心齋 (已結業)

因為食過佢地中環的店，所以知道佢尖沙咀開了就再嚟幫襯，可惜都頗失望。首先環境可以，但因為訂了枱所以上二樓。不知是否是第一枱客，無開冷氣咁。男洗手間環境差，無厠所水之餘仲要壞尿兜。侍應唔知係唔係做開茶餐廳，我點2個餸都無，咁就問佢係唔係無鮮腐竹啦，佢都應該唔知係咩嚟，話有腐皮卷。之後落單又落錯咗過同一材料但唔同煮法嘅餸。成餐好似變成食四川茶咁。酸辣湯只有辣無酸，仲要好辣，我最終放棄了。擔擔麵無花生醬，唯有個百頁豆腐好d. 好失望。

有吃素的朋友在這店吃過，她說食物不錯，現在有下午茶七折優惠，所以再約我們來吃。優惠只做星期一至五，並且要用現金結帳。店內陳設有古典風味，天花上掛上油紙傘，紅紅黃黃很別緻。餐牌的設計也古式古香，非常優雅。點心紙內分別有蒸、煎焗、炸三大類點心可選。我們四人，有些點心只有三件，點心的件數也可按人頭增加，我們偏向吃香口的食物，於是點了三款煎焗的點心，蒸點只要了一款，再加兩個麵食及一款甜品。五香鹹水角，角皮軟糯，煙煙韌韌，上檯時仍保持熱度，要小心燙口。芋絲野菌春卷，春卷皮炸得很脆，餡料脹滿，野菌份量很足夠。蘿蔔絲酥餅，一層一層鬆化的外層，包裹著一絲一絲雪白的蘿蔔絲，口感豐滿，即做即吃，吃得滋味。素翅小籠包，四大隻，每隻都包裹著一梳梳素翅，又有一點點素肉，包內的汁液也豐富，只是包皮較厚。川風擔擔麵，最好味是湯底，有著濃郁的川麻味，但又不至於太辣，只是一點一點在口腔內體現出來，麵質煙韌彈牙，那些素肉粒、炸菜粒、花生粒等的味道都帶鹹味，混合在湯內味道又被中和了，渴了一口又忍不住喝第二口。菜遠香菇湯拉麵，上檯聞到陣陣花菇味，花菇大大隻，肉厚味香，菜遠嫩綠，拉麵爽口，湯底也鮮甜。吃完鹹食，來個甜品結尾。棗

非常之好食，難得食齋可以咁好食真係要試，不過你預服務態度差到不得了琴日佛誕book定枱4個人食，去到叫乜冇乜，記唔到exactly 乜野冇貨但至少叫10樣冇4樣佢一句話"廚房話冇唔關我事"就算。其實我明白"dont shoot the messenger"，不過d語氣講到好似冇得食係道理，有得食係比面你之後我地再叫多碟 (因為落完單轉頭問完廚房話冇貨) ，我地叫佢問清楚係咪冇貨先，廢事失望同埋早d諗定下一樣做backup。佢就話一定有啦唔洗驚，唔洗咁勞氣。聽完呢句真係嬲到，不過算啦佛誔我唔想搵交嗌後生弋幾個都仲ok, 老d弋個呀叔真係好串。如果你係好似澳牛弋種串得嚟係講道理既，咁我就ok。但你佛誕做餐廳賣齋+11：30AM (佢地11點開，當時冇乜客，所以一定唔係當日賣曬) 都可以冇貨，仲要好似我錯咁，你叫我點唔好勞氣

