德記山水豆腐花

營業中

休息中

自駕遊大嶼山一日遊，由早到黄昏，一路食一路行，專登係每個地方食小小，食到「收工」為止，可以盡量試多啲美食。其實呢啲小店，食啲小食真的無乜好講，但係呢間主理人嘅態度.同食物嘅價錢，真係令我『刮目相看』，而佢哋仲要喺「佛門」內開檔，真係阿彌陀佛。入去「心經簡林」時，見到好多間都係食「豆腐花」，行完出嚟，諗住整返碗之餘再啪啲小食，遠見嘅間門口有個阿姐喺炸嘢，咁咪去睇下，咁我哋揀咗～魚蛋串，墨丸串，同司華力腸，我女友指住串魚蛋，問佢呢啲係咪炸架 ？姐姐話，可炸可不炸，再加重語氣問，咁係咪炸？我話係，咁我問～我哋唔可以入去座？同埋係咪人去等？佢無回應，炸左前後唔夠十秒話「撈」果三串野俾我哋，我問幾多錢？佢話～$90，真係打咗個突，三串咁嘅嘢$90？咁佢都炸咗，我講乜都無用，唯有入去座低慢慢食，入到去再叫二碗豆腐花，幾錢都好，都唔差佢～每碗$22，二碗$44。跟住我周圍望下，好似除咗豆腐花，其他嘢「好似」係無標價，真係任佢『劏』。其實對住呢啲咁有「性格」嘅老闆娘，同天價食物，仲邊度有心機理佢好唔好食。串物加豆腐花～$134今餐對我嚟講嘅價值係～$0，請我都唔會再嚟第一你嘅然收咁嘅價錢，最起碼『笑面

出品唔得，食物質素和味道较差。叫左一碗牛肉米粉48蚊，裡面的料少之又少，得兩片肉，而且牛肉唔係正常的口感，明顯係做過處理。d野貴都算啦，分量仲超級少，連一個細食既女仔都食唔飽。服務態度亦非常不好，無服務意識，顧客的合理要求都會拒絕，換雙筷子都好大意見黑曬面，堂食拿多只碗要收多一蚊，係我人生從未見過。可能因為係旅遊點的餐廳，感覺係以只做一次性生意的方式經營。其實旁邊的昂坪市集好多選擇，性價比都會更高，供各位朋友參考，希望可以避雷，令更多人唔使受無謂氣，出來玩最緊要開心。

餐蛋公仔麵（個麵益咗用好重味粉）茶葉蛋（正常）涷咖啡（無咖啡味少奶冰水）魚蛋及燒賣（燒賣唔熱）開遊客區、絕對影響香港美食之都個名、價錢已經離地、呢間餐廳製造食物就只係浪費食物🤬🤬

黎寶蓮寺拜完先人拜完神佛，原本想去齋堂食返餐，點知4點半就關門，遲左🥲咁喺出面食，見到幾間，入左呢間德記（因為門口近，費時行咁遠。點知，中左伏😭😭豆腐花22蚊碗，感覺水多左啲，豆腐花量少，味道普通，冇乜豆味，話佢好就肯定唔係，差又唔算太差，貴又唔算太貴（始終係景區），中下啦。問題係啲吉吉串，叫左條司華力腸，同一串炸餃子，佢地翻炸黎過黎，total109蚊😱😱😱原來2串炸野就要65蚊，仲要係翻炸又唔好食（真係難食，夾硬食都食剩一舊餃子半串司華力😡😡），唔叫都叫左咯，怪自己白痴，唔問價。以後上黎寶蓮寺，都係睇清楚先好食野，呢間更加唔會入去食🤬🤬🤬

