從心素食 (Mikiki)

營業中

休息中

從心拼盤❣️ $108如果唔想食甘多肉類但無奈又係食肉獸 我會推介呢間素食俾你🤗今日多啲人黎就叫左呢個從心拼盤試下啦😚拼盤有蜜汁叉燒、話梅骨、芋蓉鴨、 迷你春卷😍你會諗咩呢到唔係食素架咩😂😂其實全部都係素食 神奇係師傅將素食整到有肉類菜式既賣相、味道同口感😝好得意😆好似呢個蜜汁叉燒甘 外層真係做到好似烤脆嘅叉燒外皮😲而入面係腐皮卷 口感幾似叉燒 蜜汁味頗重😋😋.另外覺得最好食既係個芋蓉鴨🦆好用心甘利用芋頭模仿脂肪 層肉就採用猴頭菇🤭食落上層軟棉棉 猴頭菇係經常用黎做仿肉類既食材😚口感極似😂調味又做得不錯🤤.呢到既午市套餐都幾多選擇 有梅菜扣肉飯、咕嚕肉等等😁好想全部都試下師傅究竟用咩食材去代替 令到賣相味道口感都甘似😂😋

因為要同屋企人食飯 所以要清淡點 選了這間鋪素食一般感覺係難食 同埋淨係得豆味 呢間店就做左好多精美既素食哈哈 佢有好多壽司刺身 wasabi係真既！呢個芒果卷既芒果好甜呢個豆腐煎得岩岩好 熱騰騰菜帶點藥膳既味梅子骨 味道酸酸地 好開胃😋😋食飽聽日又要番工😢😢

服務態度不錯，茶水欠缺時，侍應好快沖水，廚房出食物也快速，不用等太久，尤其蒸餃( 有素食館蒸餃賈等起碼25 分鐘), 味道比其他素食館略淡，但仍然不錯。蒸餃，皮薄，共6隻，有紅蘿蔔絲，非只有菜絲。燻魚，賣相和味道不錯，汁液適中，有芝麻裝飾。雪菜三絲炆年糕略油，但如果不油，年糕會燶。可以問侍應取辣醬，給了一碟應該是自製的XO 醬，不另收費，比其他連豉油都收費的食肆令人有好感。我在非下午茶時間吃，價錢，分量，質素合理。整體好滿意。

上星期日，筆者和一班素跑友完成了烈陽下的碼頭跑後，到了新蒲崗的從心「刷餐飽」😋，事後回味，一於黎個小小的頒獎典禮，簡介當天的美食：最「多元化」之選👑~從心拼盤，雜錦壽司拼盤一個菜式，多款選擇。從心拼盤包括了叉燒、話梅骨、芋蓉鴨、咖哩角4道小食；壽司拼盤總共有18件不同款式的壽司，2款食物，就可嚐盡各種不同的味道最「熱辣辣」之選 👑~黑松露酥皮薯仔卷以酥皮作為薯仔卷的外層，口感酥脆鬆化，一口咬下，同時感受到外層酥皮的脆和內裏薯條的熱度，現在回想，也有點口水直流🤤的感覺最「估佢唔到」之選 👑~金衣悠蔬脆卷配蜜糖黑椒汁初看菜式名稱，又「金」又「蔬」的，腦海中便覺得應該是一道色澤鮮明的菜式，旁邊放上一碗的黑椒汁。所以，當這道菜出現時，起初也是「相見不相識」，不知道面前的菜式就是這道菜呢😂。黑椒汁是已經淋在脆卷之上，所以菜式賣相是屬於沉色系列，卷內的材料包括露筍，蘿蔔，芋頭和菇粒，用料也挻豐富。最「白滑」之選 👑~~和風燒原條茄子🍆看過一些網上資料，茄子應該不去皮，才較有營養。不過，在營養和口感之間，為食的版主還是還著重後者🙈。去了皮的燒茄子，配上醬汁，口感滑滑又惹味，即使是一道較簡單的菜式，也

行完新蒲崗一田，已經八點鐘，見呢個素食店門面唔錯，而且都幾多人，所以今晚試試佢星期三晚，八點鐘，兩個人食，門口等左十分鐘有位入得座位幾企理，未算好闊落，但都坐得舒服一坐低，先問你飲乜茶，送一個前菜，再比份餐牌你慢慢睇。估唔到素食店既食物種類好多喎。除左中式，仲有日本壽司，西式pizza ，意粉都有兩個人最終決定叫中式，一個飯，兩個餸欖菜魚蓉三色炒飯除左白米，仲有紅米，粒粒分明，炒得好好。雖然用欖菜炒，但唔會好油，味道好夠發財海味一品煲唔講唔知自己食緊素，味道好似，口感都一流。里面有埋素鮑魚，真係十足十食緊真鮑魚咁。有好多種唔同既菇類，口感味道都一流梅子酸辣骨十分有驚喜，味道同咕嚕肉一樣，口感又係勁似，真係十分驚訝兩個人，呢餐連茶錢，埋單$301，以商場價食晚餐黎計，價錢合理。招呼都唔算，臨尾仲送糖水兩碗，會再幫襯

