微酵烘焙 (已結業)

麵包係我由細到大都好鍾意食， 鍾意食嘅程度去到，唔食飯淨係食麵包都得。 而家啲台式麵包開始越來越多， 令我對麵包嘅選擇又多咗。這間麵包店裝修時尚新穎， 夠晒開揚光猛。呢度除咗有麵包之餘原來仲有其他台式飲品， 真係啱曬而家嘅潮流。麵包款式好多，有大有細，自已食又得同人share又得。珍珠鮮奶茶： 奶茶香滑唔會太濃太甜， 而且 珍珠罕有是透明的， 珍珠大粒煙韌仲好有口感，跟正宗台灣嘅珍珠奶茶好相似， 不是周圍都飲到。囧囧之胖麵包超大， 表面鋪滿抹茶粉，而抹茶粉下面有一層厚厚既白色朱古力， 內裏還有一些紅豆。 麵包非常軟熟略帶輕輕既抹茶味，而白朱古力夠晒香滑亦唔會太甜， 紅豆份量剛好，唔會太多。呢款包本人極力推介 ，令人一試難忘。蒜蓉磚形狀四四方方比較長身， 全麵包也鋪滿了蒜蓉醬， 麵包香口鬆軟， 非常惹味。飲品分得整齊清晰， 款式也多。而家做緊優惠，買第二杯半價真係幾抵飲。

年半前在台灣光顧了這間的麵包和飲品，終於等到它們在香港開分店! 我還記得它家的麵包真是很好吃，我特別找回了我在台灣所拍的飲品照，這個熔岩系列飲品在香港是沒有的，不過我在台灣也試了水果茶和奶茶。剛好可以與香港的飮品味道作比較。這間店的麵包，無論是口感與味道都與台灣的接近，唯一不同之處是台灣的麵包更脆口而款式也比香港的多很多。 希望這店遲些會引入更多的麵包款式。在香港的這間店，我買了(圖中)洛神花蘋果茶和水果茶，由於它們的味道一般，我就沒有拍水果茶。相比起台灣的sharetea，香港的飲品不太出色也不吸引。不過我推薦你們買麵包試一下，飲品就不太建議了。

這間Share Le Pain 唔止有台式飲品，仲有麵包賣～佢地既麵包都幾精緻，我試過呢個花生金磚同蒜蓉金磚，兩個都好好味，尤其是蒜蓉金磚好香蒜蓉味！今日經過見到佢做緊promo, 珍珠鮮奶茶第二杯半價，即刻同老公一齊試試！老公個杯加左cream ，佢話啲cream 好似奶油包個啲味，飲左兩啖就話好飽！我個杯走cream，珍珠都幾Q彈，不過成杯野味道好一般，奶同茶味都好淡！如果$36 一杯又咁細杯，真係好唔抵！而家第二杯半價左之後，個價錢先叫正常！正價真係唔會買！呢度飲品真係又貴又麻麻地，麵包就ok!

當一個唔好珍奶既人貪得意食咗個珍奶包🤣結論係...【爆漿珍奶軟歐🍞 $15】一撕開真係爆漿架，入面既紅茶吉士餡唔會太甜，有淡淡既奶茶味。黑糖珍珠有少許煙韌感，不過就冇乜黑糖味。總括嚟講呢就唔係好抵食，而且個包得手心咁細，雖然唔難食，但都可以唔試🙅🏼‍♀️。

呢日放假, 喺元朗廣場附近食完野, 就喺元朗廣場行下。其實我好少來呢邊行, 然後畀我見到有間好光猛嘅麵包店。我八卦走左入去望下..其實店有分2部份, 一邊係墳麵包,另一邊係賣茶飲的。麵包種類唔算好多,我諗大概都係得10款左右。然後我買左3款來試我買左呢個髒髒之胖,仲有呢2個:花生金磚同香蒜金磚。店員會幫你逐個包入好, 再用個大紙矮幫你放好的。髒髒之胖 ($35)呢個係巨形朱古力髒髒包來!除左朱古力味外, 仲有士多啤梨同抹茶。點解話佢巨形?因為佢真係好巨呀!有成塊面咁大呀!佢係用70%比利時松露朱古力, 可可粉同cream cheese做。個包幾軟熟, 朱古力味濃!真係會食到好污糟但係呢, 我想講, 呢個包真係好大好大個, 正常人, 一餐係冇可能食得晒的~最好就買來同人share啦。(利申:我分左3餐先食得晒...)花生金磚/ 香蒜金磚 (各$15)呢個! 真係超好味!真心要推介!尤其係花生醬嗰個!首先, 佢個包, 係金磚來,冇錯! 姐係平時去甜品店食個D。外脆內軟。然後呢, 舊金磚, 除左個底嗰一面冇搽到醬之外,其餘咁多面都搽滿花生醬/蒜蓉醬,真係落足料,當然食落都特別香同正啦會自呢次

