心齋 (已搬遷) 新店位置

喺中環收工 朋友突然話想食齋 又被我搵到一間係半山的心齋 呢度嘅環境有啲似中式加泰式 座位較闊落舒適 我地點左蟲草花萵筍浸鮮竹$118 松仁黑松露醬炒飯$138山泉水即撞豆腐花 $88（大）是日老火湯$93（小）香草焗淮山猴頭菇$148 印象最深刻係蟲草花萵筍浸鮮竹同香草焗淮山猴頭菇 前者鮮味十足 份量非常大 蟲草花好有咬口 個湯好鮮甜 忍唔住飲咗兩碗 後者比較濃味 猴頭菇做得非常香口 真心我一般食菇類嘅都搶着食 淮山嘅口感有啲薯仔 好得意 十分推薦其他菜式中規中矩 是日非常滿足💕💕

身為食肉獸嘅我係超級憎食齋 因為冇肉食真係覺得好哂錢囉！尤其係扮肉嘅齋就更加睇唔起不過呢排有同事走喇咁佢又淨係食齋嘅好啦好啦 俾你兇倒喇 食一次咁多啦估唔到間野原來係飲茶嘅啲點心又幾骨子喎同事話呢個叫天下第一包邊度第一呀睇過個皮係菠蘿包嘅皮 包皮幾薄仲幾有咬口但啲料都幾少 最大問題係出面甜入面又咸食咗兩啖覺得好唔match 又唔信邪食多幾啖 嗯 係真係唔match有啲野食又甜又咸咪好夾嘅但呢個包嘅甜咸係好似離咗婚嘅男女夾硬住埋同一間屋咁 篤眼篤鼻正常咪道 但酸齋唔知點解唔酸呢個得呀呢個 最啱我口味係我最鐘意嘅黑松露味 雖然黑松露味嘅野食都幾難整到難食 kakaka 但呢個真係名乎其實皮薄餡靚而且裡面嘅蔬菜好新鮮好脆口 直頭呢頭摘出嚟果頭就落穫煮俾你吔咁呢個完全冇味話說同事問過經理可唔可以寫幾多粒就嚟幾多粒因為除唔暈經理又話好喎點知個同事落紅油抄手嗰陣漏咗寫個粒字結果嚟咗五兜紅油抄手 好野呀 食到我變咗舒祺因為都真係幾辣 但係好夠味同香 除咗個餡細粒到我以為廚師唔記得放炸饅頭擺咗都幾耐再食都依然脆 不過佢配嘅係花蜜 我都係鐘意點煉奶食多啲嘻嘻·其實有好多野都好好食 例如：黑松露炒面-唔

心齋的素食比傳統的素食店稍勝一籌。食物不太油膩，款式多元化，給人一種清新的感覺。蘿蔔絲酥餅是最吸引我們的點心！咬一口，已充全感受蘿蔔的香味，料十足，皮薄而半點膩的感覺也沒有，絕對重拾兒時的幸福味道。腐乳炒麵對我來說是新的味道，很清香。牛肝菌餃，晶瑩通透，芳香！豉油皇煎腸粉，賣相一般，味道仍可以。如果少些油會較健康！豆腐條，喜愛淡淡口味的人會較喜歡。配搭適當的醬料可能會為這碟菜式加點分數！野菌腐皮卷，味道較濃郁。清炒蕃薯葉，味道太淡了，是我們唯一未能吃完的一碟，有點浪費！紅豆沙尚算美味。以素食的角度來說，心齋提供的食物是較新派，烹調方法是較健康的。心齋位於半山，如果要到此品嘗素食，交通不算方便，但卻是一個寧靜的環境，遠離人群排隊等吃的嘈雜畫面。與三五知己，一邊品嘗美食、－邊談心，這裡也算是好選擇。服務方面普普通通，不過不失。如果職員對食物有點推介，或是跟客人多了解對菜式的評價，可能令人較窩心。

店鋪10點關門。10點過了幾分鐘，本想盡快食埋剩下蔬菜，希望不浪費。反而男店員走來趕客，我地同佢講會盡快，仲有幾條菜想食埋佢，佢回應：「唔係盡快，頭先已經同你講左10點，我睇住你地掛住傾計唔食野，所以先食唔晒」心諗，食火煱都要等水滾，食飯都可以傾下計姐。雖然真係遲左幾分鐘阻到人收工，但點解淨係走黎我呢枱俾説話我地聽（除左我呢枱，還有3枱客未走），同埋請人走都可以用些友善方法。最後，我地聽完呢位男店員發表偉論後，已經立即停止進食，去完洗手間就離開。離開時大約10:07 分。火煱水準係唔錯，不過受唔到氣就要諗諗先

