必勝客

營業中

休息中

本來想食tea set, 但太肚餓食個lunch set 啦，個紅湯偏淡，味道一般，叫左個58蚊意粉，份量唔夠呀，唔抵食，朋友叫左兩隻辣雞翼，食完口乾左全日-_-；等位等左好鬼耐，個過職員服務態度好加分。

Pizzahut簡直係陪住我長大 由細細個成日食到宜家番左工都仲食 雖然比以前係少食左但一有時間放假高會同mama去食***我地今日就去左食下午茶 雖然價錢唔係話好平 都要成70蚊個 但都有20蚊薯蓉個d揀 巿個人食叫左個pizza同薯蓉配蒜蓉包 pizza係千島海鮮味 依舊香脆熱辣辣 個薯蓉係煙肉大蝦 都幾好味 重點係食到我最愛嘅蒜蓉包 仲飲埋次次黎都有嘅忌廉湯 係就係貴d 但起碼坐得適服可以同mama享受二人世界 懷念下以後細個嘅日子

今日是公眾假期，吃飽午餐就外出逛逛，忽然想到芝心批很想吃，本身都以為會等很久人會很多，的確都很多一家大小的，可能我2人位置比較少人輪候吧，都幾乎馬上有位置。午市套餐比較優惠，跟餐配餐湯或沙律，另外也有餐飲的。值得一讚店員很細心，落單時問了我有沒有會員卡，其實有的可是忘記帶出來，店員都細心教我可以在電話下載pizza hut app登入都可以。先幫了我點餐然後叫我試試登入可以儲分，果然登入成功後，並發現生日的月份有coupon，可減$50。蘑菇忌廉粟米湯及意大利菜湯，忌廉湯很濃很滑，甜甜的。而菜湯少了點辣味，都有很多菜在內。（$58）香蒜肉絲意粉，意粉炒得很乾身，有些肉粒、火腿、三色豆跟洋蔥。蒜味非常濃而不會苦，所以意粉很香很好味，只不過餸跟意粉很分離。（$71+$10）吞拿魚盛薈迷你必勝批加芝心，pizza底用了像燒汁的醬汁，表面有青椒絲、車厘茄、洋蔥、吞拿魚碎和橄欖。pizza剛焗好出來芝心都非常熱，拉絲度十足，很香芝士味。（+$10）雞亦兩隻，可以選擇辣味和原味，雞亦表面十分香脆，肉亦很嫩，辣度亦夠足，非常好味。跟餐包括凍或熱飲品，而凍飲亦不需要加錢👍🏻，甜度亦可以因自己喜好而調教

其實pizza hut 的pizza 算好吃的。即叫即做，但常常等位令人苦惱。今次食恆生信用卡的套餐，296元加一，我加10元升級要龍蝦湯，呢10元好值得，個龍蝦湯好飲。個pizza叫海鮮盛宴？定盛乜？唔記得了。有蜜桃。芝心批內有蕃茄和少少辣。仲有一個蜆意粉，蜆很多，略嫌芝士不夠多。另有一份沙律菜，火腿很香，芝士碎很多，個沙律醬有d酸，但個沙律算幾好食。薯蓉亦很多蜆，與意粉的蜆重覆了，變化少。全個套餐都沒有見到有用過羅勒葉，略嫌香料少。

要拎野俾朋友順便約埋朋友食飯，唔知去邊食好朋友提議入大埔，於是朋友揸車車我入大埔食飯，原本打算食日本料理但要得好耐唯有轉食pizza hut。忌廉湯唔會太結。沙律幾特別，配上大蝦好爽口彈牙😋焗白汁雞皇意粉，雞肉肉質夠腍又夠香，意粉又唔會太淋。星級至尊鬆厚批，香草蒜茄芝心邊芝士唔夠濃郁，都是原始芝心pizza好味d，pizza批底夠軟熟熱辣辣香噴噴。

6月17號 排隊排了一個半小時才有得食，不過坐低點完套餐之後⋯好快就有嘢食，大概十五分鐘左右算快！D嘢食都算過得去，我們點咗個二人套餐：有忌廉湯但唔好味！意粉啦、沙拉菜啦：菜太少又唔新鮮、薯蓉啦，中碼Pizza+餐飲，信用卡優惠最後買單$335.5唔抵食囉！

