御犇麵館 (金禧花園)

營業中

休息中

牛腩麵就成日食啦加隻煎蛋就好少見仲有蛋黃呢超級大，又黃又飽滿，唔係平時嗰啲發育不良蛋黃咁，蛋黃非常濃既蛋味，相反牛腩正常，沒有驚喜，又沒有得講係差，潮式味道嘅芫茜蔥帶出麵更好味

落單比人interupt左n次，落極都落唔到單，最後一路行黎行去招呼其他人一路落，仲要落漏食左半個鐘就比個阿嬸窒我地係咪仲食先唔講根本無寫用餐時間，態度洗唔洗咁惡？以後唔會再黎 終生blacklist🤮🤮🤮🤮🤮🤮🤮🤮🤮🤮🤮🤮🤮🤮

舊鋪明明係魚蛋專家，搬咗去金禧就變咗牛腩專家?! 對上一次幫襯已經係疫情嗰陣，感覺係差至普通，未至於難食，但完全稱乎唔上專家！早排見TVB介紹，又再嚟試一次。今次叫了一碗牛腩米，賣相一般，米粉好食，牛腩感覺係新鮮，但就好難形容⋯⋯唔係好夠味？味道好薄弱，質地係牛腩，唔算好腍有D咬口，湯都偏啖，最後又係要加辣椒油完成呢一餐。相比隔離間粉麵舖$48已經有雙拼，呢度$45只係得牛腩，唔值囉！味道更加輸成條街，所以傳媒讚到飛天，不如信自個口，大事難分是非，不過食嘢，信自己個嘴就得！牛腩專家⋯似乎你唔係囉！是日消費：牛腩米$45

樓面個呀姐服務態度十分十分差，好似差佢幾百萬咁，寧願食隔離鹿苑，又好味啲，又平啲，服務態度又好啲大圍仲有好多選擇，千祈唔好俾錢買難受。真係無下次利申: 非打手，真實分享

非常差的體驗, 冇下次!昨午去到大圍, 本想食OK 便利店旁的那間粉麵店, 可惜沒有開, 見此店多人光顧, 便嘗試一下, 我們2人分別叫了牛腩牛丸河及豬肉丸河, 牛腩牛丸河正常時間到送上, 惟我的豬肉丸河卻遲遲未到, 期間追問過一次, 那位操不正廣東話的阿姐跟我說豬肉丸要慢慢煮才熟, 叫我等下, 我心想你不如說你現在才去劏豬再做肉丸, 沒有替我跟進, 但當時我家人已食完了那牛腩牛丸河了, 直至比我們遲入座的對面2位客人的食物也到了, 我的豬肉丸河仍未到, 我再次和另一位侍應反映, 表示不等了, 要走, 她才幫我跟進, 才立即煮好, 真的不知所謂!粉麵收費貴, 成40多元一碗牛腩難食牛丸少服務態度差餐牌價錢是多年前的價錢, 欺騙客人別怪港人不留港消費, 是店家自己都不爭氣, 見人龍不絕, 便如此不知所謂的服務態度, 花無百日紅, 永不光顧, 大圍食店多, 不一定要選擇你

平時食開粉面外賣，辣椒油，醋呀都唔洗加錢，有啲舖唔洗問都會自動放埋入去袋外賣。今日見夜麻麻呢間仲未關門諗住試吓，落完野食個店員就問要唔要辣椒油，咁話要啦，比錢又無睇清楚張單，係拎完個外賣見到張單先知原來辣椒油要加$8，以為你個辣椒油有咩咁巴閉係咪好食啲，大兜啲？？完全唔係囉仲要好細兜，店員完全無講過無提及過。返到去即刻睇吓啲open rice食評，真係勁👍🏻，本身啲野都唔平，質素又唔係好，原來連加汁都要錢，永無下次👍🏻

今個假期留港消費體驗。本身住附近簡單食一個牛什麵。食緊期間全店一群大媽店員大聲交流討論自己最驚老鼠🐁曱甴定四腳爬爬，高談闊論自己家中親身經歷。細節到見過什麼顏色形狀，黑色白色。。。還要大聲問煮面師傅「你呢？你最驚咩小動物？」討論十分鐘。當下十分害怕震驚😱無奈沒有帶耳機，無奈看看碗中牛什。。。雖然一碗$60粉面不能要求有良好服務。但是我真心吃不下去很想吐，個人覺得基本公德心禮貌負數，不顧他人感受。食物質素亦不太好了。以後BLACKLIST唔會再去。

間嘢時得時唔得，同一日落一張單就接(接完又唔識close file)，一張單就唔接。打兩次電話落去又話網路接收唔到，一間又話唔識用，一間又話個app見唔到張單，你落到去佢就話乜都唔清楚，叫你再落過俾現金／八達通，仲叫你用啲大陸app會好啲。我叫佢搞唔掂就唔好加入OpenRice，免得大家麻煩嘥時間，阿姐仲話打電話為方便囉，你update唔到就等淘汰啦，一係就唔好搞，搞着啲客又要等退款。老細見到唔該培訓吓啲員工做壞自己個朵非常之戇居。