聽心齋個名好耐，每逢講親宴客級數素菜，就一定有人提議心齋襯年初一流流，就決定豪一次（新年套餐368加二）環境不如想像中華麗（見佢唔平...）但舒服企理，算得上宴客級數每道菜都好食，手工同用料都係用心。貴價材料如黑松露都落唔少推介松露石榴球，又靚又好食食辣嘅一定唔好錯過乾鍋百頁豆腐，川椒味非常惹味！豆腐乾索晒川椒味好正！甜品係桂花糕，無用魚膠粉依然做到彈下彈下，佢地話自有祕方連我最怕食齋菜嘅女都話下次可以再黎，心齋果然唔簡單

今日帶個英國素食者朋友遊港島，因為想睇動植物公園，所以係附近搵到呢間心齋。岩岩過左lunch hour所以唔使等位，但見到大部分食既人都係附近OL，加少少遊客。菜苗燒賣同煎餃子雖然冇乜特別，但都好好食蘿蔔絲酥餅都唔錯，但嫌佢酥皮唔夠鬆化，都可以接受但腸粉就真係麻麻，素食入面係菇，但切得好碎，冇乜菇味，個皮仲要好林人均$100食得唔多野，不過不失啦，都ok既下次試其他野可俾多次機會，菜苗餃子值得再食。

最近各位同事紛紛討論心齋仲提議心齋素火鍋好好味既然未試過一於就約埋一齊去試下一去到同事就立即點湯底四川同雜菌湯.. 點完湯大家都立即睇下有咩食物可以點估唔到素食都可以咁多選擇..我地差不多張成張點餐紙都剔齊🙈🤣之後再另外點左四款點心 - 紅棗糕，蘿蔔酥，炸饅頭同帝苗餃四款點心都好好味！但炸饅頭唔會特別推介最值得讚係紅棗糕唔會過甜，清香紅棗加椰汁味。連一向唔愛紅棗嘅同事都大讚好味。未影得切相已經被秒掃🙈冇幾耐個湯底就黎喇一開已經好香麻辣味.. 兩邊湯底都勁足料雜菌個邊有黃耳, 竹笙, 茶樹菇等等麻辣湯底個邊都係有茶樹菇仲有粉條等等大家對每款素丸都好驚喜最後同事試埋個菇湯底, 飲完之後話感覺好養生 XDD希望個傳聞唔係真架啦~ 下次會同同事黎試下午市

We arrived at around 8.45 and went for the set dinner for two people for 333 per person incl. service charge. for the price there are definitely better vegetarian places out there. in general it was good food though, with decent flavour profiles. very standard Chinese dishes like mapu tofu and dumplings. however it seems like instead of making up for removing the meat in those dishes they just leave it as it is. however, the mushroom dishes which seem to be their selling point were very good. we

每當想起吃得健康清新些時，很多時都會選擇西式素食，因為感覺會比起中式素食來得較不油膩及少加工。不過亦有例外，開業已經超過10年的心齋就是其中一家我很喜歡的中式素菜館。餐廳裝修清雅舒適，而且據menu上介紹，心齋這裡供應的所有素食點心和菜式都是不含蛋、奶、五辛（大蒜、蔥、薤、韭菜、興渠）和味精呢。大家先來一客「土瓶蒸松茸湯」($198 / head)。熱騰騰的清湯，每口都是清幽的松茸香。這夜選吃了的多款菜式中，我的心水推介就是「特級松茸石榴球」($198)以及「香草焗淮山猴頭菇」($148)。鮮淮山與猴頭菇切片後再用香草焗，原來可以相當美味，有點吃焗薯條的食感，真會讓人忍不住吃完一條又一條。「牛肝菌餃」($38) 和「羽衣甘藍及牛肝菌薄罉」($78)亦很不錯。加入superfood羽衣甘藍及牛肝菌的薄罉真是第一次吃到，頗有驚喜呢。原來心齋也有供應四川風味素食，我們選來「乾鍋松茸」和「香辣鴛鴦粉」($98)，吃素之餘同時又可滿足一下辣胃。一段時間沒來過心齋吃飯，這夜水準依舊讓人吃得滿意舒心。其實由金鐘有巴士直達半山科達中心旁（YWCA站下車），車程才約20分鐘，交通也算頗方便。希望下次不用

