御品千の味刺身壽司專門店 (美居中心)

營業中

休息中

一共叫左800蚊左右，5個人食飽到嘔強烈推薦刺身！帶子好大粒同鮮甜三文魚都新鮮同夠厚切散叫嘅壽司來講，個人覺得火灸左口魚邊唔夠肥，可以唔洗嗌～赤蝦就好大隻同鮮甜，推薦另外三文魚腩會肥美一啲，好食過普通三文魚壽司～佢嘅一啲卷物，例如花之戀同埋加州卷都幾大舊，而且幾足料最開心係有得送貨，好方便～係屋企人食得好開心嘅一餐千之味壽司盛盒A • HKD$268帶子刺身 (12件) • HKD$118三文魚刺身 (10件) • HKD$98仲有其他散叫壽司

疫情既關係....晚市模式會轉左留意可以落定order自取/外賣送貨既餐廳🍴。省略要排隊/等候既時間。呢間餐廳上佢個網站已經可以輕鬆落單。即日order 即日送。$300就送貨，好方便👍壽司嚟到個樣都靚仔，食材算係新鮮，價錢唔貴性價比高❤️真X或者元X可以説再見了👋另外一樣野有好大嘅驚喜就係佢嘅牛肉飯。佢嘅飯用咗珍珠米😋，牛肉絕對唔會好似吉野X咁揸流攤用啲垃圾牛肉。 個醬汁都調得好好味😍呢個飯絕對有下次

十級推薦！！！之前都食過呢間嘅壽司外賣（有朋友話食過幾次堂食同外賣，外賣好食好多😂😂😂）因為新界區要$800先送貨，所以今次主要叫刺食為主（叫咗枝酒 ，又冇咩特別）呢個價錢話平唔平，話貴唔貴，但真係會覺得物有所值！推介必叫🥰雪花三文魚腩 $68 5件：超級厚呀！而且件件都好大件！ 帶子刺身 $68 6件：本身五品刺身都有帶子，但因為屋企人太鍾意食，就再另外散叫多一set。屋企人話覺得散叫嘅帶子好似大件啲 🤣

推介：⭐️⭐️⭐️⭐️💫-📍消費滿$300 免費即日外送指定地區（不上樓）1. 到 千之味網站睇送貨詳情同選購2. 確認訂單後，用中銀/匯豐/Payme/轉數快 過數，備註訂單no.3. 轉賬後需使用Whatsapp發送入數紙或截圖至93885690作確認4. 等食😆—————————————火灸盛盒 $284Must叫，無得彈👍🏻 尤其左口魚入口即溶🤤 三文魚腩好肥美好香😋 總共25件超抵食-蟹棒玉子燒 $38玉子唔會太實，味道同平時食嘅差唔多，蟹棒大大條好足料-龍蝦沙律 $23/兩件勁多龍蝦肉🦞新鮮唔苦，正👍🏻-芝士炸蝦卷 $48推介👍🏻 Size比平時細粒啲，不過面頭嘅醬同芝士仲有魚子非常夠，一口食落去口感非常豐富-特大赤蝦壽司 $32/兩件赤蝦好新鮮好甜，啖啖肉，正👍🏻——————————整體來講，絕對會反兜👍🏻不過佢啲嘢食普遍比平時嘅size細啲，但就岩哂女仔嘅胃口可以食多幾件😋 夜晚八點落單，九點左右送到樓下🚙 成袋裡面有冰袋，同埋餐具豉油，好勁嘅wasabi，仲有兜，非常細心-

今日又幫襯千之味壽司啦！呢次食壽司同刺身，蟹籽沙律依舊好食！醬汁酸酸甜甜，開胃！開動！食主食先食三文魚刺身，厚厚的，一啖食哂，大大滿足感。珍寶蝦依然保持水準，鮮甜！魚生飯足料，有蟹籽、甜蛋 、八爪魚、青瓜、三文魚腩，好抵食！繼續大大力懲罰，✋☝️

新型冠狀肺炎持續，一班朋友聚會亦只能夠在家點叫外賣，當日經朋友介紹千之味刺身壽司專門店。一般顧客可以去到官網預訂外賣。食物種類繁多，小食、沙律、刺身、壽司、卷物、丼飯，全部應有盡有，而且價錢相當經濟。如果多人聚會，可以揀選壽司拼盤！但要留意外送地點會有指定金額限制，當日揀選了$98特大蟹子沙律，分量有少許失望，但帆立貝、赤蝦、三文魚腩等都相當新鮮，火炙左口魚，一食滿口油脂，令我不禁食完一件又一件。最後要讚他們的炸蝦卷、軟殼蟹卷，超級超級好味道。建議大家在家外賣可以選擇千之味，繼續支持黃色經濟圈

long weekend打麻雀， 唔想煮飯， 就叫外賣， 食壽司上網見到呢間又平又抵食， 試吓先。 第一次叫， 可以響佢website落單， whatsapp check單， payme俾錢， 全程都好快手。 因為weekend, 所以都特登早d落單， 夜晚送貨。 around 1 點前搞掂晒， 打住牌等食book咗around 7點半送到嚟， 送貨哥哥仔6 點7 打嚟話出車， 好好禮貌， 話到咗再打俾我。 7 點半未夠就已經送到嚟， 時間啱啱好~ 正！因為有小朋友， 所以要叫d熟嘅sushi, 我地叫咗個48件嘅set, 一個卷物set再加客炸蝦卷。 好大盤 我地5 個大人加兩個大食小朋友， 夠晒食， 仲好好味添~下次如果想食壽司都會再叫呢間~ 食完好快又可以繼續打牌， 乾手淨腳， 啱晒爛賭鬼。。。

