德昌魚旦粉 (已結業)

通粉很淋，湯底只有鹹味，啲雞翼又硬，好似隔夜咁，隻雞蛋又硬又凍應該是煎定的，成個早餐比較好食的就係個麵包，裡面夾咗一小塊鮮油，連凍飲埋單26元。我個人覺得最多值18元。因為杯凍奶茶幾好飲，但係就有大半杯係冰，啜兩啖就飲完。

短短2-3年間，呢間野既加價速度及幅度可謂又迅速又驚人，尤其是最受歡迎的魚旦粉同特餐，我唔記係2008定2009年，一年內竟然可以加左3-4次價，果時都未開始物價上漲，已經加成咁，睇下今年會唔會加得更加瘋狂，今年新年前後d價錢已經唔同左喇 !!!一碗魚旦粉，2-3年前由$15加到$22；一個特餐由$24(包凍/熱飲品)加到$30(而家凍飲加$2)；仲有晚市既小菜，唔好睇佢加幾蚊好似好少，其實每次已經加左你10%，真係唔覺架，你地人工有無加得咁多?!我而家已經好少去呢度食，因為佢不斷加價之餘，食物份量小左、質素又差左囉。

一行四人去晚飯。魚蛋和魚片爽口彈牙，河粉又薄身唔淋，湯底清清地，好味！推介星洲炒米，米粉炒得好乾身，碟底少油（最重要！），叉燒、蝦仔、青椒份量都算多。生炒牛肉飯唔好食，牛肉碎完全冇味，又冇咩其他配料，無味囉。兩碟油菜，芥蘭和菜心，不過不失啦。飲品先係致命傷。兩杯凍奶茶都好．難．飲。我不是什麼食家，但都覺得不能接受，茶還茶，奶還奶，水還水的「奶茶」。

今日經開土瓜灣, 去完欣榮花園附近銀行羅完錢, 見有d肚餓想食碗粉, 就去左間大茶餐廳德昌啦~記得之前經開九龍城, 見依間野出面排晒長龍, 雖然依間係分店, 但都去試下啦~入到去, 嘩, 原來間野咁大架, 入面可以等同成間美心/大快活個d, 差唔多坐滿架, 坐底左就叫左碗魚蛋粉同杯凍奶茶~侍應招呼都快手, 唔似上次德福個間野...等左唔駛幾耐, 碗粉到啦, 雖然我叫魚旦河但碗粉有幾片魚片~唔會成碗剩魚蛋, 4粒魚蛋3塊魚片~^^幾足料架河粉都算滑, 係個湯底清左d無乜味~另外杯奶茶奶味同茶味都有~適中~唔錯~

懷念以前工作地點土瓜灣，專登由將軍澳坐車。去到立即叫一碗雙白河(魚蛋墨丸河)。 河粉不會太林，魚蛋和墨丸是真材實料，爽口彈牙，辣椒油落少少，已經辣到飛起。唯一不好是湯底是味精湯。價錢方面貴了一點，雙拼$24。

今晚係老婆最鍾意的德昌魚蛋食晚飯~我就好怕食粉面~不過今晚好彩係叫餸食飯~哈哈~叫左2款餸都夠晒食lu~魚蛋粉就一早知係出名~估唔到佢小炒都有返咁上下~熱辣辣~魚香茄子煲─超入味的同時，亦都係超油!!所以係一般姐…..鮮魷蒸粉絲─好好味!!粉絲唔會太硬又唔會太碎~蒜蓉就更係精髓!魷魚就ok~唔太韌~吃了2碗飯不錯不錯~

偶然從openrice的餐廳搜尋中, 見到這間德昌魚旦粉被稱得上是土瓜灣區中最佳, 但居然一直未幫襯過, 於是決定前去一試.這間魚旦粉門面不大, 但入面卻大得驚人, 而且很多食客, 幾乎全場坐滿! 侍應也很多, 繁忙情度跟佐敦的"牛奶公司"有得比!! 一個人, 被侍應帶到與其他食客搭枱. 看看餐牌, 才知道除了賣魚旦粉之外, 也是一間茶餐廳, 即甚麼都賣. 看到隔離食客的魚旦粉也不錯, 於是即管一試. 魚旦粉看起來賣相一般, 魚旦不算大但也算彈牙, 滲著淡淡的魚味; 魚片看起來大塊, 但其實很薄身, 魚味跟魚旦一樣也是淡淡的; 河粉也算是滑溜但不多, 可是湯底淡得像一碗熱水一樣, 甚麼湯味也沒有, 有點令人失望. 總的來說, 不差, 但也不算出色, 這個水準在土瓜灣來說是不錯, 但比起旺角或九龍城等地的區外店是差一點了.

出發前往書展前......要先食個豐富早餐打定底...時間過了11am....大多食店都開始供應午餐.....想不到德昌還有早餐呢.....多年無黎到德昌食早餐....記得以前細個總會點一個有鮮奶做飲品既餐....可惜依家已經無o左lu...今日點o左吉列豬扒拼咖哩角3隻....煎蛋和牛油多士....餐飲要凍檸樂....吉列豬扒外面鬆脆....內裡都有點肉汁.....咖哩角....入面有d薯蓉...ok ge...煎蛋多士都正正常常....對我而言....凍檸樂才是重點....玻璃樽裝可樂...是我的最愛冰凍可樂加上檸檬......正btw...等o左幾耐....先有野食....

