御米之家

營業中

休息中

荃灣御米之家我覺得有點大隱隱於市的Feel，沒有華麗裝修，沒有打卡的裝潢，就簡單的一家在工廠大廈的家常小店，-然而食物無味精，家常的價錢，用心的製作，簡單卻又讓人留下深刻印象。-松葉蟹柳粟米青瓜冷麵松葉蟹柳很大很厚的兩條，咸香實肉簡單配青瓜粟米，配搭芝麻醬撈冷麵，三十幾度的夏天食堅一流，好爽快。-招牌豬扒菜飯另外想食飽D,可以叫招牌豬扒菜飯用上日本米入饌，有飯香有口感，豬扒也沒有味精，煎得惹味，醬汁撈飯都好好食。另外小店也有各款自己煲製的飲品，蜜棗檸檬薏米水,帶點點蜜棗香甜，檸檬薏米正好去水腫呢～

在繁忙的工作天，午飯時間短促，最緊要是平靚快！御米之家位於荃灣工廈區，主打飯團冷麵等外賣速食，趕時間首選。健康素味飯團 $36輕便素食健康之選。飯團用的是日本米，饀料有甘荀、青瓜、粟米及沙律醬；飯團口感軟熟，微熱帶出飯香，餡料纖維豐富有咬口，配沙律醬更顯美味。豬肉鬆手搲餅 $38手搲餅熱哄哄之餘十分香口，肉鬆惹味，配合沙律醬味道絕佳。豬柳漢堡扒粟米青瓜冷麵 $43以芝麻醬調味的冷麵，麵條爽滑，醬汁開胃；豬柳味道也不錯。有樽裝健康飲品可供選購。

今日午餐嚟咗呢度食嘢，見佢呢度主打唔同嘅日式飯團，就揀咗個飯團同埋一杯嘢飲😁😁手撕雞青瓜飯團手撕雞份量好足，而且好滑嫩，嗰調味都唔會太過咸，非常唔錯👍👍另外，佢嘅飯都調味剛好，應該有加左少少飯醋😄😄芋泥桃膠牛奶芋泥聽講係每日新鮮製造，口感軟滑，唔太甜。🤩桃膠好有咬口，而且應該冇用到糖水煮，同少少微甜嘅牛奶一齊飲啱啱好😚😚呢杯簡直就係健康版嘅珍奶😆真係好岩lunch 叫個外賣，健康又快捷美味😁😁😁

📍 御米之家 (荃灣)小店位於悅來酒店🐼附近, 主打日本手工飯糰🍙同埋健康茶飲🥤食品做到無味精•無雞粉•原味道, 健康又好食👍🏻小店走日系粉色簡約風, 可以外賣亦有少量位置供堂食🪑✨鰻魚玉子飯糰🍙 $46磚狀飯糰都幾大件, 100%純日本米製🍚用上秘製日本醋🍶飯粒硬度適中,餡料鰻魚玉子份量多😋✨芝麻鮮奶桃膠🥤$40唔會太甜👍🏻 飲品入面有芝麻粉,芝麻味香😋桃膠帶點嚼勁配鮮奶好飲又健康📍 御米之家 (荃灣)荃灣沙咀道381-389號榮亞工業大廈地下A6號舖

今日去開荃灣做野,無意中發現到一間隱世小店,俾佢嘅餐牌吸引咗,就決定入去試吓🤭⭐️松葉蟹棒新鮮粟米泰國肉鬆手抓餅,肉鬆,粟米🌽蟹棒🦀芝士🧀加埋啲沙律醬味道十分之夾,手抓餅仲要即叫即整,熱辣辣得黎口感又脆口,非常好食🤤⭐️兜路水,系店舖自家創作,全香港剩係得佢哋先有,煲煮過程中,食材全部都係純天然,絕對冇添加任何色素,飲落口味道清清甜甜,有潤喉同埋清熱解毒既功效👍🏻絕對值得一試🫶🏻

-鰻魚玉子飯糰足料餡多 除左鰻魚同玉子之外仲有好多青瓜絲 好fresh份量都好大份 唔怕唔飽-松葉蟹柳玉子飯糰蟹柳玉子甜甜地 加上青瓜絲夏天食岩晒 唔會好heavy-秘製XO醬泡菜玉子炒腸粉老闆話XO醬都係自家制唔會好辣香香地 加埋泡菜炒腸粉好惹味 -椰汁桃膠桃膠超多勁好咬口 椰汁同桃膠都係店家自己做所以味道方面唔會太甜健康之選店雖然只做外賣 但入面都有少量枱凳 老闆好好人叫我地行到攰行到熱仲可以坐低食埋先入面仲有啲自家制野飲好多都清熱消暑 仲要因為自家製冇防腐劑下次經過一定要試埋佢個露兜水！

