德聲海鮮酒家

營業中

休息中

$108 片皮鴨一食🦆終於衝出北角，一行六人去咗柴灣，街方酒樓。六個人五個餸，其中兩個仲係80+90+高齡人士，戰鬥力驚人，竟然食得晒所有嘢😆勁呀片皮鴨大大份，仲連肉切俾你。問夥計叫唔叫片皮鴨二食，佢話要加$80 ，好老實同你講唔抵，情願叫我哋叫多個餸😋好老實，因為小菜都係$70至$90左右。😂所有餸菜，都大大碟分量十足👍🏻不過係地點遠咗啲，唔近嘅地鐵站。推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7.5⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：7.5⭐️價錢（10⭐️滿）：7⭐️服務（10⭐️滿）：7.5⭐️地點（10⭐️滿）：7⭐［德聲海鮮酒家 (柴灣)］📍柴灣柴灣道365號漁灣邨#晚餐 #晚餐吃什麼 #晚餐時間 #食飯 #推介 #美食 #美食推薦 #美食日記 #dinner #dinnerideas #dinnerrecipes #dinnertime #foodgasm #homemade #hkfoodshare #discoverhongkong #hkeat #eeeeeats #foodiegram #instagood #wi

住咗柴灣多年，開業至今都未嚟過，今日冬至試吓，竟然有意外驚喜，套餐好低食，雖然要咗半席，但係份量都好大，材料好新鮮，味道都不錯，結果都係要打包，員工招呼好好。我會再幫親，以後飲茶多個地點選擇

呢間酒家之前試過飲茶，晚飯就未試過，最近見到做promotion，就入去試下，叫咗個【西蘭花炒龍躉球 】 個龍躉球大大件，好有口感，味道都很好， 有魚嘅鮮味 ，【芝士龍蝦伊麵$148】 ， 味道一般 ， 比喺出邊嚟講，佢個芝士味唔太突出 ， 整體嚟講可以接受 ，而【重慶麻辣雞煲】， 叫咗半隻雞【中辣】， 味道非常惹味，2人埋單$378，算抵食....仲食唔晒要打包攞走， 其實佢哋除晚飯小菜外，見到另外一邊有得打邊爐， 有機會會再試下， 但見打邊爐好早收檔， 所以下次去我諗要早啲去呀

比人點既食物一樣都無 我零願出銅鑼灣食雞煲！食物唔新鮮 帶有血腥味，不好吃 連肥牛都無 真係救命，我只好講無下次無下次無下次 千祈唔好貪近 方便話需如此 有一樣可以讚 隻雞件好味 滑同新鮮 還是可以

打去問打邊爐到幾點 同人講到11點幾 寫明2130後入座$108位；2145到 話唔接客 無火鍋呀姐叫去搵經理 3個坐係度話無呀 無的食咁樣做生意？ 趕客就有特登坐特士去食 去之前仲打去問 好過分

大约兩星期前，去柴灣漁灣村探訪兩位老人家。在他們的家裡，坐到大約黃昏時間，便和兩老外出吃晚飯。由於本人好小去柴灣，对區内環境不熟，便與兩老去了他家附近的德聲海鮮酒家。但求他們吃得開心，吃後可以方便送他們回家。由於是屋村酒家，本人對裝修，門面亦不會太高要求，但求環境企理，整潔。誰知一推開玻璃門，竟是惡夢開始。屋村酒家，裝修平平無奇是正常。我們選擇坐在地下樓層，方便老人家出入，我們的位置比較靠近廳中間，可看到廚房位置。正當和兩老準備坐下。突然在眼底，竟然有一團黑影在緩慢移動，my god!!!竟然有數量六至十隻老鼠在附近地氈上嗅着。大小如同兔子，接近花貓大小。這是本人人生首次親眼目睹可以有咁大隻老鼠。牠們完全不理人類，只顧自己在找尋東西，身體肥胖，動作緩慢。天呀！怎吃？？看到這團黑影後，不期然望向廚房入口位置，竟然也有一團黑影在圍着開會，粗略估計，超過十隻，體積和附近的差不多大小。寫到這裡，回想當時，真的毛骨悚然。之後馬上和兩老，離開這地獄環境。在步行差不多到門口，有一個放甜筒的雪櫃，突然有兩三隻大老鼠從櫃底走出來歡送我們。本人保守估計，在廳面小小的地方，已出現了超過二十隻老鼠。未計廚房重

同朋友想搵打邊爐食，但佢地想上酒樓食唔想去熟食中心，見到呢間德聲，見佢有得打邊爐，咪入去試下囉。點知啲食材 無論肉食定素食，都係梅既。牛 豬 羊肉食落口既口感好似俾人咬左成個鐘既香口膠咁，味道仲要有種形容唔到既怪味。自取火煱配料如 牛柏葉果啲 竟然未溶雪 仲係一大舊咁結住冰，調味料 豉油果啲 有一陣說不出既伏味。仲有一啲熟食如豉油雞翼果啲 隻雞翼竟然係凍既仲要未熟。我坐低食左30分鐘 真係忍唔到落去埋單走左，我發誓我以後都唔會再踏入呢間野半步。因為啲食材同服務態度太侮辱食客！