作為吃貨的我今天入元朗顺道試下這麵包店，買了他們出名的珍奶包和蒜蓉多士磚，兩個包合共要$30, 比一般麵包店貴，但和其它專賣精品麵包的店比較尚算ok。 我整體覺得味道算ok, 如你喜歡蒜蓉包，可以試試他們的蒜蓉磚，因為他們的蒜蓉磚蒜蓉味很重，包的四邊都沾有蒜蓉醬。但係他們的麵包，並無令人有飽肚的感覺，食完好似無食過一樣輕飄飄的。 珍奶包除了內有珍珠外和一般custard包無分別。 總結試一次便ok, 會再去買麵包。

在台北試過這家店，想不到香港原來有，還要在我家附近！趁白色情人節（其實也沒什麼原因），買了幾款麵包帶回公司請同事試一試。店子內有自己烘焙工場，麵包即場製造，新鮮已經加了分。更有手搖飲料，餐牌跟「普通版」share tea不一樣，價錢上亦是相對比share tea稍高些，就理解為升級版沒錯了吧（笑）大熱髒髒包是必試之選，$35這麼一大個，基本上可充當蛋糕切分（笑）個人喜歡朱古力，因為用料非常「重本」，吃得出來是上等朱古力，苦澀之中帶可可豆的香味，奶味不重。髒髒粉下面是黑朱古力硬殼，切開的時間難免碎一地（也就是髒髒包的真諦嘛！）內裡的麵包有麥香，感覺$35實在是物有所值的一枚！同事之間也有抹茶控投抹茶髒髒包一票。的確上面的抹茶粉苦澀之中帶回甘，一口抹茶香確是非常滿足。外殻是白朱古力，個人覺得就比黑朱古力遜色，有點像「生日快樂」那種朱古力牌。麵包內涵有驚喜！除了有一顆顆紅豆外，還混了麻糬，超級煙刃彈牙！像一個巨型版麻糬（笑）十分特別！鹹包亦相當之吸引！！下次買來當午餐吧～另外外帶了一杯國民珍奶$28，說貴也是貴，但必須要說比起巿價$30的黑糖鮮奶好。飲。得。多！尤其是如果你也很喜歡喝茶的話！

之前有個朋友教人煮餸嘅，佢有介紹過呢一間個蒜蓉包好好食😎所以一直都想試🤭因為連一個廚藝高手都讚佢個麵包好食，令到我一直都心思思好想試吓🥳同埋本身我同家姐都勁鍾意食麵包😍加上呢度仲有台式嘢飲簡直就係Perfect match🥰香港少有嘅店舖！我哋嚟到先揀咗嘢飲！因為而家好興飲奶蓋，所以就即刻想試吓佢個奶蓋抹茶，配有藍芝士同甜芝士㗎！原來藍芝士係鹹芝士，我哋就揀咗咸芝士，鹹芝士味道比較鹹😝如果唔係太鐘意咸的朋友可以試吓甜芝士奶蓋！麵包方面選擇唔算太多但個個都好精選，好吸引！我哋買咗蒜蓉金磚幾面都係蒜蓉勁香口！買咗花生醬金鑽成個麵包都係鋪滿晒花生醬，鍾意花生醬嘅你一定要試！全場最貴系個糟糟包$35但超級大個，上面個層朱古力比較厚有驚喜，而且入邊有啲忌廉餡好特別好好味😋

