德運豬扒車仔麵

營業中

休息中

今日食三餸麵， 完全唔辣， 問服務員攞辣椒油， 竟然拎一包大家樂嘅辣椒油畀我！服務極之差， 男服務員 個口罩只係帶一半完全冇味道， 從來未食過啲咁清淡嘅嘢建議食辣人，千祈唔好去！ 否則極後悔。

鋪位比較窄長，坐得吾系幾舒服，環境用行過幾部果間差得遠。招呼算吾錯同表面幾有禮貌咁細間鋪有一格廁所都算系咁，而且都算乾淨。豬扒牛丸豬皮米粉（$44）3分- 豬扒要加5蚊，當然系車仔麵檔吾一定有，有都差不多要哩個價錢，值就吾值得，一個餸加5蚊，等於差不多一塊10蚊。但好在系幾好食。- 豬皮就爽口但有油益味，- 牛丸正常- 湯低比較鹹情懷四寶（$30）2分- 韭菜比較靱，基本放棄-豬紅正常- 大腸有部分洗得好似吾系好乾淨，有小小味- 蘿蔔好”淋”-

平時經常都會經過呢間餐廳，但係由於門面唔多起眼，再加上佢旁邊有幾間大集團，要食都會揀隔離嘅嗰兩間，所以一直都冇留意到佢，直到有一次有個朋友講，話呢間舖頭門面雖然古古怪怪，但係食落啲嘢又幾好食，所以今日就一於去試下。點解話佢門面古怪呢？因為佢個招牌有紅紅綠綠咁，有啲老土。 鋪頭嘅最出名係幾款麻辣酸米線，包括有豬扒、手撕雞、豬大腸等等幾款，每款都係四十幾蚊，估唔到佢麻辣得嚟又幾香，而且味道又唔係太辣，幾啱香港人口味，另外一款小食脆香墨魚丸都好好味，用孜然粉嚟炸，好香口。 不過伙記成日都落錯單搞錯嘢，大家容忍下。

由於疫情關係，近年已減少了外出食飯。但剛巧這天較熱又太肚餓關係，唯有冒一冒險吧。在佐敦的白加士街，直的有很多食店，但我今天想吃麵食的，所以便集中選擇麵店。當我細看下，我被這間豬扒車仔麵店的招牌吸引了。$39有三餸，仲連飲品！？當我進店後，我真的看傻了眼，有這麼多款餸，叫我怎麼選擇才好呢？當我發呆之際，突然有很多客人從四方八面涌入來，有些是堂食，有的是外賣，但都有個共通點，就是叫了米線。我心想，這間不是車仔麵店嗎？為每位客人都'識途老馬' 般的點米線？好吧，就試一試米線吧。我點了最愛的蘿蔔及廚師腸，再加了店員推介的手撕雞米線。當我試了一口米線，我發覺真的很特別，就是特別的有嚼勁，不會太淋，又不會太硬， 烹調得剛剛好。我有很多時外食都會點米線，但就真的第一次吃到這種有嚼勁的米線。再試下手撕雞，發覺用了很足，不會將價就貨。蘿蔔很入味，而廚師腸就不作特別評論。 究竟是在烹調的手法上下了什麼功夫？還是米線的牌子呢？在好奇心驅使下我問店員，為何這裏的米線怎麼特別。 原來這裏的師父會先將米線煮到六成熟，撈起後用毛巾包著焗一段時間，讓熱力將米線焗熟，所以令米線的口感這麼特別。最後的總結，在店員的極力推

咪睇白加士街依間德運豬扒車仔麵舖仔細細，路過見到唔少街坊、打工仔都會嗌外賣，證明佢真係有番咁上下「食」力！睇睇menu有唔同選擇，可以睇番自己糧頭定糧尾去揀。見佢推介「魅味炸豬扒」仲可以以另上，隔離枱個個都有嗌，決定剔嚟試試。除咗豬扒，我仲叫咗牛丸、豬紅同菜心。牛丸夠彈，豬紅新鮮唔腥，好滋味。秘製酸菜湯底，夠香夠濃真係無得輸！重點當然係佢個「魅味炸豬扒」，豬扒腌得夠哂入味，炸得香口但又唔會乾哂變豬肉乾，仲可以選擇另上，咁就唔怕浸係湯到太耐唔夠好味啦！

