御名園 (已結業)

🤍御名園🖤將軍澳唐俊街12號天晉匯1樓102號舖📍今日約咗好耐冇見嘅朋友喺將軍澳區食飯，知道PopWalk呢度中菜晚市做緊特價優惠，環境有幾舒服，決定試一試🥣舞茸合桃燉土雞 $33.8每日都有特價嘅是日燉湯，我哋試咗呢款湯又幾足料好味！入邊有雞件、舞茸、合桃、紅棗、大量菇菇同豬肉，飲落甘甜非常滋潤！🐤潤燒石岐乳鴿 $50夜晚都竟然仲有特價乳鴿，乳鴿燒得非常香口，外皮仲係脆卜卜，叫一隻兩個人share食啱啱好。🍲蝦子海味炆伊麵 $138超級大份！真係食唔晒要打包，除咗有蟲草花仲竟然有大量海參粒粒，伊麵炒得啱啱好唔會太淋。🥬瑤柱海味雜菜煲 $108叫咗個雜菜煲清清地夠晒健康，除咗好多菜之外亦非常多雜菇，啱晒配其他煎炸嘅小菜食。🦐黑松露醬爆蝦球 $148黑松露控必試！啲黑松露醬多到成個底都係，翠玉瓜同埋香菇都好清甜，不過蝦球就鹹咗少少~

今日介紹嘅餐廳位於將軍澳天晉匯，從地鐵站經過popcorn 行大約4-5 分鐘左右便可到達。餐廳貫徹理念是每位在用膳的食客都能夠一嚐極緻膳食的滋味。餐廳環境舒適，提供不同中菜及海鮮，另外亦設晚市套餐及午市點心放題。🌟陳皮脆香燒鵝皇半隻$238燒鵝皇半隻份量算多，做到皮脆肉滑，油香味足夠，另外亦食到少少陳皮嘅味道，旁邊提供酸梅醬。🌟黑胡椒焗揀手肉蟹$328呢款揀手肉蟹海鮮而言價錢唔算貴，入面有兩隻蟹，除左味道新鮮，黑胡椒味道非常入味，而且入面嘅蟹膏飽滿，算係性價比推薦大家。🌟桃膠西施杏仁茶$28桃膠西施杏仁茶非常濃滑，杏仁味好香，而且甜度適中，入面有小量桃膠，為養顏滋潤嘅甜品。🌟鬆化脆蛋散$28依家做甜食蛋散嘅餐廳買少見少，蛋散炸到金黃色，鬆化爽脆，麥芽糖糖漿放係旁邊比客人點，整體都唔錯。提提大家要留意有兩條天橋連去天晉匯，不過得一條係啱嘅，所以要望清楚係邊一期，如果唔係就會兜個大圈。📌御名園 將軍澳唐俊街12號天晉匯1樓102號舖🚇港鐵將軍澳站 A2 出口, 步行約4分鐘📍#將軍澳

很久沒喝茶，今日去將軍澳天晉的這間茶樓，上午11時前有特價點心，但必須在12時前離座。點心多款式，有帶子腸粉、潮州粉果、牛肉、金錢肚、雞扎、菜苗水晶餃等等，飽肚的也有鳳爪排骨飯、銀魚仔鷄粒飯，最大的是蓮蓉包和鮮竹卷，只是$13.9蔥花炸兩腸粉麻麻，皮厚，油炸鬼凍，有極大改善空間蛋散算鬆化，大碟，比炸兩腸粉好馬拉糕是原籠，甚有特色，不是間間酒樓有，而且熱辣辣，十分鬆軟，甜度適中，不會過甜！炒米粉份量很多，炒得幾香，不是太碎，味道合格食物的質素有改善空間，但值得一讚的是這間酒樓的知客很有禮貌，不會像一些大酒樓般粗聲粗氣，而且酒樓的座位比較寬闊，枱與枱之間有一定距離。如果這間酒樓能提升食物的質素，相信會有更多食客捧場

