心煱 (已結業)

咁岩肚餓，黎左這間火鍋店打邊爐。$158 大部份任飲任食，價錢大眾化，抵食而家仲做緊優惠，6位送1位，7:30 前結賬每位減$20飲品選擇好多，有韓式，泰式，美式飲品，總有一款岩你。餐廳環境乾淨，唔需要擔心我地叫左番茄湯底，夠味唔淡。肥牛質素幾好，瘦肥均勻。蝦都幾新鮮，其他用料絕不是差貨色蔬菜很新鮮，特別栗米夠甜甜品有雀巢雪糕，味道有四款，款式都幾齊。埋單價錢真的很平，雖然伙計不小心打錯豬骨鍋，但下次我都會再黎幫襯

約左朋友打邊爐，呢個朋友誇張到日日都打邊爐，哈哈，見有新任食火鍋店，約埋佢試下先。$158一位任飲任食，食物種類幾多，飲品都ok，有酒精飲品，但唔係啤酒，甜品有雀巢雪糕杯。揀了芫荽皮蛋鍋，香噴噴的芫荽好正。醬料選擇亦不少，辣椒粒，麻醬，沙茶醬，蔥等，先來一人一碗混醬啦。跟朋友都拿了無糖的罐裝茶，自我感覺良好少飲一點甜。點的食物份量會按人頭計，喜歡的就encore吧。羊肉片同肥牛，還不錯。是日海鮮係蜆，當造季節。encore～envore～點幾多黎幾多，無漏單！菜心翠嫩，打邊爐又幾正喎。蜆不算大size，但夠鮮甜。朋友愛大蝦，卓一卓就熟。Encore了數回十分飽呀，但點都要食埋甜品嘅。食材多款又新鮮，無漏單，收碟勤快，店員亦主動加湯，整體感覺很好。PS是晚係平日，客人並不多，八點入坐，一直打到十一點都無被趕，賺左成個鐘

悠遊的下午，跟寶寶去飲茶。心煱除了傳統的點心之外，亦有新穎的特色點心。飲茶少不了蝦餃，名叫水晶蝦餃($8/隻)，果然餃皮晶瑩剔透，皮薄料多。晶瑩的蝦餃皮做得薄身，帶點煙韌口感，稍嫌皮比較易破。餡料的蝦十分大隻，而且肉爽結實。百花卷($25)，很漂亮的名字亦是很特別的一個點心。用紫菜包著鮮打蝦膠，再炸香外皮。外皮香脆，紫菜味很出，雖然蝦膠唔夠彈牙，但咬落有實在的蝦粒。菜苗餃($22)餡料大量切碎了的菠菜，及小蝦粒。多汁好味。野菌餃($20)皮薄餡多，幾款什菌粒，脆肉瓜，好清香的菇的味道。煎堆仔($19)小小的脹卜卜的煎堆賣相可愛極了。外層撒上大量芝麻香，再炸到金黃色，十分香脆。內層咬落煙韌，咬開竟然是香甜的奶黃流心，又估不到奶黃的甜味跟煎堆可以如此夾。椰汁冰($13)超重椰香味，重奶質地，比美泰式餐廳的椰汁冰。而晚上這裡更有任食火窩，很想一試。除了因為價錢不貴，我還挺相信水準應該不差。因為這個下午茶我倆都蠻滿意，食到有特式一點而又有心思的點心。

香港人最鍾意一年四季都打邊爐,當然我都唔例外是日黎到太子心?打邊爐放題,9點鐘唔算多人,坐得較闊落一上去就見到2大個飲品櫃, 連韓國最hit桃子啤酒都有,梗要俾個Like中間就係醬料區同雪糕區~由於我同朋友都唔太食辣既關係,我地選擇粟米豬骨湯底。一上鍋就見到大量粟米同紅蘿蔔,仲有重點豬骨!未食都覺得個湯夠甜夠天然XD 果然一試,湯頭好清,夠鮮甜,仲有種媽媽煲湯的味道。雖然食物紙選擇唔算多,但岩我有選擇困難症的人士更集中揀火鍋料既然選擇了豬骨湯底,梗要揀返大量蔬菜為湯底增甜。值得一提, 冬瓜片到後期食都唔會融到散哂~打邊爐必點海鮮,蝦比想像中大隻,仲要每隻size近乎一樣大!大推鱔片! 片得夠薄, 配合清湯, 肉質有彈性, encore幾次~另外脆肉鯇都夠新鮮~其實食左好多野,不過都最後都掛住食,無影到相