由於工作忙，為左爭取時間，所以我去了工作附近的酒樓叫外賣蒸飯，估唔到好有驚喜，一方面夠平（每碗$19），而且份量十足，睇落好細碗，但食落啱啱好。三種蒸飯全部試過曬，包括：咸魚蒸肉餅-咸魚雖小，但好夠味，好香，肉餅沒有太多肥肉，好好味；北菇蒸滑雞飯最好賣，雞夠滑而且啖啖肉；煎蛋牛肉飯-牛肉夠軟滑，好好味。如果想買到蒸飯，12:00前才容易買到你喜歡的款式，如果1:00才去，可能已經全部賣曬。後來我在早上返工前買定，下午叮返熱，一樣咁好味😆。

呢間酒樓真係好差！日前我去呢間酒樓諗住食飯飲茶，點知D茶原來由客人飲剩D茶再俾我，仲要係斟D涷水落去！真係好唔衞生。而且裝修陳設比較簡陋，廁所都好臭，好似冇清潔。D野食又唔係咁好味，真係好令我失望！

今天去柴灣睇醫生， 上次去試龍悅，中伏左， 所以決定行遠點試我地搭車去左柴灣漁灣村，發現有間矮樓，掛著酒樓招牌，所以大家話不如試下😜好多張點菜紙，睇到眼花撩亂最後我地點左一個套餐： 德聲蝦餃皇， 咕嚕石斑塊同瑤柱福建炒飯，宮廷桂花糕，再加點雪菜火鴨絲窩米宮廷桂花糕：甜度適中， 不過杞子同柱花都偏少蝦餃皇：全隻都係蝦，不過蝦唔太爽，皮薄，都有汁d餸同炒粉麵飯，陸繼送上，碟碟都大碟，勁足料咕嚕石斑塊：石斑塊炸得香脆，配上蜜桃感覺新鮮，青椒炒的爽脆，不過洋蔥好生，好辣，芡汁太稠，好像漿糊瑤柱福建炒飯：又是大大碟，有翠玉瓜粒，多蝦，多雞肉粒，多草菇粒， 紅蘿蔔片，瑤柱碎配蛋炒飯，不過食落會發覺d飯好嚡，唔太好食雪菜火鴨絲窩米： 不是一窩嘅？！送菜的話係咁㗎啦！不過這是最好味的一碟， 米炆得入味， 米粉又唔會黏埋一舊或一條有味一條無味情況，燒鴨肉同雪菜都很很多

柴灣街坊的茶樓，同一位置由30年前的漢寶酒樓飲到現手德聲，充滿回憶。德聲早茶價格優惠，三個人點五、六款點心，連茶錢埋單不過八十多元。始終老街坊多，多長者光顧，人少要搭檯。早茶可以，晚市麻麻。蒸飯好味，懷舊。蝦餃一般。雞包仔紅棗糕補身

外貌似屋村酒樓，但內裡裝修都幾四正新淨，比預期中好小點十頭，中大點$18左右，特點$22，茶錢$6點心即叫生蒸，所以要等幾耐吓，而且又有漏帶。蝦餃飽滿大大粒，叉燒包個包發得好好，餡多。特點蝦角就細粒咗少少。腸粉比較黐。燒賣細粒，小籠包勁醜。龍躉頭蒸飯，$98，份量好多，足料，味濃。

今日去漁灣村同婆婆食飯，嚟到呢間門面裝修也不錯既酒家服務態度都好好，雖然好多人，但好快就入得去坐，因為婆婆行動不便，經理仲好細心安排下層近電視位比我地。呢樣值得讚既。我地四個人一共叫左五道菜，包括有咖哩粉絲蟹煲，鍋貼小唐菜，懷舊西檸雞😂，富貴黃金福袋，粉絲元貝。咖哩蟹 蟹既size都算大隻，( 曾經試過出去其他酒樓食 又細隻又無肉) 黃金福袋，原來入面有肉有菇有菜粒，好有驚喜！元貝 估唔到都幾大粒，so far呢間野既海鮮都幾好，起碼食得出係新鮮既鍋貼小唐菜入面有蝦肉同菜，都幾有口感既，呢道菜師傅炸得太脆怕熱氣同都太飽，所以食唔晒西檸雞唔錯唔錯！酸酸甜甜！勁開胃

今日放假與母親大人到柴灣德聲海鮮酒家飲下午茶，叫了一碗好耐無食過嘅燒鵝瀨粉。抱著期待嘅心情，點知……瀨粉湯底淡而無味，燒鵝凍冰冰，皮韌肉“鞋”，完全無鵝味，一個字【差】！非常失望！

說話上星期同朋友行過佢門口見到有$88龍蝦，其實之前係x香食過幾次，都係去杏花邨果間，但真心整得好求奇，所以今日去左依間試下，入到去坐低發覺冇乜食客，心諗會唔會中伏呢....睇埋菜單先知，佢有好多款特價美食，有魚有龍蝦等，但原來睇人數再限款式，例如我地3個人只可以選其中一款，不過冇限數量，一致決定一人一龍蝦！再點左一個肉同一個西蘭花蝦球，蝦球好新鮮，好爽口，個肉唔記得乜名喇（佢d菜名好怪）但酸酸地，用黎餸飯一流。到龍蝦上枱，無論賣相，香味，大細甚至溫度都完勝x香，好有誠意！最後可能客人唔多，侍應們都好nice，龍蝦上枱後攞定茶比我地洗手，侍應哥哥又走黎好客氣問我地需唔需要刀叉，唔似大集團班人十叫九唔應再比面色你睇（係杏花邨遇過）。唯獨個洗手間拍得住茶記...入完去扣晒分，但東區既朋友可以去試試。