必勝客 (已結業)

今日同幾個同學黎呢度食午餐，呢左個二人同一人常餐各一個。叫左兩個意粉同一個pizza，飲品就焗住飲汽水。蒜蓉包同我n年前食過，而家差好多啦。唔熱之餘又乾爭爭，又無乜蒜味，不如比白麵包好過啦。忌廉雞湯同以前無乜分別，味道都可以既。只不過找不到太多既"雞"。芝士白汁火腿闊條麵本來就係配意粉既，但大家唔知唔知都食左佢。白汁係無味既，而料真係普通得很。吞拿魚白汁意粉白汁都係無味既。吞拿魚都無乜野既。但個賣相唔多好呀。夏威夷風味真係好有風味，牛肉唔多覺有。而芝士焗完之後係無味既，怪唔得我同學要狂加芝士粉啦。真係夠哂風味。飲品只係健怡可樂一杯，唔知點解除左可樂之外，其他飲品都要加錢。成本上升都唔使咁呀，好cheap。食物上好唔得，而服務都唔係太好。我地想加水又無人理我地。而之前有個意粉蓋，放左果度都無人發現。結果結帳之後都無人察覺到，一定無下次呀。

不曾肯定是否可訂位，有家人黃昏六時前先行視察。結果要經顧客服務熱線投訴後方被正視處理，料不到要所有人集齊方能入座!家庭總動員的關係，首先要正在推廣的皇室盛宴四人套餐。主菜當選是皇室開心批，前菜揀意式迷你豬肉腸拼雞肉丸，至於剩餘組合則揀什菌炒天使麵和菠菜雞皇意粉。 另外還點了香茄海鮮薄脆批及千島海鮮批，但其它菜式曾經本人品嚐的只有意式烤雞籃。皇室開心批真的談不上特別，批邊扭紋圓周內包著一條條小肉腸，主要餡料只是雞肉而已；甚麼芒果芥末醬嘛，根本吃不出味道。套餐中前菜如其名一樣，無論賣相跟內涵一樣是用來填肚罷了。那個千島海鮮批亦非比皇室開心批好，千島醬汁的味道蓋過一切。原來今次新產品並不是佳作。

今日我約了朋友在尖沙咀行, 行到海港城, 決定到 PIZZA HUT 食午餐, 我點了一個農村風味PIZZA及一客焗肉醬薯蓉, 農村風味PIZZA有雞肉,蘑姑,菠蘿等材料, 味道唔錯, 不過唔夠芝士味, 批邊的麵包也太厚, 但批底的麵包又太薄了, 而且材料不夠多, 真是美中不足。我本身比較喜歡焗肉醬薯蓉, 味道好濃, 食落每一口有好重的肉醬香味,而家薯仔邊有少少脆, 口感唔錯, 有一種又香又脆的感覺, 值得推介, 正。

一坐下先給你兩杯水,水樽內有半個檸檬,但是水完全沒有檸檬味我地食2人餐,或多或少都被照片吸引了,因為新出這個巴馬火腿特薄脆批,外形討好,所以就放棄平常食的至尊批了!!意大利菜湯+忌廉雞湯白湯好飲,味夠濃,湯料一般紅湯略為淡,而且湯內有幾條意大利麵巴馬火腿特薄脆批一上枱就..........!!我地被照片欺騙了,看得出完全沒有誠意,全部食物亂丟一通沒有好好佈置一下,不過味道還是最重要,薄脆批餅底真係好脆,加上熱辣辣既芝士,咬多兩口,就食到巴馬火腿既味道,好似煙燻火腿,味道少少鹹,又幾香口,巴馬火腿是凍,薄脆批是熱,一齊食都幾夾,都算挽回了分數千層肉醬闊麵兩旁的薯蓉好軟綿綿,好香奶油味,中間的闊條麵就好林,已經不是麵,好像蘿白糕一樣,沒有牙齒都可以食,而每一層都充滿住肉醬既味道,好濃郁.這個餐加一後$195,都不算抵食~~~