天氣炎熱，很翳焗，時晴時雨，不想吃大魚大肉，所以就到從心素食。看看餐牌，午市套餐50多元，挺化算。但Honey說，不如吃好一點，所以就叫了二人套餐。環境不錯，開揚。可選蕎麥茶。二人餐。頭盤：三選一。我們選了酥炸餛飩，作為頭盤，分量也不少。雲吞皮很脆，裏面是菠菜蓉，幾好味。湯品方面，三選一，我們揀黃金翅湯。黃金是南瓜湯，素翅挺有咬口的，也不錯。另外，餸菜和主食，可以選兩款。我們選了金菇金針木耳蒸豆腐和酸甜魚。蒸豆腐一般，太淡口。酸甜魚很惹味，松子鬆化。酸甜汁開胃，Honey喜歡。食物和環境都不錯了……但是，服務員的態度就認真麻麻！破壞了整體的氣氛和食物的美好。

一田最後一日大減價，之前幾日都唔得閒，唯有今日黎，不過最後一日好多抵買既野都會賣哂係一田上面有間新買既素食，因為姑媽食素，所以同佢試下。時間尚早，唔洗等位，我地坐低點完菜已經坐滿哂好彩係附近放工姐..估唔到星期一都會咁多人..鮮果蝴蝶骨 $108有2款口味既猴頭菇, 岩哂唔知揀邊款既人, 2款都可以試哂..1款係芒果,另一款就係橙。芒果就配沙律醬，姐係沙拉骨，橙果邊就比較特別，酸酸甜甜好開胃。佢用既係新鮮猴頭菇..新鮮猴頭菇出面好少有得賣, 同埋價錢都比較貴..牛肝菌鮮蘑菇意粉 $98意粉軟硬度適中，用黑松露醬配好多菌類煮，味道岩岩好，平時唔多食野既姑媽都食得好多籠仔蒸牛肝菌菜肉餃子 $52有6隻，皮夠薄，可以清楚見到入面既餡料，餡料好豐富

Poor taste , no avocado in avocado toast , no good dumplings .would not recommend when asked to cancel the toast they said cannot cancel anything The avocado in other dishes also stale The wasabi was so so strong , be careful and I recommend not to go

身為食肉獸, 聽見D大人話晚餐去食素, 真係一額汗...無得 say NO, 唯有去見識下啦. 咁岩撞正齋期, 超多人, 好在大人訂到位, 吾洗等 我當然吾會知D大人點左D咩啦, 開始上菜, 嚇親, 超 suprise 軟殼蟹壽司/芒果三文魚壽司/露筍鮑魚壽司吾講真係吾知無肉, 尤其個軟殼蟹, 根本就係軟殼蟹, 做咩要話我知係炸菇扮!!!個鮑魚都好鮑魚呀, yummy ~從心小食併盤 - 個咕嚕肉超 juicy, 大人話係用猴頭菇沾蛋液再沾粉炸, 好好好好味!!!!- 其次到荔芋鴨, 我本身吾多食芋頭, 但都幾欣賞佢, 個腐皮好鴨呀 ~- 炸大腸都好味.- 咖哩角一般般.咖哩薯仔羊腩煲呢樣又係吾講得少, D猴頭菇好羊, 又好味! 大人話有D咸, 但我又覺得岩岩好(如果吾落蕃茄仲好, 蕃茄似係後期加上去, 煮得吾夠耐, D味入吾到咖哩, 反而有少少吾夾)好得呀呢間素食, 推介推介推介

一言難盡啦有訂枱都要等 我等咗大約10分鐘。。。。。。。。。。。。。。。。。。薄餅唔錯 沙律還好中華沙律壽司有粒膠片 下附圖因此帶老人家小朋友嚟食真係要小心啲。。。。。。。。。。。。。。。。。。啲位較狹窄 出入都要隔離讓讓。。。。。。。。。。。。。。。。。。再落單漏咗成張冇入兩次俾錯餸。。。。。。。。。。。。。。。。。。第一個餸嚟要20分鐘 係。。。沙律。。。。。。。。。。。。。。。。。。跟住竟然有摺抬 感覺上。。大排檔feel囉。。。。。。。。。。。。。。。。。。

