御名園 (鴻運中心)

營業中

休息中

早上明明有空枱，硬要我搭枱. 仲系命令式. 當正自己系司令. 無下次. 比錢仲受氣. 走都走唔切. 令今次已經第三次. 第一次比員工侍應阿婆鬧, 呼喝指明特定位置. 我無理佢. 已向經理反映，經理說會改善. 以為 個別事件. 第二次侍應無呼喝. 但無理會我地. 叫極無人理. 

今日約了好友去了元朗嘅「御名園」食晚飯！首先，叫咗個燉湯先， 《黑蒜燉響螺》非常足料，包括有響螺，黑蒜&豬肉等材料，一打開，香噴噴，勁甜勁好飲呀！ 見到西澳洲龍蝦做緊特價，$388 一隻配伊麵底，性價比極高。龍蝦啖啖肉，份量十足，蝦身有五至六大件，龍蝦新鮮彈牙，肉質鮮甜，伊麵爽口。另外叫了一個《晚市組合》 ，蒸元貝或空運蟶子+ 一款小菜《金蒜銀絲蒸空運聖子 4 隻》蟶子開邊蒸，外觀已經好吸引，仲要火喉控制得好好， 蒸至剛剛熟，又大條，厚肉肥美，蟶子爽口鮮甜， 粉絲吸收晒蟶子鮮味，正！ 《即燒脆皮文昌雞》， 即燒即食， 外皮十分香脆， 肉質嫩滑，yummy ! 餐後甜品

御名園 (鴻運中心) (元朗)元朗鳳琴街15-21號鴻運中心地下A1,3-10及69-70號舖我喺元朗搵好嘢食，放假梗係要同屋企人飲茶，有親戚介紹元朗有一間環境闊落點心好食的酒樓，放假專程來試一下。一大早已經有好多人排隊，有信心保證。黑金流沙奶黃包$29.8唔好睇佢黑色，但其實好好食，甜度適中，奶黃流沙香滑。醬皇金錢肚$29.8最愛吃的點心就是金錢肚，這個像黃金錢肚非常入味，金錢肚炆得淋身。宮廷紫薯椰汁凍糕$25.8椰汁糕好香椰奶味，作為甜品清涼而不油膩。紅茄鮮竹泡菜苗$58菜苗清除上線，鮮竹紅茄同樣健康，最啱一家大細一齊食。陳醋珊瑚紅海蜇頭$68開胃的頭盤，酸酸甜甜，海蜇頭刪除。大汗王府烤羊排$68楊假肥而不鬧我，很香醬油味，而且消毒坑口。椒鹽一口豆腐$42脆卜卜炸得椒鹽味濃，很香口的一個開胃菜。蒲燒鯖花魚$58鯖花魚好大條海邊，加上青檸汁，開胃得來又健康。燒石岐乳鴿$58原隻石岐乳鴿卜卜脆。長白山仙人參燉竹絲雞湯$28一中寶堂都只係$28非常抵飲，裏面用了十足有歷條人參和竹絲雞。桃膠西施杏仁茶$25.8杏仁茶滋潤，桃膠提供不少骨膠原。雪燕糖燉蛋$29.8燉蛋甜而不膩而且十分香滑。沙

放假做個孝順女同屋企人飲茶😎呢間酒樓都算係新開，裝修幾高格調，店員服務非常殷勤👍 雖然被安排坐房間但店員隔一陣就入黎睇下我地有咩需要，又會換碟又好勤力加水💯 感覺呢間酒樓係行比較高尚高質路線，但價格反而好平民🤗我地叫左黑金流沙奶皇包，極品花膠灌湯餃，金蝦風乾咸雞煲仔飯，薑汁炒芥蘭，意大利黑醋小排骨，湖南桂花鮮淮山～流沙包熱辣辣，包體鬆軟，一搣開超級流心！😍 蛋黃味香濃，唔會太甜，好食！🤤花膠灌湯餃湯底幾重雞湯味，好好飲，一啲都唔油😋花膠膠質豐富，灌湯餃餡料有金華火腿同非常多既蝦肉，皮薄足料👍👍金蝦風乾咸雞煲仔飯同樣足料，蝦乾超大隻！不過黎到果陣已經聞到比較強烈既燶味，所以飯焦比較多同黑，雖然好香脆，但我同屋企人都覺得略嫌燶左啲😅意大利黑醋小排骨超好食！！ 新鮮炸起外層勁脆，排骨肥瘦均勻肉質嫰滑，黑醋既酸味好香好突出，非常出色！！💯湖南桂花鮮淮山係涼盤前菜黎，擺盤幾精緻👍淮山好爽脆，桂花清香味突出，養生健康又好食😋整體黎講無論食物定服務都屬於中上，一定會再黎幫襯😊

