微笑韓國料理 (已結業)

呢度裝潢好靚好有特色，滿滿韓風嘅感覺，啲位好似獨立包廂，有啲私隱作為樓上舖，唔會好嘈，而且位置都易搵serve樽裝水真係好安心又放心side dishes 黃蘿蔔+泡菜+豆腐唔單只醒胃，啲顏色仲好夾好靚海鮮辣碼麵好香濃嘅海鮮風味，有好多海鮮同菜（包括蝦、洋蔥、蘿蔔等），啲麵口感好q彈。雖然辣，但辣得來帶少少甜，越食越過癮，最後成碗食晒烤薄切五花肉配白飯一上呢碟，塊鐵板仲燒到咋咋聲！呢道菜唔係韓燒都食到韓燒肉嘅感覺！又唔使自己燒／怕燒燶。好香，夠晒薄夠晒脂肪同好多肉汁，唔使點醬都已經好好食，點兩款唔同嘅醬又係另一番味道辣章魚x魷魚串完全可以過一過辣癮嘅小食!! 大大粒，鍾意飲啤酒嘅人配啤酒一流我鍾意魷魚個串多啲相信其他串燒都好好味總括而言，價錢有少少貴，但係物有所值嘅，淨係個環境已經加唔少分！