由小學開始 已經成日黎Pizza Hut食... 可以話係一種童年回憶 ;D雖然愈大愈見識到好多厲害又有傳統意式風味既Pizza...但Pizza Hut大概係不能被取替!同時... 亦都見證住佢既迷你批愈黎愈迷你.... T^T不過 Pizza Hut既lunch set其實係幾抵食.. 有飯有意粉亦有pizza可以揀, 最平由$48既香蒜肉絲意粉起, 到最貴大約八十幾蚊都有交易lunch set包埋野飲同餐湯, 咁多年黎我都一定係揀佢幼滑既忌廉湯~ 所以我未試過佢既菜湯架~ haha香蒜肉絲意粉$48 lunch set包飲品&餐湯一向係我地至愛!! 鐘意佢配料夠多..每次總係食晒D意粉都仲有一大堆肉粒, 蘑菇, 火腿絲剩加上蒜蓉同洋蔥片既調味 令到每啖意粉都好可口 : >黎得Pizza Hut都係想食佢既pizza ~ : P所以我地叫晒lunch set入面個2款pizza~左: 至尊薄餅set ($73), 右: 秘製嫩牛薄餅set ($63)至尊一向係必點~ 集合晒辣肉腸既惹味, 洋蔥同青椒既清新, 同埋蘑菇既juicy~而新款式秘製嫩牛就一般, 牛肉太少了 根本食

話說好耐冇食過pizza。今日口痕就決定夜晚食佢啦2個人我地叫左個2人餐。有批有湯有意粉薯容餐飲。都係果口的啦~紅湯。幾有味。不過有味得濟~餐湯係5應該破壞味覺嫁！杯野飲我叫左雜果賓賓。唔係糖水味。飲落同飲開既唔同。唔太岩飲3文魚意粉~長通~~~重點係3文魚啊#@@3文魚幾好食但食哂3文魚之後會發覺長通只係襯托可以多少少3文魚就好~海鮮溥批。估唔到咁細隻。。。味道都還可以。但千島醬味好搶。要食千島批。我去咩咩高高食味仲好仲有個薯容~嗯~點形容呢~焗得唔夠洋蔥太多。當2種唔襯既野放埋一齊整。出事嫁麻。所以淨係不左薯容黎食。希望雷公唔好 劈我但當2人餐係5夠2個人食既時候。加料係唯一辦法。我地叫左8隻辣雞翼。理論上黎講係應該辣。。可能之前既野太濃味。影響左。同埋皮好油唔脆。但肉嫩補救反但真係太油。。。算過得去啦~

新年過後的下午茶,餐廳不算多人.簡單食一個一人size 的pizza - 菠羅肉丸pizza!!!因為是即叫即焗,所以都要等大約15分鐘, 如果趕時間,就不行了.pizza 是很熱的,一上枱都感受到熱氣. 熱騰騰,加上有芝士拉絲,感覺很幸福滿足!計埋加一,埋單要$70, 下午茶來說的確是有點貴,但這個pizza 又飽肚,又即叫即焗,可以偶爾treat yourself 一下.值得一提的是waitress 的服務態度很好,叫飲品又會問下要不要少冰. (可能當時客人不多,侍應都比較寬容).

見電視成日賣廣告，就黎試吓吧~~想講下，大埔分店有個服務員MAGGIE LEE(希望冇記錯)，每次都好有禮貎又有交帶，做事又細心，好值得表揚~叫左個二人餐:加$10轉龍蝦湯，好味，仲有好多龍蝦仔肉:我每次都會叫既草莓夢幻，好香甜，有少少果蓉又冇藥水味:頭盤-酥皮芝士焗田螺，嘩，好大碟(大過我塊面)，仲好好好好食，有芝士有薯蓉仲有埋酥皮焗:葡汁雞皇焗飯，個汁調得好好食，仲有啲椰汁味，可惜雞肉好少，只係得幾塊:主角-三文誘惑，賣相好吸引，但好失望。個餅底厚度介乎薄批同厚批之間，但一啲都唔脆，仲好硬，有啲煙靭，切都好吃力，口感好差。以前中國PIZZA HUT有個WASABI三文魚批，真係好好食架，少少WASABI味帶出煙三文魚既美味，三文魚又夠厚，唔知邉個諗出呢個配搭，正正正，係我去中國PIZZA HUT必食之選，轉左MENU之後就冇左，好可惜!用埋兩張$20 COUPON同會員九折，都幾抵食既，兩個人捧住個肚走。