這間位於元朗的御名園，晚市主打小菜，還有多款套餐，十分抵食。入座後先送上小食，每碟$28，茶水每位$15。西澳洲龍蝦大特價，做到今個月尾，$328有斤幾重還配伊麵底，性價比高。上湯西澳洲龍蝦伊麵龍蝦真是啖啖肉，份量十足，蝦身有五至六中件，龍蝦新鮮彈牙，肉質鮮甜，伊麵爽口。另外還點了一個晚市組合A，有蒸元貝及一款小菜。金蒜銀絲蒸元貝元貝開邊蒸，火喉控制佳，蒸至剛熟且保持嫩腍，粉絲吸收了蒜茸及元貝鮮甜，十分爽口。神灣菠蘿咕嚕肉咕嚕肉外脆肉嫩，用了梅頭肉，所以肉質鬆化，加上酸酸甜甜，十分開胃。

啲間新開無耐 我同屋企人經過緊係要試下啦 同埋好似係名廚操刀 所以更加想試下 聽人講啲食物質素吾差 裝修非常典雅高貴 而且坐得好舒服 因為位置好寬敞 每張枱與枱之間都好鬆動 吾怕聽到隔離講咩 個人感覺都似似地行高級中菜路線-🧏🏻‍♀️溫馨提示：雖然佢裝修行高級路線 但服務質素就一般 有時會聽到經理同員工嘈 同埋無水時啲人會扮睇吾到 直行直過 不過有啲就幾好 仲會特登主動陪你傾兩句 幾有親和力 至少吾會黑曬口面啦-星期一至五(公眾假期除外)▪️ 小點 $22.8▪️ 中點 $25.8▪️ 大點 $29.8▪️ 特點 $33.8▪️ 精點 $38.8星期六、日及公眾假期▪️ 小點 $25.8▪️ 中點 $30.8▪️ 大點 $34.8▪️ 特點 $38.8▪️ 精點 $45.8#黑金流沙奶皇包(大)我個人中意食黑金流沙奶皇包多過普通流沙包，食落去有少少竹炭粉味道，成個味道更加香，個賣杷都好吸引，用竹炭粉做包皮，再畫上食用金粉，包皮好鬆軟，奶皇流心都香滑，而且欣賞佢好熱。#安蝦咸水角(中)現間好難搵到間好食，但好好彩佢炸到外皮好脆口，配埋芝麻鹹鹹地，不過嫌佢就裡面餡料吾夠多，食落口有少少空氣感太多。#酥脆芝士紅薯

今次黎到呢間酒樓裝修同茶具真係好靚好歐陸式😍，大大嘅魚缸整到有少少似水族館，望住食飯賞心悅目，就連上黎既前菜，都唔係平時酒樓啲普通花生，有紫菜碎係上面😋我地叫咗個晚飯美饌組合A、B各一個，A組合可以選聖子/鮮元貝再加一個小菜($218)，B組合就可以選蟹/波士頓龍蝦伊麵再加一個小菜（$338），超級抵食👍🏻1️⃣金蒜銀絲蒸空運聖子（4隻）聖子上枱既時候不禁覺得真係好大條😍，食落好爽口，粉絲同炸蒜份量都好多，食落好入味😋2️⃣薑蔥炒揀手肉蟹 （2隻）雖然只係$338仲連小菜，但係肉蟹好厚肉，仲要有兩隻😍 我地每人都各食咗兩隻大蟹鉗，超滿足🤤3️⃣紅燒花膠珍菌豆腐花膠落得好足料，豆腐醬汁味好夠濃，要趁熱食👍🏻4️⃣黑松露醬元貝粒炒滑蛋元貝數量超多😍，黑松露都落得重手，蛋炒得好滑，食落有少少似西餐🤣5️⃣杏仁茶 ‼️推介‼️食到最後酒樓上埋糖水，同其他酒樓淨係得紅豆綠豆沙唔一樣，今次既係杏仁茶😍，食得出真係超級足料，仲要有蛋白係入面🤤，係小編食過最好味既杏仁茶😋題外話，呢間餐廳既服務真係好好，我地食蟹嗰時不停主動幫我地換碟同比濕紙巾我地，真係好細心👍🏻👍🏻

