御家迴轉壽司 (已結業)

宵夜時段上瓊華搵食,在壽司亭同佢二選一,結果係食佢嗌左唔少野食,壽司有長鰻魚,吞拿魚,沙律醬蟹柳,池魚,另外仲食左一個辣雞肉烏冬,一個舌拿魚pizza壽司味道ok,材料都新鮮,辣雞肉烏冬個湯係泡菜湯,都幾辣同埋幾好味,舌拿魚pizza味淡,不過入面包住好多舌拿魚,啖啖都係肉!因為女友唔食,我一個人要食哂四件...飽到嘔!

說的是這裡的sushi set價錢。一年前賣$38，一年後的今天也是賣$38，於是又來吃一下吧。雪壽司定食($38)︰包括10件sushi、miso、salad、前菜、飲品，都蠻豐富的。Miso都蠻好的，有些蘿蔔、豆腐在內。Salad的沙拉醬夠多，正得我心。前菜是幾件小茄，沒吃。10件sushi有2件三文、蟹子、蟹棒、腐皮、北寄貝、鱆紅、吞拿、脂碟、蝦。每一件的味道都只是ok，不過當天很想吃sushi，所以都覺得可以了。最後餐飲點了凍檸蜜，很好喝。當日只有我們和另一木台客，全場都很靜局。

响銅鑼灣去過御家.雖然算不上價廉物美.不過食物也尚可.到左旺角.不相信可以如此大分別.坐得尚算舒適.然而食物....始終壽司係需要一點賣相.上碟跟餐牌圖片有分別我可接受.但不可能完全變左另一舊野.叫了一客壽司反卷.上枱時頭尾D飯已經散哂.而且那個一碟三件的反卷跟平常壽司店一碟有六件的青瓜卷Size是一模一樣.另外手卷才是戲肉.一上枱是長方形紫菜.叫了waitress過來.我問這是甚麼??Waitress說:手卷!就即刻走開~如斯服務態度.及食物.基本上免費我也不願意再去.同區同類及同價錢的餐廳多的是~請大家不必waste your money.

呢間咁既野, 一上到去......咁少人既, 隊又唔使排, 坐低左之後, 睇下個menu.......同"笑笑"差唔多價錢, 心諗應該唔會好差者........點知...........前菜係佢set左4個人就要叫2碟, 呢個rules我接受, BUT整得唔好食就唔好迫人要啦~~~~~算~~~~~試其他,唉......d壽司飯好硬, 算........再試, 個冷烏冬.....咁既.....怪怪咁......唉.......都算...反正都坐低左, 唔算可以點啦, 呢間咁既野, d野整到咁就唔好學人收咁既價錢啦.....來生都唔好再見喇~~~~~~

扮高擋,食物質素差過元綠,迫客人叫垃圾前菜做法太低劣。晚上七折都只限非\\\\\\\"羅臼\\\\\\\",又唔講清楚,好彩一早問左.三文魚壽司細, 魚生切爛晒(我先知食壽司師傅既刀工原來食係有優劣之分, 就算食金太郎都唔會見到d切得咁差既魚生), 魚生上放羌蓉好難食, MENU上都冇, 其他食物都MENU上既相都相差好遠, 細好多, 軟殼蟹卷唔見有蟹, 但係張相見到個卷內既軟殼蟹腳好精靈咁伸出嚟O架!火炙三文魚, 食到好火,熟晒有燶味,但係凍既...上菜超慢, 都已經冇人幫襯都咁慢, 又漏單, 但係我覺得漏單都好, 唔想失望.好彩分開幾次叫, 第二張ORDER紙冇比佢\\\\\\\, 都算唔使蝕咁多

其實平時係板前既常客, 不過個日行到好累唔想等先試新野....點知一試就出事!三文魚脆卷-- 散收收, 個塊魚皮好似比湯浸過咁稔三魚魚壽司-- 個塊魚生仲薄過元綠特上海鰻-- sori, 佢真係拍馬都追唔上板前, 主要原因係佢多骨, 唔肥, 用火鎗燒而唔係烤, 同係吉之島買返去即食個d冇分別牡丹蝦-- ok, 中上, 夠鮮泡菜牛肉鍋-- 食左幾口先confirm 唔係我叫既蕃茄牛鍋, 咁即係話夠酸唔夠辣同埋唔知點解可以得咁少司傅, 等得好鬼耐!!埋單個時, 我聽到250, 即刻哇出黎, 我話唔值囉, 跟住找錢又送coupon......好好既餐廳夠人流都做唔切啦, 洗鬼派coupon咩!!