難得尖沙咀搵到一間素食點心放假特登十一點左右到達到達後，餐廳職員告知冇訂位未必有位雖然我哋大家都見到兩層樓一隻手都數得晒有幾多枱客 不過如果佢話冇位 我哋其實都無所謂尖沙咀咁多嘢食 咪食其他囉佢諗咗一陣 就話有位帶我哋上咗2樓期間係咁講話今日好多人book位Errr .. 得啦知㗎喇 其實我哋都係食個早餐就走我哋兩個人一共叫咗三碟點心 一個陳村粉食物質素還好 第一次食素食感覺幾得意陳村粉唔記得咗影相賣相唔太吸引 但味道可以期間職員一直好殷勤收走蒸籠睇到我哋食晒啲嘢就直接收埋我哋啲碗碟暗示我哋快啲埋單其實有落單到食嘢 都冇45分鐘飲個茶都要俾人趕唔知仲以為佢真係爆場其實所謂嘅「好多人book位」都係三台客咁樣嘅服務態度 無論食物做得幾好 真係不了 絕對唔會推介

食過好多間素點心，黎黎去去都係得素包素餃素炒麵，一係就全部炸野。呢間點心好比heart去整，素燒賣無夾硬用d假肉去包，用左唔同種類嘅菜反而更加健康好味！最surprise係個珍珠雞，荷葉味好香，個餡好似出面酒樓嗰d，但係無咁多味精，非常驚喜！擔擔麵花生味濃，有d麻辣味，朋友唔鍾意麻辣味，我就覺得比起其他餐廳更加出色，又平又好食！希望其他人覺得食素唔係淨係得烚菜同沙律，無論素食者同葷食者都可以黎試下😋

第一次光顧心斎是在半山，印象禪味很重，上菜很慢。價錢雖昂貴，食物味道很好。得知它搬遷到尖沙咀，特意約友人前去再度光顧。二人套餐稍為優惠，於是點了這個來試。食物水準倒是不錯，可服務生對餐點並不熟悉，有待改善。

自從心齋離開左港島之後都冇再去過，好掛住佢個邊爐。成個冬天因為疫情同限聚令，一直都去唔到打邊爐，終於總算比我喺冬天完結之前去到。唔知係咪因為少左人打邊爐，佢地冇煮定啲湯底，所有湯底都係落左order先煮，所以都要等幾耐。建議大家可以一坐低就叫左湯底先，咁就唔洗等到頸都長。叫左一邊冬蔭公，一邊係菇湯底(個名唔記得左)。冬蔭公真係超正，酸同辣既程度掌握得啱啱好，菇湯味道方面冇乜特別，但就非常足料，成鍋都係鉛筆菇。黎得心齋一定要食佢地自家製既餃子，包得好靚，皮薄餡又多。不過我記得以前好似係有三款，依家就得返兩款。打邊爐一定唔少得響鈴，好夠脆又唔會好油。放落冬蔭公湯底索哂啲湯真係超正！海啲丸都有好多款呀，但冇左我最鐘意既包心丸，好彩流心芋頭丸都幾好食。以前心齋有張醬料枱，可以比大家自己配搭唔同口味既醬料，但依家就冇左，變相每位慳返$25醬料費。雖然冇左醬料枱，但都仲有兩款醬料比大家揀，另外其實啲湯底都好夠味，唔點醬都可以。同唔係食素既朋友黎，佢地都讚好食，大家都不妨帶非素食朋友一齊黎試下。

朋友說好想食四川菜，但她不食肉食素，網上搜查加上朋友超級推心齋，以前在中環搬現在搬去尖沙咀加連威老道，交通非常之方便尖沙咀站B2出口行步行2分鐘左右。餐廳裝潢格調清雅脱俗，光猛整潔，坐位舒適寬躺。餐牌上至少有60款菜式，口味多元，推崇健康飲食，食品採用天然材料，配合新派的川式、泰式、粵式等多種手法烹調方式，提供非傳統的素菜。川風擔擔面HKD38看似普普通通，一口面加湯香濃麻香口感柔清爽，肥而不膩，讓人很享受。干鍋百頁豆腐HKD158大大一碟，豆腐細嫩Q勁又爽脆，吸收辣和湯汁口味偏於甜味。酸辣湯和泰式冬陰功湯（各HK98）極之極之失望，味道怪怪，細問之下原來換了廚師。杞子桂花糕養生甜品桂花糕十分清香，不會太甜也不糊爛並有煙韌口感。

