御廷閣西餐廳 (已結業)

最小的姪女快六歲生日，闔家十數人到此處吃中午自助餐。十二點未到已經開始?原來首輪由旅遊團的團體掀起序幕。冷盤居然有本人愛吃的齋鹵味，供應的有四款，當然不會狂吃囉。食害除獨沽一味的三文魚刺身外，還有多款壽司選擇，而本人目標只有鰻魚一款，倒沒有留意有甚麼其它款式。搞笑是聽到有把女聲叫食客不用急，三文魚刺身會不停供應。熱盤常備者有炒飯炒麵、煎細牛扒、健康青菜(不同款輪流推出)、鹽焗鵪鶉蛋、碗仔翅、小朋友至愛的豉油雞翼、咖哩魚蛋豬皮蘿蔔、炸厚切薯條等，限量推出者如焗生蠔、原條蒸魚(不同款輪流推出)、響螺、冬蔭公湯煮硯、茄汁蝦碌、燴牛尾(只推出一次)、蒸燒賣牛肉(疑似X仔/X大點心)、等才是大人的焦點。另有一隱蔽即叫即煮的櫃台不知供應何種食物的。甜品款式雖多，論質素仍乏善足陳。連對斑戟也難提起興趣。咖啡和茶任飲。抵讚是家人自擕蛋糕未被要求附加切餅費，一男職員更肯搞氣氛，跟我們一齊唱生日歌！家母因咀刁而被本人私下謔稱「百彈齋主」，有些食肆食物雖好卻往往價廉仍極盡其詆譭之能事，唯此處她經常與大班朋友光顧，今次來試亦是她的決定，所以有理由相信食物有一定水準。

如果唔係個朋友死都要食這間，我一定唔會去食呀！大家唔好睇D相，以為好似好多野食！野食選擇少到不得了，行一分鐘已經見晒D野食。壽司平凡到唔好食，D飯鬆散，刺身唔鮮甜！甜品一眼睇晒！選擇十分之少！一出新海鮮，都係有得睇無得食！有一次剛剛出扇貝，我企係隔離，只要有個人放低支鉗就到我囉，但這2個人一次過囉晒！無講錯，佢地一人十幾二十隻，唔夠30秒就俾佢地囉晒！有無過份D呀！之後一出新海鮮，D人好似"餓狗搶屎"(唔好怪我講得咁難聽)！每次都不用1分鐘清晒！我真係第一次食自助餐俾2百元無咩野落肚，TOO BAD~全場我覺得好食只有碗仔翅(街邊個隻，無真正的翅)，但食自助餐最好食竟然係低下野。真係唔好同人講這一間自助餐又幾好。用2百元，我去PIZZA HUT好過！

之前我屋企人食過,話ok好味,原本其實想去太子酒店香味屋,但抱著一試無妨的心態,結果賴野.....我同我bf 大約12:15pm 到,已經有7,8成fulld 枱同枱之間只有唔夠5吋距離,直頭同隔離枱一齊食無分別....都算啦,到出去拎野食,食物少得可憐,熱盆有10個左右,都係d豬扒、由頭到尾都冇人食既意粉同飯、黃到死又唔好菜....刺身方面,d 三文魚都舊舊都係連住近皮d位(唔識點講)d 壽司雪到個心係舊冰咁,凍到赤牙...之前食評個d 螺呀,大蝦一d都唔見=.=好喇到我地食到尾聲(1:00),見到有焗蠔由廚房拎出黎到拎曬都唔使30秒...成十幾廿人圍住搶咁,都未出到去已經拎曬...好似打仗一樣唔止係焗蠔,樣樣一出都係十幾廿人圍住搶問個waiter 會唔會refill,佢又唔知wo...我地等多一陣一共出左四轉焗蠔,等人拎曬先拎到小小...我是一個十分喜歡食自助餐的人,平既貴既都有食過但都未試過有咁既情況出現...總括這一次的經驗,食物方面真係好一般,冇一樣係特別好食...地方除了逼d之外都可以幾企理,d waiters 服務都一般我地d 八十後未體驗過打仗都可以試下食一次既

