德美壽司

營業中

休息中

住大埔既人都知道呢間餐廳，都係一致好評既👍，價錢大眾化，食材新鮮，佢地既牡丹蝦蝦頭🦐可以另外煮既，可以轉整湯叉或者炸蝦頭黎食，生食都得！但係就要另外加錢既！

今日路經太和店德美 諗住試下點知換來態度差的服務 倒瀉我個飯都唔會覺得唔好意思食物係有質素 但態度真係唔似日本餐廳應該有職員唔會幫人添茶 要我主動提出帶位的又唔會理會客人 枱未清理好就叫人入座呢次真係好不爽有一次冇下次

人人讚不絕口嘅德美 每當我滿心期待食佢餐日式料理都搞到咁火滾 係呀之前食佢午市已經唔太愉快 今次落order時都好順利 經理都好熟手 上齊其餘兩款小食先知原來佢將個鰻魚飯落錯咗做另一款小食 咁咪同番落單嘅經理講我地係要鰻魚飯囉好正常 佢就話「你唔係話要嗰款小食咩？」又死口唔忍 咁我同家姐四隻眼都好清楚我地係指著主食嗰餐牌黎叫 啫係嗰度係無其他小食嘅 而落單時經理係望住我地手指點嘅🤷‍♀️anyway佢最後都係換 但身為經理 佢款唔客氣嘅態度坦白講有啲無風度令人唔舒服 咁可能我唔應該對居酒屋有過高期望啦#上樑不正下樑歪呢樣都唔係最火滾 食緊嘅時候都只不過係8點幾 條雞泡魚干仲有兩三條都未完 個waitress就下下行埋黎gum想收走咁 重點係我個位係角落頭🤷‍♀️唔suppose你咁進取呢 問題係嗰時都無第二輪客 對面枱客仲早黎過我地 人地就要乜都有 要水就比 有乜理由我要瘋狂比你差別待遇又ignore🤡三番四次舉手想添水時 你地就淨係應對面枱 到我望到個後生啲嘅waiter拎住個水壺度步到我地枱時 明明見到我地係無水 佢都擺擺尾(唔係抵毀真係搖幾下佢身後嘅水壺)就走鬼咗💩趕收工都唔係唔比水

今日晏晝同家人去食德美壽司，平時都係食晚餐多，未試過午市時去食。一開始嗌咗個三文魚沙律，酸酸地，開胃。跟住嗌咗三文魚腩刺身，呢度六件$78 ，大件夾抵食。呢個係吞拿魚卷物，佢上面啲吞拿魚一啲都冇偷工減料，大大啖吞拿魚，鍾意食吞拿魚嘅朋友唔好錯過。雜錦天婦羅。呢度嘅天婦羅好出色，唔似出邊一啲餐廳咁多炸粉，而且用料新鮮。最後家人想食多少少，但又唔想食一個壽司set咁多，所以就叫咗個午市定食，呢度有主菜、茶碗蒸、麵豉湯、同埋甜品，夾埋都係$102 ，午市仲唔使+1。*除午市定食外，其他都係main Menu食物，需加一。

德美一向俾作為大埔居民的我嘅印象就係當區一間中上價位的日式餐廳，晚市平均一人三百都無走雞，但今日難得放假行開德美見到一個午市lunch set只不過係$138，又海膽、拖羅、三文魚子，無理由唔入去幫襯吓咖嘛。一嚟先上沙律，一般正常水平，但都新鮮，唔hea嘅。茶碗蒸 - 鳴門卷，銀杏，香菇等，配料都幾多，食味正正常常。午市壽司餐 - 赤身、油甘魚、三文魚、立魚、墨魚、車海老、帶子、海膽、三文魚子、拖羅蓉，蟹柳，樣樣新鮮，師父現製，我唔多講，大家可以睇相，係好食抵食嘅。最後跟餐還有一粒日式和果子，比人感覺一啲都唔hea。整體食物質數其實同晚市相若，但價錢就相差一倍，香港地時間果然就係金錢呢。

黎到大埔 朋友介紹呢間必食既日本野入到去就叫左兩個lunch set首先一坐低 就上左兩個沙律 味道唔錯之後就叫左個魚生飯 佢d刺身都大舊同份量都足夠 而且個飯入面仲有d 飯素撈埋一齊味道good good而另外一個much set 就叫左壽司set 跟埋牛肉烏冬兩個餐都跟埋蒸蛋 個蒸蛋都正呀好滑 😁👍最後 食完哂佢仲跟埋一個甜點

