德國餐廳 (已搬遷) 新店位置

下班後男友要到元朗相熟的車房驗車，放底了在車房便出外覓食。行過看這德國餐廳既光猛裝潢不錯，店外又有些啤酒裝飾，吸引了我們。德國脆豬手 (8/10)豬手皮炸得十分鬆脆香口，皮起得很薄，有點似豬肉紙。肉質鮮嫩，而且膠質很充足的。香葱芝士焗薯條 (10/10)無論芝士或薯條的份量也好多，一上桌已芝士香味四溢，焗得十分香，薯條上更有芝士粉，賣相和味道也滿分。啤酒 Maneblusser 文利巴斯 (8/10)價錢優惠，$72有兩杯，味道香口清新，不苦澀，就算不太飲啤酒的人也可容易接受到。食物質素很好，店員也很有禮貌，是值得再光顧的餐廳。

家裡長期無飯食,收工一人傻下傻下咁周圍行下,揾地方醫肚,突然見到德國餐廳,門口寫住半打生蠔做特價—百零幾蚊即刻吸引左,坐底即叫半打,待應話岩岩賣晒…好搶手,帶住百般失望…oh my God!! 唯有點其他,我比較鍾意食沙律,就點佢沙律菜好新鮮,芝士粉和脆麵包恰到好處,不太咸亦不太油再叫一杯無酒料既百香果特飲,百香果味濃陏,非常香,唔飲酒既朋友值得一試…好似未够飽,再叫左一客炸薯角,炸得好脆,食落又不會大油,證明油温控制得佷好,裝橫簡簡單,但好舒適

"德國餐廳" 一個很直接的中文餐廳名字, 遠睇照牌, 看不清這四個大字, 反而Das Bier及德國國旗顏色就很清楚,雖然我唔識德文, 但呢個.....Das Bier 當然識喇未睇MENU前, 老婆還未知這是一間德國餐廳, 只知係一間西餐廳, 當他睇到左右兩大隻豬手, 好似甚麼都清楚哂, 又講返以前同一番說話,"又食豬手吖.......衣家唔夠肥.....睇下你個肚腩.......重想肥D......唔明白有咩好食........" , 我都未叫食咩........已經機關槍式咆哮最終, 我都係選擇了我的至愛----"德國豬手" 這裡有兩款豬手 "傳統德國白豬手"(不炸豬) 同埋 "鹹豬手"(炸豬)這裡酒類款式選擇眾多, 最後緊係要支持下香港友喇-Made in HK for HK,已有點悶......對於香港大牌子的啤酒, 每次飲手工啤, 都有種新鮮感, 各有不同口味,  麥芽香味濃郁隨著年紀遞增, 年輕的我喜歡炸豬手, 貪其香脆, 但到我這年紀的時候, 喜好變了不炸豬 (傳統德國白豬手), 貪其軟滑這份傳統德國白豬手配炒蛋和香腸 , 份量十足 , 配埋手工啤, 實在絕配 由於隻豬

捱過OT放工後, 與朋友相約暢飲. Tony途中遇見一間不大型的德國菜餐廳-德國餐廳, 當然試一試德國啤酒及菜式. 餐廳裝潢簡樸偏工業風, 一枱一櫈都俱有獨特風格. 菜式傳統而美味, 令人可以嘗到真正德國風味. 餐廳亦提供的啤酒種類繁多, 由本地至外國獨有的都有. 店內氣氛令人放鬆, 加上美酒佳餚, 實在是與朋友相聚的好地方.德國豬手外皮香脆不油膩, 肉質軟而保持彈牙, 餐廳更起肉切成小塊, 令食客更易入口. 女仕們都可以放心地食. 味道不會過咸, 充滿豬手經高溫後的油香薯角炸得剛剛好, 不會有油益味, 送酒一流.香港友啤酒清爽帶有果皮香味, 微甜, Refreshing. 

