德國餐廳 (Wetland Seasons Bay)

營業中

休息中

離譜，睇到有set dinner 6-70蚊就試下 (未計加一)餐牌吸引入去結果全部嘢都係白灼呢個牛扒薄到呢！仲衰過大家樂 茶餐廳招牌既豬手白灼的無味豬扒 都係白灼的 又鞋又靭特價雞翼雞鎚 黑到甘都俾人食 粟米湯加$10 全部都係渣 真係冇人會再去第二次☹️ 隔離茶餐廳好過

首先，是日餐湯+$10係蘑菇湯，好水，係水加蘑菇榨汁，應該冇落鹽，冇味道！其次，主菜係德國白豬手配薯菜，豬手好多毛！薯菜都好少！成份都唔夠熱！然後，甜品+$8，係一口cheese cake。係仲未退冰嘅cheese cake! 切都切唔開，硬過我條命！餐廳環境方面，因為門面得店員一個人，斟茶遞水，收嘢，上菜，收錢都係佢。每次有人一食完嘢，佢都推車出嚟，好大聲咁收拾，鐵刀鐵叉好大聲！冇咩環境氣氛可言。點餐係掃QR code，斟水基本上只係入嚟時，比一杯水你，無咩服務。但要收10%服務費。總結而言，可一不可再，不推介呢間餐廳。

山長水遠來到濕地公園郊吓遊，又見呢間德國餐廳，真係有好多分店啊，又有BB櫈，今日同屋企人就揀呢間德國餐廳食個early晚餐啦🍖🍖 德國咸豬手配酸菜及薯仔沙律 ：🌟🌟🌟🌟🌟無錯又係小Sun最愛嘅脆卜卜嘅豬手😋啲豬手幫我哋切好晒，易分易食，屋企人大讚豬皮脆口，外脆內熱咁😍真係極度滋味！真係差杯啤酒🍻🍽️ 德國香腸併盤：🌟🌟🌟🌟當然，食德國嘢一定要試埋佢哋嘅德國腸😋我哋少少地叫咗個細併盤試吓😋今次有四款德國腸，長長嘅脆片腸、香草豬肉腸、芝士夾心腸同辣肉腸，由於小Sun比較喜歡芝士，所以真係勁愛佢哋嘅芝士夾心腸，配咪大大碟意粉真係飽到上心口😂🥩 燒紐西蘭肉眼配紅酒汁：🌟🌟🌟🌟5:30都仲有Brunch 咁就叫咗呢個肉眼試吓，雖然個汁有少少Overcook，但肉有牛味，燒得均勻，整體係ok嘅！算平靚正飽肚之選✨呢度裝飾都好有心思同聖誕氣氛🥳幾Baby Friendly，今次都係食得好開心！而且有Lunch Set/Brunch Set！真係平靚正之選🥳

唔知係咪外賣既關係，食品跟圖片有出入。原本係想食燒的豬手，但原來是白豬手，排骨汁唔夠，肉的質素好普通，肉食譜係冰鮮肉味道。薯蓉真係好酸，唔啱香港人口味。德國白豬手和排骨薯條德國白豬手：沒有經過燒過，並且沒有味道，太肥。其特點應該係外皮香脆，內部多汁。而家係冇味道加上太過肥膩的口感。可能係因為烹飪過程或調味不當所致。排骨薯條：排骨沒有味道。這可能是因為調味不足或烹飪方式不當所導致的。應該沒有任何醃製，同埋排骨的汁唔夠

朋友話好食嘅德國餐廳，講咗好耐終於今日一試！食物質素唔錯，服務態度0分！豬手，味道唔錯，薯蓉酸酸地開胃！安格斯牛扒，夠juicy，薯角好味！卡邦尼意粉，略咸，但係可以接受！服務態度：入到去講咗幾位，等咗陣先有人理，然後嚟抹檯，抹到一半走咗去，等咗陣再嚟抹埋果一半！跟住落單叫野食，等咗30分鐘除咗飲品都未有野上，隔離檯遲過我哋嘅人人都有（德國腸、炸魚薯條）問服務員，佢幫我追，隔咗5分鐘左右上到個扒，跟住10分鐘左右上埋個豬手，由落單起計，一個鐘多啲先有意粉！到埋單，又係等，唔知等咩！食物質素再好都無下次！