同朋友都好想試下新出既點點扭扭批﹐睇落好多芝士﹐好似好正0甘﹗(我地3個都係超級芝士FANS!! ) 去到就叫左個二人餐加一個辣雞翼 ﹕)二人餐包括﹕2杯汽水﹐2個餐湯﹐1個餐前小食同1個點點扭扭批(大批)無飲餐湯﹐睇落應該不錯.餐前小食揀左蝦多士拼薯角﹐唔好食. 蝦多士味道很淡﹐而且見到表面有唔少油﹐點既醬都係淡而無味.. 薯角更差﹐未炸透﹐似很乾的炸薯仔﹐都無咩味﹐吃了一舊就吃不下去..好期待既點點扭扭批也很令人失望. 首先PIZZA面既餡料係唔可以轉﹐朋友同自己都偏好有千島醬既PIZZA... 而且雖然批邊既粒粒入面有兩種芝士﹐仲會附送車打芝士醬﹐會令人EXPECT有很香濃既芝士味, 但食落也不外如是﹐同朋友都覺得芝脆批既芝士味反而更重更好食. 餡料有蝦﹐雞肉﹐菠蘿﹐車里茄同青椒﹐配左D日式芥辣醬﹐還可以﹐但唔係我鐘意既. 今次既批底好硬﹐一D都唔脆﹐唔得!雞翼也是失望之作.... 每一隻都瘦弱得可憐﹐而且食唔出辣味﹐比以前食過的退步了很多.朋友一兩年之前試過扭扭批﹐距地話當時係好食好多﹐仲可以轉餡料﹐後悔錯過了 > < 唔知遲D會唔會出返呢..?

同男朋友試左環球美味批B - 京醬大蝦、芥末肉腸同沙嗲雞肉。因為可以套餐咁叫，我地另外又叫左個田螺焗薯蓉。個人覺得，京醬大蝦咸左D，其實醬汁味道同大蝦一D都唔MATCH。芥末肉腸就毫不特別，沙嗲雞肉還算可以。純粹係特別D，一次食三種味道。不過田螺焗薯蓉就好好味，但我嫌少左D喇....

昨晚去了吃pizza，以為有扭扭批，點知己改了奧運為主題的pizza。叫了二人餐$198。有兩客湯，一客小食 ，一個大批(新出的環球pizza)，兩杯汽水。去pizza hut當然要忌廉湯啦！夠濃夠熱，ok！ pizza有A同B款，我選了A款(有冬蔭功大蝦、沙嗲雞肉、山葵照燒牛肉) 個賣相幾好，味道不過不失啦 小食選了意式肉丸拼腸仔，此小食本人認為是PIZZA HUT最好味的小食 飲品只可選擇汽水，除非加錢。我們加了$10轉Double Chocolate即朱古力飲品加朱古力雪糕，飲品甜度剛剛好 服務亦很好。記得約10年前pizza出了照燒雞翼，超級好食~ 現在的雞翼無論辣同原味都唔好食，唔知大家有無同感？

新出既扭扭批唔錯呀鮮甜既蜜桃，加上煙肉，算是一個口感不俗的配搭特厚的扭扭芝心邊，是一個新奇而深受小朋友歡迎的新產品可惜的是，只有大批供應呢！光顧過好幾間Pizza Hut，均聘用了大批學徒雖經驗稍有不足，待人親切有禮，抵讚

再一次光顧，再一次撰下食評。例牌唔叫餐，不貪其為顧客精打細餘，亦能隨心點選自己想食的食物。先來一杯凍檸茶，太甜了!賣相是精美的，絕對能令人心曠神怡。但最後用了大半杯暖水稀釋甜度，才能合晒合尺，可想而知。此乎下次叮囑「少甜」穩陣。跟著出場為白汁雞皇往菠菜意粉，不知何解是日好渴望食白汁，最後白汁雞皇菠菜意粉在云云白汁意粉中脫穎而出，一上檯已覺得白汁份量合晒合尺，意粉亦爽口有咬口，雞件亦好滑，加埋黑椒，真係好味到不得了!加上菠菜，感覺此道菜味道了得之餘亦不失健康的重要。真的合晒合尺。再來香焗小食併盆一客，辣雞翼入味加惹味，焗得好好味。香腸又是啖啖滋味，還有香脆魚圈，綴以沙律醬及茄汁，再一次合晒合尺。是日想食番茄醬pizza，於是最後出場的是的至尊pizza厚底普通批，面積比從前真的明顯細小，但平心而論，材料是滿足的，免治牛肉、五香肉粒、青椒、蘑菇、辣肉腸、洋蔥，味道亦想從前的滋味!真的合晒合尺。服務是稱心滿意的，隔鄰檯有小朋友坐陣，侍應即時幫忙換上兒童餐具，令人有實至如歸的感覺!滿足的一餐，再一次說道：合晒合尺!!!

