御 ‧ 家上海

營業中

休息中

又一城，開咗呢間上海菜，一直想去試，約極都約唔到人😆終於有朋友生日，約到成班食肉獸去試吓，一行8人，浩浩蕩蕩去試吓，訂咗張枱，當日，個經理話間VIP房今日冇人訂，免費幫我哋upgrade，超正🥰食豪啲💪，叫左個6人雞煲翅套餐，再加兩個菜，正正正😆雞煲翅，魚翅嘅份量正常，但個湯真係不得了，夠濃，夠味，夠香。甜豆火丁河蝦仁，蝦仁細細隻，好鮮味，唔係周圍食得到。酒糟蒸黃魚（呢個唔記得影相，失敗） 黃魚配上陣陣酒香，回味無窮❤️有隻脆皮雞，本來幾好食，但係個套餐有雞煲翅，個湯有半隻雞，又嚟半隻雞，有啲奇怪🤔小籠包同炒飯正常發揮。大家都好滿足，尤其係有間房，唔使去出便咁嘈，傾到偈。會再來

又一城行完街，搵嘢食，原來開咗間上海菜，好多人排隊，幾分掙扎，都係去排吓，唔好執輸😅佢個什麼脆皮雞（唔記得全名🤣），不得了，皮脆肉嫩，食雞胸都咁好味，唔知係咩雞嚟，應該唔係普通料🤔試過返尋味😍下次再食😃，楊州炒飯，炒得好香，唔會好油，上海粗炒炒得好香，亦唔會好油，我哋啲細路好鐘意食仲有個松子魚，魚炸得香脆，個靈魂汁最正，唔會好酸，賣相亦吸引，員工會細心幫我哋將魚cut開。整體食物質素唔錯，店員招呼亦好員工細心有禮，埋單後有現金卷送

朋友介紹，大圍御.家上海，抵食夾大件，因為大圍晚市唔接訂枱，唯有去又一城試吓，竟然可以訂枱，同一集團，兩間餐廳，同一個品牌，完全唔同做法，不解。點都好，果然冇介紹錯，脆皮雞，煎小籠包，東坡肉，松子魚都非常出色，價錢相宜，值得一試。訂座時說要還枱1.5小時，我哋食完都8:45，心諗，還張枱俾你都未必仲有客人嚟，畢竟而家唔好咁多人咁夜食飯，果然冇追我哋還枱，我哋仲坐到9:30，值得一讚。首先一定要介紹嘅係脆皮雞。有少少煙燻味，皮真的脆，肉真的嫩，同廣東做法有唔同，自己去試吓就知，東坡肉三七肥，唔會好漏，店員會主動問我哋要唔要幫手切細件啲，細心小蘢包有兩種做法，有蒸同煎，蒸的食得多，今次試吓煎，煎嘅原來都咁好味，可以keep住熱，底有少少脆，湯汁夠濃，但唔会咸，值得一試松子魚炸得鬆脆，個汁係靈魂，唔會好酸，帶橙橙哋色，唔係紅紅哋嗰種，所以覺得味道好，呢間上海菜真的要再嚟，試吓佢哋嘅其他菜式

10/7婆婆生日，一早訂定咗間VIP房，準時到，叫咗個12人餐，菜式都係大家啱食嘅嘢，首先嚟咗個六小碟，醉鴿，烤夫，餚肉等傳統小食，味道唔錯👍，跟住嚟個翅，湯底濃郁，翅唔算粗，味道算OK,值得一提嘅係佢哋嘅元蹄同脆皮雞，元蹄入味，夠淋，唔會好甜，婆婆無咩牙力都食到，脆皮雞，皮脆，小小煙燻味，肉質夠嫰，另外小龍包肉汁香濃唔會重味搶咗豬肉嘅味道，值得一讚係招呼我哋間房嘅樓面小妹妹好似叫Irene,整個用餐過程，細心，主動加茶，換碟，上菜時間控制剛剛好，唔會話一次過上哂啲餸，好似趕客走咁，值得一讚呢個小妹妹，全程面帶笑容，有禮，整個用餐過程好舒服

經過又一城，去逛逛，肚餓，去咗御，家上海食上海嘢，入門口，帶位有笑容，表明想坐近窗邊，可以欣賞樓下一層溜冰埸，帶位溫馨提示，會比較嘈，問我哋介唔介意，媽咪怕嘈，然後帶位安排左梳化位坐，滿意🥰，然後樓面亦問我哋飲咩茶，（全程都有笑容）第一個對店舖印象非常好👍，唔知食咩，就叫樓面介紹，炸雞係招牌菜，所以叫咗半只炸雞，然後清清哋叫咗個炒萵荀，小食叫做嗰脆鱔，蚱小黃魚等，炸雞真的好好好味，皮脆，肉嫩，夠Juice😋 ,脆鱔唔会太甜，萵荀清淡，帶有少少咋咸肉味，整體來講，從入門口到食完，帶位，樓面，經理對客人都保持住笑容，食物質素唔錯👍值得一試嘅餐廳