來自台灣軟歐麵包品牌Share le Pain登陸元朗廣場數月，今日終於有機會一試，一次過選了好多麵包，作為同屋企親朋聚會的下午茶，是一流的選擇！有咸有甜，大家都讚d包好好味。當中令我最驚喜既係髒髒の胖（$35），是店子招牌三色髒髒包之一，很驚訝面層的朱古力脆皮竟用上真朱古力，更是70%比利時朱古力製作，灑上回甘的可可粉，整體滑溜不甜兼可可味濃；麵糰使用天然酵母，麵包質感軟熟帶自然甜香；夾心有松露朱古力及忌廉芝士，滑而不膩。這個包雖然不便宜，令人有點卻步，但真係好大個，同埋真係好好食！！推介朱古力控一定要試！！另一招牌是爆漿珍奶軟歐（$15），是吃得到的珍珠奶茶！以自然發酵麵團加入紅茶粉，麵包鬆軟帶微微茶香，餡料有滑溜微甜的紅茶吉士及無色素無防腐劑的Q彈珍珠，食得放心。買的時候香蒜金磚（$15）和花生金磚（$15）都是熱的，兩者都外脆內軟。香蒜金磚盡吸蒜香精華，加上香芹香，超好吃！！！花生金磚則滿是夥粒花生醬，咸甜交融，是可以一口接一口一分鐘食完的美味！這兩個長方條的設計，很適合切細做小食宴客😚這裡也有較便宜的選擇，黑眼豆豆（$8）是比利時朱古力軟包，朱古力味濃。核桃提子（$8）餡料很

以前真係冇諗過會因為麵包舖麵包好食而寫食評！行過見門面似cafe，但因為肚餓想是旦買幾個包同朋友分享，點知俾我買到限定爆漿珍奶軟歐！個名係怪d，其實就係珍珠奶茶流心包，感冒好似飲左杯奶茶，但同時食到麥香。台灣大熱髒髒包都有得賣！蒜蓉包就勁脆，內裡鬆化，同埋有d大澎湃蒜蓉。見到原來仲賣野飲，見到個杯先知原來係share tea嘅，出左台式熱焙茶同好多水果茶。朋友叫左珍珠黑糖鮮奶，忌廉有點多，但唔影響佢珍珠好咬口。珍珠係透明而唔係黑色，感覺軟d！

元朗新開左間賣軟歐包賣架，原來係台灣黎既Share le Pain，見到就忍唔住啦，個個包都好軟熟呀⋯⋯香蒜金磚：好香蒜味，成條包都實的的，唔係空氣包呀！芝士火腿牛角包：初時以為個牛角包會淋，但食落先知，唔係喎，仲有啲脆口，包內仲有醬，唔會好乾。囧囧之胖：叫得胖，就真係好大個包，同係髒髒包既類別，包面上有抹茶粉，拎抹茶味更特出！不過我就覺得個包甜左啲爆醬珍奶軟歐：哩個係近日好出名既包之一呀！係珍珠餡呀！口感煙韌，同啲餡多到真係有爆醬金磚火腿芝士：對比牛角包，大家都係火腿芝士餡，我覺得牛角包好食啲。其實佢餡料都夠，但感覺有啲似空氣包咁⋯⋯珍珠鮮奶茶&墨沏烏龍：兩杯野飲都係有茶味，但太甜了～

早餐趕住返工返學，好多時都食麵包解決早餐問題。市面上雖然有好多麵包舖，但係食嚟食去都有啲悶。今日喺元朗發現左呢間麵包舖，麵包的外型好吸引，開放式廚房好乾淨，仲賣埋茶飲。原來他們是使用天然自製酵母進行麵包發酵。算係一間新派麵包食店，我向來貪新鮮，當然要試吓啦。麵包櫃裏面有10幾種麵包款式，有成塊面咁大嘅髒髒包，爆漿珍奶軟歐，牛角包，花生金磚，雷神朱古力，芝士火腿牛角包，紅莓吐司⋯⋯眼花撩亂，每日食一種作為早餐，滿足口福又不會太悶。我們一家四口，每人揀了一種包作為早餐，都是自己心目中至愛嘅口味。1、大大個粉紅色是羞羞之胖，有士多啤梨乾，忌廉芝士，士多啤梨粉，士多啤梨味嘅羞羞之胖用獨創貴腐酵母制作，包身軟熟，與忌廉芝士是絕配，士多啤梨脆皮同士多啤梨粉為軟包點上櫻色腮紅，帶來甜甜酸酸嘅開胃莓果味。2、髒髒之胖有70%是比利時松露朱古力，面上灑上可可粉，忌廉芝士味突出又香濃美味。3、香蒜金磚，外脆內軟，金磚搽滿蒜香醬，充滿濃濃香味，清香撲鼻，魅力沒法擋。4、花生金磚，味道香濃，花生醬好滋味，食落還有粗粒花生一口感一流，帶來非一般的滿足感。珍珠鮮奶茶大大杯，粒粒珍珠在杯底，非常養眼，頂層有法式忌廉

