御 ‧ 家上海

營業中

休息中

同老人家慶祝生日，一行八人食得滿足。雖然係食午餐，但我哋就好似晚宴一樣，全部都係嗌小菜。老人家早食飯，所以我哋11:30am一開門已經到餐廳。由於之前已經訂咗枱，所以服務員都好快已經帶我哋去預留咗嘅大圓枱。叫咗總共10樣嘢，大致上都好味嘅，唯獨是個炒菜預先同服務員講可唔可以煮得腍啲，方便老人家食，但出嚟嘅效果都仲係好硬。最出色係個雞，皮脆，肉滑，好香濃嘅煙燻味👍🏻。原本個客戶體驗都好好，幫我哋嗰幾個服務員都好周到，寬容有禮，但去到差不多食完之際，有一位應該係比較高級嘅女服務員（因為只有佢着米色西裝褸，所以直覺佢係比較高級）行埋嚟，用一個好不願意嘅眼神同埋語氣，問我哋究竟訂咗幾多個壽桃包？同埋我哋啲嘢食完未？首先壽桃包唔係我哋訂嘅，係之前留枱嘅時候餐廳知道我哋係慶祝生日，主動話送俾我哋，所以我哋根本唔知佢送幾多個。第二我哋食完未其實望吓張枱應該知道，佢最差嘅就係佢嘅tone and manner，原本一家人同老人家做生日開開心心，俾佢一句咁樣嘅說話破壞晒😤。反而其他着黑衫，應該係比較junior嘅服務員都見到呢個情況，之後都過嚟同我哋講唔好意思。

一直都好喜歡去御•家上海食飯, 早排同一班朋友出嚟聚餐, 順便試下佢地新出嘅夏日菜式!✨️老上海醬油拌螺肉花螺味道鮮美, 肉質爽彈, 配上特色醬油, 惹味又開胃✨️蜜汁脆鱔每嚟一次都必點嘅前菜之一, 香甜脆口, 忍唔住一條接一條咁食✨️賽螃蟹食上海菜點少得賽螃蟹, 口感滑嫩, 鮮甜細嫩✨️脆香樟茶鴨樟茶鴨由多款香料製作而成, 絕對係心機菜, 鴨肉呈棕黃色, 香氣濃郁, 味道帶點鹹香，皮脆肉腍，相當吸引, 配搭刈包同食, 滋味滿足✨️揚州紅炆鴨四寶鴨四寶分別有鴨肉、鴨腸、鴨紅、鴨腎, 香味突出, 濃郁入味, 回味悠長✨️鹹肉翡翠炒山藥就咁睇以為係炒年糕?其實係山藥嚟! 鹹肉鹹香惹味配上爽脆山藥, 食落口感豐富, 餸飯一流✨️雪菜三鮮炒大豆芽食左咁多肉, 緊要食番d菜, 入口爽脆鮮嫩, 清一清味蕾✨️椒鹽小黃魚小黃魚一d都唔小, 外層炸得金黃, 食落酥脆可口, 肉質鮮嫩, 椒鹽味道剛好, 完全唔搶鮮✨️濃雞汁蘿蔔蘿蔔鮮甜軟腍入味, 多汁無渣✨️荔枝蝦球新鮮炸出嚟, 外脆內彈✨️家鄉鹹雞豬蹄炆冬瓜所有鮮味落入冬瓜件入面, 冬瓜軟身多汁, 消暑又好味✨️鐵板灌湯生煎招牌菜之一嘅鐵板灌湯生煎, 每次都會點! 一上枱發出

午飯時間已過，肚餓又懶得自煮，便來一個上海式下午茶。食肆人流不多，下午茶也可以選有景觀的座位，用餐之時亦可欣賞溜冰。既然有下午茶套餐供應，便點了兩款套餐，有主食亦有點心，絕對合乎經濟原則。小排骨是冷盤，有點出乎意料之外，排骨炆得很腍但肉有點柴，幸好大部份小排骨都有骨連筋增加嚼勁。炒年糕有勁度是喜歡的口感，薺菜像切碎了的雪菜，味帶微咸為年糕提鮮不少。小籠包是正常水準之作，最出色之處是熱烘烘上枱和豐富的肉汁。擔擔麵不錯，湯頭的花生香味濃郁，榨菜粒及肉糜為軟綿的麵條增添更佳口感。閨蜜愛吃小黃魚而小黃魚的確酥脆可口又不油，魚肉也鮮嫩是不錯的小食。津白的水準不過不失，上湯有咸肉的咸香味，如果上湯熱一點，味道必定更好。下午茶套餐加配可選甜品或飲品，檸檬薏米水清酸微甜，感覺沒太多負擔。

