德馨苑海鮮酒家 (已結業)

黎到九龍城碼頭呢邊, 其實都唔算好多野揀, 因為都唔近舊機場個邊咁多小店選擇. 如果想食小菜就揀左呢間酒樓食了係廣場入邊算係可以揀得落手既地方.點左 西蘭花鮮由, 栗米雞煲.西蘭花鮮由, 份量都算OK, 幾多鮮由, 都係大舊的. 不過西蘭花有部分就比較生左D, 口感就無咁好...栗米雞煲, 感覺比較乾左少少唔夠濕, 而且雞既份量唔多, 味道真係好一般, 食落去又好似有D白切雞既味道.個栗米雞煲就真係唔太岩自己口味.總體黎講, 小菜味道就一般, 價錢就係可以接受既, 始終呢邊可以選擇既地方唔算多, 無特別期望係有驚喜就ok...

之前食過晚飯，😍免人頭費免茶介，晚上食物質數一般，但係勝在夠平，一家人去食夠抵食，佢椒鹽豬扒+魷魚鬚好好味😋，龍蝦伊麵，龍蝦唔夠香，肉質都唔夠爽，叫咗一食點皮鴨，但係扁皮鴨鮑嘅皮只有半塊，唔同其他酒樓圓形一片，$188一隻一食，算係咁啦，今次試埋佢下午茶下午茶兩點至五點大中小點一律$15左右，下午茶，茶介都好平$7，排骨份量都多，只可惜叫咗一碗燒腩仔瀨粉，但燒腩仔比較少，得五件，不過都好脆皮，還有叫咗珍珠雞，一龍兩大隻，夠味可以試吓服務一般啦，整體都唔錯👍🏻

依家樣樣都貴，想搵早茶孖寶只係廿幾蚊的確唔容易㗎，仲要係星期六日啵今次介紹係翔龍灣嘅德馨苑海鮮酒家，孖寶的確好抵食。 請注意原隻鮑魚燒賣皇@$28.8 (只係星期一至六供應) 小籠包一籠6隻都只係@$9.8, 真係非常之抵，不過小籠包入面啲肉亦都非常之少，主要都係椰菜，而且仲係比較爽口嘅椰菜，皮唔薄，好易夾起，味道都可以，可能同大家認知嘅小籠包有啲唔同，不過呢個價錢嘅CP值都好高。試咗兩款孖寶，蝦腸是最好食的，蝦腸一碟有6嚿，每嚿都有一隻蝦，腸粉皮好軟滑，豉油甜甜地，好好味另外好味嘅都有芋頭糕，底面都煎得好金黃，而且熱辣辣上枱，但個人覺得略嫌五香粉重咗少少和鹹咗少少，不過都好好味北菇棉花雞，棉花好薄而且冇乜味，但雞件就醃得好入味，相比之下，個人覺得蘇屋邨德馨苑嘅北菇棉花雞比較出色見到孖寶點心有特色鴛鴦賣，一定要試，上枱先知原來係牛肉燒賣同鯪魚肉燒賣，都幾有特色，味道ok, 可以一試。最後要提一下，我哋叫咗普洱，我已經將第一round茶用嚟洗咗茶杯碟，但普洱茶仍有霉噏味，建議大家都係唔好要普洱。兩個人食咗5款點心，埋單都係85蚊咋！

約咗家人飲茶，有老有少，前後腳到。攞9人枱，門口阿姐話無大枱，只有6人枱。我哋係7個大人，勉強都坐得落，就照坐低。唔夠櫈，侍應忙，正常茶客都會自己去搬櫈，正常得閒嘅侍應見到都會幫手...但呢度唔正常。光頭侍應做緊嘢經過見到，同我哋講：洗唔洗自己拉櫈呀？！（係責備嘅語氣）食到一半，其中一大兩細臨時放飛機，所以我哋搵經理改茶位。阿光頭侍應埋嚟收吉籠，我哋順便提佢幫手睇睇茶位改咗未，全程唔該前唔該後，阿侍應嘅回應係：「嚟到先加櫈吖嘛！加咗而家又減！嚟到先加都唔遲吖，又加又減我哋夜晚要開會㗎！」（晦氣+責怪）收完籠，返轉頭加水，再講一次！😤究竟食客錯响邊？突然要受你氣？我要9人枱，你得6人枱，明嘅，呢個時勢真係好少有大枱，眼見都拆哂俾搭枱客。如果有張大枱我又何需自己拉櫈？同枱人都係一齊被放飛機，我攞枱嗰吓點知會被放飛機呀？咁減茶位都係正常動作嚟。（如果係卡拉OK咁全行都知人頭數有加無減，我緊係唔出聲啦，但茶樓不嬲可加可減嘛！）BTW，講返句中肯少少，食物唔差，可以講得上大件夾抵食！但就...我唔想再受無謂氣囉！

冬至到此酒家用膳，發現食物及服務質素極差，龍蝦是冰凍食品，完全無鮮味，仲要收310元一份，貴過隔離海港。其它像生炒骨，海参及栗米魚，大陣蘇打粉味，很難入口，服務員又少，落單冇人理會。論評分，仲衰過市面上的兩餸飯。奉勸各位準備光顧的食客，要三思。

這間酒樓位於翔龍灣的商場內，環境光鮮。由於是平日的晚上， 所以晚市只有幾枱，由於附近沒有人坐， 坐下來感覺寧靜，合適朋友傾談。是晚的餸菜點了片皮鴨， 乳豬併盤，白焯蝦，蒸海斑和海味什菜煲，之後再叫了一鍋雞腳湯。以味道而論算好食，中規中矩，沒有特別的驚喜。這𥚃最好的是晚市也是免茶芥加一870元有5餸一湯，平均每人只是145元，真的很抵食。值得一提的是服務也不錯， 可能只有幾枱客，侍應都很主動提供服務和換碟。總結而言，質素對得住價錢，這酒樓算抵食。

眼科前老細在7月21日在呢間新張不久的酒楼，讌請肥華兩夫婦及一班眼科前同事食晚飯，並指定要我肥華點菜，結果肥華懶動腦筋就選擇咗一個$1888元嘅全包宴，因見菜單内有乳豬，龍蝦，蒸魚大家都喜愛嘅食品，至於食物質素及味道，可說好壞參半，個乳豬，燉湯，及甜品桂花糕係超得有A+評分，而篜魚，蒜香鷄，花姿象拔蚌味道尚好有B級質素，至於其餘嘅福建炒飯，上湯浸菜苗，沙律海鮮卷就唔啱肥華口味衹能俾個C级分数呢三款菜，順帶一提唔知是乜嘢原因此酒楼係冇枝裝啤酒供應，就算飲礶裝啤都係得一款籃啤，冇其他選擇，幸好此店隔離有間大型超市顧客可自行購買心儀的啤酒享用，而此酒樓亦有桶提供

一入到來，個部長帶我哋坐4人枱。然後有個侍應走埋來問我哋幾多位?我哋答2位，佢係咁問我哋係咪5位，我心諗你見到有五張凳咩？之後有個經理走埋來叫我地轉再細張d枱，我問佢你哋仲有少過4人架咩？跟住叫我哋坐前d嗰張，又唔係滿座(3成左右)，要人調來調去。個經理話我哋嗰張係4-5人枱wo,我眼見就擺佐4 set嘢啦。新開酒樓，入到去無人招呼，無人開茶，無人俾menu，自己帶你坐張4人枱，坐低哂叫你調枱。人地新開，會走埋來sale下menu,介紹吓有咩食，疫情之下仲有呢啲咁嘅服務的酒樓🤷🏼‍♀️，我去返海港算啦