真係好矛盾，明知服務差，但係都要嚟等位，因為啲點心真係好好食，服務差到呢一個點，難頂！首先人手唔夠，眼見在場有空枱，但冇人執枱，所以出邊等位等好耐。新手叫極斟茶交點心紙都要等眼見有時啲人自己去斟水，呢度啲阿姐成日都心情唔好，講嘢好晦氣，如果你頂唔順嘅，就千祈唔好嚟啦。曾經親眼目睹兩位阿姐喺度嗌交，嗌完交一擰轉身即刻講埋粗口，啲食客聽得清清楚楚，救命！如果老闆有機會見到呢篇食評可唔可以真係正試吓呢其實廚房整嘅點心真係好好食我相信啲人忍受忍受咁差嘅服務都係為咗食好味嘅點心，老闆可唔可以請多啲人同埋培訓一下員工嘅服務態度啊！仲有一樣亟需改善嘅就係廁所，最唔鍾意呢個廁所出邊嘅水龍頭係要男女共用，仲有廁所入邊嘅衛生環境極差，好似冇人清潔咁，唔該正視一下，老闆！

諗住紅日放假試下間新裝修酒樓，朝早十一點幾去到，等個幾鐘等到十二點半先有位。點解等咁耐？係咪人多到咁？唔係囉！喺門口攞完張飛，等左大半個鐘，個阿姐只係不斷叫「乜生乜太」，喺完全冇叫號碼嘅情況下，係咁放人入。而阿姐部機個號碼呢？當然係一直冇跳過啦！終於忍唔住出聲嘈阿姐，嘈完佢又係唔出聲！即係咁，你要做熟客生意就咪擺陪機出嚟啦，直接貼「親疏有別」四字牌匾喺門口咪一清二楚囉！平心而論，啲食物水準都唔差，但服務真心要改善

裝修新淨光猛，空間寬落，環境舒適酒樓硬件同價錢都似想走高檔路線，但軟件完全不濟，食物普通，最不喜歡是有經理級以咆哮方式指點下屬，雖然下屬工作表現不佳，但可否不要大聲指罵，完全影響客人用餐厚切叉燒拼手拍青瓜叉燒好味，肥瘦適中，青瓜偏酸藜麥花膠皇燒翅濃湯花膠翅，家人覺得好食，我自己覺得咸了少少，翅唔多、花膠足，但食落一般，欣賞加入藜麥好有口感蠔皇四頭鮑伴椎茸鮑魚靚，但煮得未夠透，不過好香同夠入味蟹子元貝蒸蛋白蛋白配上湯易入口，但蛋白過熟，唔滑起哂泡，浪費了整個菜式豉油雞套餐內的乳鴿賣晒，以豉油雞替代，雞夠滑，豉油夠入味，味道不錯五常米釀脆皮鳳雞翼用刀一切開，雜豆令雞翼吸引力大減，無食到；如果雞翼係用糯米釀，再走雜豆更好，無食到，所以不能評價紅茄鮮竹扒菜苗上碟賣相好扣分，大大個蕃茄，我寧願將蕃茄融入湯底或者切小巧一點，感覺會精緻少少，味道不錯，有蕃茄味的上湯娃娃菜合時甜品相信椰汁紫米糕，正常酒樓糕點總結：套餐份量足，食前有期望，但水準明顯在預期之下，完全無高檔與精品的質素，無下次