尋晚同女友二人去pizza hut食晚飯,二人被安排坐喺近門口既一張枱餐牌設計得很精美,左揀右揀,本想嗌set,因為二百幾蚊減到一百七十幾,好似好抵,但怕食唔哂,於是只係散叫左一客小食拚盆,一碟香蒜意粉同埋一杯特飲小食拚盆最好味係個魚圈,雞翼味道都唔錯但係個芝士腸就無咁好食,除左咸都食唔到其他味道;魚圈係十分好味既食物,炸得脆,甜甜地,我特別鍾意點茄汁食香蒜意粉一般,因為唔知點解食食吓發覺成執意粉硬哂咁,而且溫度唔多夠總數百二蚊,有點後悔無叫餐

午餐到必勝客買下葡汁雞皇飯, 之前都不覺味精那麼濃烈, 吃完口渴得不得了. 但味道也可以, 雞肉份量相當多, 午餐也相對優惠, 可送湯呢.

聖誕食評第五擊:是晚7:00食店外已人山人海等食，身旁男子想食一件咁大把，於是單件外賣企係度食，至尊pizza大批size一件，pizza card折實$18，企係度拎住黎食，抵食之餘，又醫醫地肚，真正小食多滋味~

星期日下晝,同朋友黎食下午茶,估唔到咁既時間都要等位...千島海鮮厚批:簡直係必勝客咁多批裡面最好味一款!千島醬勁好味,海鮮又多,食到好多吞拿魚同蟹柳,很好!炸雞籃:係下午茶套餐之一,連兩杯飲品,$59,好豐富呢!有好多件炸雞同脆雞,啖啖肉,又夠香口,仲有兩串雞肉串,不過呢兩串就麻麻,肉比較乾硬,除左雞之外,籃底既連皮薯片又係十分好味,唯一缺點係成籃食物都幾油...肉醬釀茄子:一碟三件,比想像中大件,肉醬有芝士汁,少少漏,但味道佳,好香,入口好淋,唔算油,幾好!鮮果沙律:雖然咩都有(士多啤梨,蘋果,水蜜桃,蜜瓜,奇異果等),但係份量好少,唔抵食!碎冰朱古力:唔太濃,一般。(有cream的,唔食記住叫佢走cream)三個人食以上既野,食到好飽,但係大家都覺得好好味呢!

食過california pizza kitchen,pizza express,domino 等連鎖店，始終覺得pizza hut才是我倆那杯茶。意式風情普通批，熱辣辣一定好味，足料香脆。菠菜雞皇意粉，雞塊嫩滑，可一試。另追加瑞士雞翼，第一次以$10 coupon換取，賣相麻麻，但又出奇地好味，食到lam lam 利~

姪仔就快兩歲,當然要精心挑選D禮物俾佢\,叫埋媽咪幫下眼,左挑右選一大輪,終於完成任務,希望姪仔鍾意啦!好想坐低休息下,呢度近近地又有下午茶,就呢度啦叫左蒜蓉包~我一直覺得pizza hut最好食的是蒜蓉包,即焗要等下,但值得,個包好熱好脆,蒜蓉下得足好香,好好食,媽咪都好鍾意辣味雞翼~佢\話辣,其實我同媽咪都唔覺佢\辣,不過都幾好食熱奶茶、凍咖啡~普通如果叫我去pizza hut食pizza,我真係無興趣,但食下tea又ok,個蒜蓉包的確好掂!!