御藏 (已結業)

放工之後去買啲嘢食返屋企一個人自私食，經過i見到一間日本外買店，企喺度食都得，不過都係帶返屋企食舒服啲。今次叫咗個三文魚吞拿魚碎配蟹子飯！啲三文魚好肥美，脂肪分布得好好，食落去好多魚油，啖啖肉。而且啲飯粒係珍珠米，配搭得唔錯，最主要係質感唔會太散或者太林，做得啱啱好，十足十係日本餐廳食嘅質素。其實仲有好多配料包括芥末，酸薑，洋蔥，重點仲有蟹子同埋吞拿魚粒。如果想食刺身飯，又唔想食連鎖品牌，都可以試一試，個價錢都唔係好合理。仲有個飲品，咁就唔使擔心有得食冇得飲。

去完玩具街就行到春園街塭野食，見呢間日本野新開又好似幾多野食就決定買盒翻屋企食下啦！佢有好多款野食嘅，最搶眼就一定係刺身飯，見價格還可以，最後我就揀左u11(海膽呑拿魚腩刺身飯)&海蟄。海膽份量有d小，得一舊，但幾鮮甜而唔會腥！呑拿魚腩亦唔會腥，同海膽一起撈落飯一流，勁夾！份量比較多嘅，可以撈到最後一啖飯，唔怕食到乾真真😂！海蟄份量多，食落開胃，正！野飲都比較大路，揀左c+ lemon🤗下次可以食下佢嘅熱食，都好似幾好(^^)

我有個星期五中午點了鰻魚飯和牛油帶子，吃的時候覺得牛油帶子旁的洋蔥味道有點怪，以為只是不夠新鮮，沒太在意，照樣吃了。晚上肚子不適，吃不下東西。翌日起來，肚子像洗衣機一樣滾動，肚瀉不停，每隔5-10分鐘便要上廁所，接著肚瀉維持了整整兩天，整個週末不能上街，取消了所有節目。我平日甚少生病，一年也沒告病假，體質很好，估計那些洋蔥一定變壞很久，才令我肚瀉如此。所以希望其他人小心，該店壞的食物可能不止於洋蔥。

一個人去灣仔做野，飯都食唔切就俾急call 回公司，嬲嬲豬！阿頭話叫我飛的返去，入佢數🤦🏻‍♀️，甘即係扮等唔到車，蛇去食個快飯都唔得啦！不過，「食」字行頭的我，點會咁傻豬啊！call 的士同時，九衝入去間專做外賣的餐廳買盒飯先啦！店內選擇都唔少，主要都是日式便當，我唔想好似我咁趕嘅人，又或附近返工嘅上班一族！又叫外賣都到俾錢一條龍服務，店員勁爽手，買外賣全程都唔使5分鐘，👍🏻👍🏻👍🏻抵讚！上到的士，把握我的15分鐘車程，嘆個靚飯先！😱😱😱😱鰻魚飯雖然$82，唔係平，但真心無諗過，有成條厚厚的鰻魚😋正！鰻魚的醬汁都幾惹味，好好送飯！總括而言，會再幫襯，外賣最緊要快，岩曬我這種咩都趕的香港人，而且味道、價錢都很合理！

最近天氣一時落兩，一時熱到暈，無飯帶的我會認為買外賣確實係一個唔錯的選擇。同事話我知，灣仔有一間賣日式外賣的，可以去試一試，那我就跟他一同去了。正值中午時段，排隊的人都唔少。人龍的右邊放置了兩個凍櫃，仲掛起了一幅大餐牌，唔帶眼鏡都看得清楚。貫完之後大約等了 10 分鐘左右，外賣終於到啦~客人可以選擇取走之外，仲可以在店內的左邊站食。開餐啦~ 套餐外賣除了一個定食之外，還配搭了自選飲品。而我選了 海膽吞拿魚腩刺身飯，吞拿魚腩份量非常豐富，仲有海膽、魚子同埋片薑。先吃一口片薑，淨化一下味蕾，然後慢慢品嘗各款食材。海膽分為兩部份，先食外面的一層，味道清爽，口感結實，而裡面的一層是滑滑的帶點甜味。吞拿魚腩鋪上滿滿一層碎葱，混合起來食用感覺很清爽和有肉感。加上魚子入口卜卜應聲爆開，增添不少口感。