由於好味 又由於團購堅抵... XD所以... 我同老大 出動喇又~黎飲茶~呢度啲姐姐真係激好人, 一黎就問我地有無優惠券, 怕我地唔記得用, >///< 好貼心啊!雖然款式唔算話好多, 但係, 想食嘅都有啊~我地同樣一睇就要叫: 胡椒豬肚湯~濃濃胡椒味 配埋咸味剛好, 我地未食嘢 所以鐘意佢濕濕地又暖胃~脆脆叉燒腸有啲平時食粥嘅薄脆响入面, 層次豐富咗, 口感幾得意呀~佢啲叉燒係我地鍾意嘅瘦叉, hohoho!!!海南雞 又係我地平日嘅飛佛!!!濃郁雞味 好滑啊, 無骨啖啖肉!!!仲要起骨起得好仔細, 連筋都無~讚呀! 我地開心番, 因為一直鍾意嘅乜乜太好味道堅跌曬 watt, 雞激貴但 quality 完全跌到谷底, 粉絲婆婆唔開心 無好味雞雞食~我地決定以後上去婆婆度食飯 都會黎呢度買雞上去加餸!!! Tum 婆婆 同 mama 開心, 係我地最想做到嘅事~ ;)有天然 jelly 夾層啊~Yum Yum Yum~Q 版豬仔叉燒包 好可愛呀, 仔細到有立體尾尾架佢!!!我地瘋狂自拍咗一大輪先食... XD佢個饀抵讚, 係肉黎 係肉黎 係肉黎呀!!! (平時啲酒樓食

7:00上去，唔駛等，環境新靜，應該係新開，可能改左名，連d服務都好埋餐牌晚上158，小孩90，下次帶埋小孩先。我地叫左栗米豬骨湯，個骨都幾大，好啜😁😁之後點左肥牛，不過次次來1-2碟，建議大家寫多d,但是牛真的不錯，唔肥。仲有蝦滑同墨魚滑必食重點之一，所有飲料都是韓國牌子，啱哂鐘意飲新野的我，有隻仲有d酒味最後食埋牛奶雪糕才走，值得再去。

上次同班兄弟夜晚黎過一次打邊爐，今次試下哩間d 點心。星期六下午時間一點左右到，人唔算多，唔洗等就入到。入座已見到唔少熟客一，兩個人黎飲荼食點心。哩度都算係幾悠閒，又唔貴既lunch 飲荼。點心選擇唔少，蝦餃燒賣更係可彈性選擇，可2粒咁叫，認真貼心for 2人荼客。叫左影相必試既豬仔叉燒包，睇佢樣以為好睇唔好食，點知一咬，皮薄餡多！岩晒我d 食肉獸。胡椒豬肚湯用料足，豬肚夠多。燒賣大大粒好夠肉。最鍾意係佢可以單叫兩粒，可以留肚食其他野。灌湯餃$15個真心抵食，料夠湯汁多，出去食唔到呢個價。最後黎個飯同時菜，飯飽滿足，飲多陣荼慢慢走。另外d 服務都幾親切有禮，下次得兩個人又想飲荼食點心會返黎哩間。

我朋友是個火鍋精，基本上每次見面都一定是吃火鍋，今次他帶我去太子區的心煱新派任食火鍋，晚餐時段2小時只需$158/1位，一班人來還有6送1，超抵食而且水準不錯。 自助點菜紙。 飲品是自取的，有汽水及支裝飲品任飲。 醬料選擇非常多，有火鍋豉油、蔥花、芫茜、沙茶醬等十幾款醬，可隨意混醬。 免費湯底有6款，我身為辣妹子，當然選正宗麻辣鍋，湯底辣口而不嗆喉，麻辣比例剛剛好。 店員姐姐服務態度不錯，上菜速度也令人滿意。全部配料都很新鮮，完全不會有吃起來覺得不新鮮或不鮮甜的感覺。 手切肥牛，油花平均肥美，以任食來說質素算不錯，我們兩個人吃了三碟。 綠油油生菜新鮮翠綠，好爽口。 雀巢雪糕任食，火鍋後再吃杯雪糕，大滿足。