今日同媽咪仲有契媽一齊飲茶，契媽話天晉有間點心唔錯，細細間比較清靜又坐得舒服嘅酒樓，仲話有人為咗一個點心由流浮山都過嚟飲茶，講到咁誇張一定要試下啦。我哋大十點左右到，的確係比較細，但係無因為咁而將啲塞到好密，所以都算幾靜同舒服，點心嘅味道亦真係唔錯，早巿有孖寶優惠，十二點半前埋單價錢都幾抵。遠年陳皮牛肉球，肉唔會太淋太削，唔錯。黑松露鮮蝦燒賣，唔係點食得出黑松露味，不過都幾好。花膠灌湯餃，呢個就係契媽講有其他客人好遠都嚟食嘅點心，係幾好味嘅，皮滑湯濃。鮮牛肉軟滑腸粉。蔥花炸両腸粉，裏面仲脆㗎。蠔皇流汁叉燒包，雖然個樣好似麻麻，不過裏面嘅叉燒都幾足料。香煎臘味蘿蔔糕，唔散又唔硬。薑汁千層糕，唔膠嘅糕，夠煙韌。鬆化脆蛋散，又搵到一間係酥化唔係脆嘅蛋散。銀魚仔雞粒飯。鳳爪排骨飯。

都有一段時間無去飲下茶，今日走到將軍澳「御名園」歎下佢地嘅一盅兩件先。 疫情關係，他們都以4-6人枱為主，另外還有廂房提供，真係可以慢慢歎下茶。點心種類繁多，都睇到我目不暇給，樣樣都想食。鮑魚汁炆鳳爪鳳爪掛滿鮮甜味美鮑魚汁，啖啖骨膠原的軟腍口感，非常入味。淮山四寶滑雞札雞札中除了鮮竹、花膠、蟹柳、雞肉後外，更加入淮山，多了一份黏膩質感，口感不錯。水晶鎮江餚肉一層又一層的鎮江餚肉，光滑晶瑩，鹵凍透明，味道平衡得宜，一點膩滯感都沒有，在這炎炎夏日進食，就最好不過了。 四川香辣金錢肚金錢肚口感彈牙有韌性，帶著四川香辣嘅味道，真係越食越惹味。 黑金流沙奶皇包奶皇包熱燙燙的來到，奶皇包質感軟彈，一撕開即流出香濃嘅流沙餡料，爆漿香甜濃郁奶香，令人回味。

成日都會去將軍澳天晉的御名園食晚飯，套餐特別抵食!🔹晚市組合D $368 (冶味薑蔥焗美國桶蠔1桶 / 黃金焗海生蝦 / 神灣菠蘿嚕肉)呢個晚市組合超級抵食! 🔸薑蔥焗美國桶蠔，份量十足，桶蠔成隻拳頭甘大隻，用上薑蔥焗真係冶味十足。🔸黃金焗海生蝦，可以揀頭抽或者黃金焗。黃金焗非常香口，海生蝦蝦身沾滿鹹蛋黃，肉質新鮮彈牙，仲好邪惡又惹味!🔸神灣菠蘿嚕肉，熱辣辣上枱，嚕肉酸酸甜甜，炸得外脆肉嫩，炸粉又唔厚，仲有新鮮菠蘿同埋顏色鮮艷的椒，非常開胃的一道菜。🔹乾清養顏棗皇糕 $28精選新疆紅棗皇，棗味醇厚，滋潤養顏，配以濃郁椰子汁，煙韌留香。🔹鬆化脆蛋散 $28做甜食蛋散的酒家真的不多了，見到餐牌有即刻叫! 蛋散炸到金黃色，非常香脆鬆化，仲有麥芽糖的香甜味，為今餐畫上一個完美嘅句號!

