必勝客 (已結業)

由於咳既關係, 我同朋友去呢間pizza hut食dinner, 但成程都冇叫過pizza...咁呢, 我地叫左蒜蓉包, 意式肉丸, 意式千層肉醬闊面同葡式雞皇飯, 另外order左兩杯新既野飲, 參蜜同玫瑰花茶.蒜蓉包夠香夠熱, 不過間間pizza hut蒜蓉包質素都係咁上下既, 意式肉丸太乾喇, 佢唔夠汁, 我好鍾意意式肉丸o個個汁架, 所以扣少少分啦...個面同飯都係同其他pizza hut冇乜大分別...但要一提係兩杯野飯, 我朋友話杯參蜜好難飲, 我杯玫瑰花茶內有兩粒玫瑰, 其餘... 應該係糖水...所以唔推介大家飲呢d野...服務都ok 既~

7點到,無咩人,有張coupon買大送細pizza,但有2人未到,waiter都友善咁幫我地分開上,pizza熱騰騰,3個人好快掃清.遲來的友人好鬼馬,唔用manu亂叫,玩到waiter團團轉.但waiter都好nice.野食熱騰騰,service好,裝潢唔錯

因為好肚餓, 未等齊人一坐低就嗌左客蒜蓉包同瑞士雞翼.伙伴話要十五分鐘.但等左成半個鐘都未黎, 就叫個人去追追.佢番黎先話焗緊, 要等多5至十分鐘.下?! 焗緊, 岩岩先放落去咋話?!遲我地黎兩場枱都食緊野啦.轉頭嗌埋四人餐, 點知個軟殼蟹pizza上到果兩樣野都未到.仲有三個蘇皮帶子三文魚湯, 竟然響我地食哂所有野再追多佢一次先上.我地就覺得佢地落漏哂d單囉, 要吹左先話check, check完仲係話焗緊.多一個fd黎叫佢加多個位啦, 佢「好」就行左入廚房做野唔記得左, 行過嗌多佢一次先記得.最後埋單都要埋兩次.講番d野食啦,蒜蓉包冇咩蒜蓉味, 淨係好多牛油.瑞士雞翼似老水, 唔係唔好食, 不過冇特別.軟殼蟹pizza軟殼蟹乾哂, 個底係幾香麵包味(不過好油), 不過咬落去就係得麵包味囉, d送唔係好香好食.炒雜菜, 幾大碟既, 足夠四人食, 不過唔好食.龍蝦汁鴛鴦意粉, 個汁陣味有d怪, 成碟野冇咩送, 數得出有幾隻蝦幾隻帶子.蘇皮帶子三文魚湯蘇皮唔脆, 好煙un, 要搵刀先切得開. 湯又唔好飲, 好杰, 係幾足料, 不過d三文魚好咸.我早餐都未食餓到七彩都食到唔想食

同幾個朋友o黎食lunch，講真都幾逼，我地坐四人位，相隔一條小欄杆就緊貼住另一張檯，如果條欄杆闊o的，o的檯開些少，唔駛好似同另一張檯o既人一齊食飯咁。我地order o左個意亂情迷o既set，overall o黎講都唔錯，四個女仔o岩o岩好。不過o的cheese 真係好"溜"，只能一件起兩件止。

The spaces now is so crowed ! Not comfortable !!! Made U wanna go immediate after finished the foods !Although the services are good ......But the foods are poor .......意大利粉....乾!!!!　無味!!!!Pizza... 無味!!!!!酥皮湯... 特級　～"Un"皮!!!!and the shop are not hot enough !!! Little bit warm ..What happened with Pizza Hut ???????Disappointed !!!!!!!!!!!!!!

自從Pizza Hut0既分店陸續換上新裝修後,俾人0既感覺都幾舒服,環境比從前高級了感覺幾好一點點.雖然食物無咩特別改變,但至少每次去親唔會話特別失望.其實我覺得呢到都可以話係同班friends he!he!ha!ha!0既好地方.因為今日去食,我覺得呢間d sevices 都幾好.

人流極少, 所以服務員都少, 招呼慢. 唯一優點係就算成大班人去都唔駛等位