#chowweisik鹹#chowweisik荃灣黎到荃灣同大窩口交界嘅一間小店有飯團、抓餅、炒麵、健康飲品簡直麻雀雖小五臟俱全健康又好味✨☺️一🐾F4 飯團麵檔 豬肉鬆+櫻花蝦+吞拿魚+冷麵｜$58主打用100%日本米做🍙飯團加咗醋 好似壽司飯咁酸酸地豬肉鬆同吞拿魚就溝咗少少沙律醬～櫻花蝦同飯本身MIX埋 啖啖都有🦐個人鍾意豬肉鬆多啲🫶冷麵同青瓜都加咗胡麻醬～熱天食 會好清新本身望落以為份量少 但食落3個🍙加冷麵都夠飽肚！一🐾秘制XO醬炒腸粉｜$42XO醬係店自家製 ！！❤️‍🔥材料有蝦米🦐 瑤柱 乾蒜食落熱辣辣 好惹味加埋青瓜絲 令到冇咁油膩一🐾蜜棗 檸檬 薏米水｜$25生熟薏米超級足料有成3分1樽咁夠酸酸甜甜 健康又好飲😋聽聞仲有美顏 祛濕 清熱氣功用一 🚏 御米之家 (荃灣)荃灣沙咀道381-389號榮亞工業大廈地下A6號舖

荃灣工廈入面，竟然有一間主打健康食物的小店，裝修有日本特色，而且有桃紅色布簾點綴，啱晒打卡。我今日路經覺得天氣非常炎熱，就來試一個鰻魚玉子青瓜冷麵，與及芝士奶蓋火龍果，實行來清新一下！📍鰻魚玉子青瓜冷麵這個冷麵非常清新好食，啱晒夏天食用，首先冷麵軟硬度適中，加上芝麻醬，非常好食。日式青瓜與及玉子，非常清爽，與這個冷麵，簡直是絕配。加上較濃味的鰻魚，能成為這個冷麵的重點📍芝士奶蓋火龍果據店員所講這個是本店的新出品，也是因為迎合夏天需要，火龍果非常新鮮香甜，加上芝士奶蓋，有濃郁的奶味，非常好飲，而且不回太膩，我十分喜歡這間小店主打健康食物，啱晒注重健康的人士。除了飯團冷麵等等，店員更向我推介他們的老火靚湯，係住家雞湯，真材實料絕無味精！而且他們更計劃推出西式甜品，聽落都非常吸引，遲啲嚟荃灣一定要再來幫襯呢！

🔸鰻魚玉子飯團飯團好得意，唔係平時紫菜加飯既三角形飯團，係長方形既飯團🍙，入面有鰻魚、玉子、青瓜絲、肉鬆、鰻魚汁，白米標榜係用左日本米，係特別有咬口，飯團底仲加左飯素一齊包，咁多樣野夾埋一齊食幾好食，不錯～🫣🔸手撕雞炒腸粉👍🏻炒得好香，好入味🤩熱辣辣上枱🔥 份量唔炒，如果有多d手撕雞可以撈埋一齊食會更加滿足😆 就算係炒腸粉都唔會油淋淋既感覺，食完好飽～呢間小店幾出色，下次經過會再黎食😝

餐廳：御米之家地區：荃灣地址: 荃灣沙咀道381-389號榮亞工業大廈地下A6號舖日期：11/5/2023時間：20:00人數：2人 等位： 0min價錢： ＄126🌟鰻魚玉子飯糰🌟 $46果然係「御金王牌」，飯團即叫即整，食落仲有啲暖，而且用料豐富☺️鰻魚搭配玉子、 青瓜絲、燒汁，味道好夾👍🏻大大啖食得好過癮😝🌟可可香蕉手抓餅🌟 $40好有泰國風味嘅可可香蕉手抓餅🤣朱古力醬好夠，亦都係即叫即整，餅底都幾酥脆👍🏻熱辣辣食好正☺️🌟火龍果芝士奶蓋🌟 $40陣陣火龍味加芝士奶蓋都幾夾，甜度適中，味道都唔錯！

提到飯團，唔少人一定會諗起一個日本粉紅色品牌。我自己都好鍾意食，不過食得多都會厭。今次我地咁岩約咗朋友荃灣食dinner，仲有幾個鐘先食飯，但見有啲餓，咁岩落巴士就見到呢間舖頭我哋叫左原味肉鬆飯團及芝士火腿飯團: 2個飯團都係新鮮即叫即做，用到日本米，口感好好。而且飯團入面好豐富，每啖都會食到配料。除咗本身提及嘅配料外，飯團入面仲會有青瓜，口感豐富又健康餐廳標榜無味精及雞粉，所以係非常健康蜜棗檸檬薏米水: 味道清新又健康，可以美顏、袪濕、清熱。見到個底仲有好多薏米，正