大財團當道，以往我都好喜歡一間連鎖式嘅壽司店，但因為某啲原因所以都無再去食但香港人最愛日本嘢，千揀萬揀終於見到一間有良心嘅日本餐廳，去咗試個午餐佢午餐都係做定食為主，有熱食有壽司刺身 價錢都相當大眾化 幾十蚊就食到一個唔錯嘅定食因為喜愛壽司，我點咗一個壽司套餐，喺相都見到定食好豐富，三文魚，魷魚，依啲基本嘢都有定食必須嘅前菜，湯，沙律都有 仲怕你唔飽，配埋個熱烏冬，壽司品質唔錯 成個餐都幾抵食，過下壽司癮一流仲有小甜品送呀！男朋友叫咗個燒雞飯定食，再加三文魚刺身 佢都話雞肉juicy好味，定食好抵食，仲有啖啖良心味我哋都試過千之味外賣壽司，都好抵好唔錯， 大家都可以去試下

晚餐時段了，我"暫停所有工作"後，即刻趕搭“降魔綠的”去荔枝角會合兄弟，到埗後我就像一隻活潑好動的小兔子一樣，奔奔跳跳地跳入千之味。每次出巡食好西，兄弟永遠是最繁忙的一個，來到這裡一樣如是。壽司都一一被人擺上枱，兄弟又要影相，又要拍片，又要細心品嚐，又要紀錄食物味道，作為兄弟的我見狀即刻溫提一句：“刺身攤凍晒啦，趁熱食啦"...1.火炙壽司拼盤-$108* 火炙壽司，精髓在於火槍燒後，將油份逼出來。-* 三文魚分別(原味/黑椒/芝士)，油份香，滴出來，不會過熟，芝士味濃，黑椒味香。 -* 三文魚腩更加肥美香濃，油脂爆發出來。-* 左口魚邊，亦同樣油香撲鼻。 -* 芝士帶子，嫩滑肥美。 -* 芝士鰻魚，無骨。 -* 各味道也不錯，可惜飯團過淋，亦過於腍身。"男孩子挑選那"...個壽司食，尤如當街執錢一樣，最緊要夠手快。趁他忙亂影相之際，我就“起左色心”，犯了天下男人都會犯的錯，就是偷食...了他的最愛：火炙芝士鰻魚，之後他突然問了我一句："其實你心裡有沒有我"? 我表面默然，心裡偷笑，現在我才知道原來“我係一個壞左既人”。"最後作為兄弟，我要向他說對不起，這是一個徹頭徹尾的錯誤，我感到慚

同朋友去開長沙灣突然想食壽司我地行經呢間舖頭見幾抵食咁於是就入左去啦好吸引$10十隻甜蝦好多款式啊！有promotion做緊上面果d係$10換購嘅甜蝦食落鮮甜下面果份係二品刺身有三文魚同甜蝦大份又新鮮唔錯火炙左口魚邊入口即溶叫左個火炙壽司拼盤再散叫左d其他壽司好豐富啊一班朋友share好開心可以試多d款真係花多眼亂啊好多選擇依家做緊個優惠好抵消費正價食品滿＄100可有兩個優惠（1）可以優惠價＄10換購10隻原隻有頭甜蝦即係一蚊一隻（2）刺身買一送一兩個優惠可同時享用同累積呢間舖位置超方便mtr行幾分鍾就到買夠三百蚊仲有得免費送貨tim啊！開P來買就啱曬

嗰日行經長沙灣，見到呢間壽司店，所以決定入去搵食。店舖位於長沙灣福榮街，由地鐵站出發幾分鐘就到，位置好方便。喺門口見到有啲午市套餐，仲見到有好多優惠。入面雖然唔大，但環境十分整潔。 滿＄300起仲免費送貨。食物款式種類繁多。一大班人搞party仲可以叫精選刺身盛盒。睇餐牌嘅同時，仲見到個優惠，凡消費正價食品滿＄100，即可以優惠價＄10換購10隻原隻有頭甜蝦，同刺身買一送一，兩個優惠可累積之餘仲可同時享用，真係好抵。＄10換購嘅甜蝦，好大隻，入口鮮甜彈牙。二品刺身有三文魚同甜蝦，刺身好新鮮，三文魚仲十分肥美，仲切得好厚身。火炙壽司拼盤加其他單點壽司，火炙個嘅壽司表面有微微焦香，魚油經過火燒之後迫晒出嚟，味道一流，其他單點壽司亦相當出色。所有壽司仲即叫即整，服務態度仲非常細心。

