微笑韓國料理 (已結業)

未試過咁難食嘅韓國嘢一上到去係唔識講中文又好似唔識講同聽英文嘅外籍店員帶位 之後擺本簿仔叫你自己填食本身諗住可以食串燒但係上到去又冇得食 問店員佢地又唔識聽同講 只講No ?!我地2 個人叫咗一個大醬湯 一個燒雪花肥牛 同埋一支米酒 個湯普通水平 一點特別都沒有然後差唔多$200嘅燒牛肉超級韌同食緊橡膠冇分別一食完就收晒啲嘢好似想趕我哋走 店員喺隔離不停行過不停望但明明仲有座位而我哋都係食咗一個鐘都未夠總括嚟講零推薦零好食零服務

我同朋友叫咗每日優惠餐牌 一個豆腐湯飯+一個炸醬麵有半價餐牌上面寫明係只要叫一樣正價食物同喺IG po相tag佢哋就有呢個優惠 咁好啦我哋跟佢講叫多咗個水冷麵點知去到埋單嘅時候個侍應同老細叫我哋俾返正價下次再幫襯先比到半價優惠 黐線餐廳當我哋豬咁劏最後我哋企硬同佢嘈左陣 話你而家係詐騙喎 我哋可以去海關告你 佢先至俾返個半價優惠我哋 再者 佢個餐牌有成頁小食串燒當日係冇貨佢話呢啲冇得叫 只可以叫貴三倍嘅主食 粉麵飯先有每日餐牌嘅半價優惠 但我哋已經有一個飯一個面 佢仲要我哋叫多個飯/麵先有優惠 搞到我哋當日食咗三大碗澱粉質雖然呢度食飯有包廂 但係成個環境仲嘈過酒樓成餐飯都食得好唔舒服不誠實餐廳 當食客水魚 不推薦

上禮拜去食，點知等左超過40分鐘先有嘢食，仲要啲小菜都係等主菜上咗先上。服務態度好差，外國侍應唔想應你，想入餐廳冇人理，落單都冇人理🥲本來嚟係想試串燒，原來餐單上面雖然有，但係係冇得叫嘅，原因不明😅味道而言，普普通通，份量不大，但價錢偏貴！最後我地張單嘅價錢係錯嘅，有一份$138嘅佢哋收$198 係我哋show曬menu同佢地bargain 先退返差價俾我哋。。。真心去食飯好似去受氣咁，仲要價錢唔平🙂天啊。。。我以後都唔會再去🙏🏻

尖沙咀 | 🇰🇷韓國人主理 私隱度高包廂式卡位呢間韓國餐廳上年年尾新開，好似無乜人知，韓國老闆娘主理嘅正宗味道，泡菜都應該係自己醃🤤最有驚喜係個環境!! 好乾淨，唔會好似韓國街啲餐廳咁嘈👍🏻有好多包廂式卡位，又無限時，好闊落!! 同朋友慶祝一流✧ 魷魚串 $28✧ 香腸年糕串 $38佢哋有好多串燒揀，魷魚都唔會韌，年糕串記行要襯熱食✧ 海鮮煎泡菜餅 $138鍾意呢到泡菜餅唔會油浸咁👍🏻放耐咗個邊仲脆，泡菜味幾濃，料都算多✧ 烤薄切五花肉 $138呢款用鐵板上幾正，跟埋韓式甜辣醬送酒一流，不過擺行耐煎耐左會稍乾! 要快手食!✧ 韓式水冷麵 $98呢到嘅水冷麵唔似岀面打哂kick要剪開~亦都唔洗加醋~加埋辣汁食幾開胃✧ 辣海鮮魚糕湯(我哋揀咗唔辣) $268走辣就返朋友唔食辣~有個爐keep住熱，個味幾有韓國街邊食魚糕feel!! 仲有好多菜、菇、蝦肉、青口仔📍Korean Izakaya Miso 微笑韓國料理尖沙咀厚福街12-12A號藍馬商業大廈2樓

尖沙咀除咗條韓國街🇰🇷厚福街樓上舖有間值得回味,依間正宗韓國人主理🇰🇷由員工到老細都係韓國人,自從上次朋友帶過我嚟之後我已經食咗兩次啦🍜韓式水冷麵$98，同去韓國旅行食既味道一樣架🤣好滾動呀🥹🐷炸豬扒$168，兩塊分量適中，麵粉唔會太多突出到豬扒嘅鮮味紅色個D吾係牛係鰻魚串$48😆 好脆皮唔似食開嘅日式鰻魚醬汁🐮牛外脊串$48 🐟烤鯖魚🐙辣章魚$28，好出色，賣相靚之餘好爽口汁正🍻每逢一至四店有特別優惠今日星期四啤酒任飲每位$98😁舖內裝修優雅, 餐枱用厚木材剪裁好古典, 燈光柔和💡，好Warm同舒服嘅感覺