探完朋友, 本身我地係去買傳說中好飲又大杯嘅芒果飲~但經過見到個門面同價錢都好 ok, 朋友又話買過啲海南雞好味, 我哥日無食妟 加上見到 7:30前離坐仲有得減 $20... XD 所以雖然只係 6pm, 我地都快快上去快食~坐位夠闊落, 坐得舒服嘅~可能因為仲早, 幾枱客坐咗响另一半, 我地就獨佔咗呢一半好一陣子~我地先選湯底, 我地係 - 無新意嘅穩陣派...XD 所以秒決芫茜湯底... (下火嘛!!!)嘢飲任點的, 唔想浪費, 所以我以 arm arm 夠黎地第一 round 先~醬料自助式, 有見侍應同事定時過去 檢查 & 整理~我唔點醬的, 佢就話 ok 呀~主打韓式飲品 & 雪糕, 同樣自取形式~我地 o既第一 round~YooooooHoooooo~ ^0^)/是晚, 我最鍾意呢個韮菜鮮肉餃!!!佢地自家製, 食皮怪勁鍾意個長尾巴, 一咬足料勁多汁, 好味呀, 我 encore 咗佢~淮山面又係要試嘅東東啊~掛住玩電話 (Sorry... 要回急爆 email 嘛), 煲耐咗陣, 都仲 keep 得住 Q彈口感, 質感好呀~長筷子 做生筷, 啱曬我呢個成日分唔到生熟筷

今晚又火鍋引起，最近都嚐日式火鍋放題比較多，很久沒有吃港式火鍋了，沿近太子地鐡站附近，有間新開的火鍋店，姐姐很落力地向途人派傳單和介紹，於是我們被姐姐的誠意打動，往上走進心煱的店裡了⋯火鍋任飲任食不同時段不同價錢，收費合理⋯任食火鍋配料有不同類別的選擇湯底有6款，如選擇限定鴨和雞鍋只需另加$68我們選了最簡單的粟米豬骨鍋作湯底，除了粟米和豬骨外原來還有大量唐芹增加香味，唐芹也是很有益的蔬菜呢﹗飲品除了一般汽水外，遇有韓國的果汁汽酒，我們試了菠蘿味汽酒(中)，含很小量酒精，味道不錯，另外還試了韓式荔枝特飲(右)，荔枝味濃且清甜，不錯﹗海蝦新鮮，黑豚肉和手切肥牛脂肪分佈均勻，豬膶和花枝片爽口，滑牛肉則較多筋⋯我很喜歡的腐皮蝦卷平常很少在火鍋店出現，竟然在這裡可以吃到，另外干貝鮮蝦丸也是少見的，水餃和廣東雲吞是這裡人手新鮮包製，蝦肉非常爽口彈牙﹗值得添食﹗另外響鈴和炸魚皮都脆卜卜的，菜方面我選了西洋菜⋯是日海鮮是大蜆，大大粒又新鮮，田雞雖然較少地方有，但這裡的田雞切得太碎，滾一會兒再縮一縮水很難尋獲XD值得一讚的是淮山麵，也是很少地方可以吃到的﹗淮山麵不用煮太耐，邊煮邊用筷子打散，仍然感覺到

平日慣性到朋友介紹的餐廳吃飯，這次卻是由媽媽介紹，話說早前媽媽跟街坊茶坊，談到太子一間火鍋點心餐廳，早午開設茶市，而晚間就是吃火鍋，而食物質素不錯，價錢亦合理。周六中午就與媽媽來試試。餐廳位於太子，離地鐵站不足1分鐘路程，地點相當就腳，而餐廳設於1樓，沒有電梯，對於老人家來說，有點不方便。餐廳的佔地不算很大，但感覺挺寬敞開揚，四周更設有電視給食客娛樂。點心選擇非常多，基本上平日在酒樓吃到的，在這裏都能夠吃到，而且全都是即叫即蒸。心煱水晶蝦餃 - 蝦餃要點2隻起，每隻HK$8，蝦餃皮皮薄半透明，口感煙韌富彈性，蝦肉爽口帶有鮮味。原粒蟹籽燒賣 - 燒賣同樣是要點2隻起，每隻HK$7，燒賣挺大粒，入口油潤帶有肉香，加入蟹籽後，令口感變得豐富，非常好吃。鳯冠菜苗餃 - 菜苗餃上加了蟹籽，餃皮與蝦餃一樣，造得挺薄身煙韌，而且內裏的餡料非常多，推介。薑蒽牛怕葉 - 牛怕葉口感爽脆，而且吸收了滿滿的湯汁，所以入口帶有濃濃的薑味，而味道亦帶點微辣。咖喱蒸士魷 - 士魷入口爽脆，咖喱味非常突出及惹味，不過，辣度挺高，我只吃了2件就已經投降了。金銀蒜蒸排骨 - 排骨的味道不錯，入口帶有濃濃的蒜香味道，不