夜晚同幾個朋友係土瓜灣吾知食乜好七喜同德昌都未試過 諗住試下最後都係揀左德昌魚蛋粉跟我朋友叫左碗魚蛋墨魚河 $24感覺冇咩特別 淡淡地 吾係加左辣椒油 都吾知食緊乜夜晚食完一碗河粉真係吾夠飽 跟住咪叫多個扒餐 送野飲 $24原來係for早餐...薄牛扒腸仔多士呢間野一試無妨 但不是抵食之選

小食過後, 終於可以食正餐, 原本想食碗魚旦粉, 叫杯凍飲傾吓講吓, 不過後來都係改變主意叫咗常餐5號嚟到先知份量好多, 五香肉丁紅腸通心粉好大碗, 仲有煎蛋餐肉多士, 仲有仲有紅豆冰, 咁多樣加埋只係$28, 多士, 紅豆冰, 凍飲通通唔使加錢雖然咁平, 但味道一啲都唔差尤其多士特別好味 在土瓜灣的一個下午, 我發覺土瓜灣大部份的食店收費相宜, 而且抵食夾大件,同時感覺好街坊但又富於人情味, 實在難得

記得上年的食評,批評說過這間土瓜灣老字號魚蛋檔.近日無心插柳再去,又好像拿回一點分數.由細檔吃到今日連開分店,可話睇住佢大,睇住佢壞.越多元化,就越心散.以前只賣粉麵年代,專注做魚蛋,正所謂專注去做一件事,一定得道.現今菜單同黑鬼一樣長,早已淪為一間普通茶餐廳了.今次吃的魚蛋有回一點魚味,質感帶點粗,正常.如果太平滑,我反會覺得有點假.湯底的味道亦比對上一次吃過的鮮明.起碼喝得出個味,無須狂下魚露來逼味.照這樣看,是否已回復十多年前的味道?當然不是,但好過之前.其他食物呢?貪得意要碗墨丸河,完全不行.吃落一口粉,不知滲進多少粉在內?又試一試簡單的粟米肉粒飯,吃罷.都是吃回魚蛋粉罷.雖然一早變質,但有名你叫"德昌魚蛋粉",來到梗係吃魚蛋.還須多講?

地點比較偏,如果唔係朋友住長龍灣可能我都唔會有機會嚟呢間德昌魚旦粉食九龍城嗰間已經食過,呢間唔肯定係唔係分店,但係可以肯定係佢地既魚旦河味道都ok,湯比九龍城更加有味,魚旦粉都幾大碗,河粉我唔鍾意俾太多我,因為如果河粉太多,成碗粉就會無咩味,魚旦同魚片味道ok,唔算係頂級好食,但係爽爽地有咬頭,算合格!可能係新開無耐,餐廳算乾淨,坐得舒服,值一笑!

台旅美食之旅回到香港先送老婆仔歸家，就在樓下德昌整返碗魚蛋粉，已是晚上十時許，店裏卻還是坐了一大半的客，看似非常旺場，一回到香港便感覺到冷氣開得非常之凍，台灣就算是有開冷氣也是開到溫度剛好，看著玻璃窗佈滿水蒸氣，頓時覺得，還是香港吃得舒服，呵呵。第一次黎，自自然然就是來個魚蛋粉一試招牌貨，老婆仔要了碗淨豬肉丸， 是晚想吃雞，另外要了一碟雲耳蒸滑雞。魚蛋很彈牙，雖然魚味不夠但也不錯，至少湯是香濃的，辣椒醬也很香不太辣很好！豬肉丸也彈牙，非常不錯！滑雞要蒸等了一陣子，雞肉的確很嫩很滑，也有雞味，很不俗，熱辣辣蒸出黎吃起來格外開心，沒有白等，是不錯且經濟的一頓晚餐！

不嬲都去開德昌食 o野，以前 d 小菜好好味，魚蛋粉湯底好清甜，但而家小菜同粉麵都加晒價，仲係勁加果隻，加價後 d 野無水準，魚蛋粉湯底鹹到死，一碟西蘭花炒斑球以前 50 元，而家一加就加到 56 元，但係 d 魚又實又無味，分明雪藏左好耐，果 d 白飯加完價但又細碗左，夾之用 d 劣質米，以後都唔會去喇。

住係附近本身唔中意食魚蛋粉，但係有次落黎食早餐，食過杯熱奶茶，就被吸引來了。有次同妹妹兩個人一人一個常餐，我阿妹吃唔曬，剩底大半碗粉，三只雞翼，兩塊多士，同剪蛋，剩gum多我咪叫佢儸野裝起佢lor.佢話收1蚊我都無咩所謂。但係我叫佢攞盒同埋碗分開黎裝，要收兩蚊，我問個服務員，唔通我叫個早餐，餐飲個杯又收我錢啊？gum外賣咪收3蚊？佢話食剩同外賣唔同wor！之後又抵受唔住杯奶茶ge誘惑，去吃早餐，lum住叫個服務員攞soy，我話唔該，之後上次俾我話果個竟然用d好粗魯ge語氣同我講，咩啊？連我阿媽唔知發生咩事，都覺得佢無禮貌。仲要好似得罪佢gum..所以now去少左好多.