飯聚令剛剛放寬至四人，咁樣食個生日飯都無咁困難🙌🏻。選定咗去心齋。自從心齋搬咗嚟尖沙咀之後，我都未去過幫襯🤔。一上到去，見到都頗古色古香，有啲fusion feel👍🏻。叫咗幾個點心，全部水準都好好。燒賣有啲意外嘅💕驚喜，因為差唔多全部係蔬菜😋。小籠包又是另一驚喜😍，包裏的玉汁令人回味😋😋😋。灌湯餃係必點項目。高湯係菇菌湯，味道濃香清雅，灌湯餃本身非常好吃👍🏻，口感剛好，熱辣辣的，令人吃得很開心😘。蘿蔔絲酥餅，美味又出色😍，跟上個世紀老酒家做的不惶多讓✨。焗香草淮山猴頭菇火候剛好，香草的提鮮，令沒什麼味道的淮山變得吸引。猴頭菇本身，也非常鮮嫩美味👌🏻。沒想過棗蓉糕口感味道超出色，軟糯的口感不是實實的，甜酸度也拿捏得很好😍。這頓生日飯，在一間素店裏，竟然吃到各類不同又出色的點心，好好好滿足😈😈😈。

呢間算係我係香港食過最好味既素食點心餐廳，樣樣點心都好有心機同誠意。餃類皮薄餡靚，食材非常新鮮；各樣食物都真係幾分足料，味道唔會好味精既感覺，但非常入味！👍👍👍佢既點心款式雖然唔算太多，但都係d好大眾既口味，價錢亦宜分公道！！！最鐘意係個truffle餃，中西fusion，感覺好清新，好少會食到有truufle既中試菜，但真係令人一試難忘，highly recommend!!! 環境都坐得幾舒適，上菜亦好快 ，欣賞欣賞！！！

我自問食素都好多經驗食過好多好多間齋鋪Fusion又試過😙傳統又試過😙我覺得搵正嘅素食點心係比較難我有心，最終都俾我搵到同樣呢度嘅素食絕對可以用「有心」嚟形容嘢食好食，員工識做😋😋😋唔會係咁2用啲素肉炒菜唔會就咁用現成素漢堡扒做burger就話素食😑😑😑有好多做法真係第一次見獲得一致好評嘅係圖2陳村粉少少辣，超惹味🌶🌶🌶雖然係炒，但唔多油而且麵條彈牙有質感食完一碗又一碗燒賣都好心思唔會求其用素豬肉整而係用咗西洋菜做餡🥦🥬🥦🥬但食落依然好似燒賣呢個先係奇怪之處又多添一重健康🥦🥬🥦🥬紅油抄手有啲失望🙄🙄🙄個調味好食嘅有少少甜🍬但啲抄手無餡得塊皮，平時食開嘅都有餡架咸水角好好好得好香脆，個皮好味上枱嘅時候熱辣辣💘💘💘而且入面仲有唔同配料味道配合得宜但紙上無半點油花由於職員落單錯誤🙊🙊🙊原本叫酸辣湯第一次miss order第2之上錯咗冬陰功湯朋友們都覺得偏咸💦💦💦但以我嗜咸程度嚟講係ok飲多過一碗就唔得啦第一次見冬陰功加秋葵又幾爽口wo🦐🦐🦐🦐個個都話啲素蝦質感過癮呀🦐就係因為落錯單職員免我切餅費🎂🎂🎂🎂仲送紅豆糕俾我哋食呢啲咪叫識做囉有＄50 coupon我定會返轉頭架！