見咁耐冇打過邊邊，路過太子心煱就試下，仲要任食，超抵，食飯時間都要等一陣，不過唔算耐，10分鐘左右就有位。門口新裝修，裡面都新淨，唔算好大，不過都坐得舒服，店員唔似d酒樓姐姐咁串，都有禮貌，可以再黎。不過地點唔算好方便，我都係咁岩行過先見到，要上樓，所以咁先可以做到咁平，158蚊任食，小童仲有得平添，平時食個晚餐好難有咁既價錢，雖然係平，不過見到d食材都好新鮮，唔似放題，宜家出街打邊邊閒閒地都500，所以俾個like佢

等了五天、又到星期六😆諗住跟家人到旺角行下街、食下嘢、輕鬆一下☺️一起床、當然要去醫肚啦。剛巧途經旺角警局附近、看見一間寫著即叫即蒸點心專門店。一見到「即叫即蒸」這4個字、當然就二話不說地衝了進去😁店舖位於一樓、浴著樓梯直上便到。店內面積雖然不是很大、但這樣可令店員增加與客人的溝通、方便處理落單。一坐下、店員便遞上一張附有不同種類的點心紙。接過後、我便從點心紙上選了幾項較有特色的點心。豉味鳳爪排骨飯$25---雖然這款不算是特色點心、但是我去飲茶的必食點心之一。（飯煲得好乾身，好有咬口、我最怕飯太淋。而且細細的一小鍋，一個人都能食得晒😁、不會浪費。）心煱烤蝦腸$25（好有食炸両的感覺😂只是將油炸鬼換成炸蝦。但食起上黎就更脆更爽口）黑松露鮮蝦腐皮卷$25（黑松露味略嫌太淡、但腐皮炸得很脆口、料亦都很足）過癮吮吮飽$15/1隻（湯底很鮮甜、再加上浙醋一齊黎吮、味道很夾。但皮略嫌厚了一點點、但真的很大隻喔、似大版小龍包😂）心煱水晶蝦餃$8/隻（2隻起）.....即2人黎食、便可叫2隻、可留肚食其他食物、這裡的燒賣都是這樣的喔、很貼心呢！不像一般酒樓、一籠有4隻、2人食就略微多了一點了。（皮薄，

母親節前夕跟媽媽到旺角食點心！這次我們選擇帶媽咪到心煱食點心，這裡最出名的一定是造型超可愛的Q版豬仔叉燒包，之前在網上就看到有不少人分享過了，所以點都要叫來試一下！Q版豬仔叉燒包 （$15/2隻）還有我最喜歡的鳳爪排骨飯（$25）份量算是二人前，不會太大份且飯的質地不會太軟棉棉～炸蝦腸（$25）蠻特別的蝦腸，有點像炸兩但又比炸兩來得酥脆！老干媽什醬蒸鳳爪（$18）醬汁濃厚，味道惹味，我覺得比酒樓的更好味！蝦餃 （$8/隻 2隻起～）點心方面，喜歡蝦餃的皮薄和啖啖蝦肉！原粒蟹籽燒賣（$7/隻 2隻起～）黑松露鮮蝦腐皮卷（$25）黑松露味道不會很出，但勝在很足料而且即叫即做，外皮也蠻脆的！必食 - 過癮吮吮包（$15）味道跟小籠包一樣，就像是放大版的小籠包！把飲筒刺入湯包內，再慢慢飲用，但切記一定要小心熱喔！因為剛蒸起的吮吮包是很熱的，而湯包更是鮮味多汁！冬陰公湯鮮竹卷（$17）冬陰公湯底很出，但不會太過酸辣，滿適合香港人口味！而且也不常見，所以我覺得很特別！即焗菠蘿叉燒包（$18/3個）最喜歡即焗的菠蘿叉燒包，因為我喜歡外層的脆皮！有些人喜歡脆卜卜的的外層，但我卻喜歡這裡酥軟的外層。而且