德發粥品專家

營業中

休息中

間中想吃粥清清腸胃，收到荃灣街坊介紹的德發粥舖，一於黎試下。簡單點了一碗艇仔粥，好快來到，艇仔粥的配料超多，味道偏淡，應該無咩落鹽，可自行加胡椒粉，只需$16。不要小看這外表普通的腸粉，送到的時候只是加了豉油的白腸粉，隨自己的喜好加上芝麻醬、甜醬、辣醬、芝麻，腸粉非常的林且滑，份量咁多都只是$8。簡單的一頓午餐，埋單$24，比一杯珍珠奶茶的價錢還要便宜。今時今日，這個價錢有這個質素，簡直是消費者賺到了！難怪店內坐滿了客人，客似雲來！

話說放工夜晚宵夜小小肚餓但又唔想食太飽，就去咗朋友介紹依間粥舖。一見到門面就知道係啲好舊式嘅鋪頭，叫咗一個魚腩粥同一隻糭，我朋友就叫咗皮蛋瘦肉粥同埋牛肉腸粉。腸粉幾滑啲皮都算薄，粥就一般般正常味道。不過鋪頭嘅衛生情況真係有待改善，見到都幾多小強行嚟行去，仲爬咗入去個轉系整腸粉嘅小廚房，好彩係食完俾錢先見到，如果唔係咩胃口都冇晒🤢🤢🤢唔知係咪我腸胃勁，食完無事，但我朋友就屙左成晚🤮🤮，我都算係執返身彩，所以都係冇下次😣😣😣

😺: 熱辣辣食乜鬼嘢粥呀？🥰: 試吓啦好食㗎😺：唔喇好熱呀，我食炒麵算😺：畀我試一啖你嘅粥咪得囉。😺： 伙計，要多個魚腩粥！就係試完覺得幾好，就叫多咗個魚腩粥，雖然真係好熱，但個魚腩又真心好食喎，好嫩，勁滑，又甜，魚質都好ok 喎，最驚食魚會腥，但呢個唔腥之餘仲帶到魚嘅鮮味，個粥底都ok 既，但係呢，呢間嘢真係sell 粥算，個炒麵好麻麻，一上嚟已經係凍，又無鑊氣，又無鼓油嘅甜😿個炸両普通到暈🙈🙈🙈

今日朋友帶我黎食依間粥舖，食物都有幾多選擇，價錢唔貴，平均30幾蚊就有一碗粥/粉麵。我地兩個人，叫左一碗粥，兩碟麵同腸粉，食到勁飽！味道方面都唔差，炒米粉有驚喜！因為一黎到見到佢個樣白散散，餸都無乜咁，個仲好似一d調味都無落🤣！點知原來又幾好味喎~有落鹽😂炒得幾乾身，唔錯。而另一碟炒油麵個樣就完全唔同，濃味d，餸都多d！不過完全唔會過咸，勁好食！粥我地叫左皮蛋滑牛粥，落胡椒食真係一流！d粥食落都幾綿，唔錯唔錯！會再黎👍🏻

荃灣傳統小店多籮籮，位於 （即德華公園附近）有間不顯眼但每天早上駐滿人流的 ，抵食夾大碗！.首先粥煲得夠綿，就算廿蚊有找但都挺足料！而且選擇多多，有平有貴，平民粥如 、...富貴粥如 、...適合不同口味的朋友！.如果不好吃粥的，店裡還有很多中式小吃，炒麵炒河、羅白榚、炸兩、腸粉...總有一款啱心水！.餓底其實不是好粥之人，但也被吸引著，偶爾想念起來都會特地回去再吃！.艇仔粥（碎牛底）：$17碎牛滑腸粉：$16羅白榚：$9

今日去完寺廟又想食清少少，最後我同屋企人就選擇了這間開了很久的粥店但地舖已滿座(星期日下午二時)，姐姐就話樓上有位，真是第一次上去，都有四五桌而衞生都可以，我地最後一人一碗粥再加其他食物，每人$35都幾抵。來到食粥當然要吃油器牛脷蘇和油條，保持都脆口而且可以剪幾粒方便食，好快就比我地四個食晒。粥入面材料都足料而且粥都夠綿身，味道不太濃幾好食，最後我仲要吃不完添。但只可講普通就是炒面和炒河粉，凍又冇咩配菜但幸好吾太油身而份量十足。最後我地叫了一個糉就最失望，份量細而且好濕又有綠豆香，份量又少綠豆，$16貴又吾好味。

黎開荃灣，個人病病地，天氣又有少少凍，見到呢間德發粥品門口幾多人買外賣，於是入左呢間店舖。店舖睇起來係舊舊殘殘，但係我反而幾鍾意呢啲地方食嘢，幾有味道！我點了皮蛋瘦肉粥，可以見到廚房，粥底係用生滚煮法。等左唔洗好耐，碗皮蛋瘦肉粥終於送到。粥底幾軟綿綿，幾香米香味﹗入面有少少肉碎同皮蛋，幾夠味！之後看別的枱都點了炒米粉$10，所以都忍唔住都叫一碟。看到炒米粉配料都幾多，有火腿、芽菜、紅蘿蔔絲、蔥絲。米粉夠爽，不會太腍，而且都好大碟，好抵食﹗