29/2 (星期五) 同fd 食飯, 因為唔想等位就幫襯!其實壽司& 刺身材料都幾新鮮... fd 覺得鰻魚壽司非常掂, 其他如象拔、帶子、甜蝦、三文魚、軟殼蟹手卷都唔錯!!!跟著, 食o左炸魷魚、雞軟骨同清酒煮蜆都好好味~~~最後, 食埋甜品~~~ 紅豆雪糕... 呢個真係一流, 又軟滑又好香紅豆味~~~ 推介(雖然唔係師傅自己做)埋單$300左右/2人..價錢OK 啦(服務都幾好, 效率幾快幾殷勤, 算係咁上下囉

見到咁多人彈,尋晚係樓上唱完K咪試下啦!一行四人,初頭入到去都有D驚架,會唔會中招呢?第一碟食既就係最普通既三文魚壽司,一食都幾新鮮喎!跟著就放心點菜,完來食物質素都唔差.最後埋單六百多..價錢O.K.(值得一提,有個帶眼鏡部長,服務幾好,說話好風趣,好好笑.)

有位...未必係好事年初三又係星期六, 要食晚飯實多人要排隊, 於是試下呢間壽司店.好處一: 唔駛等不過我話過一定沒有下一次.缺點一: 被迫點一個十蚊前菜, 我有反映根本四個選擇我都唔食, 如果他們要賺錢, 我寧願點多一個我喜歡的菜. 侍應只說是公司規矩, 話會反映反映...缺點二: 有一味芝士三文魚壽司, 送過來時我真的嚇了一跳, 那塊芝士的賣相實在很"求其" , 其實也可以形容那位把壽司送過來的女侍應.缺點三: 我們檯上的豉油用完, 便請女侍應幫忙, 她聽完便繼續送她的壽司, 完全ignore 我們, 實在太"專業" 了!缺點四: 他們的手卷完全唔professional, 我想如果有一個日本人來食一定嚇死, 日本師傅就更加激死.缺點五: 我們見到送熟食的男侍應好像比較慇勤, 希望當他送雞軟骨過來時我可以証實我的判斷... 結果我的2nd round 壽司到了, 1st round 雞軟骨還沒有來, 經理check 單後話同事太忙沒有落單... In general, 我覺得他們價錢貴過有日本師傅的板前和峰壽司, service 更加係唔得, 都係寧願排隊...

我同意前幾個posts 阿kevinkww 兄0既主題, "大退步", 之前一路都有去開, 1個月1次到, 都幾好食又唔洗點等位, 但係琴晚同女友上去食, 真係一肚氣.照舊一開始叫左好多野, 點知一上, 我"O"左咀, 嘩! 正路壽司應該有1.5到2隻手指闊, 但係一黎到, 全部得1隻手指尾咁闊, 真係mini版壽司!!!!!!!!我叫個侍應過黎問, 佢話個個都係咁ga wor~ 我同你反映下, 之後就走左去. 好~ 到我個friend黎到, 叫下一round, 黎到都係一樣mini版, 2舊加埋先係一舊正常版. 我個fd第一次去, 佢都問點解d野細成咁, 之後佢地又溜單, 收$快, 找$慢~ 唉~ 我都俾唔到d咩理由叫自己再上去!!!!!

幾個女仔，諗住搵個坐得舒服既地方食個靚飯！都唔係話特別高要求。去到瓊華，見到呢間野睇落唔錯就上去。環境係唔錯，但係服務簡直令人火滾！首先落單無人理，服務員、上菜員態度差劣。d野等左成半個鐘，先開始逐樣逐樣同你慢慢十五分鐘一客咁上，食到個人到喉唔到肺。追單好似追數咁，仲要漏單，唔好意思都無聲！食物方面就一般啦。個強逼性必須order既十蚊前菜（4個人要叫兩客）簡單係垃圾！所謂螺肉同海蜇只得四、五粒（條），生菜、蘿蔔絲同大根粒佔去小碟既八成半！（認真的！）個魷魚膽對於喜歡吃「海水」鮮味既食客黎講算唔錯，追得上日本既一般水準，平心黎講真係新鮮。不過就唔係普遍香港人口味。壽司方面，火炙壽司同生食壽司放埋一齊，俾我既印象係好唔專業，亦唔夠衛生。燒三文魚頭一般水準啦，都係燒焦左。埋單只係$50，不過唔係因為平，係因為漏單。落單又無人理，完全令人無意慾再叫野。