年廿八洗邋遢，執屋執咗成日，夜晚梗係要食返餐好嘅，見到呢間德國餐廳有優惠，鹹豬手只係需要98蚊，咁抵食就一於黎呢度啦。餐廳環境舒適，可以揀坐室內或室外，由於今日落雨，所以揀咗坐室內。墨西哥粟米片配牛油果醬、蕃茄莎莎 :係上主菜之前，先叫個小食頂頂肚。微暖嘅粟米片入口香脆，配上牛油果醬及蕃茄莎莎，酸酸地非常開胃。特色雞翼 :可以揀辣或唔辣，我哋揀咗辣。雞翼一份有三隻全翼，雞翼即叫即炸，入口熱辣辣，沾滿辣粉嘅雞翼辣得好過癮，值得一讚嘅係餐廳好細心咁將雞槌及雞翼斬開，食得非常方便。凱撒沙律配煙三文魚 :完全估唔到咁大份，沙律菜好新鮮，煙三文魚都幾多，配料仲有麵包粒，醬汁揀咗分開上，可以按自己嘅口味落。德國鹹豬手配酸菜及薯仔沙律 :唔好以為優惠價就會將貨就價，鹹豬手份量十足，外皮烤得脆卜卜，豬手肥瘦適中，食落鮮嫩多汁，配上蜜糖芥末或黃芥辣食，辣辣地相當惹味。配菜有酸菜及薯仔沙律，食落真係好有德國風味。

濕地公園一帶開左好多新餐廳，有部分一直都未試，今日唔想煮飯，就一於去果頭食餐好啦。呢間「德國餐廳」位置近消防局，座位有分室內同室外，由於天氣比較凍，所以我地揀左座室內。餐廳裝潢走歐洲風格，內裡燈光柔和，環境都幾舒適，座位亦都相當寬敞。餐牌上嘅選擇都好多，晚市時段除左有2人及4人套餐外，仲有各式各樣單點選擇。星期一至四晚市有唔同嘅優惠，大家可因應自己嘅口味，揀喺唔同嘅日子光顧。呢度嘅德國鹹豬手係招牌菜，又點可以唔試下呢？德國鹹豬手配酸菜及薯仔沙律：豬手份量都算幾多，皮厚香脆，帶輕輕嘅鹹香味，除此之外，肥瘦亦都均勻，肉嫩香滑得黎亦唔太油膩，配埋蜜糖芥茉同法式芥辣食，真係非常惹味呀! 配菜方面仲有酸菜及薯仔沙律，一啖豬手，一啖酸菜薯仔沙律咁食，真係相當有風味，非常清新，好開胃。凱撒沙律配煙三文魚：豬手較為油膩，配返份沙律就比較健康，凱撒沙律可以揀配風乾火腿或者煙三文魚，我哋揀咗配煙三文魚。沙律菜非常之多，煙三文魚亦都唔少，配埋麵包粒，兩個人share食份量十足。醬汁要求另上，更鍾意落幾多就幾多，非常適合怕肥嘅女士們。特色雞翼：雞翼一份有6件，分別有三隻雞翼同三隻雞髀，可以揀辣同唔辣，我地揀左

阿媽生日所以想上OP睇下天水圍有冇高質西餐，係OP見到DAS BEIR有幾好評價，就去了天水圍濕地公園，環境又幾好，價錢都合理，分別叫德國豬手同薄餅，德國豬手好入味，肉質都幾淋，薄餅同樣好好味，薄餅好脆，店員十分有禮貌環境：地方十分舒適，座位坐得好舒服服務：店員十分有禮貌食物水準：十分有水準，豬手好好味，薄餅一樣好食價錢：十分合理誠意推介天屯元街坊來試，天水圍難得有水準德國菜，住附近天水圍居民可以來食

