影片
港鐵荃灣西站 B 出口, 步行約13分鐘
繼續閱讀
電話號碼
24161118
附加資料
每日下午6點後小菜外賣自取8折
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
荃灣廣場百老匯戲院附近食早餐都有幾多選擇今次揀咗 心怡雞煲小廚茶餐廳式早餐，沙爹牛麵 三文治待應態度好好我知要慢慢揀 （我好煩，揀野食要好耐）無吹我不特止，仲問我想食包定麵引導我揀🤣仲要好温柔話呢到三文治蛋好厚好正（圖下 睇下厚唔厚🤣）沙爹牛呢方便我已經係半個專家🤣味道一般，不過都掛汁既～二人價錢～～麵餐 $35腿蛋治餐 $32兩個都係熱飲唔洗加錢（因為今日太凍）
繼續閱讀
地方就響荃灣廣場戲院出口對面～餐廳入面地方大，出面有幾張露天卡位～可以帶狗狗黎食飯🐶🐶不過因為小菜館比較多男人黎食，可能會比較嘈同粗魯🤣🤣職員熱情爽快會介紹有咩好野食～價錢唔算係好平但每樣份量都好多～🙈🙈3,4個人黎會易d叫餸～除非兩個都ok大食🤓我特別推薦粟米魚肚羹同黃金鮮魷真係必食！粟米魚肚羹超多魚肚，好多蛋花～超滿足！😌另外黃金鮮魷魷魚新鮮，外層黃金咸蛋黃整得好好唔會甩晒，又唔會好咸超正！
繼續閱讀
椒鹽金錢鱔片 - 平時d椒鹽好少見有鱔片食, 所以今次叫左黎試下. 黎到份量都算多, 但係食落椒鹽味唔夠重, 佢既椒鹽係得炸蒜同埋鹽/蒜鹽, 但係冇蔥頭呀辣椒呀個d ge, 所以略嫌唔夠味. d鱔魚肉有少少少少腥(但係可以接受既), 咁食得鱔大家都預左係有中間舊骨仔. 呢碟算一般🤔下次應該唔會再嗌啫啫通菜煲 - 我好中意食大排檔小炒既啫啫或者煲仔菜系列, 熱住上勁開心🤭最中意食熱辣辣既野! 呢個啫啫通菜煲就好夠味啦, typical ge啫啫味😂! 通菜好掛汁,入面仲有d蝦乾仔同肉碎(有d係肥豬肉有d係瘦肉), 同埋d通菜一齊食都好好味川爆柏葉鵝腸 - 我地都幾中意食鵝腸, 成日去小炒都會嗌, 今次見到平時少見既川爆又試下先! 佢係同埋洋蔥尖椒西芹一齊炒, 隻辣醬係有少少甜甜地, 辣度係bbbb辣, 唔麻既, 呢隻辣味我就唔係中意, 唔係四川個d辣, 係一個對我黎講怪怪地既辣味🤔 但係🧑🏻🦱就話佢覺得幾好食. 講下主角先, 鵝腸係多d牛柏葉係少d ge, 份量都可以但唔算多. 其他配菜洋蔥尖椒都幾好食, 洋蔥雖然未煮到好稔好熟, 但都好甜! 尖椒就周不時有幾隻係堅有辣味👍🏻 (西芹我唔食既就冇食😂) 不過其實d蔬菜都係係咁意炒下, 唔係好入味同埋都係仲爽既(個人中意食熟d稔身d)燒汁豬頸肉 - 呢個係因為想食有肉既野就揀左呢個, 個汁係甜甜地咸咸地, 豬頸肉都入味, 幾好食! 不過豬頸肉有時有d肥得滯既位食落就有少少靭, 但唔多既, 整體都好食! 佢都係同洋蔥西芹青椒炒, 呢碟既洋蔥勁好食🤣好甜
繼續閱讀
上半場食左日本野，但係唔得，好彩我哋只係叫左幾樣小食同啤酒，食完嗰轉就走。由於之後要睇戲，所以我哋都係附近搵。行過幾間見到有啤酒飲就入去。之前食左少少野，所以不太餓，就咁叫左兩味送啤酒。我點左小炒皇因為有菜，有nuts, 有海味乾，重有肉，乜都有又香口，送酒一流。朋友跟店員確認啲鵝腸係冰鮮就點左䜴椒牛柏葉鵝腸，另外再加兩支Asahi.首先嚟係小炒皇，都香口嘅，不過有少少太咸，但還可以接受。到個鵝腸嚟時，我發覺只有鵝腸冇牛柏葉，唔知係店員落錯單定廚房整錯，佢想拎走我哋立即叫住。最怕係叫廚房整過⋯⋯只食鵝腸冇柏葉都冇問題，最大問題係冇乜味，連啲洋葱青紅椒都好淡口。一碟太咸，一碟冇乜味，唔通我要兩碟撈埋一齊食？
繼續閱讀
今晚天氣轉涼，見到餐廳外寫住羊腩煲招客，諗住都應該係招牌菜，才會咁大個牌，就入去試吓，點知就中伏😡坐定定就立即叫咗個羊腩煲送生菜🥬，有腐乳醬，價錢$418，心諗米芝蓮坤記都係收$328，佢哋竟然收咁貴，因此都有啲期望⋯⋯看到湯底都濃郁，炸枝竹非常都入味，點知食到馬蹄，非常細粒又唔好食，重點係主角～煙燻過的羊肉，羊皮超級韌，完全食唔到，羊肉仲有幾件黑色, 完全冇羊味道😤😤😡😡又貴又難食, 一出門口就氣憤，點解可以咁差，浪費食材，唔會再去，冇下次囉⋯⋯
繼續閱讀
您可能會有興趣的...