心煱 (已結業)

海鮮盤無味，刺身唔好食，雞煲奇難食，啲火鍋料極難食，直接bad list價位上已經無任何期待，見正評多啲姐姐態度都係本住一份工啫既心態但都唔怪佢但實際上仲差過啲150上下會位既酒樓火鍋啲姐姐態度都係本住一份工啫既心態但都唔怪佢

任食五步曲 假日連加一每人$228，抵食又好坐!第一步：刺身拼盤，是新鮮的！每人每款兩件；神奇在連希靈魚也不會太腥👍🏻第二步：乳鴿，是入味可口的，皮脆肉嫩，絕不是行貨！第三步：芝士或麻辣雞煲任食，選了前者，芝士味不濃郁，但雞煎得香脆，而且內裡有不少配料如紫洋蔥、紅椒、綠椒等。但抱歉顧著吃的我沒拍這個雞煲了。第四步：海鮮拼盤，是超級豐富的，有蟶子、花甲、蝦、班片、魷魚、象拔蚌!第五步：火鍋任食，選了粟米豬骨湯底，真的有原件豬骨加粟米、紅蘿蔔在內，感覺較健康。食品種類非常多，飲品雀巢雪糕任食，款式亦甚多，非常適合一班大食朋友慢慢食慢慢傾！

下午起床 , 清新開朗 , 然後就和太座出 太子 飲茶吃點心 ~ 嘆茶地點 , 就在這家位於太子道西 的 心煱 ~Menu & 點單紙 ~即焗菠蘿叉燒包 $ 18 : 外觀的的骰骰 , 一碟有三個菠蘿叉燒包 , 顏色鮮黃 , 包仔細細但頗重手的 , 菠蘿包的外皮的確是很脆 , 麵包咬下去也鬆軟 , 叉燒餡料滿滿 , 有圖有真相 , 沒有作大 , 很好吃 ~原粒蟹籽燒賣 $ 7/個 ( 2個起 ) : 對我來說 , 沒有吃過燒賣 , 就等於沒有去飲茶一樣 , 這家的燒賣既大粒又紮紮實實 , 豬肉餡料的肥瘦比例剛好 , 配合冬菇和脆卜卜的蟹籽 , 好味 ~心煱水晶蝦餃 $ 8/個 ( 2個起 ) : 我沒有去細心考究這個蝦餃皮是幾多摺 , 還是什麼 , 只是知道吃進口裏 , 蝦餃皮是煙煙靭靭的 , 蝦肉餡大大件又夠爽口彈牙 , 而且有筍在內 , 算是高水準的蝦餃 ~ 過癮吮吮包 $ 15/個 :  感覺就是有灌湯餃 feel 的小籠包 , 脹卜卜又堅挺 , 用吸管吮下 , 味帶肉香的湯汁頗鮮美 , 吮過湯汁就吃包和餡 , 味道就似小籠包 , 有夠過癮 ~   本篇完 ~

約左一班朋友10人一齊去打邊爐聚下舊頭盤有刺身、乳鴿同芝士雞煲，感覺係幾豐富但直到主菜打邊爐就真係唔合格我地叫左好多款食物都冇黎到，交左三、四次紙一樣全部漏單每次都係問店員追一樣先有一樣成餐飯就係不斷追單，仲要再三追問店員先話冇呢樣冇果樣成台人叫左午餐肉、牛骨髓、准山麵、芋絲、金菇等等全部冇黎過佢話last order叫我地點埋啲食物最後果張紙上既食物黎左三分一都冇最離譜係到最後我地只想食返啲菜，問一問個店員，佢態度極惡劣咁話：咪比左你囉！我地成台人先黎得幾條菜，仲要態度咁惡劣咁既收費換黎咁既服務完全不能接受一定唔會有下次

昨晚一行四人到上址試下，因為地點算為方便，同時亦話有幾食！我地大約六點半到達，因為朋友要六點半先到，所以要由每人價錢由158升至198,我地不介意，因為未食過，所以抱有小小希望，大約晚上六點九就叫佢地上菜，先來所謂刺身，幾片三文魚，幾隻蝦，不新鮮(四人前)，粗過爭先貨式，之後就黎左每人半隻好細的所謂乳鴿，之後就話麻辣雞煲，又話唔洗加熱，都唔知自己食咩，之後就話任食火煱，先黎一個番茄湯底，好戲在後頭，所有配菜垃圾，炸魚皮同生根有益味，咁為有叫其他野喇！叫了墨魚滑同魚滑，原來得一瓷羹咁大把，牛肉同羊肉超簿同唔好食，烏凍就幼過米線，好得人驚，就算任食都重未試過！所以在此通知其他人！