今次我望落就中意呢家德國餐廳，邊食邊感受下歐洲風情。先講下薄餅啦，佢嗰香蔥芝士薄餅，真係香過港女嘅香水，芝士拉絲拉到我心都融晒，喺口入面得個蔥油餅feel，正！再嘆個卡邦尼意粉，意粉煙韌得嚟唔會太稠，質感掂過高登嘅文章啊。來吓話吓我對鹹豬手嘅愛，外皮香脆得嚟唔膩口，酸菜醬正好解返啲肥膩，真係大滿足！啲服務生態度又好，我水杯一咪就幫我refill，飲得我好開心😁。而家搵食好唔容易，得閒得閑，食返餐溫暖嘅德式大餐，真係滋潤到心𥚃𥚃。雖然呢間餐廳唔算豪華，但都算係一個好chill嘅地方，尤其係同班friend一齊食嘢，傾吓偈，食吓好西，真係滿足過打機升level添😊👍🏻🎉。食完之後行行消食，真係今日最正嘅一餐！

喺樓下嘅小店食lunch，咬落去即刻覺得今日揀得啱！🍽 首先試咗個番茄炒蛋多士，軟糯嘅蛋香混合埋熱辣辣嘅番茄汁，咩細骨頭都軟化咗；多士外脆內軟，嘩，食落好過癮呀！再嚟個絲滑奶茶，好飲到飛起，甜甜地，好滑，啱啱好嘅茶味，真係解渴又暖胃。🍵喺呢間小店，你會發現平平無奇嘅食物都可以咁好味。搞到我一邊食一邊諗，咁簡單嘅組合，點解會食唔厭啊？間間小店有間間嘅味，但呢間，味道真正嗲到突破天際，啱哂想快啲食完又想慢慢欣賞嘅我。店員嘅服務都幾貼心，問完需唔需要加啲咩嘢之後，就靜靜咁讓你享受你嘅meal。我喜歡呢種無壓力，又貼心嘅感覺。下次一定仲要試埋其他嘢，睇住menu上面仲有好多我未試過嘅嘢，心郁郁想知道味道！👅💥

⭐️上星期係大埔既德國餐廳食完心思思，今次去天水圍再食過～位置係濕地公園個邊既新樓盤。店舖細細間但幾chill架！♦️主菜德國鹹豬手鹹豬手係德國餐廳嘅招牌菜式，梗係要嗌啦！旁邊墊咗酸菜絲，減少肥膩感。豬手脆炸後表皮非常香脆。豬手肉質軟身、鹹鹹地又重肉味，點芥末醬超好食😋。♦️BrunchAll Day breakfast（附飲品）多士烘過加牛油香草好好食，腸仔配炒滑蛋=早餐精選精選蛋糕🍰（加配）🥰🥰我好鍾意呢一款蛋糕蛋糕，細細件好精緻，食完滿足埋個甜品胃

位於新樓wetland seasons bay地鋪既DAS BIER🍻裝修簡約以英倫風格為主，店內燈光柔和🍹，座位寬敞舒適寫意，落地大玻璃的設計，增加採光度，另外有室內或室外位置供客人選擇👍🏻，係適合情侶拍拖朋友談心chill 下放工放學傾下計既好地方😋✔️ 德國鹹豬手 配酸菜及薯仔沙律〔真心推介😋〕$238German Pork Knuckle w/ Sauerkraut & Potato Salad👍🏻 外皮香脆👍🏻 juicy👍🏻 肉質嫩滑👍🏻 惹味配 蜜糖芥未醬 / 法式芥辣👍🏻 有風味✔️ 拿破崙意粉〔真心推介😋〕$98Napoleon Pasta👍🏻 酸甜開胃👍🏻 色彩繽紛👍🏻 番茄醬濃郁👍🏻 掛汁