午飯時段下著大雨，原本打算星期五和同事食好西，但大家都不想走太遠，於是決定買外賣。來到春園街，見到有間日式便當外賣店甚有人氣，人頭湧湧，決定試一試。店內設有凍櫃，擺滿刺身及壽司，如果想食丼飯或便當，可參考貼在牆上的菜單。如果想堂食，店內也安排位置立食。買好外賣便拿回公司享用。三文魚海膽刺身飯三文魚鮮味突出，入口嫩滑。海膽味道濃郁，屬上乘貨色，一點也不腥。可樂隨飯附送的飲品，當然也可以選其他罐裝飲品，或者味熷湯，更具日式風味。

放工諗唔到食咩就周圍塭下有咩好野食下，見到春園街呢間日本野都幾多人食就決定食下佢有熱食同凍食，都幾多野揀最平38蚊已經有得食，最貴都只係90幾蚊。最後決定食u12,係御藏特選刺身飯，有海膽，魚生，魚子，份量還好，飯小小暖帶小小酸。d刺身都幾新鮮，海膽幾甜美，撈飯食一流如果再多幾舊仲好，魚生亦幾新鮮，好厚身，大約有6件咁值得一提，佢嘅wasabi都幾辣，加時要小心 跟餐有野飲包，揀左coconut water

中途出了灣仔做野... 同事話仲有手尾要跟，叫我幫手買個外賣飯盒，一齊做埋佢... 唉...又是OT夜... 不過老細話有晚飯基金津貼...咁...梗係食好啲啦!! 見到有間外賣壽司新開，就試下佢! 為咗表示我哋團隊有幾咁團結， 我買咗同一款嘅外賣飯盒， 就係最貴嘅海膽炒飯！其實係佢地懶得諗食咩，抄我...食物:個飯除咗面頭有涼涼的海膽，仲有啲海膽係連埋飯一齊炒，真係唔少海膽喎！海膽好新鮮好甜，一啲苦味都冇。而且個飯炒得色水均勻又乾身，粒粒飯都有色，配菜仲有幾款: 西蘭花+椰花+脆肉瓜+紅蘿白，啱晒我呢個菜菜子! 應該就係呢啲配菜，令到成個飯都唔會好漏，份量大大份。我哋三個同事食得非常開心，男同事都話好飽呀! 加四蚊仲可以有一支椰青水飲，啱曬懶係健康既我。下次有機會可以試下其他魚生飯盒。環境:外賣店黎講，都簡寛敞，仲有企位枱，幾啱趕食飯既人。服務: 以炒飯黎計，都算幾快手，等一陣就有。

下班以後拖著疲累的腦袋和軀幹，走在熟悉的灣仔春園街街頭，每日如是。今日重複同樣步伐，下班準備趕往烘培班途中，卻希望給生活來點新鮮的衝擊，給自己個豪華待遇慰勞下辛勞一整天的自己。因此，腳步停在這間每天都會經過的壽司外賣店-御藏。店面裝修簡約，店中央的點餐櫃檯，左邊的小吧檯，和裏面的飲品雪櫃，寬闊門庭讓内部擺設一目了然。牆壁上的餐牌選擇繁多。沒有多想，我選了最愛的海膽飯-海膽吞拿魚腩刺身飯（$82）非常足料刺身飯。姜與Wasabi直接放進外賣碗裏面，使飯變得鮮艷多彩，賣相精緻,增添食欲。吞拿魚腩份量十足，啖啖新鮮魚生。海膽肉身完整、飽滿，表層能看到清晰細紋，味道帶海水味，濃郁而且肥美。

來灣仔上課，午飯當然要在區內解決。本來想去利東街搵食，不過見間間食肆都排滿人龍，決定往隔離春園街找找看。唔想去食茶餐、粉麵，見到這間日本外賣壽司店，有魚生飯、便當、炸物等供應，而且價錢都幾經濟，各款飯類，由 $42 起，仲有礦泉水、汽水或麵豉湯送、決定入內看看。原來除了刺身飯外，店子還有日式滑蛋飯、意大利鮮茄飯、咖喱飯、蛋包飯、炒飯、日式烏冬等可供選擇。揀咗個鰻魚炒飯 ($75)，決定留在店裡立食。炒飯即叫即做，由於製作需時，牆上有溫馨提示，繁忙時段，落單蛋包飯同炒飯，大約要等 15 分鐘。炒飯以一個黑色膠兜盛載，分量十足，而且飯粒看起來粒粒金黃，非常吸引。舀起試試，鰻魚切得有點細碎，幸好食味不俗，魚肉外脆內軟，夠曬入味。而飯粒更是水準之作，每粒飯都炒得色澤均勻，而且飯身完全被香濃的鰻魚味包裹著。至於配料方面，蔬菜分量極多，有翠肉瓜、西蘭花、紅蘿蔔和雞脾菇，配鰻魚飯吃，色香味俱全！

