必勝客

營業中

休息中

下午茶好抵食呀！$40一盒焗飯／意粉包野飲/湯，外賣自取。海鮮濶條麵食完一次就次次都食返呢款，唔大盒，不過下午茶飲埋野飲就一定夠食！網上落order,20分鐘有得拎，仲可以拎埋芝士粉！一打開個盒，d芝士味爆出黎！撈兩撈再加芝士粉，成間房都聞到d cheese嘅香~引死隔離！雖然係外賣，但比以前嘅意粉好食左好多！入面有唔少海鮮咖，青口，墨魚，蟹柳......最緊要係d白汁一定夠cover晒d濶條麵！鐘意食carbonara嘅應該都會鐘意。$40有咁嘅享受，一流！

夜晚八點半網上叫左外賣送去香港大學本部，email 返黎 notification 話 21:13 出車，等到 21:30 都仲未送到。打電話過去話出左車，要半個鐘後先送到。其實係香港大學本部*行路*過去聖士提反里 3號 pizza hut 都唔使半個鐘!!!!!

PIZZA HUT近期推出的扭扭芝心批, 正雖然係外賣, 雖然我食個時已經放左半個鐘但個批仍然仲有少少暖批面好多肉粒同辣肉腸, 而我最喜歡就係批邊既扭扭芝士粒因為我個人好喜歡食芝士, 所以食到好滿足其他飯, 湯, 小食全部無食, 食了兩件批已經飽晒好味

今日屋企人開party叫左2個pizza個set$221,有1個要左芝心,自取再9折共$209.7早左到,要等,ok!準時拎走勁熱辣辣~2個都試食左-超級至尊:good!不過有d料我唔中意...-海鮮:都好好味!不過我唔中意個醬....冇計啦我太偏食啦~我最中意都係最原始既火腿芝士芝脆批!

星期六天氣凍, 唔想出街食叫左個PIZZA外賣,第一次食到甘凍既PIZZA老婆既外婆住係薄扶林村PIZZA唔會送到入來, 而係要自己出去村口拎都算啦叫左個蟹柳芝脆批餐(AIG信用卡推廣個款)一來到已經係即食,但只係暖暖地而且舖係面既只係蟹柳, 而唔係蟹肉, 流野白汁闊條麵好味,但都係微暖燒豬仔骨, 切開得三件, 唔夠分我以為$188既餐係四人餐添因為來既係大批, 唔知點

好平好平! $25有個飯/意粉, 包野飲/湯!!葡汁雞飯加忌廉雞湯!!真係勁好味呀!!! 平過去茶餐廳~

因為五月份Pizza Hut0既會員優惠係85折呀，六月份又轉左喇，就係食夠$120，加$10可換雞翼一客…所以五月好抵呀﹗

上星期六,屋企人0係呢間pizza hut叫0左個餐,原價198蚊,但我地改意粉,所以加10蚊,變0左$208.但唔知點解,雖然我有九折卡,外賣自取有九折,但埋單時竟然有85折!!所以咁多0野食都係176蚊,抵!個餐有4碗湯,一個大pizza,我地要至尊,個意粉係海鮮寬條麵,另外有個白汁雞皇飯,仲要小食一客,我地要肉丸.我地5大2小,都食唔哂,真係好多,可能媽咪自己煮0左d粥食啦,所以最終呢堆食物都食唔哂.其實我家姐想叫超級至尊的,佢落order都係話超級至尊,諗住加錢就得,個服務員覆我姐姐都係話超級至尊.點知俾錢時,先發現佢冇幫我地加錢轉超級至尊,做出黎的依然係至尊....都做0左啦,唔通叫人地整過咩,咪唯有照食囉...

今日dayoff,就叫pizza hut 0既午餐,又係好抵~~$116 --> 一個大厚的意式風情(原價112),一個焗豬扒飯(原價39),一條蒜茸包,2碗湯(我有九折卡,外賣自取就104.4)個pizza梗係好食啦,而且冇牛肉,唔洗走牛肉(因為媽媽唔食牛),個焗豬飯係一個驚喜,其實原本想叫意粉,但今期得香蒜肉絲同肉醬意,所以叫0左第三個選舉,就係飯.佢個飯酸酸甜甜好開胃,入面0既菇仲要係鮮蘑菇,都几大粒~媽媽,我同工人都食得好飽,而且都食唔哂,我地都覺得好抵食!!!

下午叫左個外賣自取套餐,好抵,想同大家分享下~我地叫個超級至尊$122,加1蚊有個意粉,8隻雞翼同一盒薯蓉,係咪好抵呀!!!!即$123有齊以上野,而且只限pizza hut會員,同一定要外賣自取,咁我用會員卡又有9折,即$111就可以食到好飽喇...