我是新搬來九龍塘居住的，便想到附近又一城看看有甚麼東西好吃，我上星期選了這間御家上海試試，我一行十人，他們留枱五分鐘，我遲了十五分鐘才到，門口已經很多人等位了，門口的同事見我有大有小，禮貌地跟我們說多等一會，有座位便盡快安排給我們，我們等了10分鐘左右，看到樓面的同事很快手地清潔枱面，我們便可以準備進餐了，小孫子已經餓得不得了，我們先點幾款小食，很快亦上菜了，一陣子給孫子吃光了，其餘主菜亦很快上菜，味道真的不錯，聽說他們在其他地方都有分店，我們下次都會去光顧，香港已經很難得有這麼好的服務態度和食品，你們要繼續加油💪！

1/7日是奶奶生日，本來訂咗張枱19:00但因為奶奶年紀大，行動不便，所以遲咗20分鐘，記得訂枱時，帶位話只hold枱5分鐘，擔心去到無位，當去到，真係已經無位，本身訂咗張枱已經比咗其他客人，跟住同經理Tina溝通，是因為奶奶年紀大，行動不便，所以遲咗，希望可以幫我哋再安排位置，經理Tina了解後，叫我哋等等，然後大約等咗10分鐘左右，就安排到枱比我哋，我哋非常感謝Tina,食物方面，我哋叫咗佢哋出名嘅炸雞，蒸鰣魚，臭豆腐（真係幾臭吓），年糕炒蟹等等，炸雞皮脆肉滑，有少少煙燻味，鰣魚一早訂咗，所以等咗半小時就到，鰣魚係奶奶致愛，佢最鍾意「損」的魚鱗，蟹肉質鮮嫩，配年糕炒味道都唔錯，食物整體唔錯，樓面員工招呼亦到位，例如：會主動加茶，主動換碟！最後真的要多謝經理Tina,🙏🏻因為我哋係北方人，不太喜歡食蛋糕，所以奶奶生日亦無預備到蛋糕，經理Tina知道後，竟然送咗啲壽桃比奶奶，真心多謝，相信我哋一家會變成呢間餐廳常客最後有個女侍應推介鮑魚$188/ 罐加$10多一罐，真係好抵

5/7中午，一家三口去又一城溜冰，盡興完之後，就去咗呢間上海菜食午餐，門口帶位很用心介紹食物，最終都係入去試試，佢哋呢度有五款茶可以揀，樓面員工極力推薦人生烏龍茶，飲落口有少少嘅人蔘味，茶唔會太濃，老婆話想飲湯，咁就揀咗個砂鍋雲吞雞，因為雲吞可以俾仔仔食，上海粗炒同埋小籠包是我們必定選的食品，雲吞雞裏面有半隻雞，八粒雲吞，同埋有好多津白，湯入口香濃，唔會好鹹，仔仔話好好飲，另外上海粗炒，賣相顏色好靚，仔仔就食咗兩大碗跟住小籠包係呢度必點嘅點心，肉汁香濃，整體呢度食物唔錯，員工亦好有禮貌，不得不讚呢度嘅員工會主動幫客人加水埋單後有現金券送，下次再嚟試吓佢哋其他嘢食

在OpenRice訂位，方便。第一次光顧，去到門口的時候，發現門口四眼女侍應非常冇禮貌，態度惡劣。但其他侍應正常，有些都有禮貌的。食物方面：蜜汁脆鱔只是脆，很多炸粉，難食！牛肉餅沒有牛肉味，不好吃！大排骨麵和鹹肉津白都是正常水準以下，相信很多街坊小店也比這間餐廳好吃。在又一城的餐廳來說，以這間餐廳的食物質素，是不會想再光顧的。總的來說，食物質素差，門口四眼的女侍應態度惡劣，整體來說是差的體驗，不建議！

侍應趕客，由9點開始不停煩我地，未食晒野都問「想問隻碟收得未？」一晚三四個侍應圍住你轉，每分鐘問一題問題，輪流不停問「收得未」，由有9:00開始到9:30不停騷擾客人，務求收晒你枱既碟。話為左等你地食蛋糕　，主動話幫你拎蛋糕）其實客人都冇話要切蛋糕）就已經講吓咁幫你收晒啲碟，攞埋蛋糕出嚟俾你買埋單。嚴重影響到客人傾計，好煩😫好似想趕客咁，有點失望。打算星期五食個飯，真係希望可以好好享受，坐立又一城商場，可是服務好似大排檔咁。