荃灣熊貓酒店後面街有間小店 小店粉紅色裝潢 有張枱仔可以堂食 落雨濕濕唔使企喺條街度食嘢咁淒涼👍🏿 小店主攻飯團🍙 飯團有10個味道選擇 店員推介王牌鰻魚玉子飯團 🍙呈長方形 拎上手份量十足 內餡有鰻魚 玉子 青瓜 三款食材我都鍾意食😛 🍙即叫即製 用料唔馬虎 用上100%日本米 無味精 無雞粉 👏👏小店有售買健康飲品 其中一款個名好有趣*露兜水* 主要成份係露兜果 羅漢果 甜甜地易入口 有清熱解毒 增強抵抗力之功効🤩 臨走買咗兩枝番屋企比屋企人試下🥰

最近成日天陰陰落大雨，作為天橋之地既荃灣係落雨既好去處，而呢間小店就位於荃灣附近，店舖主打健康，所有食品都無任何額外的添加劑，是食物本來的原味道，店面細細好溫馨店員都好親切鰻魚玉子飯團 $46飯團形狀係長方形好搞笑份量都好足，店家即order即整，收到的時候仲係熱辣辣好新鮮，入面真料實料有齊晒鰻魚同玉子另外仲有啲青瓜絲，加上鰻魚汁滲入飯團內，令飯團的味道再加強芝麻芝士奶蓋 $48因為我選擇困難症，店家就推介咗呢款隱藏menu比我，係佢地新出的飲品，因為佢地無添加所以係無糖，岩晒我唔鐘意太甜，黑芝麻有極高的營養價值，加入黎自澳洲的牛奶配搭香濃雪梨蜜棗海底椰水 $25雪櫃全部都係店家每日新鮮煲，飲得出係真材實料，有時返工未必有時間整，呢到一支支買就好方便，我揀呢款主要功效係止咳、化痰潤肺，淡淡雪梨同蜜棗的甜味

御米之家位於荃灣沙咀道381-389號榮亞工業大廈地下A6號舖,在悅來酒店後面,如在荃灣港鐵站步行前往需約10分鐘. 此小店以”米”為名, 顧名思義, 主力是賣飯類食品, 其得意美食是秘制飯糰系列, 材料為100%日本米, 並用秘製日本醋即叫即製, 深受食客所歡迎. 食店的宗旨是無味精, 無雞粉, 原味道煮食, 全為客人健康著想. 店主又經常思考新菜式, 以滿足不同客人口味. 今次我點了手撕雞炒麵($58)及芋泥椰汁桃膠($42), 合共剛好100元正. 手撕雞炒麵以香滑雞絲拼青瓜粟米及炒滑蛋作料,而炒麵非常彈牙爽口,味道濃郁,卻不會過咸,可謂驚喜之作. 芋泥椰汁桃膠以新鮮芋泥沖製, 啖啖芋香撲鼻, 異常足料. 據聞芝麻鮮奶桃膠亦是足料之作, 另一鎮店飲品 “露兜水” 更要用十小時烹製, 極有醫療功效, 下次幫襯時必定要試試!

《荃灣小店主打日本米飯團和腸粉》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧今次就到左介紹小店嘅時間，住荃灣嘅朋友介紹我去依間主打日本米和日本醋嘅《御米之家》。小店用左粉紅色嘅格調，有兩張餐枱可以坐，中午嘅時間想試就要預早過嚟。佢地有好多種飯圈可以選擇，老闆就介紹我試佢嘅人氣飯團鰻魚玉子飯團 $46。飯團新鮮製作，用左日本米和日本醋，送到上嚟嘅時候都係熱辣辣。鰻魚肉都幾厚身，加埋帶甜嘅玉子，食完仲想食多過。手撕雞炒腸粉 $48店主介紹依款都係佢地自家製，腸粉相當有彈性，又炒得好香。另外手撕雞都好入味，配搭青瓜絲、麻醬甜甜地都好惹味。如果唔想錯過其他好介紹，記得follow我呀😘多謝大家！！！୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧御米之家 (荃灣)荃灣沙咀道381-389號榮亞工業大廈地下A6號舖୨୧┈┈┈┈┈┈┈┈┈┈┈┈┈┈┈┈┈┈┈┈୨୧御米之家