一行八人去從心素食開飯夏威夷風味PIZZA(HKD 108)味道ok但是放了太多茄糕黑松露芝士焗意大利雲吞(HKD108) 意大利雲吞略欠細隻, 但味道都OK野生竹笙松茸菇上湯雜菜煲(HKD88)松茸菇有青甜味日式酥皮叉燒酥(HKD78)好似真叉燒味，味道不錯甜醋欖油田園紅菜頭沙津（ＨＫＤ68）好健康, 酸酸地, 好開胃呀黑松露牛油果醬炒飯（ＨＫＤ98）這個最好吃,每粒飯都感受到黑松露味!軟殼蟹卷(HKD４５四件)素軟殼蟹有點硬，味道一般舨泰式冬陰功金邊粉(HKD62) 味道一般舨益氣十穀粥　（ＨＫＤ４２）健康之選有紅豆沙糖水送，ＯＫ好味茶價每位１０元

剛好到新蒲崗附近，當時沒什麼胃口，剛巧看見了有素食的餐廳，於是便去嘗試。餐廳外面看來很像很多人，但職員說露台也有座位，幸好那天不是那麼熱，於是便說可以了。今次點了足料明火例湯、鰻魚玉子燒、無錫芝麻脆鱔和台式香煎琵琶豆腐，原本也點了避風塘炸大腸，但職員後來說沒有，於是改點雙色刺身。味道像原本真的食物般，既保留原有的味道，但能不用食肉而食素，讓人覺得更健康。老人家也覺得這類型的新式素菜很好味，但可能其他食物做得太像真，琵琶豆腐便相對失色了，但全部都相當好味。

Mikiki新開嘅新派素菜，其實開左一段時間，不過第一次食就當佢係新開啦平時好少食齋，今次係見到下午茶全單半價優惠，真係好抵食！素餃蒸同煎各點左份，煎比較油膩，蒸餃皮較煙韌，亦冇咁重味。貪得意點左份刺生，外型真係幾似，但口感當然係唔同，食落係爽口彈牙嘅感覺，幾特別。叉燒酥真係要推薦！酥皮好香好鬆化，叉燒醬惹味，扮叉燒嘅菇菌都好有口感，唔會軟淋淋。饅魚玉子就比較失望，蛋有少少老身，加上燒汁味道好濃，食左一件就停手。併盤有芋頭鴨、叉燒、炸雞同春卷。素叉燒一定要熱食，竟然做到外脆內軟嘅質感！芋頭同素鴨味道好夾，至於春卷同雞就比較普通。另一推薦係臘味糯米飯，好神奇係臘味真係有平時食到嘅甘香，糯米飯炒得夠乾身，好味！下午茶半價真係抵食，而且份量同質素都冇走樣，唯一係食物為左仿肉質感比較濃味，但總體味道唔錯

哇，这家餐厅的美食非常好吃！ 这餐厅是个素食餐厅，它们的食物都很健康，但是又美味！这次，我吃了蘑菇奶油大利面、猪排卷、煸炒茄子、喇叭花、煮白菜，还有芋头汤。每道菜的价格介于$40-90HKD，我觉得相比他们给的食物量，还有事物的质量，价钱不错啊！这家餐厅非常满意，我迫不及待地想要回去！就我个人而言，我推荐这个家庭晚餐的地方。

因為係附近工作，同事們都對呢間mikiki嘅素菜有興趣，所以就跟住去試試。由於我地一行人2點幾先食飯，所以就有下午茶價，就係所有食品半價！餐廳嘅環境都相當開揚，座位闊同舒服。食品方面，整體質素唔錯，雖然自已唔食開素，食完呢餐後對素食改觀不少，事關餐廳將素食煮得太似肉食。一開始就叫左個刺身，樣就相當似，味道就似仿鮑片煎素菜餃，同平時茶樓食嘅差不多叉燒酥十分有驚喜，同真嘅一樣香口，入面嘅餡料應該係菇，加左蜜汁後就好似食緊叉燒，必叫。素食拼盤，推薦素叉燒！嘟嘟雞煲，味道可以，不過唔似嘟嘟雞嘅整法，同炒西芹雞柳差不多芥末炒牛柳，可以不試，因為仿肉的素食有奇怪嘅質感。總括黎講，從心素食嘅食物有誠意，點心類比小菜類煮得較出色，同埋食下素食個人都感覺健康d。