見又一城新開一間價錢合理嘅上海菜，所以刻意book咗枱同屋企人同六個月大嘅BB夜晚一齊食飯首先喺味道同食物選擇方面，以呢個價錢嚟講絕對係CP值高，味道係好食，份量好足夠，而且價錢係合理，好欣賞包點類係可以on top加錢加一至兩件，好適合四五人既家庭，唔會叫過量既食物👍🏻但服務方面，真係差到冇朋友…同屋企人分別端午節夜晚同下一個星期五晚去食飯，兩次既用餐經歷都好差由落單到上菜，只係5-8分鐘內就同你上曬成枱食物，真係快過等快餐，已經同咗侍應講停一停出菜先，因為真係成枱野食，而且張枱亦唔大，但完全冇理會，原本以為因為當晚係端午節正日有兩輪，所以出菜咁急，點知下一個星期既夜晚再去，情況都係咁🤷🏻‍♀️明明落單系統寫明壽包需時20分鐘，但5分鐘就已經同你上咗，簡直係無言…另外，呢間餐廳完全唔係嬰兒友善既餐廳！連續兩次book既時候已經講到明有嬰兒（並唔係兒童），需要長開bb車，但兩次既座位係安排前後都有凳會撞到既枱。最離譜既係，有一個侍應（女士、戴眼鏡、樣貌似菲/泰籍）帶後面個枱既客入座既時候，係毫無詢問之下 抬起入面有一個六個月大既bb車，bb車既方向轉咗90度。成件事係極離譜，仲同我地講叫

為了慶祝婆婆大壽🎂特意揀選咗呢間上海菜，指定要房間有最低消費，預訂訂咗六點，大家準時到👍🏻頭盤揀咗幾樣嘢食，有拼盤，脆鱔等上海小食，頭盤小食味道算正宗，因為婆婆係上海人，佢覺得唔錯😋另外揀咗茶鴨，茶鴨唔算太乾，好香煙熏味，另外炸雞，好Juice，婆婆最鍾意食鰣魚，特登預訂咗條，婆婆教我哋食，首先要將啲魚鱗「選」咗先，我就覺得怪怪地🧐值得提吓個腌篤鮮，湯味道層次感分明，最重要啲筍唔會搶咗鹹肉嘅味，另外點咗客煎小籠包，感覺上比蒸嘅好味好多！當然最後一定要食豆沙窩餅🤭🤭

陪姨甥女去又一城溜冰，溜完冰肚餓，問姨甥女想食乜嘢，佢話想食上海菜，就揀咗溜冰場上面嗰間家上海，六點鐘左右，唔係太多人，姨甥女鍾意食楊州炒飯，簡簡單單嗌咗幾樣嘢，首先第一樣嘢嚟嘅係烤夫，味道唔會太濃,雞絲粉皮醬油味濃郁，跟住嚟個小籠包，小籠包裏面嘅湯汁，鮮甜好味，，跟住個楊州炒飯，唔會太油，姨甥女食咗三大碗.店舖環境唔係太光猛，俾人感覺幾舒服，樓面員工招呼，態度都唔錯，會主動清枱面，和主動加水，埋單有現金卷送

星期六大約六點前去到，見店內未有其他客人，便入去試吓。但係我哋兩個人都要被安排坐一張好細嘅枱，而且仲要限90分鐘。侍應人數算多，但係個個行行企企，掛住自己傾偈，要我哋叫佢斟茶先走過嚟，服務欠主動，而且有一兩個侍應外觀有欠整潔。食物上齊後，張枱根本都唔夠擺，食得頗為狼狽，而且食物質素一般，價錢亦唔算平。整體而言，客戶用餐體驗欠佳，難怪呢間店舖新開冇耐已經咁多負評😒早知入去前先睇吓OpenRice先。有時都明白，點解啲人成日話北上消費！

喜歡這裡的環境，靠窗可以一路欣賞溜冰，一路進食午餐，今日叫咗上海粗炒，小籠包，一個人食剛好，首先上海粗炒味道啱好，唔會太鹹，最緊要係唔會好油，呢度小籠包有兩種選擇，一種就係傳統蒸，另一款就係可以鐵板做，我都係揀咗蒸，小籠包嘅湯汁，味道帶有濃郁嘅肉汁味，整體唔錯👍，最後忍唔住，都叫咗一客高力豆沙，呢度高力豆沙加咗香蕉，味道又唔差喎！！呢度有一款茶要值得推介，就係人蔘烏龍茶，陣陣嘅人蔘香味，令人精神一震