微笑韓國料理 (尖沙咀)📇地址：尖沙咀厚福街12-12A號藍馬商業大廈2樓🕐營業時間：18:00-04:00💸人均消費：～$200-250/人(dinner)👏🏻抵讚位：staff係韓國人，要用英文溝通🤣 但都好有禮貌同好service，會主動走黎問我地啲野啱唔啱食，仲送左條燒魚俾我地做side dish🥰 我地叫左水冷麵($98)、海鮮泡菜煎餅($138)同埋炸雞翼($188)。水冷麵係相對地比較正宗，個湯底係用冰整，等啲冰慢慢溶，就會變凍湯😉 呢個係我喺香港食過最地道嘅韓國水冷麵之一嘅餐廳。另外兩樣就正正常常，無乜太大驚喜😂 😯有待改善位：俾番啲免費水客人飲會consider多少少😂 唔想叫野飲，但又好口渴嘅時候，無水嘅話，就算啲野幾好食都好，對成間餐廳嘅感覺都差左。個餐牌可以清晰少少，原來炸雞就等於雞翼薯條，我地都係問個staff先知，諗住食炸雞，點個變左炸雞翼😂😼私心回應區：定價偏高左啲，食物嘅質素同個價錢有少少唔成正比，如果個價錢正常番啲，我會食得開心啲🥲😂

正宗韓國料理難得可以到尖沙咀享用晚餐，選擇了這間韓國料理，這間餐廳有韓國人主理。入到這間餐廳，環境舒適，寬躺，光猛整潔，每個卡位都有布遮掩，私隱度極高，與閨蜜傾談可以暢所欲言。餐牌上有很多選擇，我們點菜後，侍應端上幾款前菜，最驚喜的前菜包括一條靖魚。五花肉串$38我們各人一串，肉質淋，味道不錯。海鮮筍豆腐湯$118這款海鮮豆腐湯，是將每樣海鮮切細粒，這款湯膠碗白飯，味道不錯，幾好食。韓式水冷麵$98非常煙靭的水冷麵, 加上韓國醬料，普普通通得來又幾特別。#微笑韓國料理#koreanfood尖沙咀厚福街12號藍馬商業大廈2樓

呢度裝潢好靚好有特色，滿滿韓風嘅感覺，啲位好似獨立包廂，有啲私隱作為樓上舖，唔會好嘈，而且位置都易搵serve樽裝水真係好安心又放心side dishes 黃蘿蔔+泡菜+豆腐唔單只醒胃，啲顏色仲好夾好靚海鮮辣碼麵好香濃嘅海鮮風味，有好多海鮮同菜（包括蝦、洋蔥、蘿蔔等），啲麵口感好q彈。雖然辣，但辣得來帶少少甜，越食越過癮，最後成碗食晒烤薄切五花肉配白飯一上呢碟，塊鐵板仲燒到咋咋聲！呢道菜唔係韓燒都食到韓燒肉嘅感覺！又唔使自己燒／怕燒燶。好香，夠晒薄夠晒脂肪同好多肉汁，唔使點醬都已經好好食，點兩款唔同嘅醬又係另一番味道辣章魚x魷魚串完全可以過一過辣癮嘅小食!! 大大粒，鍾意飲啤酒嘅人配啤酒一流我鍾意魷魚個串多啲相信其他串燒都好好味總括而言，價錢有少少貴，但係物有所值嘅，淨係個環境已經加唔少分！

《烤薄切五花腩🥓》用鐵板上保持溫度熱度 咧咧喇喇聽到👂🏻口水都想流出嚟墊住好多洋蔥🧅已經grill到焦糖化夾埋甜辣醬 撈飯食特別惹味😋😋.《牛肉牛骨湯麵🍜》湯底呈奶白包🍲🥛麵條好幼 掛住牛骨湯特別香濃除左有5塊牛肉 仲有兩條年糕🍢.《香腸年糕串🍢》將香腸同年糕拎去串燒 掃上韓式甜醬唔單止脆皮腸脆連年糕既外表都燒到焦脆 而入面就煙煙韌韌😋😋🇰🇷🇰🇷🇰🇷🇰🇷🇰🇷🇰🇷🇰🇷🇰🇷

今日放假去尖沙咀SOGO thankful week 買野，買完野又要食下野近排睇YouTube 睇到好想食韓國菜，就順便去尖沙咀食今次去左miso Korea 係厚福街2/F地放好闊落，坐得好舒服前菜有三款，泡菜蘿蔔同豆腐，泡菜同蘿蔔好正常都有，第一次見有豆腐做前菜我就要左個牛肋骨湯，有好多粉絲，跟一碗白飯，飯係韓國米，特別好食，牛肋骨肉質比較彈牙老公就要左個炸醬麵，都幾大碟，味道都幾好而且堂食無限時，吾洗食得好趕

The interior is top notched, credit where credits due. top dollars went into this. However, that's where the positives end.food was bad, and overpriced. bear in mind we came craving for jajang noodles and kimchi pancake.148hkd for a bowl of noodles that came lukewarm and tasted blend. kimchi pancake, oily and soggy, bordline disgusting.the dukbokki was meeh at best. bolgogi beef was just okay, not spectacular, extremely overpriced.all in all, not coming back, do not recommend.