今日有個朋友生日我哋五人小隊嚟到位於太子 呢間開咗冇耐嘅心煱 一嚟到 大約7點左右 餐廳唔算多人 我哋冇book位 都即刻有位坐但係五個人坐四人枱 就有少少逼啦佢呢度食嘢係有四部曲嘅 一嚟就會有蒸生蠔 蠔好腥 而且好多泥 雖然每人一隻 但係都食唔曬 之後就會有每人四分一隻嘅乳鴿 上枱乳鴿脆卜卜而且好有肉味 第三部就係有呢度出名嘅芝士雞鍋 芝士味唔算太濃 而且雞肉就冇乜 最後就會係打邊爐 佢會有湯底畀你揀 嘢食種類就同出面一般任食嘅打邊爐差唔多 丸啦肉海鮮等等 但係呢度值得一讚嘅就係呢度嘅海鮮好新鮮 亦都好足料 特別推介有花姿片 同埋手切肥牛 肥牛一啲都唔會話好多肥肉夠曬健康 而且好林 是日精選係卜卜蜆好鮮甜 不過美中不足就係上菜時間太慢 食嘅嘢唔多 已經要埋單 有啲唔夠喉 埋單每人170都算值回票價

最近非常懶惰的我， 今天忍不住也要寫食評。 由一進餐廳 直至到走那刻， 我的心只不斷浮現兩個字😣 就係'混亂'😑首先，一入 餐廳，我地同似係老闆講訂左兩位。跟住佢就叫一張二人抬嘅兩位食客離開，話佢地已經過時。之後就叫我地坐那張抬。而佢地冇再換過d餐具比我地，原因係之前兩個客人未走嘅時候，佢地已經執晒抬擺埋位預備我地黎😏但我見我餐具上有支用過ge 牙籤！我就同侍應講叫佢換過我set餐具比我，佢個樣好似覺得我莫明奇妙亦不太願意咁。其實放新餐具係咪應該等上手走左先呢……好，之後我地坐左7,8分鐘都冇人同我地講哩度係點玩法，張抬亦百無。冇餐牌同點野紙。咁我地就問d waitress 姐姐啦。佢就話'陣間有野出比你食ga la！' (完) 咁我就話其實我第一次黎，咁我地洗吾洗叫野ge呢？ 之後佢就答" 要叫嘅時候會話你知㗎喇" 😅😅😅 其實客人坐低係咪都可以輕輕講下食法，或者比個牌人睇下，吾洗等我地坐係度無人理又吾知仲咩gum,好古怪!第一樣黎ge係刺身，原來有刺身送其實店內環境同衛生感覺都麻麻，所以我就吾太敢食。只係食左一塊三文魚同一隻甜蝦。甜蝦麻麻地，三文魚尚可。之後有 乳鴿送嫁 乳鴿味道好

26/9/2017晚上2130第ㄧ次去心煱試,第ㄧ輪係ㄧ人ㄧ蒸蠔,味道口感唔錯,唯ㄧ係蠔殼好多泥,賣相較污糟第二輪係ㄧ人半隻炸鴿子,味道偏鹹,但都好食的,第三輪係雞煲,可惜怕食唔哂,所以無要度,最後就打邊邊了D食材大部份都好食,唯ㄧ係蜆好多都唔開口同有沙及脆魚腩只係普通魚腩,其他肥牛,鵝腸,蝦....都好食,值得再去食!價錢ㄧd都唔貴,二人埋單300幾!不過記得要早ㄧ日訂先有冬瓜湯送,但餐牌無寫及原來隻蠔係要自己開的,如果唔識開亦可叫服務員幫助,呢度嘅服務員好nice 的