御・家上海喺康城開分店啦！一直以黎，不論係家上海，定係御・家上海，品牌都係品質嘅保證，係性價比高既選擇，繼進駐大圍圍方後，又一新店開幕了！淮揚菜既前菜總係令人不失望— 「蜜汁脆鳝」、「四喜烤麩」皆係我嘅心頭好～而我認為當晚嘅MVP係「家鄉鹹雞豬蹄炆冬瓜」，豬蹄顏色粉嫩，係滿滿嘅骨膠原，冬瓜炆得既腍又入味，湯底濃郁～「招牌糯米炒青蟹」都挺有驚喜，米飯粒粒分明，糯米飯既部分盡收青蟹既精華假如係熟客嘅話，便知道「鐵板灌湯生煎包」乃係名物，脆底、皮薄餡靚！最滾動既係可以橫掃甜品餐牌，「貴妃楊枝甘露」、「夠薑湯丸」、「酒釀丸子」、「高力豆沙香蕉」、「流沙奶黃千層酥」，人多就是可以多點，整個餐牌有多達8款，特別推薦「原桶黑豆腐花」，而呢個最好提早點啊～

二人晚飯不用等太久，就去了這食店了。店裡環境空間夠大，感覺不錯。店員招呼挺禮貌的，雖然客多，算是隨叫隨應。我們依餐牌好介紹，要了三個所謂經典的必點菜，第一道是煙燻脆皮雞(半隻)，上台看下去色澤金黄靚靓，有煙燻香味，但一口咬下皮脆肉嫩，但舌頭上就不好受了，感覺太重手，實在太鹹，中伏了！ 第二道菜是脆煎灌湯小籠包(五件)，放在熱辣辣鐵板上，味道鮮美，很不錯。最後那個菜是上海粗炒，入口不夠熱，輸了！ 我們這晚餐失望了，感覺沒下次了！

早前去食下午茶，諗住在限期前用左張現金優惠券，成張優惠券都冇寫套餐不適用，只寫限堂食及週一至週四適用，亦都寫明於午市或下午茶消費每滿300可使用100現金券，叫左4個下午茶套餐，但埋單的時候，職員卻說優惠券不適用於套餐！大家看看哪句寫了套餐不適用？向職員反映時，還非常厚面皮地說：「明白的！知道的！」像機械人一樣重複又重複地說這兩句話！敷衍了事，並沒有真正為顧客解決問題！請大家真的要慎用！食物方面個上海粗炒偏鹹，回家要飲很多水。

係限時優惠menu叫左4款餸， 照中文menu 寫道，理論上你每叫兩款，第二款就半價，如此類推，但埋單時就話只可以用一次。 真係唔知我中文唔好定佢地唔識中文？大家如有機會食到優惠既時候，最好問一問先！當日都比較忙， 6 個餸食完， 個湯都未有， 而隔離檯好遲order 都有先，所以就漏左個雲吞雞湯。 追左之後， 無啦啦又上左個先前預先order 左一個但 remark 左後上既豆腐花。 所以係有d 混亂。但都問題不大，食物係唔錯，好食， 有質素， 但亦可能比較新，錯漏緊有⚠️

在康城下午茶有很多選擇，我和媽媽決定試試家裡樓下的「家上海」新店。店外裝修有條條紅色的裝飾品，接待台的設計也很吸引。右邊的綠色搭配讓「御❣️家上海」的招牌顯得特別有氛圍。店內金色的天花板襯托著藍色的沙發，沙發邊緣還有紅色和橙色的裝飾，整體裝潢非常獨特。侍應生的服務周到且有禮貌，讓人感到愉快。總體來說，佢哋嘅烏龍茶好飲，夠香，雞煨麵的味道不錯，涼拌舌頭略顯堅硬，需要改進。排骨菜飯的賣相很吸引，但排骨稍微偏鹹，如果能再少一點鹽就完美了。四喜烤麩的味道不錯。下午茶套餐上海嫩雞煨麵 $78.0（茶）涼拌陳醋紅蜇頭下午茶套餐排骨菜飯 $78.0（茶）四喜烤麩家上海地址：將軍澳康城路1號THE LOHAS康城三樓333號舖