知己相聚，當然要飲番杯；朋友找來元朗的德國餐廳來試一試。生蠔（$108/6pcs）好似幾抵；但朋友不太好，唯有下次先試今次先嚟：1） 傳統德國白豬手配炒蛋和香腸白豬手大大隻，肉質嫩滑，骨膠原非常豐富；雖然少咗炸的香脆，卻帶點鹹香，肥肉又少；配埋酸菜，肥膩感全消。再配香滑炒蛋和脆皮腸，成個菜式絶不單調2) 美式焗排骨配薯條排骨肉厚多汁，被燒烤醬鎖住，味道帶甜，而且骨肉容易分離，加埋香脆的薯條話明知己相聚，啤酒當然唔少得。每人一杯made in HK 的香港「友」小麥啤酒， New KONG味道清香外，口感亦豐富。而酒精濃度只有5%，女仔飲多杯都唔怕醉二人餐都唔錯，下次可以一試。

平日晚上收工經過元朗，見到有間裝潢有工業風的德國餐廳，灰色的石屎牆；黃色的烏絲燈；簡單的掛飾配合輕柔的音樂，見肚餓，即管入去試一試。同行友人點了幾個主菜：-墨西哥香蔥芝士簿餅 配 鷹嘴豆醬烘烤過的薄餅中間夾著濃厚的芝士，拉出長長的芝士絲。鷹嘴豆醬裡有點酷似豆沙蓉的質感，像是強調「芝士才是主角」。法式燒春雞雞的外皮香脆，食到酸菜有點意想不到的好，首先覺得開胃，其次酸度適中不偏頗，如果可以真的想打包幾個回家送飯，可惜酸菜是沒有獨立的銷售的。薯角也十分搶眼，這裡的薯角有種燴新薯的滋味，食多點也不怕油膩。傳統德國白豬手 配 酸瓜醬這並不是白烚豬手，外皮還是微脆的，店家作風大膽，有別於傳統主流以咸味為主，重新調配的微咸反而能夠突出豬肉的味道，配菜還包括長的脆皮腸、薯仔沙律。點了三份正餐居然一點也沒有感到油膩，下次或者可以點一些手工啤。

之前同几個朋友黎過Das Bier飲啤酒，覺得d嘢好好食，店員又有禮貌，氣氛好正。於是今日假日就帶老婆黎撐枱腳，因為老婆好鍾意呢類型裝修好骨子既餐廳，逢過門必入，而我就鍾意食得好就得嘞！傳统德國菜，我哋緊係叫個德國咸豬手食，佢有兩款，一款係傳統白豬手，一款係炸既，我哋揀咗後者，因為鍾意食脆既，爽嘛。  豬手一上枱，不單只賣相好，仲香噴噴，食落簡直皮薄涵嫩，冇話以前係其他地方食果d豬手總有層厚肥膏係到（老婆最怕），d皮脆卜卜，豬手又唔會死咸，唔飲啤酒送都得。仲有，佢d肉好嫩滑好嫩，中間又間d爽口肉夾雜住，見我d相佢有一層層分㗎！ 兩個字講哂-“驚喜”另外，也要讚吓佢個卡邦尼意粉。呢個又係有誠意製作。我哋一order，有禮既waitress就問意粉想要淋d定彈牙? Hoho, 高級餐廳先會咁問啊！開心到我老婆即回應話要彈牙丫唔該！意粉到咗~又係重視賣相同味道之作。佢將d parma ham扭到朵玫瑰咁放係意粉上面，仲有香香既芝士粉淋係面到，彈牙都爆的意粉，一食真係Al Dente!

好野硬係要開心share, 特別係自己老公。之前同朋友試過德國餐廳嘅咸豬手， 真係好食到不得了! 老公又鍾意食鹹豬手，就同佢黎食，睇下老公既評價係點先，哈哈雖然係唔同分店，但話晒係招牌菜 都唔差得去邊 而佢嘅咸豬手都係保持個皮超級脆，肉質鮮嫩， 豬手帶有淡淡嘅煙燻味，還炸到岩岩好。 配埋 德國傳統酸菜同埋沙律， 淨係我一個都食咗半隻，哈哈。 野飲方面當然唔少得德國啤酒喇， 豬手配啤酒， 簡直好享受另外嗌左個卡邦尼意粉，好ceamy. 意粉夠滑彈牙， 仲有淡淡嘅蛋香， 而且伴碟嘅火腿，夠曬軟而滑溜，口感更豐富。食完呢餐老公大讚， 呢間餐廳已經變咗我哋嘅飯堂啦 下次人多可以再食多d唔同菜式