今晚去左天晉匯一樓御名園食中菜。平日的夜晚都幾多人黎食晚飯，好彩一早訂左枱。🌟美饌組合A $218 (金蒜銀絲蒸空運蟶子4隻 / 紅燒花膠真菌豆腐)佢地既晚餐組合性價比好高，今日就叫左個A餐。蟶子超大隻、比手掌要大得多、爽口彈牙好鮮甜。蒜香好濃郁，d粉絲索晒啲蒜味同埋蟶子嘅鮮味，用黎撈飯食一流。 紅燒花膠真菌豆腐，花膠細細塊但份量都唔少，炆得好入味。豆腐非常香滑，配埋新鮮真菌唔錯。🌟羊肚菌南北杏燉花膠湯 $38.8今日燉湯係羊肚菌南北杏燉花膠湯，好足料、火喉十足，湯好清甜，$38.8超抵飲!🌟鲍魚一品砂窩飯 $188好大個砂窩飯，熱辣辣香噴噴，用上蛋白炒飯粒粒分明，配埋鲍魚汁，仲有細細粒既鲍魚增加口感。大窩到食唔晒要打包返屋企。🌟桃膠西施杏仁茶 $28最後食返個糖水先夠完美，桃膠西施杏仁茶，杏仁味好香，甜度適中，仲有好多蛋白同桃膠，非常滋潤的甜品。

前幾日同親戚食飯，入到去將軍澳依一間叫做御名園嘅酒樓。親戚話，平日晚市叫小菜都幾抵食，而且味道幾好，好過一啲老牌連鎖酒樓。比較少去到將軍澳嘅我，就一於試吓依一間酒樓吧。酒樓環境都相當之舒服，樓面姐姐非常有禮，可能見到我哋睇餐牌睇得泰萊，佢都會過嚟介紹一下有啲乜嘢係好食。打破咗我哋好耐都未嗌嘢食嘅尷尬位。姐姐問我地有冇興趣試吓老火靚湯，我哋就聽咗佢話，叫了兩款呢個禮拜限定的老火湯。羊肚菌南北杏燉花膠湯同埋雪蓮果椰皇燉竹絲雞湯，我兩款湯都飲過，兩款都非常之清甜，特別嘅地方係每一碗都有落足料，除咗湯水之外，仲真係可以食到湯渣，呢一方面都可以見到酒樓係落足料，唔會特別落一啲味精去令到特別好飲，真材實料。既然親戚話晚市平日係有特價，我哋睇完餐牌之後就發現有幾個晚市套餐都真係幾抵食。依個組合我哋嗌咗薑蔥焗美國桶蠔、黃金焗海蝦、燒鵝皇。我最鍾意都係薑蔥焗美國蠔，估唔到中式酒樓都可以食到咁好味的焗蠔，平時就食得多生蠔或者西餐煮法嘅焗蠔，但係依一間御名園利用薑蔥煲仔嘅煮法嚟爆香蠔仔，一嚟美國蠔係非常之大粒，啖啖肉之餘仲有夠晒鑊氣，真係好味過就咁食一隻生蠔。鹹蛋黃金焗海蝦亦都非常之香口，酒樓用上大量嘅鹹蛋

一家人食飯，在將軍澳區附近要找一間好的中菜酒樓。家人就提議了這間「御名園」，事關他們在其他分店曾食過午市放題，覺得其質素不錯，相信晚市叫餸食飯都一定有返相當保證。將軍澳的御名園位於天晉匯，從地鐵站行過去都是大約4-5 分鐘左右，相當方便。酒樓環境都相當舒適，枱與枱之間都有足夠距離，亦沒有一般酒樓的喧嘩吵鬧聲，坐得都相當舒服，可以慢慢傾吓偈。御名園的玻璃外牆已經張貼了餐牌，還有一些期間限定的優惠和菜式，所以可以在酒樓門口先看餐牌，覺得適合才進去。御名園有不少套餐選擇，而且當中更包含不少海鮮，所以是相當吸引的。✦ 1. 羊肚菌南北杏燉花膠湯 ｜ 雪蓮果椰皇燉竹絲雞湯今個星期的精選湯水為羊肚菌南北杏燉花膠湯和雪蓮果椰皇燉竹絲雞湯。兩款湯水都非常足料，而且飲落非常香甜，沒有半點味精或多餘的調味。除了本身的材料之外，湯水還用上瘦肉去熬製，可以令湯水可以富有肉香之餘，卻不會添加油膩感，一舉兩得。✦ 2. 晚市組合A - 金蒜銀絲蒸空運蟶子 配 XO醬翡翠炒海螺片平日這份晚市組合只需$218，就有金蒜銀絲蒸空運蟶子/ 鮮元貝配一款小菜。我們就選了蟶子，初頭以為只有4隻蟶子未必夠食，點知原來1隻蟶子是