今日難得上大佛，見到一間充滿懷舊風味嘅士多，心諗不如入去試下。點知真係中哂伏，完全係一個錯誤嘅選擇。首先，48蚊一個餃子面，呢個價錢係有啲貴，好食就話姐，但問題係唔好食。最令人失望嘅係啲面發脹哂，完全冇口感。再講餃子，居然得兩粒，而且仲要細到同普通嘅啲湯圓差唔多大！更誇張嘅係，呢兩粒餃竟然係凍嘅！呢種質素真係無法接受。雖然店內嘅兩位老闆態度仲算ok，服務都做得唔錯，但係食物嘅質素真係完全不敢恭維。如果唔係我同朋友一早冇食嘢，肯定唔會選擇食呢間。呢次經歷真係令我有啲後悔，我勸大家如果見到呢間士多，千祈唔好因為外表吸引而入去食，留返啲錢下山食啲正常嘅嘢，肯定會比呢度好食得多。

遠離城市，去鄉郊旅遊地區就預咗啲物價相對貴啲，剔除價錢問題。其實都係普通咗啲🥲😅就係一碗豆腐花配上一小小嘅糖漿，冇得自己調較/加糖嘅份量🥲不過都有好嘅地方，就係咁熱嘅天氣 都有得食凍豆腐花！

劣評！後一點往昂坪市集或入去食齋的地方，一樣的價錢但好得多，千萬不要因為方便！！點餐已說我要凍豆腐花，但來了熱的又不肯換，沒有香味，只有石膏粉味。加上水多豆腐花的量真的很少！薄薄的豆腐花只有兩三片，薄得可以浮上水面，基本上只得糖水。普通豆腐花$20。服務態度差，在門口看著的時候還好好的，下了單收了錢就愛理不理，令人氣憤。

趁長假期到昂坪一遊，見到呢間食店，就入去坐下。原本想享受地道小食，點知有唔太愉快嘅經歷首先講下員工嘅態度，無論係入面賣豆腐花嘅阿叔，定係外面賣點心嘅阿嬸，對食客完全無冇禮貌可言，講嘢語氣又倔又寸。價錢方面，明白旅遊區係會貴啲，但一碗豆腐花要20蚊，即食麵都要40蚊，服務同環境都唔應該做得咁差。如果大家想去郊遊有美好嘅回憶，就千祈唔好幫襯呢間食店喇！

德記山水豆腐花嚟到昂平一定要試山水豆腐花，我求其揀咗一間去食，叫咗一碗山水豆腐花同一串雞塊！1.山水豆腐花$20（7/10）呢碗山水豆腐花得山水真係有d唔同，豆腐花好滑，但係豆味唔濃，仲衰過荃灣7蚊一碗豆腐花，我都知旅遊區一定貴，但都要好味d呀嘛，特首話要說好香港故事，連相機食先都要寫住「No Photo」，我唔理照影相，免費幫你宣傳都唔得，傻咩？！2.迷你炸雞塊$25（6/10）呢串迷你雞塊得4舊，仲貴過M記嘅麥樂雞 @mcdonaldshk ，雖然即時炸比我睇，但M記人地又厚又大舊，我以前覺得M記麥樂雞難食咗，依家原來仲有比M記更難食嘅雞塊，沒有最差，只有更差！2人總共價錢$45個人口味總評分：6.5/10地址：大嶼山昂坪路天壇大佛入口處對面Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#德記山水豆腐花 #大嶼山美食 #山水豆腐花 #迷你雞塊 #相機食先 #hkfoodie #hkfoodblogger #hkfoodpic #hkfoods #hkfood

大家嚟遊客區都預左食野價錢貴、諗住快快脆脆食完就上大佛拜神。店內價錢顯示非常神秘、當時想叫一隻雞髀。 問佢價錢幾錢？、佢唔答、問咗三次都唔答。問極都唔回答咁最後我都蠢咗叫左一隻，因為心諗點都唔會太離譜嘅。最後埋單，點解叫咗兩碗豆腐花、一碗得五粒嘅燒賣、同埋一隻滷水雞髀 要$125 ！ 問佢幾錢原來一隻雞髀要$65！！！！唔怪得知問極佢都唔敢講個價錢喇！真係好過份！食到一肚氣😤