在半山花園道這仿似遠離塵囂的地段，最近筆者驚喜的在那裡嚐到了一頓正宗用心的齋菜，餐廳位於麥當勞道的一個商業大廈之內，驟眼看好像頗隔涉，但其實與金鐘也只是5分鐘左右車程，坐的士上去也不用跳錶。店內地方頗寬廣，設計以啡黑木材為主調，配上字畫、佛像和花卉等裝飾擺設，裝潢優雅得來帶點東方色彩，平和寧靜，滲著淡淡的「禪」意。這店是一間「純粹」的素菜，不會像坊間有些素食館，齋口不齋心，以素扮肉，這裡切切實實的告訴你 --- 我是素菜！餐牌內大多以珍菌類入饌，雖然無奶無蛋，無味精無五辛，但菜式卻仍然可以很多元化，大廚功架實不能少窺。 松茸土瓶蒸(燉湯)，湯色深厚，入口濃香甜美，松茸香徐徐滲出，餘韻悠長，如不說明還以為在喝松茸燉肉湯，十分有驚喜。椒鹽金針菇，即叫即炸熱辣辣，酥脆乾身不油膩，入口帶著濃濃的椒鹽香，鹹香惹味。香草焗淮山猴頭菇，一般來說猴頭菇通常都是用來煲湯居多，想不到這裏的大廚創新地 以香草干焗形式處理，入口爽脆，香草味超級濃郁，還伴上淮山增加不同口感，濃厚香口。乾鍋百頁豆腐，乾鍋是川菜的其中一種做法，大廚以紅椒、青椒加上腰果和百頁豆腐入饌，煙韌脆口，滿有四川麻辣氣息，在素菜之中比較少見有

餐廳位置在麥當勞道，聽落好似好隔涉，但其實喺金鐘坐的士上去係唔使跳錶，又或者可以喺金鐘坐12 A巴士喺麥當勞度落車上到餐廳，覺得地方好闊落，可能位置嘅關係，人流唔算多，外國客人比本地客人還要多，原來外國人都喜歡中式齋菜呢！一入到餐廳就會見到「心無可住」四隻毛筆大字，即刻覺得好有靈氣。由於之前食滯咗，今餐食齋清清地我覺得好適合，你揀齋菜都好多款式選擇，我哋4個人叫咗一個湯、兩個點心、三個主菜同埋兩碗白飯，由於每道菜都算好足料，所以都食得好飽。紅燒竹笙素翅：我哋叫咗一煲，係夠六個人食嘅，裏面有好多素翅，雖然唔係真翅，但係仍然好鮮味，唔知佢點樣煮出嚟嘅呢？我覺得食素翅好好，因為比較環保同埋保護生態，又食到魚翅嘅鮮味點心：我哋叫咗帝苗餃同埋炸饅頭，帝苗餃裏面唔知係唔係皇帝菜？我都食唔出，但係清清地唔錯，炸饅頭仲跟埋桂花汁，呢個配搭好特別主菜我哋叫咗野菌腐皮卷，入面啲菇包到實晒，最難得係雖然上面淋左汁，但腐皮依然好脆第二個主菜，我哋叫咗香草焗淮山猴頭菇，呢碟餸裏面香草味係超級超級濃，我都係第一次咁樣配搭黎食，除咗猴頭菇仲有淮山，淮山食落去好似香草薯仔咁樣，我都係食完先知原來係淮山嚟嘅最後一個主菜

Weekend帶媽媽去食齋😜 去到花園道，雖然係商廈，唔好以為就冇嘢好食！食齋嚟講心齋仲要有好多選擇！👍🏻 因為第一次嚟唔知有咩好食 個waiter介紹左香草淮山焗猴頭菇，原本以為猴頭菇係好難食，估唔到原來口感係咁爽！襯埋新鮮淮山好好味👍 另外仲叫左例湯，飲得出係完全冇味精，非常好！ 驚唔夠飽另外再叫多左個茄汁底嘅餸，真係超多蕃茄而且個汁係超正，用黎點埋個面包，另外碟黑松露炒飯都係好食到不得了，如果去開嗰頭會再去！😍😍😍糖水足料清甜 餸包餸飯一流心斎炒飯非常香口