聖誕聚會，一行四人坐在「圓筒」中的桌子，感覺很有私人空間。不過叫侍應時就比較困難，但之後發現這不是位置問題，是這家餐廳的普遍現象。不過後來發現，侍應也是蠻寬容的，服務行業最重要教客人輕鬆愉快嘛！ 前菜是被迫要的，三位要叫一客，我們四人就要兩客，不過有選擇總比沒有的好。味附螺肉：螺肉只得數粒，其他都是菜圃，味道不差，整體卻是叫人失望的！海哲沙律：很香的麻醬味，而且夠凍！不過也是同一問題，海哲少得要命！有點吝嗇．．．．．．前菜給人客第一印象，重要性有如人要裝身一樣，不宜敷衍了事，這點真的要注意。 主菜－－火灸帆立貝壽司：帆立貝很肥美！表面焦焦的很有趣！芝士蝦壽司：芝士是典型卡夫芝士，不會難吃，蝦也鮮甜。火龍卷：即是軟殼蟹卷，味道是想像之中的，不過不失。蟹子墨魚壽司：墨魚不夠爽甜，味道一般。三文魚手卷：少見的圓柱型，整體份量也很少。壽司的飯都是暖的，加上端菜的時間延誤，紫菜都不脆了。炸雞軟骨：味道適中，也夠香口！加上檸檬汁，美味！炸軟殼蟹：一碟只有一隻，而且上菜即吃也是暖的，嫌不夠熱和脆！日式燒簿餅：吃不出「內容」，好像吃炸粉漿，不合格！芝士簿餅：這個反而好吃，不少豬肉和芝士，不過餅底過硬！

星期三晚本來想去麻布茶房,但係見御家有promotion - 10點後入坐有30% off. 為左貪呢個小便宜我同友人姑且一試.結果超失望囉:1/ 壽司細細舊,飯細舊都算,連魚生都細細片.2/ 魚生唔覺特別新鮮.3/ o個個十蚊餐前小食絕對係屈客仔既,都算喇,咁我地揀左螺肉,點知o黎到一睇,蘿蔔仲多過螺,試問呢d cheap cheap螺仔值幾前,咁都唔捨得??4/ 價前一d都唔平,佢地有所謂罕有珍寶帆立貝,但係要$35一舊!!板前都有啦,人地主$35兩舊,請問御家憑咩貴人地板前一倍? 仲要無人地咁好食??以後都係去番板前,御家半價都唔會再去.

星期五同朋友去旺角食飯,行到去瓊華中心就去左呢間壽司店食, 之前都試過, 食物都ok. 等左一陣就入座, 點知個待應擺低張紙, 話假期前有個咩基本收貴, 1-3位收10蚊,送返個小食...嘩~ 食壽司都有nuts 果盤, 我都係第一次見. 由於d 小食唔多o岩食, 於是就問可唔可以唔叫, 同唔收$10 (都預左唔會架喇), 點知個店員態度惡劣話唔得, 係公司收費, 唔食都要收, 然後叫左個黑衫o既類似經理o既人黎, 點知呢個經理態度一樣差, 話"木台""木台" 都係咁比... 仲話門口已經貼住(我入黎個時唔見囉, 帶位個位哥仔又冇講)...係呢個情況之下, 我地起身走人! 行出門口, 特登睇下張野貼左係邊! 勁呀! 細細張貼埋一二邊!呢間野以後都唔會再去, 大家上去之前都要諗清楚

開鋪既時候已經有去，初初D野食都唔錯，所以久唔久都有去幫襯，但係今日去完真係唔會再有下次囉。其實我要求已經唔算高，個D整壽司好似(O祿)都ok丫，但係呢度真係唔掂。逐樣講：基本野-壽司：火焰三文魚，連魚帶飯都灼過，暴暴飯焦咩。其他一般，本來想食燒鵝肝，點知得鵝肝壽司，照試啦，點知出事，老實講，我真係唔知鵝肝壽司要配Wasabi，我以為係生野，點知一放落口，出邊熱，裡邊凍，點食？D刺身唔算新鮮，最大鑊係燒蛋，好似道具咁(擺\係display 個D) ，又硬又冇味。總結：以前好好食，不過成日轉menu，D好食既都冇左，不過有樣好：冇乜人，隔離位可以擺\袋。總之食呢度我寧願排兩粒鐘「X前」囉