因要準備下午的會議，午膳時間匆忙到公司附近搜尋外賣。御藏位處人流熙來攘往的春園街，主打西日式外賣。店內裝潢相當簡單，除了數個凍櫃外，還有一張倚牆而建的立食枱。 有別於一般日式外賣店，御藏的壽司飯食外賣皆是即叫即製，感覺固然較新鮮討好。筆者的三文魚帆立貝刺身飯最終也沒有令筆者失望，刺身不論賣相與食味均見新鮮，尤其是帆立貝，色澤透白爽甜。刺身飯混入了香醋引味，微微酸香份外醒胃。飯中夾雜脆彈的蟹籽，亦豐富了飯食的口感。 整體而言，御藏的外賣出品較預期理想，可再光臨。

午飯時間處處都是人，加上天氣酷熱，當然最好買外賣回公司嘆住冷氣食啦。位於春園街的西日式外賣店一到午飯時間就很多客人，我也參一腳先。店內有壽司和日式小食可先自取再付款，其他飯類和便當等都可到收銀處落單，另外亦有提供點餐紙填寫壽司和卷物。飲品雪櫃，飯類都有配麵豉湯、汽水或礦泉水，當然亦有唔凍的飲品啦。熱辣辣總是想食「生冷野」，不過最近吃多了要忍下口，食返d熟食先。蒲燒鰻魚飯 ($82)毫無頭緒下，經推介選擇了鰻魚飯，果然沒有介紹錯。來到夏季，一般鰻魚都是最肥美的，當我打開飯盒蓋也很驚喜，成條鰻魚長長的呈現眼前！好奇之下量度了一下長度，差不多成18cm XD，算不錯吧還擔心會不會金玉其外，怎知鰻魚肉質好柔軟，入口快要溶化開，即使會嚐到細骨，但嚼著嚼著都消失了；而甜甜鹹鹹的醬汁既可口，又可以去除了所有腥味，撈埋飯吃很美味，倘若飯粒更香更軟腍就更一流啦！餐牌參考如下:

夏日炎炎, 平時響灣仔蒲開啲我見到一間間店舖長長啲人流, 真系等多一分鐘都覺得熱。今天決定行遠一點, 比我發現左依間快取壽司店! 位於春園街地面店, 寫住"西日式外賣專門店"。因為街道超熱的關係, 我就衝左入去涼冷氣加睇餐牌。又涼又舒服, 在慢慢選擇吃什麼啲時候, 人龍又再次去得很快很快。很多白領OL已經外賣取回公司吃; 店員似乎處理得很快。一直在選擇究竟是靜吃壽司好還是飯類好的時候, 汗已經吹乾了。所以說, 店舖很顧及客人感受, 雖然是短短幾分鐘等候, 店舖也不計成本的開大冷氣。讓我購物的過程有美好的體驗。最後我選擇左堂食鰻魚飯, 因為有超棒的冷氣, 而鰻魚飯又落足料, 飯量又夠多, 加上凍凍的橙汁,一流。店內有兩種鰻魚飯: 蒲燒鰻魚飯, 蒲燒鰻魚蛋包飯。前者已吃得我飽飽了; 很滿足 XD

收工攞嘢比朋友後，在附近搵食，朋友樓下有間日本壽司外賣店，門面地方唔大，入面有雪櫃放汽水同切好嘅魚生，食物都有好多選擇，生熟食物都有，有櫃檯落其他選擇！有位置可以立食！八達通比錢方便！好快包好比我！角切刺身飯（$58）包汽水，膠碗盛載，包裝企理！色彩繽紛，賣相幾靚，魚生有三款，三文魚、吞拿魚、白身魚，切得比較細，加大量蟹籽！魚肉比較實，嫩滑唔腥，三文魚肥美，吞拿魚係赤身，無乜味！白身魚肉最有咬口！蟹籽卜卜脆！白飯較實，加豉油ok! 子薑爽脆酸酸地開胃！店員爽手，落好單比票我，叫我等叫號碼！刺身快餐！