食之前已經訂咗6位，去到現場同佢講話訂咗6位。佢：6位？？我地：係啊。然後佢笑住搖頭佢：因為其他客人加咗人數，你地坐4人枱O唔OK？呆咗，本身4人枱都比較窄，一邊坐3個人連腳都伸唔直。我地都係見網上推介 又唔算貴又有蒸蠔乳鴿雞煲邊爐又餓住肚所以都算啦照坐。我地坐底一陣店員已經放低咗啲蒸蠔、乳鴿同雞煲，呢個效率都算唔錯👍蠔味道正常，個殼好大但啲肉勁細粒…乳鴿好食嘅雞煲本身叫芝士雞煲，仲要係老細幫我地落單，然後黎到係麻辣雞煲…算啦…唔算太辣但雞肉勁咸👎飲品方面款式頗多，有酒精飲品，有汽水，有果汁。👍然後負皮野就開始我地由蒸蠔個陣就遞咗第一張火鍋紙，食完雞煲，湯底上埋黎，煲到侍應走過黎加咗次湯，等咗前前後後半個鐘，啲火鍋料都未黎…想點？？我地叫佢催催啲單，佢先叫我地直接畫多次單。落咗第二次單，過咗一陣黎咗啲菜啊豆腐啊菇啊咁。隔咗10分鐘唔多對路又問問侍應啲單點樣，佢話啲單已經出哂。唔好玩喎，我啲肥牛呢？魚滑呢？蝦呢？(黑人問號)好，落第三次單，終於有野食啦😭😭海蝦👍：好大隻，新鮮，好食硯👍：新鮮，無沙肉類👎：無咩肉味白鱔👍其他都無咩特別另外希望餐廳可以整整個冷氣，成日滴水，而且越食越熱fee

早兩日打去BOOK枱 想BK 2位。個女人話2位無得BK枱 ，要walk-in。問佢要唔要等好耐，答十幾分鐘好快。好啦尋晚7點未到上到去，9成枱吉既。但有個男人同我講無BK枱就無lu。一副唔憂做既樣子。其實如果FULL左就電話一早講，我唔洗特登去。建議其他食客得2位就唔好晒時間去食啦，會被人歧視。

見到 Fb adv, 今天去試了這4部曲 (限時2小時）食物算有水準，跟廣告一樣，先蒸蠔，再乳鴿，後鷄煲，工作人員都很有效率，食物亦有水準。過程用了 40分鐘。到第4部曲 - 火鍋放題 ；就由老闆帶來問題了。食完鷄煲後他問我們要什麼湯底；我們就問是否如海布送 “東瓜海鮮湯”？因我們3人是電話預早訂枱的。這湯底是可以即場叫的，加 $68就得。你估老闆點回應？佢話：“呢個湯底係似東瓜盅般要燉的，起碼要早7、8個字叫定。你宜家話叫點叫？冇啦！”我心想出嚟食飯冇謂勞氣，唔幫襯就算了，便回一句 “你嘅回應令人好唔舒服，真心希望你唔係老闆。”於是，和朋友求其叫了個湯底，開開心心繼續食飯傾偈。真的，“心煱”有幾個可取的地方：1) 它的免費飲品種類很多，令人好開心。啤酒有好幾款，雖然係另類嘢，但口味好特別；汽水軟飲種類超過20種，係我見放題中最多。單係呢點 $180位 (158+10%) 已經係值。2) 它的食物水準是可以的 (以$180/位計）；起碼新鮮。3) 有多種口味的牛奶公司雪糕做甜品； 紅豆味，朱古力，黑芝麻…………過10種口味。顯見有心機營運，價錢也很吸引。可惜，老闆的小氣縮骨，令人非常討

由於每次跳完舞十分餓既關係, 又係時候食性價比高的好西見之前食過心煱做新一輪推廣優惠就同朋友再去食~~ 坐左5分鐘左右，乳鴿黎啦，仲俾埋手套方便用手食，食得夠爽! 乳鴿熱辣辣炸起，皮夠脆，肉夠滑，每人半隻過口癮都唔錯。 食緊乳鴿既同時，侍應哥哥就拎蒸爐準備蒸蠔。由於小妹唔太鍾意食蠔既關係，所以不予置評XD 雞煲可以揀麻辣/芝士，為免咁早食滯，所以揀左麻辣雞煲(小辣)。雞煲份量比想像中少，怕辣既我覺得係食得落想繼續食既辣，味道亦偏咸。 終於黎到主菜 – 打邊爐!!鱔片同蝦真係無得輸! 今次既蝦比較大隻同新鮮，夠彈牙。(幾round都咁上下大隻)。可惜無哂脆鯇片，唔係都會瘋狂地食。 $158再加一就有乳鴿+蠔+雞煲+火鍋放題真係抵食! 