我一直都有食開呢間既，如果食夜晚會比較貴。午餐嘅話呢會比較平，有好多定食同餐比你選擇，每個餐都會有麵豉湯，蒸蛋同甜品跟。食材方面非常新鮮，好有鮮味，環境十分好，有bar枱可以直接對住師傅，別有一番風味🥰❣️

星期日中午時段黎到見到仲有lunch set!果段即刻叫下先啦😚呢度樓底幾高，旁邊仲有bar枱可以比你對住。Lunch time去到一坐低就送上沙律🥗、面豉湯🥣-沙律🥗-胡麻味酸醋好開胃。有新鮮生菜🥬、貼心到已經剝皮既蕃茄仔🍅、青瓜🥒、粟米粒🌽仲有少少紫洋蔥絲🧅。茶碗蒸🍵-茶碗蒸個蛋好滑好滑🥚有日式魚餅、新鮮菇🍄同個底有雞肉粒🐔好香濃高湯味既蒸滑蛋😚淨係呢個都值回票價🎫柚子燒三文魚魚生飯🍣$74-有勁多蟹籽🦀️同好温泉蛋！飯份量都十足，夠哂拎黎撈飯🍚燒三文魚都相當夠火候同又厚身又肥美🍣日替便當三段🍱$96-刺身方面包左兩大片厚身三文魚🍣、超級厚肉帶子🐚仲有大大隻玻璃蝦🦐！set仲包有白飯一大碗🍚、汁燒豬軟骨🐷、天婦羅炸蝦🍤、炸蕃薯🍠、比較少見既炸蘆筍等等👍🏻德美刺身壽司便當🍱$104-刺身方面同樣係兩大片厚身三文魚🍣、超級厚肉帶子🐚仲有大大隻玻璃蝦🦐！仲有三件壽司：拖羅蓉壽司、墨魚壽司🦑仲有個唔記得咗係乜嘢魚🐟另外有兩件反卷、甜甜炸堤魚乾仔mix核桃！當然點少得得大大隻字印住德美既蛋卷啦🥚炸物方面有兩塊流心炸蟹餅👍🏻最後甜品係軟糯糯既麻糬，外層係黑糖，內層應該係紅豆蓉🍮

💖德美壽司呢間野可以話係高質平民壽司🤤💰人均$250 dinner依家要搵一間抵食嘅壽司絕對唔容易，仲要搵一間抵食又好食嘅更難！所以德美就成日咁多人排隊🤣平時都係食佢lunch set，第一次食dinner🤔咩都想試吓壽司手卷嗰啲都同平時食午餐冇乜大分別🤔但係佢個卷物真係令我好深印象！我哋揀咗帆立貝鵝肝卷物🤭一食落去真係大滿足，個鵝肝好香而且質素幾好，價錢又唔貴好似都係80幾蚊only🤤

大概下晝2:40到去到餐廳，點餐等餐都需時。食左未到十分鐘，啲侍應已經係你附近車輪轉不停製造的壓力俾你。令到你即刻冇晒食欲，食飯都可以食到成肚火！原來間嘢收3點，但入去個陣又冇人話俾你聽，幾點收鋪！你早啲講我就唔入去食係呀～你冇可能要我15分鐘食完走人吓嘛！

德美一直都好出名，如果晚市冇book位通常都有排等😂 以前試過佢哋嘅二人餐，$428 飽到上心口，啲嘢又好食👍🏻 今次都試試散叫其他嘢試吓，結果都冇令人失望☺️先試三文魚腩膽埋鮮帶子刺身！三文魚腩好鮮甜好肥美🤤 鮮帶子就爽身啲，但個人覺得唔算好特別，試一次就夠🤣蝦沙律入面有幾塊三文魚同其他刺身，隻大蝦好厚肉，加埋個好fresh嘅醬都唔錯，好開胃👍🏻呢個大蝦天婦羅4隻就要$96，但真係值回價錢！ 隻隻蝦都好大隻好多肉，炸皮又薄🥰 剛炸好時一放入口真係好好食👍🏻之後講吓兩個卷物～ 兩份都份量十足！ 炸軟殼蟹卷用曬成隻軟殼蟹，放入口時軟殼蟹仲係香脆㗎！如果牛油果再多啲就更perfect! 而吞拿魚蓉卷真係要極力推介俾大家！！ 首先一上枱已經俾佢慷慨嘅份量嚇親😱 一放入口更加不得了😍 啲吞拿魚蓉嘅質感好似剛剛剁好咁，配上青瓜小卷真係好fresh好鮮甜好好食💕 我同朋友都一致認同下次要再叫呢個🤣最後又推介呢個澳洲海膽🤤 完全對得住$258 呢個價錢！ 海膽非常鮮甜，入口即溶好似雪糕咁🥰 而且份量其實都唔少㗎！！ 大家真係要試試！