本人第一次來這間食,有點可惜是沒有圖提供給人看但環境一般,生豪不錯,而且新鮮三文魚十分肥美原條蒸魚:十分好吃P甜品:生果班cake 奴噏坎仔太多美食不能說太多服務不錯收碟很快下次也請多些朋友去

星期日去粵海酒店御廷閣食自助午餐，餐廳的環境普通，地方不算大檯很密。食物方面：冷盤有：三文魚生、什錦壽司、煙雞、煙鴨胸、泰式鳳爪、什錦齋。 熱食有：滷水蛋雞翼、多種蔬菜、炸三文魚、咖哩魚蛋豬皮、 煎雞扒。 黑椒牛仔骨、金沙骨、中式點心、炒飯、炒麵、鹽焗鶉春蛋。 會牛尾、豬扒。 海鮮有：蒸魚、芝士焗蠔、冬蔭炒硯、茄汁煎蝦、螺。 其他有：自選湯粉、麵、串燒、中、西湯、碗仔翅、沙律。 食物味道：冬蔭炒硯好鮮甜、 茄汁煎蝦好味、芝士焗蠔。 其他食物味道都是一般，但是款式多補充很快。 但當日全場爆滿，因為人多所以都幾逼，總括來說食物也可以，也是不錯的一餐。

今日一早突心血來潮,致電看看有沒有位,很意外又訂到位喎.我和兒子/ 朋友一起去吃自助餐,編了卡位給我們,座得很舒服很久沒有來這裡,食物款式如以往,只是三文魚刺身沒有咁新鮮朋友是第一次來幫襯,評價是有些食物無味道,麻麻啦一樣是咁多人,座位編排密了些連走廊轉彎位也加了二人枱,真是寸金尺土絕不浪費地方有報紙coupon平了$3一位,總數平了$10今天是平日沒有小孩嘈吵/ 亂跑,清靜很多值得讚揚是各侍應服務態度不錯,收碟很快速,加水也很快汽水咁多年一樣咁好氣

最傷腦筋的事莫過於一家人外出吃飯,姐姐快生日,今年去哪裏吃飯慶祝好呢?廣東菜,上海菜吃多了有點悶,而自助餐令我失望又失望,早己在我的名單中剔除.食咩野真係費煞思量.最近姐姐到過粵海吃自助餐,評價不錯,今次又試吓向自助餐挑戰罷看過食評主要是不滿地方細,人多,嘈吵,撇除這些批評,最重要是食物好味,款式多和refill 得快,所以決定一試一行十三人六時三十分到逹,因時間尚早,所以不多人,於是立即以生蠔揭開這個序幕….想不到生蠔好大隻,又鮮甜,跟住係三文魚…青口.凍蝦,樣樣都咁甜美,尤其是三文魚厚厚的一件放進口中,真得捨不得把牠吞下肚裏另外的驚喜是是在某時段會出鮑魚,龍蝦仔.鮑魚和龍蝦仔絶無欺塲,鮑魚有雞蛋般大,肉質又甜又彈牙,又好味雖然要排隊,但需時不多,一會兒己鮑魚在手,一客不夠,若意猶未盡,可以再次排,隊,來個安哥我們由六時三十分食到尾,絶無冷塲,又可以自助烤法包,烤出的法包外脆內軟,加上經過烤熱蒜蓉滲入法包中倍覺惹味在一個不顯眼的角落有著汽水和檸檬供應,讓你調製一杯可口的檸 樂, 隨著實檸樂昇起的氣泡帶走了肚中的胃氣,十分舒服…食得七七八八,再去看看熱盤,有粉絲貴花蚌,連穀帶子,再來一

關於此處的自助餐，以前已有很多評語，相信不需再提細節，但想不到一年後再來光顧，環境、食物質素和伙計態度是每況愈下。地方擠擁得連路旁也加了檯，嘈吵得要大聲對話。除了幾盆熱食一出現便被搶空，離奇的是剩下來的竟是：三文魚生、青螺、生蠔、龍蝦和一些齋點，不想多提，就是顧客是會揀飲擇食的，不想吃壞肚皮。到了所謂精品出籠，經理便大叫：「鮑魚已做妥。」顧客便要飛奔繞場排隊取一隻連腸臟都留下來的九孔鮑，有點像在某節日阿公阿婆排隊等派米。經理還說：「你們排完可以再排，每人都有一隻。」是開客人的玩笑嗎？每人約185元，是否值得？:

520的普通話讀法好似 "我愛妳"，就因為咁悶悶地唔想返工。今天跟最好的朋友中午小聚，她還帶著一歲多的孩子一齊吃Buffet，訂枱時已說明兩位成人一位bb，煩請她預備大小小空間給我們放置bb車，侍應當時還有禮地答應了。怎料到場時，人數多得很，好像是有幾團內地旅客到場以的，留給我們的座位只是剛剛好給兩位成人，還被侍應沒禮貎的態度說︰"係咁架，日日都係咁多人，這張已經算大啦﹗"嘩﹗攞食物的人好像要搶食物似的，當堂想走，我們等了一會，好經辛苦才排到一碟熱食，味道的確唔錯，以咁的價錢，有超水準及多元化的食物，的確值得一讚，但侍應的態度，以及不夠人手的服務，的確要快些改善。唔係就幾好味都無用啦﹗

"有新野出wor", 係我入到呢間自助餐餐廳聽得最多既說話, 無他既, 佢成晚就係不斷出好多唔同種類生同熟既海鮮, 不過d味一係太淡, 一係太咸, 如果以種類多又想過口癮既都唔錯架, 個經理到甘上下會通知所有食客有大蝦, 鮑魚準備好,叫大家排定隊, 一人一份, 呢d communication就做得幾好, 冷盤種類都算多, 佢盤數都計得幾好, 放個"齋老味"做冷盤, 甜齋, 咖哩齋等都可以有4款, 主要食中菜, 喜歡西式既人就一定好失望, 甜品種類唔係好多, d蛋糕既賣相唔係好靚, 不過味道ok, 雪糕就有2款, 埋單計數一人$200有找, 又全晚不斷出新野, 我覺得唔可能要求太多, 只要食完返屋企唔肚仔痛而要另加相同既錢睇醫生, 咁就算抵返架啦. 澄清, 我食完乜事都無. 坐左甘耐, 呢間餐廳俾我既感覺好似返左90年代食自助餐, 要不斷望實出面有無新野出同出左d乜, 而呢d奕都貫徹左香港人"唔好執輸"同"羊群心理"既性格, 一見都有新野出, 一定有一堆人以最快速度衝出去拎, 而其他正在用餐既食客離遠見到都會用同一姿態衝出左去拎埋一份, 所以千其唔好奇怪其他在座既外國人點解食左唔夠半個

08年既聖誕節既正日同平安夜.我分別同左我媽咪同埋我男朋友一齊去左尼一間野食自助餐去到個地方又認真唔算叫做大..放出黎既食物種類都唔算叫多.不過佢d野食好快就轉.而且每一次轉都係唔同既食物.所以總括各黎講都有好多野食比我地揀.佢放出黎d野食又冇咩話係特別貴既食物.放出黎既多數都係海鮮同一般肉類..不過整左出黎個味都ok..連我咀挑既男友都話ok~佢個度d生蠔 三文魚 同青口個d冷盤d人一見到冇好快就加番上去..所以生蠔 三文魚 同青口尼d野食一定唔洗話要搶先~而且d生蠔都好新鮮~好好食不過我去個日係聖誕節.所以兩日都有個聖誕老人係個間度禮物同大家影相.個氣氛好重 在場每一個人都好開心尼間野真係抵食 好岩d一定大小一齊食..

故事由兩次互委會的一日團說起，兩次都在這不到五星的酒店吃飯，說實在的，本對這些一日團的食物不普太大期望，不過這為時一小時十五分鐘的自助午餐，試後感覺倒比想像中為佳。沙律、冷盤、各式熱盤、湯羮、甜品吧、粉麵檔.......連壽司和三文魚刺身也有供應。遇著一群少吃的街坊，有如劉姥姥進入大觀園般雀躍，大家飛快地去拿取食物，看似有點「猴急」，換一個角度來看，你和我的第一次自助餐，何嘗不是如此?!壽司有四至五款，只有三文魚片，普普通通，但對一眾街坊們來說，已很足夠，侍者不厭其煩提點熟食不要和三文魚在放在一起，避免交叉感染，無論動機如何，有這個提點，總算聊勝於無，好過出事後向店方追討。熱盤有各式肉類、炒蜆、豉油王大蝦，造得不錯 ，沒有生蠔供應，但改以芝士焗蠔代替，想是減低成本和食客們出事的風險吧 ! 配合街坊們的口味，也有中式的點心和碗仔翅供應。臨尾看看甜品吧，也有切餅二款，一些小榚點和泰式甜品等，也叫人弄了一件香蕉pancake...............整體食物上不上十分出色，但也不算難吃，這兩頓午飯，吃得飽，價錢約近一百之下，味道和服務上也算有所交待。如果對食物上有所要求，這Lunch B