今日同朋友入咗康城搵食見到呢間餐廳新開，好多人排隊，就決定試吓！晚餐時間，大概等咗20分鐘，成功入座枱與枱之間距離比較近，但枱面都尚算闊落店員服務都殷勤兩個人叫咗以下食物:✨️燻蛋 2.5🧡/5前菜叫咗燻蛋味道非常之一般淨係得個面有煙燻味，唔夠入味，亦都偏硬✨️招牌十景揚州炒飯 3🧡/5欣賞個炒飯做到粒粒分明亦都好多料不過調味偏淡叫"招牌"嚟講有啲失色有待改善 ✨️紅燒獅子頭 3.5🧡/5煮得夠淋，調味適中除此之外冇乜特別✨️脆煎灌湯小籠包 4.5🧡/5個底好香脆！！好似有層薄薄嘅脆皮喺底咁小籠包算薄皮，但夾起都唔會好易穿全餐最好食嘅餸😋👍🏻總結: 3.5🧡/5食物水平有啲飄忽服務殷勤，但感覺有少少忙亂可能始終新開冇耐，有啲地方要慢慢調整同改善不過總括嚟講都唔係差嘅可以一試😊

康城終於有得食上海菜，於是帶埋小朋友一齊試，晚市開5:30，我哋5:00已經喺門口等，免得好似開張嘅時候排晒長龍有排等，要注意依間餐廳有個半鐘頭限食時間，侍應帶咗我哋入座，我哋嘅座位係望住康城溜冰場，小朋友特別開心，一坐低即刻點嘢食，小朋友request食金牌小籠包，上海粗炒，而我就點咗炸銀絲卷，上海擔擔麵，上菜都算快，食物質素中上，小朋友食過返尋味，話要下次再食過。金牌小籠包熱辣辣嘅小籠包，皮薄餡靚，肉汁鮮味，小朋友食咗之後都話有返喺上海食小籠包嘅感覺上海粗炒味道尚可，只可惜有少少過火嘅感覺炸銀絲卷外脆內軟，同煉奶非常匹配上海擔擔麵小辣嘅上海擔擔麵食落冇辣嘅味，下次可以點大辣

今日到呢間新餐廳食午餐，體驗挺不錯！環境舒適，服務非常好食物質素也非常好。前菜點了海蜇，海蜇爽口。如果味道濃點就更好點心點了小籠包和牛肉餅，兩款點心都非常有水準！小籠包皮薄，裏面充滿湯汁。牛肉餅亦都充滿牛肉汁！煮食叫了豬排麵和上海粗炒。個人比較喜歡上海粗炒，店員還會自動送上辣醬，配搭起來很好吃！豬扒麵的的豬扒也炸得鬆脆，其實也挺不錯。甜品叫了高力豆沙，也很不錯！因為週末，所以午市沒有套餐，人均大約$100。如果平日午餐應該會更抵！我係比足錢食，唔係打手

新開張嘅上海餐廳，唔算等得好耐，可以用網上平台拎飛，好快就可以入座🤣入面環境優靜，好有古典味道，座位坐得舒服，好岩同朋友黎聚會！🙉小籠包🥟包入面充滿湯汁，塊皮還算薄，必食推介，總共有6件，上海店點少得小籠包🤣煎豆腐豆腐吸收佐茨汁，炸得外脆內滑，加入茨汁，好入味😍擔擔麵麵條細滑，湯底夠熱，配合花生醬味既麵條，濃郁鮮香😍最值得推介 豆沙鍋餅外脆內香口，唔算太甜，食飽後甜品之選🍵😜

2個人，叫左四樣嘢，冇一樣值得推介。脆鱔炸過頭丶味濃冇鱔味丶得個甜上海牛肉麵、同香港牛腩麵同款濃雞湯蘿蔔丶所謂嘅濃雞湯冇雞味丶蘿蔔吾入味、成坺汁；唔知點解會係招牌菜。生煎包系唯一可以食入口既

喺美食沙漠康城新開張，第一日就沖去試！咁急住試係因為頭三日去夠四位就送脆皮雞第一日好多人，三大兩小排隊45分鐘一入座好快就上脆皮雞，個皮好脆，肉都好Juicy！前菜叫咗烤麩同埋雞絲粉皮。烤麩超級好食，雞絲粉皮相對之下就失色，又比較有傷害。但唔係話雞絲粉皮唔好食煮食叫咗牛肉麵同埋上海粗炒。小朋友們快速食晒成個牛肉麵，試一啖都冇機會。不過都應該係好好食，所以先會咁快食晒。上海粗炒就very good。到點心裏，叫咗小籠包同埋紅油抄手。小籠包皮薄多汁，有質素！其實個紅油抄手都好好，只係真係太飽。總括而言，成餐飯都非常滿意！食物質素高，服務好，價錢合理！希望keep住都係咁好，成為美食沙漠中的一點甘露

新開餐廳，中午一般要排隊，今次打電話訂位，以前經常在同將軍澳的東港城家上海店食，有比較先有傷害，從服務到味道都比東港城好，服務員比較充足，出菜又開，值得推薦的餐廳。