影片
更多
2016-01-28
315 瀏覽
串酒里再次強調有Heart嘅小店大都隠住街巷當中，甚至霓紅燈轉角的暗處。有心的尋味者，當真要給點耐性，慢慢發掘。轉角，也許正係驚喜處！山林道長久以來都係佐敦地帶嘅尋味核心，今次找了一回兒，就見到一間寫住「串酒里」嘅紅色水牌，向前多走兩步，便見到店舖嘅霓經燈箱，好搶眼，喺毛毛細雨下更有種夜深人已靜嘅閒適。 ｜汁燒BB露筍｜&｜鹽燒日本秋葵｜看見很多朋友推介這款菜，自問吃串燒亦應先食返啲蔬菜打底，於是先拔頭籌便叫了這兩款健康得嚟又感覺幾有特式嘅小菜。BB露筍一如其名，口感好幼嫩，細細棵排成一線，賣相感覺更精緻討喜！醬汁亦挺特別，咸中帶絲絲甜味，有點像味噌的感覺。至於秋葵，亦好新鮮，入口同露筍一樣嫩，外皮不會燒得太焦，內裏保持到juicy，好味道！ 燒牛舌一上枱以為係安格斯牛肉粒，只因太厚切XD！看賣相已經覺得好惹味。牛舌永遠只需最簡單嘅炭燒加少許鹽同胡椒，已經好滋味！最令我驚訝嘅係如此厚身嘅牛舌，都可以燒得內嫩外香，咬落仲feel到其肉汁滲出，大正！ 蒲燒鰻魚 厚燒玉子玉子簡直是本人平生至愛美食之一，但要整得正宗確係唔容易，蛋漿同火候控制稍一不慎，整個玉子燒便被ruie
再次強調有Heart嘅小店大都隠住街巷當中，甚至霓紅燈轉角的暗處。有心的尋味者，當真要給點耐性，慢慢發掘。轉角，也許正係驚喜處！
山林道長久以來都係佐敦地帶嘅尋味核心，今次找了一回兒，就見到一間寫住「串酒里」嘅紅色水牌，向前多走兩步，便見到店舖嘅霓經燈箱，好搶眼，喺毛毛細雨下更有種夜深人已靜嘅閒適。
｜汁燒BB露筍｜&｜鹽燒日本秋葵｜
看見很多朋友推介這款菜，自問吃串燒亦應先食返啲蔬菜打底，於是先拔頭籌便叫了這兩款健康得嚟又感覺幾有特式嘅小菜。BB露筍一如其名，口感好幼嫩，細細棵排成一線，賣相感覺更精緻討喜！醬汁亦挺特別，咸中帶絲絲甜味，有點像味噌的感覺。至於秋葵，亦好新鮮，入口同露筍一樣嫩，外皮不會燒得太焦，內裏保持到juicy，好味道！
燒牛舌
一上枱以為係安格斯牛肉粒，只因太厚切XD！看賣相已經覺得好惹味。牛舌永遠只需最簡單嘅炭燒加少許鹽同胡椒，已經好滋味！最令我驚訝嘅係如此厚身嘅牛舌，都可以燒得內嫩外香，咬落仲feel到其肉汁滲出，大正！
蒲燒鰻魚
厚燒玉子
玉子簡直是本人平生至愛美食之一，但要整得正宗確係唔容易，蛋漿同火候控制稍一不慎，整個玉子燒便被ruied！而呢款厚燒玉子，確係有層層嫩滑蛋皮嘅口感，但如果甜度可以再加添多一啲啲就更好！
日本雞蛋燒廣島蠔
日式燒廣島蠔相信大家都耳熟能詳，但加入雞蛋作點綴嘅新穎燒法，確係特別！燒蠔鮮味突出，面上淋上雞蛋黃，再加上茄汁作結，味道有種唔同層次，
雞蛋香餘韻悠長，而茄汁便成了蛋汁與廣島蠔嘅點睛之筆，令整體鮮味提升。
炸甜薯
好特別，最重要係大大份，炸得香脆嘅日本甜薯，好啱食得一半，想暫緩一下同朋友吹吹水時作為零咀！
今晚食得好享受，始終可以同朋友一邊談天，一邊享受美味，而且不用急著埋單讓位予下一枱顧客，其實經已係繁忙都市生活中嘅小確幸！
張貼