一星期外賣咗兩次，之前堂食多啲。生滾粥啦、下火(皮蛋瘦肉粥)啦、艇仔、...所有油器都好傳統好好味，仲有馬拉糕、砵仔糕...真係平靚正！ 姐姐們超有禮貌，又好記性，跟單足，細心，體貼....正！好自私的話就唔想太多人知太多人幫襯，但佢地實在抵讚！

我真係好鍾意食粥㗎！特別係喺呢啲舊鋪頭度食！ 佢煲出嚟啲粥特別棉特別好食㗎！呢間粥店係夠咗啲但係呢落足火喉！同埋佢煎炸嗰啲油炸鬼呀牛脷酥同煎堆都好好食！雖然佢係一早炸定， 但係唔會林左都係熱嘅！佢呢度啲粥呢一啲都唔貴！又好食！係個環境方面唔係話好靚！

忍唔住點都要post，二星期食左3次，點都要講下，個豬潤粉腸粥真係好好味又甜，生滾滑牛粥都係好正，我試過咁多間真係舊鋪嘅粥先最好食！牛脷so同油炸鬼都係非常有水準，係新式粥店係搵唔到呢種味道，唯獨係個炸兩呢，就有少少淋.不過整體黎講真係好好食. 老鋪黎講，姐姐們都好好禮貌，如果係附近諗唔到食乜，真心推介大家去試下！

難得星期日放假一天，住在荃灣的我們，特意去行千色店， 行完了想食個下午茶，去到四坡坊（龍發粥品專家)小店地方不是太大， 枱枱都滿人之際，畀我哋坐到一個靠牆邊的位置，睇見餐牌上的食物，叫了一碗粥同一碟炒麵等的食品，雖然舖頭細小，但食物質素都算可以， 粥店價錢十分經濟抵食，所以好多街坊想醫肚的時候，就會過嚟小店幫襯。炒麵配料都幾多，面夠爽，不會太腍，而且都好大碟，好抵食。鮮牛肉生滾粥$25 ，牛肉都好新鮮，有牛肉味，而粥底選用生滚煮法，特別軟綿綿，好香米味

雖然而家係夏天，不過突然之間想食粥，中午飯時間就去咗呢度試下啲粥啦！一去到佢有兩間分店嘅， 一間坐滿曬就叫我去轉彎嗰間， 點知第二間都坐滿咗個， 果時心諗，粥品都咁多人食一定係好野！諗住走之際，叫我哋上去2樓， 當然大家唔好幻想係好靚裝修啦，都係舊舊殘殘。 但係我反而幾鍾意呢啲地方食嘢！因為有另一番味道！喺二樓呢就要守得住噪音！因為佢哋係咁嗌咪落去搵嘢食上嚟呢度啲粥好好食每一碟又好大碟！正！同埋真係好平好抵食！食粥係要係呢啲地方先好食！

荃灣有很多美食，但不是很多食肆或餐廳會24小時營業，而這間粥店除了好食之外，還是二十四小時營業的 。今日放工回到荃灣已經晚上11時30分，我即時想起這間24小時營業的粥店。我在店內吃了腸粉和碎牛粥，加起來只是20多元。其實我已經吃過這間粥店無數咁多次，粥品都很抵食，係（傑身）的，不會太水，值得一讚！ 腸粉嘅芝麻、花生醬和甜醬都係自己落嘅。說真的，腸粉真的不夠外面即拉嗰啲20多元的滑和好食，但以這個價錢來說，真的十分抵食！

今日中午經過開果頭，本來想去食米線，但太多人，之後就過兩間鋪入去食粥！點知⋯中伏最主要係d亞姐叫單叫到大大聲，簡直可以用震耳欲聾黎形容仲要係所有人落單，佢地都勁嘈，攪到成餐午餐都再心機食，拿拿臨離開！其實間鋪頭咁細，洗唔洗用盡全力落單呀🤦🏽‍♀️？真係坐出街果d枱都靜過坐係店內！食物方面，粥底還可以，但牛肉粥冇牛肉味，鹹肉糭d料小得可憐，一夾就散！本來小店係值得支持嘅，但d店員太過嘈吵已經影響晒！

黎親荃灣都要幫襯下呢間人氣粥店，之前陀住bb轉左口味，試過個幾兩個月朝朝都黎食早餐，食完先返工。呢到平民價錢，但質素一流👍🏻👍🏻👍🏻今晚收工過黎食，叫左碗豬紅瘦肉粥，再加碟炸兩，美食呀！平民美食其實仲好味！碗粥食完都唔覺得重味精，我唔敢話佢完全無，但食完唔會覺得口渴先！碗粥夠晒熱，食到尾都仲熱架！瘦肉有少少咸味，唔鞋架！豬紅又夠晒滑呢！炸兩都仲係脆架，最怕d粥店一早整定晒，或者本身條油炸鬼已經係唔脆，食左落肚都浪費quota，好高熱量架嘛，梗係要食最好架啦！真係抵食架，兩樣野加埋$26埋單！連鎖店真係食唔到！呢到長期多人，要自己搵位架，坐低就好快有阿姐要你叫野食，無計啦，人流高係咁。