長沙灣食肆林立，餐廰數量尤如繁星，令有選擇困難症的人頭都大埋。不過一向四圍揾野食的我就可借此大好機會試一些平時未去過的餐廳。今此小編就找來一間轉角位的壽司小店。正因為位於轉角，都不易找，不易找來的就更有一試的價值。餐廳細細，一般小店裝橫，內裡有一張長長的高身枱，面向電視，可以一路食一路睇TBB。因為肚腸轆轆，立既食些澱粉填填肚。燒三文魚壽司、海膽和燒鰻魚壽司卷，點完好快就上枱。材料都幾新鮮，三文魚和海膽燒過就有烤香味。鰻魚燒汁香口。不得不提這裡食滿$100可以加$10換購甜蝦十大隻。隻隻粗過我手指！勝價比極高，喜出望外。三文魚三文魚籽沙律冷麵，麵有少少硬，但麻香味濃。三文魚都算新鮮，魚籽都算多。除一般汽水紙包飲品，仲有波子氣水。見胃仲有空間，叫多個拉麵，炸蝦大大隻，炸到幾脆口。拉麵係波紋拉麵，有d稔身但都唔錯。餐牌真係多野食到眼花撩亂。

超正呀！$48就有十件，而且件件都好肥美～除左刺身邊夠食呀～ 仲叫左款八件 咩都有 最啱心大心細，魷魚同鰻魚都好好食！仲有款龍蝦沙律～仲有老豆最愛既加州卷，同埋超好味既軟殼蟹反卷！！呢個大推！因為我見到廚房係即叫即炸 炸完即刻包 好新鮮。而且軟殼蟹唔會炸漿太厚，反而好肥美真係食到蟹肉㗎！跟住又有三文魚壽司，不過相對刺身真係薄好多～ 除左我點既三文魚刺身有買一送一，仲有好多款。唔好走寶呀！只要滿$100就可以有一次，仲要可以累積 不限次數！超誇張。

今日路經福榮街的美居中心， 看見這間食日式拉麵店的小店， 門口擺放的招牌介紹的午餐感覺幾抵食，於是就入黎試試。進入店內，雖然地方不是很大。但勝在有一張大方枱，可以坐得舒舒服服。由於特別肚餓,所以點了一個午餐,七味雞翼拉麵餐、$58, 有沙律有小食又有飲品，真係幾抵食。而不得不讚這裏的七味雞翼，七味粉好香濃， 雖然有丁點辣， 但灑在雞翼上特別惹味。 而雞翼炸得外脆內熱，新鮮即食份外味美，每一啖都品嚐到雞肉的肉汁，啖啖滋味。 加上跟餐雞翼有三大隻，食完真是大滿足。至於拉麵材料有三片日式薄魚蛋 ，一條蟹柳和大量粟米粒，令湯底更入味。另外，多點了這店的刺身~ 三味刺身$88,分別有三文魚、甜蝦和油甘魚各三片，食完鮮味十足。而我特別喜愛這裏的三文魚，因每片都非常厚切，特別肥美，而且色澤鮮艷新鮮， 油脂分布平均, 特別好食、特別鮮味。真係估唔到小店也能做得出色的炸物和有咁鲜味的刺身。

長沙灣小店多, 突然想食壽司但又唔想食連鎖果D平價壽司, 所以今次經過呢間師傳即叫即整既壽司外賣專門店買外賣壽司食~小店有唔少企位比客人企係到食, d枱都幾清潔乾淨, 有外賣餐具同豉油WASABI等客人自助形式咁用。小食有唔同炸物、日式小食或者玉子燒等, 我就揀左蟹柳玉子燒!蟹柳玉子燒 $30三十蚊就食到玉子燒, 拎上手還温熱呢, 蛋捲得實淨唔會一夾就散, 切得較細份, 每份都有唔少蟹柳絲同埋充足既沙律醬, 咁既配搭一定好味~魚生飯 $58魚生飯有各種價錢, 最平係我呢個魚生飯, 想食魚生片裝刺身果d可以叫再貴少少, 但最貴好似都係百一二蚊, 因為我最中意係食三文魚XD呢個就已經好岩我~睇住師傳將飯裝滿膠兜, 裝得滿滿的, 再鋪上三文魚粒。飯因為即刻裝所以係温暖, 飯用左日本米所以幾黏口, 以醋調過味但唔會過度, 微微既醋酸令人食慾大增呢!面既三文魚粒頗為厚肉, 近方塊形狀增添咬口, 食落好新鮮。因為母親大人想食沙律所以我就叫埋, 細既三四十蚊有得揀款, 我揀左個大, 原來真係勁大! 青瓜絲塞滿盒, 再放上鮮甜蟹柳絲同大量蟹籽, 沙律醬兩大碗另上方便唔會變壞, 如果朋友想party叫呢