🔹九龍新界有幾間分店嘅德美壽司🍣 Polaf都好中意，Olaf上次晏就食Lunch Set幾抵食👍🏻 今次Pooh晚市散叫就食到多種類啲，有幾樣都好有驚喜🥳1️⃣⭐️牛油果軟殼蟹卷⭐️ $78 (8/10)Pooh同朋友超鍾意同推介哩個🥰 軟殼蟹外脆內軟🦀 每啖都充滿着軟殼蟹嘅味道❤️ 唔會因為包咗係飯入面而淋咗😍 全隻軟殼蟹用晒，更加抵👍🏻 如果牛油果份量可以多少少，更加食到佢嘅味就完美啦😋2️⃣ 芝士鰻魚卷 $66 (6/10)芝士同鰻魚哩個組合實無死🥳 個樣同牛油果軟殼蟹卷好似，都係反卷☺️芝士啖啖都有，不過唔算好重味🧀 相反鰻魚份量相對唔多，感覺上青瓜仲多😂 3️⃣ 冷蕎麥麵 $55 (6/10)蕎麥麥次次食日本野都叫😋 雖然得個麵但就好有日本嘅感覺💕 麵質正常唔算特別彈牙，係平時食開嘅味道🤤4️⃣ 炸雞皮餃子 $65 (5/10)用炸雞皮代替餃子皮好少有，好令人期待😍 係幾好食嘅，有雞皮嘅油香，又有餡料嘅juicy👍🏻 不過食落都幾油膩🤢 食完一舊一定要食返蕎麥麥解膩🥲 同埋細細地5粒算係少貴

今日嚟咗食午飯，未坐低啲沙律已經喺枱面。食咗一大半沙律，竟然見到一大隻死咗嘅飛蛾（有成隻蝴蝶咁大）。話俾個侍應聽，佢仲話你係咪唔食，跟住我家人立刻回答佢：「你睇吓咁樣我點食啊？」佢先至即刻收咗佢，話：「咁啱飛咗落去啫，我哋平時都有檢查下嘅。」但重點係隻飛蛾唔係喺面頭，係喺沙律嘅中間。 我哋連正式嘅道歉都冇一句。淨係聽到個主管話個廚師：「咁大隻嘢，下次就睇清楚先至拎俾人啦。」成餐飯我已經冇乜胃口。魚生不太新鮮，串燒麻麻。我哋三個人食咗六百幾蚊，咁樣嘅質素絕對嚇怕，以後都唔會幫襯。

聽就聽過知名，但一直都未有機會食。今日入左大埔，就食左佢。佢個lunch menu都有好多選擇,又有飯,烏冬，壽司，炸物，便當，總有一款岩食。我地兩個都叫左十件壽司$138 甘上下我同朋友二人等左十分鐘左右，座bar台位。落完單即上前菜： 沙律，湯同蒸蛋過左一陣，就上主菜，見到就開心，食完都好滿足，仲有個小和菓子做甜品。下次要再食先得！

近幾年嘅生日飯都喺德美食，地點夠方便，坐得舒服，最重要係食物質素一路keep到水準等左陣位就入得，8:15pm左右落單，已經冇晒必叫嘅玉子燒同蟹子沙律，於是試左大蝦刺身沙律，大蝦新鮮，刺身都有好多塊，面頭堆橙色醬食唔出係咩黎(似係紅蘿蔔),都算夾嘅。平時叫開牛舌串燒，今次試薄身嘅鐵板牛舌，都好食！鵝肝帶子卷，帶子狂表示如果換轉帶子係原粒&鵝肝細舊小小會開心啲🙈第一次食海鮮鍋，足料好味！天婦羅都炸得好，份量足！