星期日午巿點心：蝦餃皇 $38.8 以高貴的金薄點綴，餃皮晶凝通透，蝦鮮味。咸水角 $30.8 大大隻，好吃。牛肉腸粉 $34.8 玻璃腸粉，香茜牛肉餡有質素。叉燒包 $25.8 包很鬆軟，叉燒餡料味道好。蟹籽燒賣 大大粒，餡料飽滿 又鮮味。小食：拾味椒鹽魷魚鬚 $50 外層炸漿太硬，不推介。飯類：金稻海皇西施泡飯 $118 ，湯底味道可以，海鮮方面有三隻中蝦和一些小貝柱，米通香口，不錯。服務員：時運很高之外…為避免受氣，不要對食物有任何查詢。如果等15分鐘也沒有人加水，建議你可以自行去沖熱水。（註：心情欠佳者不建議光顧。）總結：裝修食品酒店格局，服務員態度茶記不如。這餐我覺得自己有點懷疑人生。

下午茶時間呢到食物既賣相比想像中靚，d碗碟都幾精緻。薑炒芥蘭味道唔錯，有薑既香氣，芥蘭都好爽脆，系全部都勁大舊鮮味蝦餃皇有個金邊，特別小小。味道正常，幾大隻。椒鹽魷魚鬚色水非常靚，薄薄一層粉，非常野味。鮮蝦炸雲吞必食既一道，脆卜卜，點上酸甜醬😎👍🏻正入面個蝦肉都好有誠意，雖然得一口size，但絕對滿足。燒鵝例牌正常既燒鵝千層薑汁糕淡淡既薑味，唔甜既，老人家應該會鐘意🤣🤣整體食物都幾野味，都會一啖接一啖食，可能落味精?

前後食過三次，朋友介紹的，推介有名厨出任主厨，所以前來一試，先食下午茶， 相當唔錯味道出色， 價錢合理，但招呼差，員工都互相對罵人（上菜姐姐有禮貌）， 客人有客人等，枱有枱空！！！之後是早茶， 開始轉差，但好的比差的多， 早茶與下午茶菜色有分別，可以試到不同的味道，還可再試，唯有招呼是沒有不改變。晚餐，這個價錢這個質素，我感覺 性價比不高，元朗有好幾間高汁粵菜，還試了一個得獎菜，但真的唔明點解會得獎？？？ 入口隱蔽不用，不容易發現，裝修優雅，杯碟西式，與中菜有點格格不入

元朗店服務十分差，唔爆場，一半人都無可以落錯單，啲待應無心工作，無理會客人，叫個餸講兩三次，都可以返轉頭問番你叫乜，然後仲要出錯餸，係我廣東話唔夠純正定係應待聽唔明廣東話？非一般的服務，然後收你加一服務，服務在那，整餐飯都睇唔倒！這個價錢這種服務，這種食物水平，就會明得一半食客係唔關疫情事！燒鵝，唔好話暖，只好講入口唔凍，點了例牌，得幾件係肉，其他比曬啲骨上湯浸時蔬，淡淡地，合出家人吃！唔知以為白烚龍蝦伊面，咕嚕肉、正常酒樓嘢，收費貴約三成！家鄉炒米，炒都未炒均勻，一邊無味一邊喊！牛肋骨，好冧，冧到霉咁！唔會有下次的一間食肆！

星期日當然係陪下屋企人♥️今日同爸爸媽咪去試新酒樓去佐元朗呢間新開既御名園咁岩係下午茶時間2:00-3:30pm幾抵食😍 等佐15分鐘就有位👍🏻 座位好闊落，樓底好高，爸爸話有啲啲似酒店中菜feel😄➨鮑魚燒賣皇 HKD23 / 2隻➨精品大師粉麵飯 HKD78✨鮑魚汁花膠冬菇撈淮山麵➨精品小食 HKD88 / 2款✨水晶鎮江餚肉✨鮮沙薑香茜豬手➨超值孖寶 HKD36.8 / 2款 ✨太極小欖粉果✨精緻啤梨咸水角✨招牌灌湯小籠包✨手剁陳皮鮮牛肉球➨潤燒石歧乳鴿 HKD48 / 1隻下午茶幾抵！人均一百蚊鬆啲，真係坐得幾舒服，酒樓冷氣岩岩好不過就冇乜人黎收碟收籠同埋餐廳外在幾耐，廁所好污糟！食物樣樣就幾好食，熱辣辣♥️爸爸媽咪都一致覺得唔錯☺️見到佢原來都開佐幾多分店