趁週末來到將軍澳南逛逛、海邊的西餐廳已經試過、今晚就去左天晉匯一樓食中菜。上網見到好多人介紹呢間點心放題、一直想試下、今次夜晚來到都幾多人食晚飯。今日燉湯係瑤柱茶樹菇燉唐排，原來茶樹菇燉湯係咁甜、仲有健脾滋潤之效。小菜選擇幾多、仲有好多精選特價海鮮小菜可以點、見龍蝦有特價，我地叫左隻細嘅試下。 細嘅都有斤半重、份量比想像中大、新鮮肉質爽口、跟上湯煮唔會太膩、伊麵都好好味。兩個人來吃海鮮餐都幾抵。另外叫左兩隻蟶子試下、超大隻、金銀蒜撈飯好正😍而家好少酒樓仲有官燕食，佢嘅養顏官燕足足有三両官燕咁多、以冰糖、杏汁、椰汁燉、滋陰養顏。好豐富滿足的一餐～

之前黎過御名園飲茶覺得都唔錯～～見佢地最近推出左點心放題，可以一次過試哂40多款點心，好吸引🤩🤩-🥟90分鐘午市點心放題 $158/位✨點心選擇好多，例如有燒賣、蝦餃、腸粉、粉果、小籠包、鳳爪、鮮竹卷、春卷、核桃包等～～全部即叫即蒸，上枱時熱辣辣🔥🔥燒賣同蝦餃一直係我至愛！大大粒、爽口彈牙🤤🤤而小籠包都唔錯！皮薄餡靚，咬落仲爆汁👍🏻👍🏻鍾意食香口野既朋友一定要試榴槤酥！外型成粒糖咁，口感好酥脆😋😋另外推介宮廷拉花糕！咬落鬆軟香甜，好好味！！每人仲會附送極品花膠灌湯餃(1盅)同鮑魚燒賣(1件)，味道都唔錯！食完想encore～～除左點心，仲有幾款熟食可以揀！我就鍾意食燒鵝瀨粉❤️❤️燒鵝皮脆肉嫩，好香口！同瀨粉係絕配😍😍基本上呢間既點心都好高質，好抵食～～唯一可惜係90分鐘真係唔夠食，可以食耐啲就好啦🤣🤣

前幾日同屋企人去左呢間將軍澳嘅酒樓食飯，估唔到原來呢到嘅食物質素都幾高。濃湯花膠豬肚雞煲 $168呢個煲相當有驚喜，雞湯飲落味道濃郁，入口香滑，雞味濃得黎又有胡椒香氣，我地成煲湯飲曬。雞件有好多，大部分都係雞腿肉，所以好滑嫩，仲有大量豬肚同埋花膠。成個煲好足料好高質。將軍澳晚市組合C $348呢個晚市組合有三個菜式都幾抵食。黑松茸醬爆蝦球蝦球大隻彈牙，配上黑松露味，仲有啲爽脆嘅翠玉瓜同菇類，好食。薑蔥窩燒海斑件薑蔥爆香過嘅海斑件好惹味，用黎送飯一流。魚肉滑嫩，不過要小心細骨。即燒脆皮文昌雞（半隻）雞皮燒得好香脆好好食，雞肉滑嫩，有濃濃嘅鮮味，點埋鹹鹹甜甜嘅醬汁好好食。