現在吃雞煲跟火鍋好像已是指定動作, 但已經滿足不了心多多人士了。這間放題晚餐除了有火鍋任食外, 還有蒸海鮮和鮮炸乳鴿, 令我們吃得十分"忙碌"。這間火鍋店原來離太子站不遠, 雖然這天也有三十度, 但原來也有不少人像我們喜愛"大熱天時打邊爐"選了火鍋湯底後, 很快便奉上這個高高的鍋具, 既有蒸海鮮, 也有火鍋湯底。雖然蒸大大隻蠔要等六七分鐘, 但這時我們已經開動。這隻炸得香脆的紅燒乳鴿十分香! 沒有想過絶對有酒樓水準, 不但外脆內軟, 肉嫩有肉汁, 而且調味也很好, 帶點咸香, 不用再加淮鹽已經很好味, 所以我俩也不理儀態, 用手握着乳鴿大口大口咬最滋味。蒸蠔差不多有手掌般大, 珍寶SIZE。海水味頗重, 吃出鮮味。蠔肉也不會過老, 不過我還是喜愛生吃, 能吃到獨有的鮮甜。雞煲我們選了少辣, 惹味的雞件令人總想有碗白飯伴吃。雞肉做得不會過老, 肉質鬆軟, 微辣點點刺激令人更開胃, 可以繼續最後一部份的放題火鍋。這兒的四川番茄鍋又沒有太多辣味, 只是有點辣香, 加上濃濃的番茄帶酸甜, 幾適合我們口味。其實吃了之前的幾款東西也飽了不少, 所以我們也沒有點太多火鍋料。手打墨魚滑爽滑彈牙, 放湯

很久沒有試過吃得那麼盡興了，這晚相約好友一行四人來到這家心鍋，單看門面就知道是任食火鍋啦! 但何謂新派? 進店便知一二。 進店後，服務員很快便安排位子給我們，可能是時間尚早的關係，人流不算多，但這裡的地理位置距離地鐵站只需步行5分鐘，位置不難找。我坐下來看看餐牌，起初餐以為只是給我餐紙，點上任食的火鍋配料，原來我們這晚吃的是4部曲，有點喜出望外。 這裡有很多湯底選擇，甚至可以來個鴛鴦鍋。 火鍋的點菜餐紙 先來第一步，是吃蒸蠔來揭開晚餐的序幕，可以一人一隻，蠔身很大喔! 服務員會放置一個計時器在桌上，來控制烹蒸海鮮的時間，就這時"鏈鏈"的響起，面前的蠔可以進食了，揭開外殼，蠔身相當肥美，咬一口爽滑鮮甜，很美味喔! 這時我又留意到外面的飲品櫃，說到底是任食，當然包括任飲啦! 飲品櫃裡的飲品款式繁多，我挑選了酸梅湯來一邊十下十下，一邊解膩。 第二步是燒乳鴿喔! 其實我不太好乳鴿，但看見乳鴿送來時的香噴噴，乳鴿的顏色光澤燒得好好，所以我又按捺不住我的味蕾，要試試看。 乳鴿燒得很好呀! 外皮帶有少少脆口，內面熱辣辣的肉汁，味道濃郁，很入味，我們四人這時都吃得津津樂道。 吃了前

常常說，香港打邊爐食來食去都冇乜新意。一係食刺身，一係食雞煲，一係飲食，一係食靚海鮮，說真，吃得多，都會覺得幾無聊同悶，因為冇乜變化。我反而對普通打邊爐店冇乜興趣，直到來到了太子的心，被它的打邊爐四部曲吸引。一百五十元一位，卻可以有四重享受，是絕對令人感動的價，就任食邊爐都不會咁平吧。任食火鍋的用料多，實際，牛肉，海鮮，菜，丸類，餃類，還有多種不同的粉麵，只是這些選擇都夠。平常這個規模任食已經差不多價錢。佢仲有一個雞煲送俾食，份量算可以。最有趣的是還有一人一隻蠔上俾你食，而蠔絕對不會是差的一種，大大隻幾好。最鐘意的是那個乳鴿，又係一人一隻，在你邊爐前俾你，又好味又夠油份，好美味。說真，有咁多種野食，都只是一百五十，不要想地方，不要再說好食與否，這裡這個設定，又點會唔好。最後，你來一定要預位，因為地方不大，而且好多客，記得要訂。