有一位中學同學聚會, 佢幾年前開始茹素平時食飯好少野比佢揀, 今次特登同佢揀間素食店呢間佢之前食過, 覺得唔錯, 咁大家都一致決定去試試去到同中式餐廳差唔多, 大部分都係外國人去食第一味菜我揀左川式水煮鮮野竹笙，呢味菜即係仿制水煮魚齋睇賣相好似同真既水煮魚一樣竹笙吸哂D辣味, 比魚會更加入味，一樣有粉絲, 仲有蒟蒻呢2味吸既辣味更勁啊~~ 朋友雖然覺得唔夠辣, 但對我黎講就係愈食愈辣添><第2味係蟲草花鍋筍浸鮮竹，呢個係出色之最我覺得係鎮店之寶~~ 蟲草味突出, 但唔係難聞既中藥味飲落唔係甘香反而係鮮甜>< 鮮竹吸哂D湯頭味個湯仲可以就咁飲TIM之後有特級松茸石榴球，成碟同湯匙上，好特別成個福袋咁，入面D料食落無咩特別咁, 係出面既黑松露汁令佢味道上突出返少少建議佢入面既配料可以改變下HAHA最後有原隻榆耳, 係我第一次見呢味菜，原來係一份份上仲要用刀叉切，食落酸酸地, 最尾先食呢個開胃菜好似有D奇怪,我地應該第一樣食臨走聽到隔離枱既外國人係到唱生日歌, 都幾跳脫HAHA

心齋喺半山花園道，地點上唔算方便，但上到去真係有遠離塵囂既感覺。𨋢門一開，餐廳既裝潢，色調令整體環境平靜柔和，加上蘭花／佛像／宇畫等擺設，增加多一點東方色彩。雖然都係一班人坐大圓枱既中式餐廳擺位，但環境並不嘈雜。菜式都相當多元化，有平常中菜館見到既，亦有一啲較精緻既款式，用少見既食材黎烹調。先黎香草焗淮山猴頭菇熱下身，猴頭菇煲湯得多，食真係第一次，原來都幾爽口，加上濃烈香草味，感覺好新鮮！接住既蟲草花鍋筍浸鮮竹係我全晚最愛！湯頭味道鮮甜又唔過濃，腐竹索哂個湯既味道，令人愛不釋手。回鍋豆腐煲用豆腐取代豬肉，不減惹味，豆腐亦令呢個菜式冇咁油膩，煲類食物都可以有清新既感覺都唔容易。另一個必食既就當然係川式水煮鮮野竹笙。水煮魚平日係我既最愛，而竹笙口感，味道上其實都唔會取代到魚肉呢個係事實。不過竹笙有自己特殊既口感，亦可索到湯汁。令呢道菜式另具特色。而且個湯底實在香濃，加上有其他平時冇既配料如蒟蒻，令水煮乜乜既野有一啲新驚喜。不過我個人真係好食得辣，川菜既standard黎講呢個辣度略嫌不足。

一貫中式齋鋪嘅格局，或者可以話偏向優雅嘅傳統素食館。今日同婆婆慶祝生日，嚟到生平好少踏足嘅半山區。雖然唔係地鐵會到嘅地方，但比想像中方便，一家四口係金鐘搭的士，只需24蚊，錶都唔洗跳。介紹幾味印象深刻嘅菜式先，蟲草花萵筍浸鮮竹，呢幾樣都係我最鍾意嘅材料，煮出嚟好清甜，但一啲都唔淡，食到停唔到，最後連湯都飲埋！石鍋胡椒焗白菌，本身幻想係芝士白汁，可能被焗呢個字誤導咗，真身係好似上圖咁。唔好見佢清清地，其實非常香口，胡椒味好重，怕辣嘅唔好叫。原隻榆耳，心齋招牌（？）。我係出面無見過，睇餐牌介紹係一種好珍貴嘅菌類，食落爽口有酸味，有少少似食爽嘅黃耳？唔識形容，未食過我推薦叫嚟試下，一碟只係手掌咁大，唔怕食唔哂浪費。總結，呢度嘅菜式比起外面食嘅齋淡，唔會食完口乾，但又唔會好似粗茶淡飯咁食而無味，係素食市場的中間路線。