本來都唔諗住唔寫，免得情緒波動，但始終深心不憤！人家開開心心越洋而來郊遊，逛逛大佛逛逛心經簡林，在附近銷費刺激一下經濟，誰知遇上錯的人，走到錯的食店。四眼綣毛嬸十問九唔應，黑口黑面無表情，真係想掉頭走！幫襯完支烏龍茶再食碗豆腐花，再買多支烏龍茶帶走，埋單比錢多謝都無句。眼見眾多行山美少女經過，仲有兩位性感俄羅斯美女坐在樹蔭下食甜筒，心情平伏舒暢了很多。山水豆腐花，陣陣薑汁清新味道，不過落太多糖水偏甜，滑滑凍凍透心涼，最衰無得自助加糖水薑汁黃糖。

一直想去大嶼山既＂心經簡林＂，今天終於搭上昂坪360（因為重開網上訂票有半價，仲有寶蓮寺$20小食現金券送👍）去到大嶼山完左心願。😁回程當然要去吃一碗這裡出名的山水豆腐花啦，今天非假日所以營業的茶檔寥寥可數，這間「德記」就在前往昴平主要交通的大路傍邊， 這條路還有很多牛牛在吃草和HEA...😂。 「德記」可以話係佔盡地利優勢。見入面都有十幾個客人食緊，心想都應該ok掛。🤔入去坐低點左二碗豆腐花，上枱個樣正正常常，薑味糖水用匙羹裝住，豆花彈彈下睇落好滑，點知入口完全沒有豆味，只是滑嘟嘟，有dd糖薑味，黃沙糖自己加但完全冇甜味，咁都收$20一碗真係好深利潤，人地休息佢開門抵佢賺，唯有當做善事吧。😖

我諗大家嚟得依度 都係因為無得揀豆腐花正常發揮 見啲人話稀我覺得仲可以接受 味道都正常發揮 不過不失隻雞翼先嚇親我問落先知 要$35一隻唔怪之得唔寫價錢出嚟因為咁嘅價錢一定經過行過唔駛旨意幫襯唔知佢租金如何但開係寺廟隔離 我都好驚訝佢暴利嘅程度

大年初一原來想食搵個齋食係唔容易架！所以最後我地食到碗熱騰騰嘅麵已經滿足🤫係冇選擇之下試呢間「德記小食」！我梗係揀啲穩陣野！彈牙魚蛋麵$50賣相係正正常常，但碗麵嘅size係mini😂魚蛋美味しい！公仔麵係出前一丁！可能係又凍又餓嘅關係，所以覺得都幾好食😅餃子麵$50食呢個餃子麵嘅朋友對餃子冇留下啲乜comments😅我就眼所見隻餃子就麻麻地啦😂簡單來講：有得揀唔會揀呢度😜

昂坪呢個香港景點，搭昂坪360纜車上去的話，一出纜車站就會見到昂坪巿集，嗰度都有d小食店或餐廳沿路會經過纜車探知館，同去大澳既巴士站再沿路行，就好快會去到天壇大佛而德記，就喺天壇大佛門口既斜對面，絕對啱晒行左昂坪一陣之後，坐低歇歇。呢度唔同昂坪巿集入面好遊客區既格局，環境係好地道既舊式老派小店，見呢度d招牌突出地sell佢既所謂自制豆腐花同石磨芝麻糊就試左呢2樣豆腐花 18蚊(外賣+2蚊)唔係難食，亦唔好食其實可以話...無。乜。味!尚算好在佢都算滑既芝麻糊 23蚊(外賣+2蚊)唔算好香好濃略甜不過都唔叫太差既呢度既價錢，比起其他地方，算貴!味道都麻麻!之不過，作為景點遊客區入面，當係一個地方俾遊客體驗到一d比較地道既環境、小食佢唔算難食，都算係咁架啦總好過係遊客區入面食Isxx isxx雪條呀嘛基於呢樣，我覺得佢都值一個笑評既😊