「阿仔!我搵到間自助餐好平架!160咋!又多野食又好味喎!我去過幾次架啦!我地一齊去啦!」母親說很可惜,我的母親幾乎說過的所有話都不能盡信,尤其吃的方面,但到她誠意邀請的時候,你便沒有可能推.一句話促成一個與親戚聚會的飯局BOOK了六時半,遲到了七點入座,這間好歹也是酒店餐廳,我沒想過地方這麼小的,參觀完環境後當然立刻參觀一下食物,冷盤數十款,熱盤五六款,甜品..我就只看到兩款,其餘的根本不算甜品,而現場有點似街市,一來細,二來多人,到此嘆氣一下,不過想到只是160元左右,或許差不多吧!第一次進攻選了三文魚,壽司,一堆火腿以及我未曾嚐過的生蠔.三文魚切得非常厚,吃落亦不錯,厚厚的感覺不錯.壽司像擺了很久似的,生蠔我只感覺到很腥,或許不懂欣賞,試過加了茄汁,味道沒有多大的分別第二次進攻朝向熱食,可選擇的就只有豬扒雞扒,蒸魚,m記炸薯餅以及我估不到居然會出現在自助餐的豬皮魚旦蘿蔔!雞扒肉算滑,m記炸薯餅就味如其名,不過很可惜的是豬皮魚旦蘿蔔做得比坊間還差,夾起一塊豬皮,勁多毛,放下,第二塊,一樣,第三塊,一樣,放棄.第三次進攻燒烤部,雖說燒烤部,但可供選擇的就只有雞肉串,豬肉串,烤牛柳,我

今次係補返食評,去過兩次環境嘈雜,感覺不太衛生食物種類唔多但以咁既價錢有生蠔、翡翠螺都算係咁生蠔其實味道不錯,但可惜佢D茄汁味唔得,太稀變相影響左生蠔既味道翡翠螺就好味~不過要拎呢兩樣野都要排隊或者爭下先有我其中一次去仲係要侍應俾每人幾隻咁,冇得自己拎自己揀壽司就OK, 一般貨色熟食亦一般,但味道都不太差麵包反而最好味,因為可以自己烘甜品就較為差,整PANCAKE果位又成日唔知去左邊但呢度有得任飲汽水同檸茶檸水百幾蚊算唔錯啦~咁既價錢唔可以太有要求

有位同事話想食buffet, 即刻係openrice 搵下尖咀有咩選擇,......環顧附近的地方,御廷閣算係最平,食評較為好的一個!即管一試!11:30 先打去book 5位,佢話留電話,未肯定有冇位,因為set 緊枱!好彩,到12:15覆左有位,坐4人卡位加一張飛機位!選擇唔多,大約固定的有唐生菜,豉汁排骨,炒蜆,炒飯,炒面,班戟,河粉面,大量三文魚,壽司(得2-3款),雞扒,豬扒,雞翼,咖哩魚蛋時間性有:焗蠔,炸春卷,炸薯仔,炸帶子..另有雪糕甜品沙律生果(冇乜食到,所以冇留意),仲有咖啡汽水任拎任飲地方迫,一有焗蠔推出,似打仗咁,係咁搶(仲見到有d婆仔用手拿黎食-口-)不過食物質素不錯,推介:焗蠔,三文魚(啖啖肉),汽水(真係有汽的,唔似其他咁得糖水)不推介:西瓜,咖啡魚蛋(冇味)總括:以此價錢來說真是照值(5人埋單$456),可以一試!員工也算幫到忙