餐廳位置幾方便，就係輕鐵站附近 ，步行只需數分鐘。地方寧靜 、舒適，座位都幾寛敞，適合三五知己閒聊吹水。嗌咗德國腸併盆 $172有3款腸仔芝士腸 : 脆皮加流心芝士係入面，一流呀！覺得一條唔夠喉。辣味腸 : 外皮脆，肉質帶小小辣味都幾過引白香腸 : 肉質無咁實，但係一樣好Juicy。另有薯角伴碟，炸得香脆。餐廳有自己配製的蜜糖芥末醬，頗有自家特色。另外再嗌咗一杯Mango dream 表面有小小奶蓋加上芒果汁。特別一提，洗手間可為稱為奇則，大家可以嚟朝聖一下。

今日一家三口去左𝑫𝑨𝑺 𝑩𝑰𝑬𝑹食晚飯🍽️爸爸媽媽好耐冇食過德國野🇩🇪竟然屋企附近有間🤩餐廳環境唔錯 樓底高 坐位都闊落 坐得舒服👍🏻有𝑩𝑩凳同小朋友餐具 帶埋小朋友黎都冇問題👶🏻我地今日嗌左🍖德國咸豬手配酸菜及薯仔沙律食德國野必叫豬手😆呢間個咸豬手勁好食！外皮烤得勁脆 帶咸香 有𝑫似薯片口感 豬手肉夠冧唔會太咸亦都唔肥膩 伴碟既酸菜絲同薯仔沙律連豬手一齊食好清新好開胃 平衝到個口感😋🍛德式肉丸燴松露意大利飯個松露味好出！飯既口感都啱啱好唔會勁濕~肉丸都係誠意之作⭐️想話呢個飯除左我地覺得好食 兩歲呀女都勁滿意 佢食左好多！食完一碟仔仲要再添🤣我地仲叫左兩杯野飲🧃𝑳𝒊𝒕𝒄𝒉𝒊 𝑮𝒓𝒆𝒆𝒏 𝑻𝒆𝒂同🍺德國𝑩𝒆𝒆𝒓 - 𝑬𝒓𝒅𝒊𝒏𝒈𝒆𝒓 𝑫𝒖𝒏𝒌𝒆𝒍 呢度有好多款唔同既德國𝑩𝒆𝒆𝒓 啱晒食飯一定要飲酒既爸爸😆食物既份量都好多 兩個大人一個𝑩都食到好飽😋另外餐廳入面有獨立男女洗手間🚻非常方便大家經開呢頭都可以去試下🍴𝑪𝑷值高🌟啱晒一大班人或者𝑭𝒂𝒎𝒊𝒍𝒚

放假嘅行程就係要周圍食！濕地公園附近開咗唔少食肆，最後被一間德國餐廳門口嘅大型吹氣啤酒吸引咗入去🤭。德國鹹豬手配酸菜及薯仔沙律⭐️⭐️⭐️⭐️性價比真心高，差唔多每一枱都有嗌德國豬手，大大隻豬手只需$238，外皮十分鬆脆，內質嫩滑唔乾，調味剛好，食過一啲德國豬手肉質偏鹹，但呢到嘅豬手肉份量多而且高質。酸菜微酸，配豬手肉中和膩感；薯仔沙律嘅酸味比酸菜重一點，非常開胃。兩款芥辣分別為傳統法式芥辣，辣味比較攻鼻；另一款係溫和嘅蜜糖芥辣，蜜糖香甜味配微辣感，相信每個人都一定鐘意～拿破崙意粉⭐️⭐️⭐️蕃茄超濃郁，味道酸酸甜甜，配料有蕃茄仔，紅/黃/青椒同切片磨菇等等。即叫即煮，上到枱熱辣辣有煙出😋，意粉質感煙靭度剛好，唔會過淋或過硬。配德國鹹豬手一齊食好夾，整體感覺冇咁邪惡～🤭飲品方面叫咗一杯Red Sangria，都幾有驚喜，可以話係同豬手互相輝映。Red Sangria帶有橙、蘋果、青檸同肉桂嘅味道，口感濃郁得嚟帶有清新香甜，同豬手一齊食，令豬手增添一份果香～