呢排想搵好食嘅車仔麵，都一連試左幾間。呢間有豬扒係個店名，唔使問招牌菜一定係豬扒。叫四餸，豬腸，蘿白，金菇，豬扒，米線。加杯走甜嘅凍檸茶。金菇唔comment，豬扒係招牌，唔算厚，鬆軟，食得出係美極醃味，係okay唔錯嘅，但未算好好好好食。蘿白甜又淋，無渣，好食。豬腸就差啲，因為我食到有幾舊有少少少少粟味。如果無粟味，係好食嘅。個湯底麻辣醬汁好濃郁，當然唔係去到四川麻辣嗰隻，但以車仔麵黎講絕對合格有餘，好啱重口味嘅我，佢本身唔會校到好辣或好麻。我杯凍檸茶係走甜，但一飲就知係有甜，不過佢係少少少少甜，我趕時間又基於還可接受及唔浪費食物，無叫佢再換過。我坐低時見佢貼住張消費卷有7折嘅單張，咁埋單嗰陣就問係咪有7折，店員話過左期係要搣，我就無再追究。因為我行入去嗰下係無見到張單張，我落左單抬頭先見到，7唔7折唔影響我叫幾多野食。但我出左門口再望，佢係有貼係門口，有行細字寫明去2021年12月31日。都過左7個月，講真，要搣走有幾難？仲放係度，有咩用意？希望店方處理下，唔好引起誤會，真係會有人俾呢樣野吸引左入黎。一定會再食，豬扒雖然唔差但就未必吸引到我再叫，會試其他餸。

✨麻辣手撕雞肥牛撈麵$42上枱賣相都幾吸引，見到成兜紅色以為好難食落又唔算辣🫣不過麻香味濃😍手撕雞不算辣，有麻味，幾好肥牛鹹度適中，冇乜雪味😚最欣賞嘅係肥牛唔會太多肥肉。啲餸都OK，衰在個汁🥲所謂嘅汁我只食到成口麻辣油😩想撈埋佢都唔掂啊！勁多辣油🫠最後忍唔住想叫佢換過個麵俾我。個廚師竟然同我講麻辣就係咁！我同佢講都冇理由成兜都係油！佢諗咗諗話係辣油加牛腩汁。我叫嘅明明係撈麵。真係接近成個湯麵咁。汁有成半碗？點撈？好無奈最後倒減啲油加啲清湯變麻辣湯麵食🙄評分:6/10✨光速三寶麵$38抵食之選。有廚師腸、蘿蔔同雞中翼。評分:7/10✨炸豬扒牛肚車仔麵即炸熱辣辣😍好味又煙韌點車仔麵配炸豬扒嘅話有3塊豬扒 值得一試評分:8.5/10📝整體而言:除咗個撈汁，其他野味道都正常。另外個人手畫單的餐單指示都有啲唔清晰，冇寫車仔麵餐幾錢，只係寫加餸要加幾錢。另外有啲餐紙冇得畫的餐，老闆娘叫我地照圈，結果個員工又話我地圈得吾店，最低消費要2餸一麵。到最後我哋指左個餐牌俾佢睇，佢先話OK可以落😵‍💫😵‍💫。

