德昌魚蛋粉

營業中

休息中

德昌魚蛋河多蔥加腩汁我由幼稚園幫襯到而家，連個姐姐都記得我成家人haha-魚蛋粉十分足料，有成4粒魚蛋同3片魚片，魚蛋同魚片都好重魚味，重點都係食落爽滑彈牙！腩汁又係無得輸，可以令湯底更加濃郁，滑溜嘅河粉又可以索哂牛腩味～雙重享受，所以識叫一定會配埋腩汁！

位於九龍城既德昌，每次經過都要排長龍，知道佢出名既係魚片，但今次見到餐牌有沙爹牛肉 就被吸引了試左依款麵，沙爹牛肉 的味道 野味可口，牛肉很淋很好吃 我配合了煙肉和米粉，由於沙爹牛肉的沙爹融於湯裏，令整體都十分好吃。另外，十分欣賞這裏叫鮮奶是樽裝的，價錢亦一分合理。不往每次都需要排隊才能吃。看見輪坐的一家大小在吃香脆魚皮，邊吃邊讚，今次吃飽了試不到，下次必來再試！ 而且店員都十分有禮貌，很有親切感，值得嘉許！

朋友喺美國返嚟，帶佢周圍食好嘢，嚟到九龍城，下午茶梗係搵德昌魚蛋粉，坐低食碗魚蛋粉，魚蛋魚片保持高水準，朋友越食越開胃。喜歡的話可以買返屋企，放湯食麵，炒菜，打邊爐也可，怎樣吃也好吃。阿女叫咗碗四寶河，年青人太肚餓，未影相就吃了一半，同老公叫咗個營養餐，魚柳配腸仔，炒蛋多士，蛋夠滑，多士夠脆夠牛油，魚柳新鮮炸起，配沙律醬最啱。茶餐包飲品，熱奶茶，係堅得嘅。臨走記得買返樽辣椒油給屯門的姑婆，她最喜歡這店的辣椒油，正！

這家德昌在這裏已經很多年了，常常都大排長龍，很受街坊歡迎。吃過這裏的魚蛋魚片貢丸墨魚丸牛丸炸魚皮雲吞等等已經很多次了，每次來都覺得用料非常好，湯底也是真材實料，大排長龍是有原因的。有人說魚蛋不夠彈牙，但這才代表沒有加入添加劑，是比較健康的。有時見到老闆來吃早餐都十分有禮貌，收銀時也笑容滿面，風度翩翩，看得出他們家對做好這家店的一份堅持。現在在香港已經很難找到一家這樣用心經營的店舖，而且出品品質也有信心保證，讚👍🏼

呢間老未號真係逢星期六日假期既lunch time都會係佢門口見到條長長既人龍，天氣熱到爆曬到燶 or 落雨濕濕，都阻擋唔到一眾fans對一碗魚蛋粉既心癮🤣魚旦我就無試到，因為本身覺得除左豬腸粉個款陳皮魚旦之外，其他魚旦都會好勁魚味、鯹味，所以都無跟大家既口味去揀，都只係跟返自己like既，order淨貢丸，又丸又粉一定食唔晒，所以唔食粉la，只係食貢丸，佢個湯底都太油都算清既，貢丸都夠爽口彈牙，菇味香濃，唔會有勁豬味，魚旦以外一個唔錯既choice 😋

#小秘書 已經有段時間無喺九龍城出沒，呢日見唔係太晏收工，就搭巴士早幾個站落車，先去買啲嘢先返屋企。因為lunch time要趕起份report，只係求其食咗個包🥯，到五六點個肚已經打緊鼓🥁曾幾何時，#小秘書 都係 德昌魚蛋粉 嘅fans，呢日我哋又可以重聚🤜🏻🤛🏻 估唔到無幫襯一段時間，一碗 #牛腩河 已經要賣成$37😅 所以我決定清清地，#飲品、#油菜 都唔加😏 唔知係我口味變咗定點，我覺得牛腩嘅口味唔同咗，不過肉質都保持得好有咬口，而且河粉依然好滑，配埋啲湯汁一齊入口😋 確係有佢優勝之處👍🏻 但係整體嘅價錢真係貴咗啲，喺九龍城區可以有更多選擇呀😉

本人是個不折不扣嘅奶茶控 經常走遍港九新界去尋覓一杯好嘅奶茶飲 個人認為九龍城德昌奶茶必入九龍區三甲 無論凍或都熱暫時冇令我失望 水準非常穩定 另外順帶一提 魚柳包亦是冇得輸 豬仔包外脆內軟 永遠上抬都係熱辣辣 魚柳新鮮炸 但個人認為可以加些生菜或者蕃茄就會更加完美 絕對有heart既茶餐廳

【 食在九龍城 】🇭🇰老字號九龍城德昌粉麵，每逢星期六日下午都會見到門口排晒隊。潮洲白魚蛋、魚片頭都係呢到嘅名物。無論點咗咩 toppings ，我嘅必選組合永遠都係 【 河粉+ 腩汁 + 潮洲辣椒油 】🤤 呢到嘅河粉，粗幼適中，滑身彈牙，每一條都非常完整。我最怕河粉碎濕濕，夾極都係散修修，要用羹先食到個隻。.不過每日嘅雲吞就令人失望，好細粒呀，而且食落有d粉，蝦同豬肉嘅份量太少喇，比起以前退步了。.⭐️鐘意食辣嘅朋友一定會對呢到嘅潮洲辣椒油上癮，炒得夠香又夠辣🌶除咗街坊同熟客仔，每逢週六日下午都會有好多客人特登嚟呢度買白魚蛋同魚片頭做打邊爐料！.奶醬多厚底都好好味 🤤🤤.⭐️⭐️⭐️必食推介：潮州白魚蛋，魚片頭

