影片
付款方式
以上資料只供參考, 請與餐廳確認詳情
因為我媽咪住附近，所以分別去飲過早茶、夜晚都食過小菜、打過邊爐，價錢都非常之掋，打邊爐仲百幾蚊任食，酒水又任飲又有雪糕，種類唔算多，但係呢個價錢就唔好咁多要求😂食物味道同衛生情況還是唔錯的，大家都可以去試下
繼續閱讀
今日同個老人家去飲下午茶，平日未到1:45pm都可以入座，今日照樣入座，因為我哋差不多每日都會同樣時間去飲下午茶，今日個侍應居然不讓老人家入座。我覺得酒樓生意咁靜，而且當時得三四枱客，相差10分鐘是否真的要趕走客人，她仲要叫個老人家出門口企到夠鐘為止
繼續閱讀
有多間酒樓揀，就唔會去！好嬲！同上一個評論一樣，就係安心出行問題！如果政府部門嘅地方都咁做，我都服！但唔係囉！想投訴，啲經理都唔理你！覺得自己冇問題！投訴無門，唯有係度講！唔知點樣可以反映自己嘅意見！想比多啲人睇到！等啲人知道問題！公司覺得自己啱嘅話，希望佢睇到客嘅意見！再查下條例啦！嘢食又唔特別出眾，服務態度又唔好。不過可能網上反映都唔會理，啲高層啊，經理啊可能唔識上網，所以唔識睇政府條例，而且又死都覺得自己啱，係唔會改㗎啦！可能要上到東張西望啊連翠，比全港人知先得！
繼續閱讀
本人個安心出行並沒有加入疫苗二維碼, 一向都係安心出行還安心出行掃, 疫苗針紙二維碼另外提供給掃描, 去過好多間食店一直都係冇問題; 直至去到喱一間德馨苑, 我自行掃描安心出行之後出示針紙二維碼諗住喺佢部機度掃, 點知門口個知客唔俾我掃, 跟住話因為我係65歲以下, 所以一定要將疫苗紀錄加入安心出行之後, 從安心出行app顯示出二維碼給掃描並通過, 先可以俾我入去, 仲話喱個係食環署規定, 但見身旁有個類似長者嘅食客都係好似我咁, 但個知客就俾佢入咗, 我同個知客理論話冇一間食店係咁樣, 間間都俾入, 佢就企硬話間間唔同, 總之佢哋係要咁樣; 個知客啲態度咁強硬, 當然我哋梗係走咗冇幫襯啦.......第1, 其實個知客冇check到任何食客身份證, 又點知道邊個夠65歲邊個唔夠? 第2, 我自行上食環署網頁查過, 根本就冇寫明係需要咁樣 https://www.fehd.gov.hk/tc_chi/events/covid19/vaccine_bubble_FP.html 最搞笑係我出入政府機構處所, 例如康文署轄下嘅處所, 都係安心出行還安心出行掃, 疫苗針紙二維碼另外提供給掃描, 就可以進入, 我完全唔明喱間食店/個知客係誤解咗食環署規定, 定係糾枉過正????
繼續閱讀
喺呢度返工成日同啲同事嚟飲茶呢間又要自己搵位嘅我嗰啲燒味呀買 燒味粉麵 都真係幾平20蚊一碗有12蚊有碗蝦伊麵呀係咪好抵呢 好大個自己睇先所以深受村內老人家歡迎好多人好好生意呀啲咪質素ok份量多另外啲炒粉麵飯都幾正呀啲同事呢share食就好最好啦
繼續閱讀