒藜麥蝦卷嘅個香芒個味好彩都幾出好食嘅姐係大家明嫁啦😂齋蝦呢家野😂跟住個竹笙雜菌煲其實好體現到齋嘅精髓真係由頭齋到落腳趾尾然後係好食嘅🦶🏼個菇味又重又香又唔令人反感個人認為舒服跟住係芝士伊麵😂酒樓嗌都冇

和朋友於新蒲崗做完運動，時間不早，速速在附近一帶揾食。隨便衝入新蒲崗大型商場Mikiki，邊行邊睇，看見一間素食餐廳，室內空間很濶落。快要九時了，門口侍應姐姐快手快腳，迅速招呼我們入內，馬上點菜。餐牌菜色多元化，有傳統素菜，也有玩味十足的壽司及卷物。和風雜錦壽司併盤 $188 ⭐⭐⭐⭐/5三文魚型態像真度高，非常有趣！牛油果炸蝦卷，口感都很神似！懷舊芋頭魚 $92 ⭐⭐⭐⭐/5魚身飽滿，啖啖芋泥，十分滿足！台式香煎琵琶豆腐 $88 ⭐⭐⭐/5不過不失，份量十足，但略為乾身。潮式涼瓜烙 $88 ⭐⭐⭐/5略為油膩，涼瓜較腍，粉較多，感覺太黏口，吃一件已膩！整體質素平均，份量十足。餐牌上還有很多不同菜色選擇，恐怕來多幾次都試不完。