朋友係食素食者，所以選擇了心齋聚聚。餐廳環境中國化，坐下都好舒適。我們點了5款菜來試試：1. 干鍋百頁豆腐 —炒得嘢味，味道不錯辣味剛好2. 如意煲— 南乳做底汁，內有如意、鮮淮山、腐竹、蒟蒻、生菜等，南乳汁調教得味道好好3. 紅油抄手 一 果汁味道一般，沒有驚喜4. 酸辣粉條 一 果汁過酸，味汁太單一5. 胡椒竹生湯配自製豆卷一 整個湯超淡，蘿蔔一d 甜味都無（可能不太合時）碟頭分量比想像好足夠，所以我們4人都有餘要打包拿走最後有款餸菜。總括來說我們都會下次再來試試其他款菜式。朋友之前去過香港島分店話一段般，今次試這間分店令她改觀。

今日中午打去訂座book咗兩位夜晚7點，去到職員確認有訂檯，坐低一陣諗住等埋朋友先落單叫野食，中間職員問左兩次我電話號碼係幾多，我答完又答，最後話我無訂檯不過無可以照坐。甘我諗住算啦，有位就得。點知到我同朋友7點3叫野食，等咗9個字啲野食都無嚟，到最後問職員其實究竟廚房有冇煮緊我哋落單嘅野，其實係煮都未煮。結果就一肚氣就走咗...因為實在餓到無力等...其次，係呢度嘅職員服務態度都好奇怪。都明白做樓面係忙，但成間餐廳得個幾張檯，可以啲野食跟得好啲，唔係做臭個名就無謂啦，同埋都偷聽到其他食客話難食！真係以為都唔會再幫襯！亦唔會推介比朋友！

本身想去中環食心齋，點知一上網睇先發現搬左去尖沙咀，就即刻訂位出九龍食。點左養生土瓶蒸，炒陳村粉，竹笙卷，如意煲，荷塘吐艷，齋燒賣。基本上除左荷塘吐艷之外 其他都OK 特別係養生土瓶蒸，非常好喝。只係當食到齋燒賣既時候有一條好長既白頭髮，我地立刻向經理/服務員反應，然後佢好似不知所措咁講唔好意思，跟住走左去搵第二個人問點算好，最後佢收走左我地個燒賣 話會取消返燒賣個錢。我覺得有點奇怪，點解我食到你既食物有頭髮，你地係決定收走+取消份食物就當冇事，而沒有作出任何補償？你送份甜品 / 打個9折都會比人感受到歉意，但係而加係冇作出任何補償之餘我仲食少左一碟食物，你地既處理手法實在令人匪而所思，希望你地會作出改善。

心齋在尖沙咀開了分店。 新開業有優惠。 5月有8折優惠，6月則有9折。上月23日下午來這裡補祝契媽姨婆的生日。 姨公也能出席。 他現在不用輪班工作，只於星期一至五上班。 星期六、日都有空。這次，我卻失敗了。 原本是要請客，卻被姨公搶先結賬。 我走上前付款也被阻撓。契媽姨婆說，下月是閏四月，我還可以請她吃生日飯。 因為我是為她慶祝農曆生日的。餐廳在1樓。 要走樓梯到上一層。 不知道有沒有升降機。地方比從前半山那一間店小。 搬遷了的中環店我沒有光顧過。 不知道地方有多大。然而，現在中環店還是暫停營業。 不知道是否只是暫時停業。店內有圓桌子和卡座。 我們坐靠近窗邊的卡座。 座位寬敞又舒適。黑松露野菌餃，$37。晶瑩剔透的餃子皮。 口感軟糯。 菇菌味道濃郁。契媽姨婆很喜歡這點心。蘿蔔絲酥餅，$39。酥皮軟。 蘿蔔味道甜。 而且，蘿蔔汁充足。素翅小籠包，$52。包子皮薄。 整體口感是軟的。蜜汁燒包，$35。我誤會了是酥皮餐包那一種。 這裡沒有招牌素心包。 希望只是暫時沒有供應吧。這裡的點心也是比從前少了。 腸粉也沒有供應。香煎蘿蔔糕，$35。可以吃到切成粗絲的蘿蔔。 粘米粉和蘿蔔的比例剛好。煏醬