監房尋晚搞聯歡，散場後師傅見有啲肚餓，於是乎返去自己個環頭，睇吓有乜好食。當時已經10點過後，大部份食店都準備或已經打烊，本來想食碗米線，結果全部關晒門，忽然靈機一觸，醒起呢間食店，其實師傅都想光顧一段時間，見佢仲開緊門，就一於去會一會佢。入到去食店都冇乜人，其實都正常嘅，當時時間大約係晚上十時一刻。入到去坐低後，即刻睇吓有乜食，攞張餐紙出嚟睇下先，嘩好似好多嘢食咁，師傅又鬼咁死餓，於是諗都唔諗就柯打左幼麵、豬皮、豬紅、豬腸、蘿蔔、牛肚，諗多陣再加多個午餐肉，要辣湯底同牛腩汁，再走蔥。等咗一陣，六餸車仔麵就擺咗喺師傅眼前，鬼咁肚餓嘅師傅當然即刻食，先飲吓個湯底，發覺湯底係辣，咁當然係辣啦，師傅柯打辣湯嘛，但點解會係麻辣？其實張餐紙上係有得揀麻辣同辣湯，師傅明明係揀辣，到底係佢比錯定師傅味覺出錯呢？即然係咁，唯有照食，湯底辣係幾辣，但麻辣唔香，偏咸少少，加上比較油膩，師傅就唔太鍾意。再睇到碗車份麵，嗰份午餐肉竟然係得半件仔，但係就收$9一份，似乎呢個份量有啲貴。先唔講個餐肉住，講下個蘿蔔先，蘿蔔切得幾大嚿，一碗有三舊，入口夠腍，可惜有渣，清湯蘿蔔，講真有渣呢下真係扣唔少分。再試吓豬皮，豬

經過佐敦，突然想食車仔麵， 在openrice search 下， 見有此車仔麵， 看評分都唔差， 門面都ok. 點知食完中伏。炸豬排， 牛腩， 牛肚，爽脆豬耳， 配沙嗲汁粗麵。炸豬排， 如煎， 不脆炸， 豬排唔夠林。牛腩好煙韌， 難咬。牛肚， （又話3隻推介），點知 冇味爽脆豬耳， 係爽， 但又係冇味。沙嗲汁唔夠香濃粗麵質素又唔好， 唔彈牙👉👉👉菜。。。冇貨 咩菜（生菜， 菜心，金菇。。）都冇。紫菜。。 聽到廚房叫員工去男厠取包紫菜， 聽到都嚇死。🙉🙈🙊😰😨總評：車仔麵質素普通。＜ 4分＞衛生： 見員工執枱，沒有特別用火酒或清潔用品清理枱， 只是用毛巾抹， 沒有洗， 抹完放在煮食廚房bar 枱， 嚇人。 ＜3分＞🤬食完今次， 下次一定唔會再食。 😫😤

📍 德運豬扒車仔麵______到訪不同高級餐廳固然開心享受，但在大街小巷尋到價廉物美的美食更令人有滿足感。這日和好友預約了久違的美容療程，還有時間當然先祭五臟廟要緊，看到此間小店用上豬扒作招牌和店名，就且試水準如何。無論是咖喱豬扒，焗豬扒飯或滑蛋豬扒飯或甜豉油炸豬扒飯，我都喜歡！炸豬扒配車仔麵的配搭反而少見，一上桌不用先入口已知這炸豬扒有質素，火候剛好。一食果然肉質不會過乾且沒有使用鬆肉粉還有豐富肉汁！水準之作！配上麻辣豬耳，豬腸，滷水冬菇等等，食得過癮。再來一口冰凍檸樂，完全驅走雨天的悶熱陰暗。和老闆聊天時得知晚市生意淡薄，多口一句建議餐牌中可加上甜豉油作港式豬扒飯，原來他們已有煎蛋豬扒飯，麻甩但我喜歡！有心思的話還可外賣回家做成豬扒包呢。說到底，在經濟不景之時，飲食業還是需要大家多多支持！______車仔麵配料 $9-$18麻辣豬耳 $26______📍 德運豬扒車仔麵 (佐敦)佐敦白加士街83號地舖

今次係佐敦做完野，收工想食啲香口野同車仔麵，👦🏻就同同事們去左「德運豬扒車仔麵」，睇吓佢個豬扒好唔好味先！🌟車仔麵今次👦🏻就嗌左4個餸，分別係炸豬扒(招牌👑)、豬大腸、肥牛同牛腩。炸豬扒外脆內軟，炸到金黃色👍👍，豬扒好有咬口，唔會話太硬身，醃得都夠味。牛腩醃得夠味，彈牙，咬落口唔會痴牙，肥瘦均勻😂，至於肥牛同豬大腸就不過不失。湯底揀左沙嗲湯底，好濃花生醬味，炒得好香，值得推介👍。