去大圍踩單車前食個lunch朋友推介呢間牛雜河專門店，感覺好地道港式🇭🇰Menu多選擇同組合▶️ 五香牛筋粗麵 ($45)粗麵彈牙掛湯，帶微微鹼味，唔錯湯底好重牛骨味，不竟用盡不同部位熬製出嚟加上芫茜、香蔥同胡椒粉🌿夠惹味不過偏油同鹹 (好MSG)，食完好口渴😅牛筋份量足但部位唔靚，太腍唔夠爽彈，似食緊肥膏而唔係骨膠原啫喱，失望-味道一般，湯底太鹹，牛亦唔特別好食 (見人話牛腩偏老)服務都ok嘅，茶水自己斟，餐具自己攞係環境污糟少少，周圍濕濕地咁，同埋坐得逼啲價錢一般，平均$45/碗麵，唔包飲品，份量足但味道上唔太值原來大圍呢頭好多美食同靚cafe，亦有啲出名嘅燒味舖！下次嚟再試～

自問對食既要求唔高，但係真係垃圾到不得了，叫左個牛腩河，d牛腩十分老，d肉白hihi，好似隔夜咁，食落去只有咸味，仲有d好怪既益味。真係十分不知所謂，食左兩啖就無食。

今晚嚟左呢度食麵，諗都唔使諗就叫左個崩沙腩米粉同埋佢地嘅自制彈彈牛丸。崩沙腩米粉湯底係正常麵鋪既湯底，唔太咸唔太淡，飲完又唔會太口渴，正正常常咁。然後個崩沙腩先係重點，肥瘦均稱，食落口唔會有渣，軟綿綿。肉既纖維唔會zip住牙縫，充滿牛香，感覺好新鮮，好好味。配埋佢地既辣椒油，又係另一種層次。自制彈彈牛丸每粒大小差不多，大細容易入口，而且充滿牛味，好甜，好有肉味，唔會有過份既調味，而且真係好好好彈牙。

開左咁耐都冇幫襯過平時返屋企路過會聞再有陣牛味都幾香今日路過諗住試一試叫咗外賣「牛腩牛丸河」點知返到屋企打開蓋淨係得牛腩冇牛丸仲要得六舊咁少～心諗算喇，可能太忙比漏左😖話唔定牛腩真係好好食食兩啖之後呆咗果斷地閂蓋送比垃圾桶自己煮左個公仔麵食牛腩又肥又靭啲肉咬落去仲要霉霉爛爛咁完全唔係人食既野第一次幫襯亦都係最後一次諗唔明點解咁多人等外賣有時星期六日佢個門口仲加哂檯咁🥴🥴🥴🥴🥴🥴🥴🥴

不得不承認佢門面整到係老字號，牛腩麵專家，由第一次經過已被吸引心諗下次要試下，其實一個月前午市已食過一次，牛腩麵D牛腩又瘦又硬似煲湯瘦肉，諗住一次半次無乜所謂，自己唔好彩姐到今晚夜歸睇晒附近只有呢間有堂食，俾多次機會你首先坐低一陣完全無人招呼、枱無餐牌改叫外賣，餐牌寫咖哩牛什飯$57，叫左多汁拎到返屋企先發現最後打張單係牛什飯$55+咖哩汁多汁+$4=$59呢個係咩操作？如果多汁要加$4，點解唔講？最大問題係D飯有3份2係生米，本身我都唔鐘意浪費食物，但食左兩啖真係頂唔順成兜飯扔左自己煮烏冬公道講句今次牛什既份量係足料既，不過隨便收費同埋未煮熟既飯真係當消費者白痴！我和家人朋友永遠不會幫襯

今日叫了$59 碗的牛坑腩河+ $10 凍飲，盛為$69。當時大約2:30pm , 店舖唔太多人，但係落單之後等了差唔多20分鐘先有嘢食， 等咁耐仲以為碗嘢會好好味， 心諗呢個價錢喺呢區已算中上喇，有期望都係合理吧！ 點知…. 個坑腩炆得唔夠時間，好硬好實… 失望！ 而個湯底亦都係偏鹹，失望！ 其實呢D街坊舖頭都唔會特別要求高，但我喺佐敦吃嘅坑腩河加凍飲都係50幾蚊，平佢十幾蚊但質素好過佢好多！ 呢間犇的出品同價錢唔合比例，而且地方好污糟⋯⋯見佢之前又上電視又貼晒海報宣傳開分店以為好勁，點知又係名過其實！唉！ 唔推介！

糟糕的體驗，開店優惠話明20蚊一碗，亦在進店之前向店員確認。進店點餐後發現優惠係飯點嘅時候沒有，而且只有外賣。兩個店員仲要不確定互相質疑。其次檯面太過油，店鋪太少，一張四人臺坐不下四個人