早幾日專程去咗尖沙咀食呢一間韓國特色餐廳，估唔到呢度嘅餐廳真係非常之有韓國嘅風味，連店員都係韓國人！我自己今次就叫咗一份海鮮辣麵！$148 ，價錢來講都算係好合理嘅，而且呢度嘅配料亦都非常充足，有魷魚，小蝦，蠔仔，青口！同埋呢一度香辣嘅味道真係同韓國好似，入口嘅時候香辣嘅味道已經充斥着成個口腔，食得好滋味！

韓國人主理傳統韓國料理🇰🇷 餐廳裝修幾靚，有少少宮廷嘅感覺！食物選擇多👌🏻除左傳統韓國菜之外仲有d 下酒菜同埋串燒！/韓式水冷麵 $98/水冷麵加辣醬有少少奇怪🤔 好啊水冷麵同埋辣拌麵嘅混合體😅想要芥辣又冇🥲 水冷麵嘅精粹係個個酸酸地又攻鼻嘅芥辣🥲冇真係有少少可惜😣/海鮮煎泡菜餅 $138/泡菜餅味道唔錯，泡菜味道突出但係又唔會好辣，入面都有蝦肉、魷魚等等，都幾足料！/炸醬麵 $148/炸醬味道濃郁，麵條彈牙，份量多！不愧係我數一數二鍾意嘅韓國料理🥰/辣海鮮魚糕湯 $268/湯底比較清，但係入面有超多魚糕😂 入面真係有好多類型嘅魚糕，雖然味道差唔多，但係佢地嘅形狀唔同食落嘅口感都唔同，幾有趣😂 真係食極都仲有！魚糕迷一定鍾意🤣/炒年糕&紫菜粉絲卷 $188/超年糕香口，口感煙韌，紫菜粉絲卷炸皮唔會好厚，入面仲有魚糕同埋海鮮🥰/辣味炸雞 $158/炸雞連好食得辣嘅朋友都話辣🥴唔食得辣嘅我只係食左一啖，唔係好比到評價🙈整體黎講，食物質素正常，環境唔錯，冇限時👌🏻韓國人主理特別覺得地道🤣

政府收緊晚市用餐前的最後一天，來了這間位於尖沙咀的韓國餐廳吃晚飯。木色裝修加上浪漫黃燈，整個用餐環境舒適柔和。加上背景播放韓國音樂，令人懷念韓國旅行嘅情感油然而生。～～～未知是否由於疫情關係，每張枱面都有未開封過的獨立一瓶水，感覺幾衛生。黃蘿蔔 泡菜 豆腐作為前菜，味道開胃。～～～放過餐牌之後我們叫了一個水冷麵，還有一個金槍魚蓋飯。水冷麵凍冰冰非常開胃，麵條彈牙，加上浸得凍凍實實嘅雞蛋和清爽青瓜絲，味道開胃。～～～金槍魚蓋飯亦都係比較清新之選，貌似日式刺身飯咁，加完韓式辣椒醬之後，就成件事唔同晒。立馬韓味滿滿，大量紫菜粒粒亦都係整個飯味道提升嘅關鍵所在，不錯。～～～微笑韓國料理 (尖沙咀)尖沙咀厚福街12-12A號藍馬商業大廈2樓

有啲掛住韓式辣味因為好耐冇食，所以今晚就約朋友食韓國嘢，環境好有復古宮廷既感覺，用左傳統木製同類似如意結既做裝飾，而且每張枱空間感好大，十分舒適。餐廳前菜有酸蘿蔔同泡菜，以及豉油滑豆腐，泡菜好好味！辣到好過癮好刺激🤣個豆腐都好醒胃，朋友本身唔中意食豆腐，但佢個豉油甜甜地，搭配埋香葱同木魚，有種清香既味道，結果朋友都食得好滋味😹主菜當然唔少得炒年糕紫菜粉絲卷啦，大大碗有大量年糕，軟硬度煮得啱啱好煙煙韌韌，唔會淋到一pat野，仲有青口同雜菜撈拌而成，因此有少少海鮮甜味，紫菜卷炸成香脆，粉絲滑嫩，連埋韓式辣醬湯一齊食，正呀！我就揀左金槍魚蓋飯，由新鮮吞拿魚粒、青瓜、沙律菜、麻油紫菜、韓式辣醬全部搞勻食，味道好fresh好好味，平時食開日式既吞拿魚飯，今次韓國版原來都好好食，唔撈豉油撈辣醬，讚👍