影片
港鐵太子站 C2 出口, 步行約3分鐘
繼續閱讀
營業時間
星期一至六
12:00 - 20:30
星期日
全日休息
以上資料只供參考, 請與餐廳確認詳情
上星期三行過去德發，唸住買野食，點知見到此餐廳已改為經營兩送飯或三送飯了，其他潮州食品大部分也沒有提供，好令人失望。而且星期日是休息的。大家留意別摸門釘。可惜。
繼續閱讀
早前佐敦上完堂約咗老公決定一齊去啤一啤佢🍻於是揀左這間位於太子地鐵站C2出口5分鐘路程嘅「德發潮州飯店」店舖光猛企理店員服務態度也不錯☺️而且價格亦合理💯由於我哋兩個胃一向都比較細所以只點了四道打冷必吃的👇🏻1️⃣鹵水鵝片配生腸2️⃣韭菜豬紅3️⃣炸蠔餅4️⃣黑白啤Half Half🍻可惜店家嘅鹵水鵝片肉身較「鞋口」亦唔夠入味生腸亦仍然有點腸臭味⋯ 減左分🥲幸好韭菜豬紅及炸蠔餅味道搭救下次約多啲朋友仔可以再來🙌🏻
繼續閱讀
兩個人經過太子行經呢間餐廳，就隨便入咗去坐低食嘢，叫咗一碟滷水鵝片，小炒王，同埋韭菜豬紅，再加碗潮州白粥。3碟餸都好食，其中滷水鵝片有好香嘅花椒八角嘅香味，正👍🏼。仲有係餐廳嘅樓面同埋廁所都算乾淨😬
繼續閱讀
食物味道雖然唔錯，但係服務態度真係差到爆！入座前佢哋有講明用餐時間係90分鐘，我哋都覺得呢個時間好合理，但到70分鐘，我哋其實都已經差唔多食完，點知個事頭婆就無啦啦隊張單埋嚟！咁咪比錢找數囉！比完錢之後就即刻以9秒速度執檯，食完啲咁咸嘅嘢其實我想飲多啖茶坐多幾分鐘啦！我舉手叫個侍應加啲茶佢就即刻黑晒口面咁，我哋一共5人佢就只係加咗1/4杯比我一個人，當時外面並冇人等位，用餐時間都未夠。見佢兩個咁嘅口面我都唔敢再飲，當我搵緊口罩準備戴完就走啦！都未離座事頭婆已經攞咗條檯布掟落檯了。食物其實唔錯，不過蠔餅就真係全碟超過八成都係漿粉，蠔仔得十粒八粒。真心覺得呢餐飯食得好掃興，諗住一家人開開心心齊齊整整食餐晚飯，點知食到咁唔開心好似被人趕走咁，以後執到錢都唔會再幫襯了。。。
繼續閱讀
今日同友人到此飯店食飯，其實之前都有食過，覺得幾好食，所以再到此食晚飯。我們剛坐下來，正在商量叫什麼菜的時候，突然間，一陣帶有酸酸甜甜，而又香噴噴的味道，在我們身邊經過，一吸，便知道，這是我們十分熟悉的味道-「菠蘿咕嚕肉」。哈哈😄！就在這一刻，第一道菜便決定下來了。那麼，下一味餸應該吃什麼好呢？想來想去，最後都是點了之前曾經食過的「椒鹽九肚魚」。雖然份量明顯比以前縮左水。但，味道方面，真係不錯，好食！脆漿好薄，椒鹽及撒在上面的蔥粒，椒鹽，蒜粒，都好食！一食落口，都感覺到很有鍋氣！我們怕不夠飽，再加了一個蠔仔肉碎粥（碗）。雖然是一碗，但實際夠2-3人食（細食者），味道香濃，但，我個人覺得有少少過咸。不過，整體都是好味嘅！今晚我們食得飽飽，甚是滿足！☺️
繼續閱讀