聽朋友介紹德運車仔麵，決定點都要抽時間去試吓地方唔算大，但食物有水準一試不得了，魅味炸豬扒真係即叫即炸，可選另上，一上枱熱辣辣，又好juicy，超級正食物款式方面都好多選擇，今次叫左豬扒，豬皮同手撕雞河粉+凍檸茶，三款食物都大推，真係超級好味，難怪午餐時間要排隊*下午茶時間三餸麵勁抵，下午茶時段去便宜好多

前幾日經過佐敦，同屋企人食咗間幾抵食嘅車仔麵。我叫咗米粉配沙嗲汁，餸就叫咗餐廳招牌嘅魅味炸豬扒、仲有沙嗲魷魚、豬皮、豆卜同魚腐😆 落單冇幾耐就到，車仔麵好大碗，熱辣辣嘅豬扒新鮮炸起，仲可以另上，keep到鬆脆，入口鬆化。沙嗲魷魚同豬皮都好入味，魷魚份量好多，大約有六到七件，豬皮好大塊，吸收晒沙嗲汁嘅精華😋 魚腐彈牙，每樣餸都好好味😋另外叫咗小食，炸真墨魚丸，墨魚丸特登剪開左再炸，加埋椒鹽粉好香口😆😆

✦ 袐製酸菜、豬扒、滷水雞翼、魷魚、墨丸米線去德運豬扒車仔麵，除咗必食袐製豬扒，仲要必試酸菜，酸菜係整個車仔麵嘅靈魂，將整個麵帶去另一個層次，酸菜酸味十足，又帶點微辣，甚少有車仔麵會加入酸菜呢種配料。德運袐製豬扒亦非常出色，炸得好香脆，入口鬆軟，推介必點。如果怕炸豬扒變淋，可以選擇另上👍🏻非常貼心。咖喱魷魚亦係另必試嘅車仔麵餸，每片魷魚沾滿咖喱汁，真材實料；滷水雞翼亦非常入味；墨魚丸彈牙。✦ 手撕雞、牛筋腩、蘿蔔米線（沙爹汁）沙爹汁鋪滿整個車仔麵，味道濃郁又帶點花生味，每條米線都可以沾滿沙爹汁，唔洗擔心唔夠醬汁；手撕雞肉質嫩滑，牛筋腩有咬口，一絲絲的，牛香味濃；蘿蔔清甜👍🏻✦ 炸墨魚丸 （3粒）🌟推介必試呢款小食「炸墨魚丸」炸得剛剛好，好脆口，上滿鋪了孜然粉，好惹味，係必點小食之一。

我和好友行經佐敦，發現白加士街有間「德運豬扒車仔麵」的食店，裝潢美觀別緻的格調，環境相當不錯，好友話要進去見識下精美的美食。店入面裝潢有格調，地方不算很大，環境舒適，乾淨整潔。我選擇外賣，晚上去時比較多食客購買。店內佈置優雅，美食的款式很多，周圍更添置充滿風情的藝術格調。食品類型已貼在店中，十分吸引途人的目光，客人可以方便留覽，選定食品才到店舖購買。餐單上設有多款菜式選擇，美食當前無法抵擋，放縱一下自己，美味的食物，我都很鐘意，價錢很相宜。我點選了幾款食品，分別是魅味炸豬扒、自家滷水雞翼及司華力腸等，帶回家中慢慢品嚐。魅味炸豬扒秘製魅味炸豬扒鮮嫩彈牙，軟硬度適中，一口咬下去精髓來，實在爽口感覺，香氣四溢，味道可口，饞嘴的我很想Encore。自家滷水雞翼雞翼好足料，帶出滷水味，唔會韌，咬落去啖啖肉，食落嫩滑，彈牙爽口，吃得滿足，不能抗拒它的誘惑。司華力腸司華力腸熟度拿捏得很好，紮實彈牙有咬口，不會感到鹹味，口感很好，正合我的口味，讓人回味無窮。德運豬扒車仔麵（佐敦）地址：佐敦白加士街83號地舖