今次第2次幫襯， 今次比一開個時多左好多款麵包🥯，款式多到心思思想買哂返屋企， 樣式太靚啦😍我今次買埋比屋企人， happy share ~爆漿珍珠軟歐（$15）一咬開真係好多珍珠&吉士， 好足料珍珠配麵包口感好特別極濃乳酪（$26）啖啖忌廉芝士，芝士好滑好香👍🏻雷神朱古力（$22）表面好似菠蘿包咁脆脆地內有比利時朱古力及核桃， 唔會太甜😍❤️好想再食👻芝士火腿牛角包（$26）牛角包好鬆化，香牛油味🥐少女心之戀（$22）好多士多啤梨乾及朱古力， 甜甜地，同個名好襯🥰當然唔少得買埋野飲🤣極濃日式抹茶甜芝士（$40）我本身好中2抹茶， 呢到抹茶回甘好香， 加左甜芝士都唔會遮蓋抹茶🍵香味👍🏻👍🏻珍珠鮮奶茶（$36）好香紅茶味， 珍珠好有咬口， 仲有好多cream , 令到飲落增加滑滑口感草莓Mojito ($30)還加了青檸， 薄荷葉

今日終於嚟咗呢間麵包店買麵包喇！第一次聽呢個麵包店名，其實係喺銅鑼灣，當時我朋友已經同我講呢間麵包鋪啲麵包好好食既然佢開到黎元朗，我真係要去捧一捧場。少女心之戀$22依一個粉紅色嘅麵包，其實係一個莓味嘅麵包，入邊有紅莓和黑朱古力，咬落去甜甜地，仲要粉紅色，真係少女心爆發。紅莓吐司 $30粉紅色既吐司，真係好靚呀，一包有6大片，片片都好厚，入面有覆盆莓醬，蔓越莓乾，甜菜粉，煙靭好食。珍珠奶茶包 $15麵包舖其實係由台灣嚟嘅，講起台灣，一定諗起珍珠奶茶，估唔到竟然有珍珠奶茶包喎，切開個包，入邊梗係有白色嘅珍珠，質感小小煙靱，奶醬似吉士，幾特別。

今日接細佬妹放學，經過元朗廣場見到呢間茶飲店， 平時細佬妹都好中意返大陸飲喜茶同買面包食，依家香港都有呢D大面包食，一於買黎試下。沖茶的地方都好Open，可以睇住店員沖茶。部沖茶機好似咖啡機甘。珍珠鮮奶茶 $36，奶很香， 我們叫少甜， 甜度岩岩好， D cream 好邪惡。藍芝士奶蓋墨沏烏龍 $35，呢間的奶蓋唔似喜茶的甜， 而是很重的藍芝士味，十分足料，茶底也十分香濃。面包區的面包十分吸引。我地買左幾種試試。香蒜金磚$15。超多蒜蓉的蒜蓉包，微脆香口。芝士火腿牛角$26。牛角包配上芝士非常美味， 不過價錢少貴。極濃乳酪$26。呢款我十分喜歡💕，入面係濃郁芝士。爆漿珍珠軟歐$15。 有珍珠的麵包都係第一次食，加上甜甜的忌廉幾好食。囧囧之胖，髒髒之胖 $35。價錢雖然有點貴，但其實個包超大個可以幾個人食。但呢款麵包一定要係屋企食，因為會食到非常污糟。