🍵呢間勝在茶膽用網袋包起咗 沖茶時唔會跌哂啲碎茶葉出黎。。。🦔👉手磨紅米銀羅腸粉唔好睇個樣咁奇芭 其實係手磨紅米粉皮 咬落有驚喜幾高質🤩好過一般炸兩 擺耐咗都咁crispy 內裡有甜甜蘿蔔絲 一滿我想食蘿蔔酥嘅心kekee。。。🦔👉酥脆芝士拔絲紅薯卷望到呢啲多數會跟埋沙律醬上🤡所以問店員有冇醬呀 👩‍💼神回答: 入面有架啦！我: ??!!#*&reallly?!! 即刻咬開試 芝士的確好有拔絲口感 但味道上係被蕃薯蓉充斥住 幾特別嘅點心 但…同我要求沙律醬無衝突吧😲。。。🦔👉XO醬銀芽炒腸粉開頭諗緊食咩腸粉好 結果見到有炒腸就唔洗諗🤭炒得唔錯的 有埋銀芽、蛋絲 睇落高級咗 喜歡佢恰好嘅xo醬 唔會太重口味。。。🦔👉招牌灌湯小籠包 好可愛咁每件底下都有片翠肉瓜🥴就是正正常常令人滿足嘅小籠包。。。🦔👉四寶淮山滑雞扎大件到爆餡😆jeng在有蟹柳、淮山、綿綿嘅魚肚 加埋唔洗我飛走肥肉嘅滑雞 比我想像中好。。。🦔👉乾清養顏棗皇糕都幾大份下 食完一件都幾濟下😂質感偏粉 淡淡薑味。。。🦔👉黑金流沙奶皇包去襯茶樓我一貫做法係叫流心奶黃包🥴睇個樣比平時嘅扁嘅 特別在流得幾出乎意料 係底部爆漿！爆到下巴

前幾日同屋企人去咗位於將軍澳天晉二期既御名園飲茶 🫖-🦐 鮮蝦水晶菜苗餃$29.80水晶皮非常煙韌 蝦肉爽口彈牙🦐-🍠酥脆芝士拔絲紅薯卷$25.80第一次見芝士紅薯卷 🧀 所以決定一試 點知好有驚喜😆芝士唔會話好膩 紅薯卷食落好似日式薯餅-脆皮豚肉韭菜粿$29.80個皮又係好薄 而且超級脆👍🏻豚肉韭菜餡好juicy💦-酥脆鮮鯪魚球（4件）$29.80外表好特別 有啲紫紅色嘅脆米 增加口感鯪魚肉一啲都唔腥-麻香口水雞$58.00口水雞都幾辣下 肉質好滑 推介👍🏻-椒鹽魷魚鬚$50.00可能係我食過最好味嘅魷魚鬚🤤🤤🤤仲可以配喼汁 食落冇咁膩-燒鵝飯$58.00燒鵝好肥美 餸飯一流#御名園#中菜 #點心＃宮廷菜＃中式美食

平時去將軍澳站都好少去天晉個商場，呢日就帶媽咪去果邊嘅御名園飲茶，食咗好多點心超滿足！酒樓唔算好大，不過檯與檯之間好闊落唔會迫。👍鮑魚燒賣皇每粒燒賣上都有大大隻鮑魚，咬落彈牙👍原龍古法馬拉原籠上蒸得好軟熟，熱辣辣好好味👍遠年陳皮牛肉球夠大粒，有陣陣陳皮香味👍四寶淮生雞扎好足料，好少見雞扎會有准生，雞夠滑👍原隻鮮蝦滑腸粉腸粉皮幾滑，蝦都幾大隻好彈牙👍松草花姬松茸燉土雞湯材料十足的燉湯，好夠味，每位$28.8👍精選推介 $48（五穀雜糧鹹肉糭 + 玫瑰奶黃軟糕）鹹肉糭有好多豆，更健康又冇咁油膩。軟糕係粉紅色玫瑰形狀好靚，咬落煙煙韌韌，裡面仲有奶黃，非常美味！