大埔超級城 PIzza Hut, 一向都是沒有選擇之下的選擇!收工回到大埔, 煮唔到飯就又係要諗食乜?望一望, PIZZA HUT 推出了新的DINNER SET!$188 有小食, PIZZA, 意粉/飯, 餐湯+ 飲品 這價錢提供上面既食品, 算好合理!!!*會員免收加一

唔講都唔知原來pizza hut有宵夜set食，晚上咁啱經過，見到佢個宵夜set menu，價錢經濟選擇又幾多，於是決定一試！「香蒜肉絲意粉」諗住宵夜，加上個咁抵食嘅價錢，份量自然有所調整，點知一上枱，完完整整係整碟香蒜肉絲意粉！ 雖係換咗碟上，但同平日焗飯嘅盛器份量一樣！至於味道，維持一貫水準，豬肉絲同雜豆好足料，蒜香味濃，意粉炒得香口乾身，不負期望！

串酒里再次強調有Heart嘅小店大都隠住街巷當中，甚至霓紅燈轉角的暗處。有心的尋味者，當真要給點耐性，慢慢發掘。轉角，也許正係驚喜處！山林道長久以來都係佐敦地帶嘅尋味核心，今次找了一回兒，就見到一間寫住「串酒里」嘅紅色水牌，向前多走兩步，便見到店舖嘅霓經燈箱，好搶眼，喺毛毛細雨下更有種夜深人已靜嘅閒適。 ｜汁燒BB露筍｜&｜鹽燒日本秋葵｜看見很多朋友推介這款菜，自問吃串燒亦應先食返啲蔬菜打底，於是先拔頭籌便叫了這兩款健康得嚟又感覺幾有特式嘅小菜。BB露筍一如其名，口感好幼嫩，細細棵排成一線，賣相感覺更精緻討喜！醬汁亦挺特別，咸中帶絲絲甜味，有點像味噌的感覺。至於秋葵，亦好新鮮，入口同露筍一樣嫩，外皮不會燒得太焦，內裏保持到juicy，好味道！ 燒牛舌一上枱以為係安格斯牛肉粒，只因太厚切XD！看賣相已經覺得好惹味。牛舌永遠只需最簡單嘅炭燒加少許鹽同胡椒，已經好滋味！最令我驚訝嘅係如此厚身嘅牛舌，都可以燒得內嫩外香，咬落仲feel到其肉汁滲出，大正！ 蒲燒鰻魚 厚燒玉子玉子簡直是本人平生至愛美食之一，但要整得正宗確係唔容易，蛋漿同火候控制稍一不慎，整個玉子燒便被ruie

久違了嘅pizzahut！曾經佢係我童年時每個週末爸爸帶我必到嘅午餐地，曾經有任裝沙律令我興奮又狂熱，曾經佢嘅忌廉湯令我傾倒！今晚嘅宵夜，再次踏足此地，桃花依舊，食物，又係另一番新氣象！宵夜時段其實價錢確係幾經濟，份量上略有調整，但以晚餐七分飽嘅黃金定律而言，已經足夠。| 俄羅斯沙律配菠蘿芝士酥 |脆酥皮餅底造成嘅小船，盛載住薯仔沙律，頂端有幾顆黑橄欖同大蝦作點綴，賣相精緻；至於菠蘿芝士酥，焗得有點焦，味道方面芝士入口即溶，十分香脆，但不知「菠蘿」一詞從何來，因為完全吃不出有菠蘿味～～

Pizza hut 好間唔中都會去，我份人來來去去都係食果d野。香蒜肉碎意粉，呢味食左好多年，水準依然，靈魂係香蒜度，蒜粒粒會痴住係每條意粉度，蒜香會停留係口腔，至於蒜香和肉碎粒異常地夾，OK.千島海鮮芝士批，一定係食芝士批邊，好香濃既芝士塞晒係批邊，加埋批既海鮮餡，蝦，尤魚配料齊備，再夾埋千島醬，perfect match~