好食嘅魚蛋粉已經唔多但係試過呢一間之後是一次好啦唔會有下次就算冇得食都寧願唔食 魚蛋好鹹好林阿婆都食到喊得太緊要滿口味精招呼都唔錯地方乾淨 仲有啲面鹼水味好重要碗魚蛋麵只好第一個字去形容就係喊

呢間魚旦粉已經食左好多年😆😆😆出賣年齡系列🤪🤪記得以前初初淨係識食魚蛋河加腩汁，之後大d就學人食片頭河加腩汁多青🤔🤔遲下出黎做野賺$自己再叫多碟炸魚皮😋😋😋到宜家就99%都係食以下呢碗：牛筋紫菜河多青🥰🥰🥰🥰紫菜好多，又爽，牛筋大大舊充滿口感！💕💕甘多年味道冇變過！👍🏻👍🏻係價錢變啫😅😅😅但每次經過都想整一碗！大家有機會經過都不妨試試😘😘好多明星都成日揸車外賣架😌😌

蛋粉一碗有四粒，另有兩塊炸魚片。喝一口湯底，雖然是奶白色，但味道很淡。魚蛋雖然仍舊有魚味，但味道卻比以前淡了；幸好魚蛋尚算彈牙；炸魚片厚度比平時得厚一點，圓圓的頗大塊，魚味比魚蛋還要好，滿有彈性。片頭河只有一塊炸魚片頭，其他的都是炸魚片。魚片頭雖然和炸魚片相似，但較厚身，吃起來口感較好。

今日下午喺九龍城等阿女上樂器班，自己一個人去咗食德昌魚蛋粉，嘆個下午茶。掙扎咗好耐，真係好想試下佢嘅茶餐廳麵餐，都好想試下佢嘅沙爹牛肉包，平時見人食賣相都唔錯，有好多牛肉㗎！結果敵不住呢度嘅魚蛋誘惑，都係叫咗碗魚蛋河粉，清甜嘅湯底，幾粒魚蛋，幾塊魚片，魚蛋堅爽、堅滑、堅彈牙，第二度搵唔到，魚片一樣好食。當然一定要加埋佢嘅秘製辣椒醬，呢度有自家製嘅辣椒醬，有一種特別嘅香味，好吸引，食客喜歡嘅話可以買番樽返屋企。忍唔住叫咗杯凍奶茶，少冰走甜，可以試到佢真正嘅茶味，夠濃夠滑。

每次經過九龍城福佬村道的德昌魚旦粉都見人龍排隊等入內吃東西，今天在九龍城辦年貨途經此店，竟然看不見人龍，於是我們二人便決定停下來休息一下，順帶吃一碗美食。這裡的食品選擇很多，有中式的如粉麵，亦有西式的如三文治和扒飽等；冷熱飲品亦一應俱全。我們看過餐牌後，仍然選了這𥚃遠近馳名的魚旦河和墨魚丸米粉，並打算交換魚旦和墨魚丸，這樣便可吃到不同的種類，又不會要吃太多！魚旦河（$37）碗內有一粒粒的魚旦，亦有一片片的，兩者同樣爽滑彈牙，一點兒腥味也沒有。河粉切得幼幼的，也是滑滑的，配以一個看似清淡的湯，但吃起來味道適中，加埋惹味的蔥粒，非常好吃。喜歡濃味些的話，更可加點魚露，令味道更突出。墨魚丸米粉 （$37）墨魚丸同樣爽脆彈牙，墨魚肉也不硬，一條條的米粉浸在味道適中的湯內不會發漲。湯裏的蔥粒增添了清新的味道。

有次經過九龍城，見到一個奇境，點解係一個魚蛋粉既舖頭門外，會有人排隊既？好奇心驅使之下，我就跟左佢地排隊諗住試下係咩咁吸引。我就點左呢個魚片魚蛋河粉，上面加上少少葱花，真係好香！ 就咁睇外表好似平平無奇，點知一口咬落去，個魚蛋係超級彈牙嫁！又香魚味，可以話係食過咁多魚蛋最彈牙既一個，真係冇後悔排隊食。

難得出到嚟九龍城，梗係要去食碗德昌魚蛋粉，店內環境一般茶餐廳格局，一張枱可坐4至6人。未吃早餐，早點吃個午餐吧，雖然未到中午，但店內已經坐滿食客，有些還在吃早餐，蛋牛通、餐蛋麵、多士等，店員都忙著寫單、傳菜、收拾……。一碗魚蛋粉份量唔細，有唔少魚蛋同魚片，湯底清甜。當然要食埋佢嘅招牌辣椒醬，少少已經好夠辣。牛腩河都非常可口，牛腩好入味，牛筋好林。熱奶茶一般茶餐廳水準，也不錯，可惜食湯粉麵冇餐冇加配價錢，只可以單叫飲品。不少食客都喜歡臨走時買魚蛋、魚片條，甚至乎招牌秘製辣椒醬。吃完埋單出到去，發現店外已經開始排長龍，大人小朋友都喜歡吃魚蛋粉。