本來約左個朋友食拉麵，但係行經時見到依間細細間嘅德國餐廳，就改變左主意。依間餐廳個名夠簡單易記，就係「德國餐廳」。主打都係豬手、香腸同啤酒。餐廳環境安靜又闊落，岩哂我地兩個女仔坐底慢慢傾計食下野。佢地既menu好大張，有好多啤酒可以選擇，不過我地就無叫到酒，德國鹹豬手配酸菜及薯仔沙律($188)好吸引，我地見到對面台order左，侍應會原隻上，然後再幫你切埋。朋友話今日好想食Ribs加薯條($168)，禁我地就選擇左依樣，無簡到豬手。排骨個燒烤醬好惹味，我忍唔住薯條都係禁點d醬黎食，兩個人食份量岩岩好，再配埋d酸菜，都幾開胃嫁。然後我地再點左個墨西哥香蔥芝士薄餅($88)，連埋個醬幾特別，有d乳酪味，酸酸甜甜，而且芝士仲拉得出絲，薄餅皮烤到好香脆，果然係廚師精選。無諗過食完兩樣野我地都飽哂，好多野想試都試唔到啊!連埋加一每人$140左右，下次叫多d人一齊就可以試多d野喇。

如果冇買團購 真係從來都冇諗住黎食 因為我一黎唔飲酒 bar既餐廳真係好少去食 但今次有驚喜 個卡邦尼意粉 用料好足 醬汁豐富 個腸都ok 唯獨是個三文魚意粉有待改善 已團購黎食呢餐 已經可以收貨

未試過食間咁差既餐廳我與太太二人於1845進店，至2000離開。期間點左生蠔+啤酒$288 + Ribs $168 + 咸豬手 $188。生蠔，稱得上新鮮，唔算太瘦。Ribs，好食，排量ok。咸豬手，不知所謂，炸得過龍，肉又霉。樓面又落漏個香蔥芝士焗薯條。進膳期間，全店只有我地一檯，但樓面都可以完全毫不關心進食情況。碟唔換，食完唔收野，只顧坐低玩電話。埋單 $752，我太太從來不會著緊價目，看重質素。食完變到一肚火，奉勸各位唔好試，由佢執笠仲好。

Das Bier 除左屏會街之外，岩岩響建業街開左新分店BI 咁鍾意試新餐廳,當然唔會錯過呢個機會即刻去試試!當晚7點到，已經有兩臺客人食緊地方勉強叫寬敞 ，始終建業街舖租都唔平佈置都唔錯 但二十幾度都無開冷氣，真係幾熱下最弊就係好多小昆蟲飛來飛去，打蚊都打到手軟好彩上菜之後,再無昆蟲但已經好影響對呢間餐廳嘅第一印象之後開始叫野食 首先當然係試下德國豬手德國豬手會切開一片片上個皮都算脆 但偏硬肉質非常好 唔太肥 有D煙韌，配上特製蜜糖醬汁唔錯唔錯可惜 配菜有D遜色薯仔沙侓個調味過酸 仲酸過D酸菜酸菜絲宜切粗絲 增加口感 第二樣值得推薦嘅係卡邦尼意粉配料好足除左意粉入面有好多蘑菇同煙肉之外意粉上面仲有幾塊Parma Ham，而且芝士份量好多，廚師好不吝嗇曬上大量芝士粉響意粉面令成個意粉有好香濃芝士味岩曬一眾芝士迷 至於個德國香腸就不過不失BI嫌佢唔夠熱薯角炸得唔香脆 食豬手一定要飲啤酒啤酒來自英國、德國、法國、愛爾蘭、日本、荷蘭及意大利等地，BI就點左一杯德國白啤酒、一杯德國黑啤酒啤酒易入口 女仔都岩飲可惜呢間係細舖 唔適合坐太耐吹水怕阻人做生意大約八點半 BI見到有3位入黎都即刻